17
qarşılıqlı əlaqəsini təmin etməkdən ibarətdir. Həmçi-
nin təbii ehtiyatların kəmiyyət və keyfiyyət göstəricilə-
rindən asılı olaraq iqtisadi cəhətdən qiymətləndirilməsi-
ni müəyyənləşdirir. Fənnin elmi əhəmiyyətinə gəldikdə
qeyd olunmalıdır ki, həyatın inkişaf qanunauyğunluqla-
rı, müxtəlif proseslərin və təbii hadisələrin dərk olunma-
sı, təbii obyektlərin müşahidəsi, öyrənilməsi, təhlili və
sintezi nəticəsində mümkün olur.
İnsanlarla təbiətin qarşılıqlı əlaqəsinin təhlili icti-
mai elm sahələrinin, ilk növbədə fəlsəfə elmlərinin inki-
şafını sürətləndirir. İnsanın təbiətə münasibətinin obyek-
tiv qiymətləndirilməsinin elmi əsasını təbiətin dialekti-
kası təşkil edir.
Təbiət bütün elmlərin və biliklərin mənbəyidir. İn-
san şüuru ilə təbiəti öyrənərkən obyektiv qanunları kəşf
edirsə bu qanunlara əsasən təbii qüvvələri və prosesləri
cəmiyyətin istifadəsinə verir.
Təbiətdən istifadənin əsas vəzifələrindən biri isteh-
sal vasitələrinin təkmilləşdirməklə təbii ehtiyatların isti-
fadə xüsusiyyətləri, istifadə dərəcəsi və səmərəliliyini
müəyyənləşdirməkdir. İkinci tərəf isə təbii resurslardan
istifadə zamanı məhsuldarlığı artırmaqla yanaşı insanın
yaşadığı mühitin mühafizəsinə riayət olunmasıdır. Ha-
zırda bu məsələ təbiətdən istifadənin mühüm qlobal mə-
sələləri kimi qiymətləndirilir.
Təbii sərvətlərdən səmərəli və kompleks istifadə
edilməsində əsas vəzifə müəyyən əmək və məsrəf mü-
qabilində istər ərazi, istərsə də istehsal sahələri üzrə on-
ların iqtisadi səmərəliliyinin artmasından, ətraf təbii mü-
hitə dəyən zərərin əvvəlcədən aradan qaldırılmasını tə-
18
min etməkdən ibarətdir. Bu, hasilat və emal vaxtı itiril-
miş sərvətlərin hesabına torpağa, suya, havaya, bitki və
heyvanat aləminə, əhaliyə dəyən zərərin aradan qaldırıl-
ması məqsədilə, sonradan görülən tədbirlərdən xeyli ucuz
və səmərəli olar.
3. Ətraf mühitdən istifadənin iqtisadiyyatı
kursunun əhəmiyyəti
Bizi əhatə edən maddi aləm təbiət adlanır. Təbiət
insanlardan asılı olmayaraq həmişə olub və olacaqdır.
Təbiəti öyrənən elm-təbiətşünaslıq adlanır. Təbiətşünas-
lıq elmi canlı və cansız təbiət hadisələrini öyrənir. Tə-
biət dedikdə - günəş, ay, ulduzlar, torpaq, daş, qaya, su,
bitki, heyvanlar və s. təsəvvür edilir. Təbiət iki yerə ay-
rılır: canlı təbiət və cansız təbiət. Günəş, ay, ulduz, bu-
lud, su, hava, cansız təbiətdir. Bitki, heyvan və insan
canlı təbiətdir. Canlı və cansız təbiətin fərqi çoxdur.
Bitki və insan qidalanır, tənəffüs edir, çoxalır və məhv
olur. Bu xüsusiyyətləri cansız təbiətə aid etmək olmaz.
Cansız təbiətin sirlərini öyrənməklə maddi
nemətlər əldə edirik. Filizlərdən qiymətli metallar alınır.
Dəmirdən maşınlar, dəmir-yolları relsləri hazırlayırlar.
Alüminiumdan qab-qacaq, müxtəlif cihazlar və təyya-
rələr düzəldilir. Təbiət haqqında biliklərimiz artdıqca in-
sanlar radio, televizor, telefon ixtira etmiş, raketlər dü-
zəldib kosmosa yol açmışlar. İnsanlar aya uçmuş, başqa
planetlərə avtomat stansiyalar göndərmişlər.
