Azәrbaycan respublikasinin konstitusiyasi

II.  Cinayәt  törәdilmәsindә  tәqsirlәndirilәn  hәr  şәxs  mәhkum  edilmәzdәn  әvvәl 

dinlәnilmәlidir.

 

M a d d ә   6 8 .   Zәrәrin ödәnilmәsini tәlәb etmәk hüququ

 

I.  Cinayәt,  habelә  hakimiyyәtdәn  sui-istifadә  nәticәsindә  zәrәr  çәkmiş  şәxsin  hüquqları 

qanunla  qorunur.  Zәrәr  çәkmiş  şәxsin  әdalәt  mühakimәsinin  hәyata  keçirilmәsindә  iştirak 

etmәk vә ona vurulmuş zәrәrin ödәnilmәsini tәlәb etmәk hüququ vardır. 

II. Hәr kәsin dövlәt orqanlarının yaxud onların vәzifәli şәxslәrinin qanuna zidd hәrәkәtlәri 

vә ya hәrәkәtsizliyi nәticәsindә vurulmuş zәrәrin dövlәt tәrәfindәn ödәnilmәsi hüququ vardır. 

M a d d ә   6 9 .   Әcnәbilәrin vә vәtәndaşlığı olmayan şәxslәrin hüquqları

 

I. Әcnәbilәr vә vәtәndaşlığı olmayan şәxslәr Azәrbaycan Respublikasında olarkәn, qanunla 

vә  ya Azәrbaycan  Respublikasının  tәrәfdar çıxdığı  beynәlxalq  müqavilә  ilә  başqa hal  nәzәrdә 

tutulmayıbsa, Azәrbaycan Respublikasının vәtәndaşları ilә bәrabәr bütün hüquqlardan istifadә 

edә bilәr vә bütün vәzifәlәri yerinә yetirmәlidirlәr. 

II. Azәrbaycan Respublikası әrazisindә daimi yaşayan vә ya müvәqqәti qalan әcnәbilәrin vә 

vәtәndaşlığı  olmayan  şәxslәrin  hüquq  vә  azadlıqları  yalnız  beynәlxalq  hüquq  normalarına  vә 

Azәrbaycan Respublikasının qanunlarına uyğun olaraq mәhdudlaşdırıla bilәr. 

M a d d ә   7 0 .   Siyasi sığınacaq hüququ

 

I.  Hamılıqla  qәbul  edilmiş  beynәlxalq  hüquq  normalarına  uyğun  olaraq  Azәrbaycan 

Respublikası әcnәbilәrә vә vәtәndaşlığı olmayan şәxslәrә siyasi sığınacaq verir. 

II.  Siyasi  әqidәsinә  görә,  habelә  Azәrbaycan  Respublikasında  cinayәt  sayılmayan  әmәlә 

görә tәqib edilәn şәxslәrin başqa dövlәtә verilmәsinә yol verilmir. 

M a d d ә   7 1 .   İnsan vә vәtәndaş hüquqlarının vә azadlıqlarının tәminatı 

[13]

 

I. Konstitusiyada tәsbit edilmiş insan vә vәtәndaş hüquqlarını vә azadlıqlarını gözlәmәk vә 

qorumaq qanunvericilik, icra vә mәhkәmә hakimiyyәti orqanlarının borcudur. 

II.  İnsan  vә  vәtәndaş  hüquqlarının  vә  azadlıqlarının  hәyata  keçirilmәsini  heç  kәs 

mәhdudlaşdıra  bilmәz.  Hәr  kәsin  hüquq  vә  azadlıqları  bu  Konstitusiyada  vә  qanunlarda 

müәyyәn edilmiş әsaslarla, habelә digәrlәrinin hüquq vә azadlıqları ilә mәhdudlaşır. 

