V. Azәrbaycan Respublikasının Konstitusiya Mәhkәmәsi, Azәrbaycan Respublikasının Ali
Mәhkәmәsi vә Azәrbaycan Respublikasının apellyasiya mәhkәmәlәri hakimlәrinin işdәn
kәnarlaşdırılması haqqında qәrar Azәrbaycan Respublikasının Milli Mәclisindә 83 sәs çoxluğu
ilә qәbul edilir; başqa hakimlәrin işdәn kәnarlaşdırılması haqqında qәrar Azәrbaycan
Respublikasının Milli Mәclisindә 63 sәs çoxluğu ilә qәbul edilir.
M a d d ә 1 2 9 . Mәhkәmә qәrarları vә onların icrası
[25]
I. Mәhkәmәnin qәbul etdiyi qәrarlar dövlәtin adından çıxarılır vә onların icrası mәcburidir.
II. Mәhkәmә qәrarının icra olunmaması qanunla müәyyәn edilmiş mәsuliyyәtә sәbәb olur.
III. Mәhkәmә qәrarı qanuna vә sübutlara әsaslanmalıdır.
M a d d ә 1 3 0 .
Azәrbaycan Respublikasının Konstitusiya Mәhkәmәsi
I. Azәrbaycan Respublikasının Konstitusiya Mәhkәmәsi 9 hakimdәn ibarәtdir.
II. Azәrbaycan Respublikası Konstitusiya Mәhkәmәsinin hakimlәrini Azәrbaycan
Respublikası Prezidentinin tәqdimatı ilә Azәrbaycan Respublikasının Milli Mәclisi tәyin edir.
III. Azәrbaycan Respublikasının Konstitusiya Mәhkәmәsi Azәrbaycan Respublikası
Prezidentinin, Azәrbaycan Respublikası Milli Mәclisinin, Azәrbaycan Respublikası Nazirlәr
Kabinetinin, Azәrbaycan Respublikası Ali Mәhkәmәsinin, Azәrbaycan Respublikası
Prokurorluğunun, Naxçıvan Muxtar Respublikası Ali Mәclisinin sorğusu әsasında aşağıdakı
mәsәlәlәri hәll edir:
1) Azәrbaycan Respublikası qanunlarının, Azәrbaycan Respublikası Prezidentinin fәrman
vә sәrәncamlarının, Azәrbaycan Respublikası Milli Mәclisinin qәrarlarının, Azәrbaycan
Respublikası Nazirlәr Kabinetinin qәrar vә sәrәncamlarının, mәrkәzi icra hakimiyyәti
orqanlarının normativ hüquqi aktlarının Azәrbaycan Respublikası Konstitusiyasına uyğunluğu;
2) Azәrbaycan Respublikası Prezidentinin fәrmanlarının, Azәrbaycan Respublikası Nazirlәr
Kabinetinin qәrarlarının, mәrkәzi icra hakimiyyәti orqanlarının normativ hüquqi aktlarının
Azәrbaycan Respublikası qanunlarına uyğunluğu;
3) Azәrbaycan Respublikası Nazirlәr Kabinetinin qәrarlarının, mәrkәzi icra hakimiyyәti
orqanlarının normativ hüquqi aktlarının Azәrbaycan Respublikası Prezidentinin fәrmanlarına
uyğunluğu;
4) Azәrbaycan Respublikası Ali Mәhkәmәsinin qәrarlarının qanunda nәzәrdә tutulmuş
hallarda Azәrbaycan Respublikası Konstitusiyasına vә qanunlarına uyğunluğu;
5) bәlәdiyyә aktlarının Azәrbaycan Respublikası Konstitusiyasına, Azәrbaycan Respublikası
qanunlarına, Azәrbaycan Respublikası Prezidentinin fәrmanlarına, Azәrbaycan Respublikası
Nazirlәr Kabinetinin qәrarlarına (Naxçıvan Muxtar Respublikasında hәm dә Naxçıvan Muxtar
Respublikasının Konstitusiyasına, qanunlarına vә Naxçıvan Muxtar Respublikası Nazirlәr
Kabinetinin qәrarlarına) uyğunluğu;
6) Azәrbaycan Respublikasının qüvvәyә minmәmiş dövlәtlәrarası müqavilәlәrinin
Azәrbaycan
Respublikası
Konstitusiyasına
uyğunluğu;
Azәrbaycan
Respublikasının
hökumәtlәrarası müqavilәlәrinin Azәrbaycan Respublikası Konstitusiyasına vә qanunlarına
uyğunluğu;
7) Naxçıvan Muxtar Respublikası Konstitusiyasının, qanunlarının, Naxçıvan Muxtar
Respublikası Ali Mәclisinin qәrarlarının vә Nazirlәr Kabinetinin qәrarlarının Azәrbaycan
Respublikası Konstitusiyasına uyğunluğu; Naxçıvan Muxtar Respublikası qanunlarının,
Naxçıvan Muxtar Respublikası Nazirlәr Kabinetinin qәrarlarının Azәrbaycan Respublikası
qanunlarına uyğunluğu; Naxçıvan Muxtar Respublikası Nazirlәr Kabinetinin qәrarlarının
Azәrbaycan Respublikası Prezidentinin fәrmanlarına vә Azәrbaycan Respublikası Nazirlәr
Kabinetinin qәrarlarına uyğunluğu;
8) qanunvericilik, icra vә mәhkәmә hakimiyyәtlәri arasında sәlahiyyәtlәr bölgüsü ilә bağlı
mübahisәlәr.