Təbiəti
öy-
rənməyin bizim sağlamlığımızı qorumaq üçün də böyük
əhəmiyyəti var. Havanın zəhərlənməsi, suların və tor-
19
pağın çirklənməsi insanların sağlamlığı üçün qorxu ya-
radır. Bizim hazırda öyrənəcəyimiz elm isə Ətraf Mühi-
tin İqtisadiyyatı (ƏMİ) adlanır. İqtisada aid müxtəlif
elmlər iqtisad elminin tərkibinə daxildir. Onlardan biri
də ƏMİ elmidir. Bu elmin də bir çox elmlər kimi öz
predmeti, istiqaməti vardır. ƏMİ elmi təbiətdə baş verən
bütün hadisələri, müxtəlif istehsal qurumlarında təsərrü-
fatın təşkili, inkişafı, ətraf mühitin qorunması, təbiətlə
cəmiyyətin qarşılıqlı əlaqəsinin qanunauyğunluqlarını
öyrədir. ƏMİ elminin qarşısında duran əsas məqsədlər-
dən biri də bazar iqtisadiyyatı şəraitində daxili ehtiyatla-
rın aşkara çıxarılıb səmərəli istifadə olunmasına, ətraf
mühitin qorunması üçün bütün vasitələrə - xüsusilə tul-
lantısız məhsul istehsalına, minimum əmək və vəsait
sərf etməklə maksimum məhsul alınmasına nail olmaq-
dır. Bunlarda ayrı-ayrı istehsalçılar arasında gedən
rəqabət mübarizəsində mühüm amildir. Odur ki, üstün-
lük əldə etmək üçün daha səmərəli metodlardan istifadə
edilir. Rəqabət isə yüksək keyfiyyətli məhsul alınmasını
təmin edən çox mühüm amildir.
Ətraf mühitin iqtisadiyyatı (ƏMİ) elmi bir çox elm-
lərlə sıx bağlı olub, onların nailiyyətlərindən bəhrələnir,
zənginləşir və inkişaf edir. Amma predmet baxımından
onları eyniləşdirmək olmaz. ƏMİ elmi, təbiətdə baş ve-
rən bütün hadisələrə kompleks baxımdan yanaşan elmdir.
Bu elm sonralardan yaranmış və özündə bir çox elmləri
(geologiya, demoqrafiya, torpaqşünaslıq, təbiətşünaslıq,
botanika, meteoroloqiya, coğrafiya, fizika, tibbi, texniki,
meşəçilik, kənd təsərrüfatı və s.) birləşdirmişdir.
Bu elmin meydana gəlməsinə, cəmiyyətlə təbiətin
20
qarşılıqlı əlaqəsinin genişlənməsi, təbii sərvətlər ehtiya-
tından istifadə edilməsinin daha çox aktuallaşması və
vacibliyi səbəb olmuşdur. Başqa sözlə desək – istehsal-
edici qüvvələrin inkişaf prosesinin dərk edilməsinin ge-
nişlənməsi və dərinləşməsi yeni bir elmin yaranmasına
səbəb olmuşdur ki, bu da istehsal münasibətləri formala-
rının səmərəli istifadəsi, təbii sərvətlər istehsalını və ət-
raf mühitin mühafizəsi prosesini əks etdirir. Ətraf mühi-
tin iqtisadiyyatı (ƏMİ) elmi iqtisadi coğrafiya ilə sıx
əlaqədardır və xalq təsərrüfatı sahələrinin inkişaf etdiril-
məsinin planlaşdırılması məsələlərinin həllində əsas mə-
lumatları formalaşdırır. ƏMİ -nin formalaşması əsasən,
cəmiyyətin əməyinin fəaliyyəti nəticəsində əmələ gəlir
ki, bu da ətraf mühitə təsir edən, onun elmi-texniki tə-
rəqqisini təmin edən çox mühüm amildir.
Sistemli (nizamlı) yanaşma prinsipi – obyekt ele-
mentlərinin qarşılıqlı əlaqəsinin tədqiqatlarının komp-
leksli təşkilidir. ƏMİ-nin problemlərinin qarşıya qoyul-
muş məsələlərin həllində sistemli yanaşma olmadan,
tədqiqat aparılan amillərin ardıcıllığının təmin edilməsi
mümkün olmaz. Bir sıra iqtisadi elmlər sahəsi (ətraf
mühitin iqtisadiyyatı, kənd təsərrüfatının iqtisadiyyatı,
sənayenin iqtisadiyyatı, nəqliyyatın iqtisadiyyatı və s.)
iqtisadiyyat elmi kimi qəbul olunur. Ictimai elmlər sıra-
sına aid edilən bu biliklər sistemi bilavasitə siyasi iqtisa-
dın bir elm kimi meydana gəlməsi ilə yaranmışdır. Cə-
miyyətin iqtisadi bazisini tədqiq edən elmlər sırasında
əsas yeri siyasi iqtisad elmi tutur. Siyasi iqtisad insan
cəmiyyətinin müxtəlif inkişaf mərhələsində maddi ne-
mətlərin istehsalını, mübadiləsini, bölgüsünü və istehla-
Dostları ilə paylaş: |