AZƏRBAYCAN RESPUBLİKASININ
DÖVLƏT İMTAHAN MƏRKƏZİ
B A K A L A V R Ü Ç Ü N
Y A D D A Ş
K İ T A B Ç A S I
(magistratura səviyyəsinə qəbul imtahanlarının II mərhələsi üçün)
Aşağıdakıları imtahana gətirmək qəti qadağandır:
İmtahan binasına giriş zamanı üzərində mobil telefon və digər
rabitə vasitələri, konspekt və başqa yardımçı vasitələr aşkar
olunan bakalvrlar barədə akt tərtib olunur, bu vasitələr və onların
imtahan sənədləri alınır və onlar imtahan binasına buraxılmırlar.
2017
2
ƏZİZ BAKALAVRLAR!
Dövlət İmtahan Mərkəzi (DİM) təhsilinizi davam etdirmək istəyinizi bəyənir və sizə uğurlar
arzulayır!
DİM-in məqsədi biliklərinizi nümayiş etdirmək üçün sizə eyni şərait yaratmaq, imtahanda
şəffaflığı, aşkarlığı və obyektivliyi təmin etməkdir.
Əgər yüksək bilik nümayiş etdirsəniz və imtahanın texnoloji tələblərinə düzgün əməl etsəniz,
uğur qazanacağınıza tamamilə əmin ola bilərsiniz.
İMTAHANDA İŞTİRAK ETMƏK ÜÇÜN AŞAĞIDAKILARA ƏMƏL ETMƏLİSİNİZ:
1.
Siz buraxılış vərəqənizdə göstərilən vaxtda imtahan verəcəyiniz binanın qarşısına gəlməli (bina
haqqında məlumat imtahana buraxılış vərəqənizdə göstərilmişdir), özünüzlə mütləq qara və ya
tünd göy rəngdə yazan, mürəkkəb axıtmayan diyircəkli qələm və (və ya) HB sərtliyində sadə
karandaş, qələmyonan, pozan və aşağıdakı sənədləri gətirməlisiniz:
-
şəxsiyyəti təsdiq edən sənədi (Azərbaycan Respublikasının vətəndaşları şəxsiyyət
vəsiqələrini, əcnəbilər icazə vəsiqələrini və pasportlarını, vətəndaşlığı olmayan
şəxslər yaşadıqları ölkənin hüdudlarından kənara getmək üçün onlara verilən
sənədləri və icazə vəsiqələrini, Azərbaycan Respublikasında daimi yaşayan
vətəndaşlığı olmayan şəxslər şəxsiyyət vəsiqələrini, qaçqın statusu almış şəxslər və
onların ailə üzvləri isə qaçqın vəsiqələrini, onlara verilmiş yol sənədini, beynəlxalq
müqavilələrdə nəzərdə tutulmuş hallarda digər sənədləri və ya icazə vəsiqələrini;
-
imtahana buraxılış vərəqəsini
DİQQƏT!
Göstərilən sənədlərdən biri olmadıqda və ya sənədlər arasında uyğunsuzluq
olduqda imtahana buraxılmayacaqsınız!
2.
Göstərilən sənədləri imtahan binasının giriş qapısında buraxılış rejimini həyata keçirən mühafizə
əməkdaşlarına təqdim edib yoxlamadan keçdikdən sonra imtahana buraxılış vərəqənizdə
göstərilmiş müvafiq kodlu zala gedin.
BAKALAVRIN İMTAHAN ZALINDA GÖRƏCƏYİ İŞLƏR:
1.
İmtahan zalında imtahana buraxılış vərəqəsində göstərilən sıra və yerdə oturduqdan sonra
nəzarətçinin izahatını diqqətlə dinləyin. Aydın olmadıqda əlinizi qaldırıb nəzarətçiyə müraciət
edin.
2.
İzahat işi qurtardıqdan sonra sizə cavab kartı paylanır. Cavab kartını qara və ya tünd göy rəngdə
yazan mürəkkəb axıtmayan diyircəkli qələmlə və ya sadə karandaşla doldurun. Cavab kartındakı
məlumatlar optik qurğu vasitəsilə oxunur. Ona görə də cavab kartı ilə işləyərkən ehtiyatlı olun.