IV. Azәrbaycan Respublikasının Konstitusiya Mәhkәmәsi Azәrbaycan Respublikası
Prezidentinin, Azәrbaycan Respublikası Milli Mәclisinin, Azәrbaycan Respublikası Nazirlәr
Kabinetinin, Azәrbaycan Respublikası Ali Mәhkәmәsinin, Azәrbaycan Respublikası
Prokurorluğunun, Naxçıvan Muxtar Respublikası Ali Mәclisinin sorğusu әsasında Azәrbaycan
Respublikasının Konstitusiyasını vә qanunlarını şәrh edir.
V. Hәr kәs onun hüquq vә azadlıqlarını pozan qanunvericilik vә icra hakimiyyәti
orqanlarının normativ aktlarından, bәlәdiyyә vә mәhkәmә aktlarından qanunla müәyyәn
edilmiş qaydada bu maddәnin III hissәsinin 1-7-ci bәndlәrindә göstәrilәn mәsәlәlәrin
Azәrbaycan Respublikasının Konstitusiya Mәhkәmәsi tәrәfindәn hәll edilmәsi üçün
Azәrbaycan Respublikasının Konstitusiya Mәhkәmәsinә pozulmuş insan hüquq vә
azadlıqlarının bәrpa edilmәsi mәqsәdi ilә şikayәt verә bilәr.
VI. Azәrbaycan Respublikasının qanunları ilә müәyyәn edilmiş qaydada mәhkәmәlәr insan
hüquq vә azadlıqlarının hәyata keçirilmәsi mәsәlәlәri ilә bağlı Azәrbaycan Respublikası
Konstitusiyasının vә qanunlarının şәrh edilmәsi haqqında Azәrbaycan Respublikasının
Konstitusiya Mәhkәmәsinә müraciәt edә bilәrlәr.
VII. Azәrbaycan Respublikasının İnsan hüquqları üzrә müvәkkili insan hüquq vә
azadlıqlarını pozan qanunvericilik vә icra hakimiyyәti orqanlarının normativ aktlarından,
bәlәdiyyә vә mәhkәmә aktlarından qanunla müәyyәn edilmiş qaydada bu maddәnin III
hissәsinin 1-7-ci bәndlәrindә göstәrilәn mәsәlәlәrin Azәrbaycan Respublikasının Konstitusiya
Mәhkәmәsi tәrәfindәn hәll edilmәsi üçün Azәrbaycan Respublikasının Konstitusiya
Mәhkәmәsinә sorğu verә bilәr.
VIII. Azәrbaycan Respublikasının Konstitusiya Mәhkәmәsi bu Konstitusiyada nәzәrdә
tutulmuş digәr sәlahiyyәtlәri dә hәyata keçirir.
IX. Azәrbaycan Respublikasının Konstitusiya Mәhkәmәsi öz sәlahiyyәtlәrinә aid edilәn
mәsәlәlәrә dair qәrarlar qәbul edir. Azәrbaycan Respublikası Konstitusiya Mәhkәmәsinin
qәrarı Azәrbaycan Respublikası әrazisindә mәcburi qüvvәyә malikdir. Azәrbaycan
Respublikası Konstitusiya Mәhkәmәsinin qәrarları dәrc edilmәlidir.
[26]
X. Qanunlar vә digәr aktlar yaxud onların ayrı-ayrı müddәaları, Azәrbaycan
Respublikasının hökumәtlәrarası müqavilәlәri Azәrbaycan Respublikası Konstitusiya
Mәhkәmәsinin qәrarında müәyyәn edilmiş müddәtdә qüvvәdәn düşür, Azәrbaycan
Respublikasının dövlәtlәrarası müqavilәlәri isә qüvvәyә minmir.
M a d d ә 1 3 1 . Azәrbaycan Respublikasının Ali Mәhkәmәsi
I. Azәrbaycan Respublikasının Ali Mәhkәmәsi ümumi vә ixtisaslaşdırılmış mәhkәmәlәrin
icraatına aid edilәn mülki, cinayәt vә digәr işlәr üzrә ali mәhkәmә orqanıdır; o, kassasiya
qaydasında әdalәt mühakimәsini hәyata keçirir; mәhkәmәlәrin praktikasına aid mәsәlәlәr üzrә
izahatlar verir.