Dairələri tam qaralayın (nümunə), kartın əks üzünün qabarmaması üçün qələmi bərk
basmayın. Kartı əzmək, ləkələmək, zədələmək və ya cırmaq olmaz.
DİQQƏT! KORLANMIŞ CAVAB KARTI DƏYİŞDİRİLMİR.
Cavab kartının 1-ci bölməsində iş nömrəniz, soyadınız, adınız və atanızın adı çap edilmişdir.
Özünüz haqqında çap edilmiş həmin məlumatları yoxlayın. Uyğunsuzluq aşkar etdikdə mütləq
nəzarətçiyə müraciət edib məsələyə aydınlıq gətirin.
2-ci bölmədə özünüz haqqında məlumatı yazın və bu bölmədəki qaydalara zidd hərəkətə yol
verməyəcəyiniz barədə bəyannamə ilə tanış olun. Cavab kartında çap edilmiş məlumatların
düzgünlüyünü və bəyannamə ilə tanış olduğunuzu öz imzanızla təsdiq edin.
Cavab kartının arxa üzündə iş nömrənizin hər bir rəqəmini nəzərdə tutulmuş damalara sol
xanadan başlayaraq rəqəmlərin cavab kartında göstərilmiş nümunədəki şablonuna uyğun olaraq
yazın, hər bir damanın altındakı sütunda uyğun rəqəmi tapıb, onun yerləşdiyi dairəni tam
qaralayın. Bu zaman diqqətli olun: hər sütunda yalnız bir dairə qaralanmalıdır. Bu bölmədə
həmçinin soyadınızı, adınızı müvafiq sətirlərə yazın və imza edin.
3. Sonra sizə üzərində iş nömrəniz, soyadınız, adınız, ata adınız və qəbul proqramınızın nömrəsi
qeyd olunmuş sual kitabçası verilir.
3
DİQQƏT! Sizə verilən sual kitabçasının üzərində çap edilmiş iş nömrəsi, soyad, ad, ata adı
və proqram nömrəsi sizə məxsus deyilsə, dərhal nəzarətçiyə müraciət edin.
Nəzarətçi sual kitabçalarını açmağa icazə verdikdən sonra onu vərəqləyərək mətbəə qüsurlarının
olub-olmadığını yoxlayın. Belə qüsurlar varsa, nəzarətçiyə müraciət edin.
4. “İmtahan başlandı!” elan edilən andan suallara cavab vermək üçün ayrılan 1 saat 30 dəqiqəlik
vaxtdan səmərəli istifadə edin. Cavabların cavab kartında qeyd olunması (uyğun dairələrin
qaralanması) üçün sərf olunan vaxt da imtahan müddətinə daxildir.
5. Sizə ixtisas üzrə biliklərinizi yoxlamaq üçün 50 test sualı təqdim olunur. 1) 1-45 saylı suallar
qapalı tipli test tapşırıqlarıdır. Bu sualların hər birinə verilmiş 5 cavabdan düzgün hesab
etdiyiniz bir cavabı seçin. “Cavab kartı”nda müvafiq sualın nömrəsini tapın və nömrənin
qarşısında seçdiyiniz cavaba uyğun ola dairəni tam qaralayın. Əgər bir suala cavab olaraq iki və
daha çox dairə qaralanarsa, həmin cavab səhv hesab edilir. 2) 46-50 saylı suallar açıq tipli test
tapşırıqlarıdır. Bu test tapşırıqlarının hər birinin cavabını (rəqəmlər, və varsa, nöqtə ardıcıllığını)
bu cavab üçün nəzərdə tutulmuş damalara sol xanadan başlayaraq “cavab kartı”ndakı nümunədə
göstərilən şablona uyğun olaraq yazın. Sonra hər damanın altındakı sütunda uyğun rəqəmi tapıb
onun yerləşdiyi dairəni tam qaralayın. Əgər eyni bir sütunda birdən çox dairə qaralanarsa,
onda cavab səhv hesab edilir.
Hər bir sualın düzgün cavabı bir balla qiymətləndirilir. Səhv cavabların nəticəsi düzgün
cavabların nəticəsinə təsir etmir.
Ballarınız hesablanarkən yalnız cavab kartında qaraladığınız cavablar nəzərə alınır.
DİQQƏT! Başqasının cavablarını köçürməyin. Özünüz də diqqətli olun ki, sizin cavablarınızı
heç kim köçürməsin. Nəticələriniz yoxlanarkən xüsusi araşdırma zamanı köçürmə faktı aşkar
edilərsə, imtahan nəticələriniz ləğv olunacaqdır.
6.
Hesablamaları və qeydləri aparmaq üçün sual kitabçalarında boş yerlər nəzərdə tutulmuşdur.
Buna görə də əlavə kağızdan istifadə etməyə icazə verilmir.
DİQQƏT! Aşağıdakı qəbul proqramlarını seçən bakalavrlar ixtisas üzrə test tapşırıqlarını
cavablandırmaq əvəzinə yazılı imtahan verirlər:
*
41 saylı proqramı seçən bakalavrlar təqdim olunmuş mövzu üzrə inşa (esse) yazırlar.
Yazı işi bakalavrların ərizələrində qeyd etdikləri ixtisaslaşma dilində yerinə yetirilir;
*
43 saylı proqramı seçən bakalavrlar təqdim olunmuş mətni imtahanın birinci
mərhələsini verdikləri dildən (Azərbaycan və ya rus dilindən) ərizələrində qeyd
etdikləri ixtisaslaşma dilinə yazılı tərcümə edirlər;
*
44 saylı proqramı seçən bakalavrlar təqdim olunmuş mövzu üzrə inşa (esse) yazırlar.
Yazı işi bakalavrların imtahanın birinci mərhələsini verdikləri dildə (Azərbaycan və
ya rus dilində) yerinə yetirilir;
*
12, 24, 25, 29, 30, 51, 52, 57, 60, 61-65 saylı proqramları seçən bakalavrlar təqdim
edilmiş suallara yazılı formada cavab verirlər. Yazı işi bakalavrların imtahanın
birinci mərhələsini verdikləri dildə (Azərbaycan və ya rus dilində) yerinə yetirilir.
Yazı işləri 50 ballı şkalada qiymətləndirilir.
Bu bakalavrlara sual kitabçalarının paylandığı vaxtda cavab kartı və sual kitabçası
əvəzinə üzərində onun iş nömrəsi, soyadı, adı, ata adı, bina və zalın kodu, yazı işinin dili,
ixtisas üzrə yazı işinin mövzusunun (və ya tərcümənin mətninin) və ya ixtisas üzrə
sualların çap olunduğu yazı işi verilir.
7. “İmtahan qurtardı!” elan olunduqda cavab kartınızı və sual kitabçanızı (və ya yazı işinizi)
nəzarətçiyə mütləq təhvil verin.
8. Cavab kartının və sual kitabçasının (və ya yazı işinin) təhvil verilməsinə görə bakalavr
şəxsən məsuliyyət daşıyır. Cavab kartını və sual kitabçasını (və ya yazı işini) nəzarətçiyə təhvil
verdikdən sonra imtahana buraxılış vərəqəsində nəzarətçiyə imza etdirməlisiniz. Cavab kartını
və sual kitabçasını (və ya yazı işini) nəzarətçiyə təhvil verməsəniz, imtahan nəticələriniz ləğv
olunacaqdır.
4
9. Siz cavab kartlarının (və ya yazı işlərinin) sayılıb zərfə qoyularaq bağlanmasında iştirak edib,
zərfin üzərindəki protokolu imzalaya bilərsiniz.
BAKALAVRA QADAĞANDIR:
-
saxta sənəd təqdim etmək, imtahana öz yerinə başqasını göndərmək;
-
imtahana binasına (zalına) mobil telefon və digər rabitə vasitələri, kalkulyator və digər elektron
cihazlar, konspekt, lüğət, cədvəl, məlumat kitabçası, xarici yaddaş qurğuları və başqa yardımçı
vasitələr gətirmək və onlardan istifadə etmək;
- yandırıcı, partlayıcı, kəsici, deşici, atıcı və digər bu növ əşyalarla imtahan binasına girmək, özü
ilə siqaret gətirmək;
- sual kitabçaları (yazı işləri) paylandıqdan sonra hər hansı bir səbəbə görə imtahan zalını tərk
edib yenidən geri dönmək;
- nizam-intizam qaydalarını pozmaq;
- zalda yerini dəyişmək, gəzişmək, yerindən durmaq və bu kimi hallarla imtahanın gedişinə mane
olmaq;
- başqasının cavab kartına, sual kitabçasına (və ya yazı işinə) baxmaq və ya öz cavab kartına,
sual kitabçasına (və ya yazı işinə) başqasının baxması üçün şərait yaratmaq;
- “İmtahan başlandı” elan olunan andan 1 saat keçənədək və imtahanın son 15 dəqiqəsi
ərzində imtahan zalını tərk etmək;
- nəzarətçiyə test tapşırıqlarının həllində kömək üçün müraciət etmək.
-
cavab kartını və sual kitabçasını (və ya yazı işini) nəzarətçiyə təhvil vermədən imtahan zalından
çıxmaq.
Belə hallar aşkar olunarsa, həmin bakalavr imtahandan xaric olunacaq və onun imtahan
nəticələri ləğv olunacaqdır. Bu qərardan inzibati qaydada və ya məhkəməyə şikayət verilə
bilər.
DİM-in bakalavrın imtahan qaydalarına zidd hərəkətini imtahandan sonra da aşkar etmək üçün
müxtəlif üsulları vardır.
Ali təhsil müəssisələrinin və Azərbaycan Milli Elmlər Akademiyasının magistratura səviyyəsinə
qəbul qaydalarına görə bakalavr öz üzərinə götürdüyü öhdəlikləri pozduqda və xüsusi araşdırmalar
nəticəsində müəyyən pozuntular (saxta sənəd təqdim etmə, köçürmə və ya köçürməyə şərait
yaratma, imtahana öz yerinə başqasını göndərmə və qaydalara zidd hərəkətlərə və digər
saxtakarlıqlara yolvermə) aşkar edildikdə onun imtahan nəticələri ləğv olunur və onun haqqında
müvafiq inzibati-hüquqi tədbirlərin görülməsi nəzərdə tutulmuşdur. Siz cavab kartının 2-ci
bölməsində belə hallara yol verməyəcəyiniz barədə öz üzərinizə öhdəlik götürərək Bəyannamə
imzalayırsınız.
Əgər siz imtahan zamanı qaydaların pozulması halları ilə rastlaşsanız, mütləq nəzarətçiyə
müraciət edin, nəzarətçi lazımi ölçü götürməzsə, imtahan rəhbərinin və ya DİM nümayəndəsinin
zala gəlməsini tələb edin.
Nəzarətçi müəllimlər qeyri-fənn müəllimləridir. Onların vəzifəsi imtahanın gedişi zamanı
nizam-intizam yaratmaqdır. İmtahanın başlandığı elan edildikdən sonra sizin onlara sual verməniz,
onların sizə yaxınlaşıb hər hansı bir məlumat almaq üçün müraciət etməsi imtahan qaydalarına
ziddir.
Nəzarətçi müəllimlərin fəaliyyəti imtahan prosesinin tələblərinə uyğun olmazsa, bu barədə
imtahan rəhbəri zala gəldikdə ona məlumat verin. İmtahan binasından çıxdıqdan sonra imtahanın
gedişi ilə əlaqədar şikayətlərə baxılmayacaqdır.
Sizə müvəffəqiyyətlər arzulayırıq!
Dostları ilə paylaş: |