III. Müharibә, hәrbi vәziyyәt vә fövqәladә vәziyyәt, habelә sәfәrbәrlik elan edilәrkәn insan 

vә  vәtәndaş  hüquqlarının  vә  azadlıqlarının  hәyata  keçirilmәsi  Azәrbaycan  Respublikasının 

beynәlxalq  öhdәliklәrini  nәzәrә  almaq  şәrti  ilә  qismәn  vә  müvәqqәti  mәhdudlaşdırıla  bilәr. 

Hәyata  keçirilmәsi  mәhdudlaşdırılan  hüquq  vә  azadlıqlar  haqqında  әhaliyә  qabaqcadan 

mәlumat verilir. 

IV. Heç bir halda heç kәs din, vicdan, fikir vә әqidәsini açıqlamağa mәcbur edilә bilmәz vә 

bunlara görә tәqsirlәndirilә bilmәz. 

V.  Bu  Konstitusiyanın heç  bir  müddәası  insan  vә  vәtәndaş  hüquqlarının  vә  azadlıqlarının 

lәğvinә yönәldilmiş müddәa kimi tәfsir edilә bilmәz. 

---

VI. Azәrbaycan Respublikası әrazisindә insan vә vәtәndaş hüquqları vә azadlıqları birbaşa 

qüvvәdәdir. 

VII. İnsan vә vәtәndaş hüquqlarının vә azadlıqlarının pozulması ilә әlaqәdar mübahisәlәri 

mәhkәmәlәr hәll edir. 

VIII.  Heç  kәs  törәdildiyi  zaman  hüquq  pozuntusu  sayılmayan  әmәlә  görә  mәsuliyyәt 

daşımır.  Hüquq  pozuntusu  törәdildikdәn  sonra  yeni  qanunla  bu  cür  hәrәkәtlәrә  görә 

mәsuliyyәt aradan qaldırılmışsa vә ya yüngüllәşdirilmişsә, yeni qanun tәtbiq edilir. 

IX. Hәr kәs qanunla qadağan olunmayan hәrәkәtlәri edә bilәr vә heç kәs qanunla nәzәrdә 

tutulmayan hәrәkәtlәri etmәyә mәcbur edilә bilmәz.

 

X. Dövlәt orqanları yalnız bu Konstitusiya әsasında, qanunla müәyyәn edilmiş qaydada vә 

hüdudlarda fәaliyyәt göstәrә bilәrlәr. 

I V   f ә s i l  

VӘTӘNDAŞLARIN ӘSAS VӘZİFӘLӘRİ 

M a d d ә   7 2 .   Vәtәndaşların vәzifәlәrinin әsası

 

I. Dövlәt vә cәmiyyәt qarşısında hәr bir şәxs onun hüquq vә azadlıqlarından bilavasitә irәli 

gәlәn  vәzifәlәr  daşıyır.  Hәr  kәsin  üzәrinә  vәzifәlәr  yalnız  bu  Konstitusiya  ilә  vә  ya  qanunla 

qoyula bilәr. 

[14]

 

II.  Hәr  bir  şәxs  Azәrbaycan  Respublikasının  Konstitusiyasına  vә  qanunlarına  әmәl  etmәli, 

başqa  şәxslәrin  hüquq  vә  azadlıqlarına  hörmәt  bәslәmәli,  qanunla  müәyyәn  edilmiş  digәr 

vәzifәlәri yerinә yetirmәlidir. 

III. Qanunu bilmәmәk mәsuliyyәtdәn azad etmir. 

M a d d ә   7 3 .   Vergilәr vә başqa dövlәt ödәnişlәri

 

I. Qanunla müәyyәn edilmiş vergilәri vә başqa dövlәt ödәnişlәrini tam hәcmdә vә vaxtında 

ödәmәk hәr bir kәsin borcudur. 

II.  Heç  kәs  qanunla  nәzәrdә  tutulmuş  әsaslar  olmadan  vә  qanunda  göstәrilmiş  hәcmdәn 

әlavә vergilәri vә başqa dövlәt ödәnişlәri ödәmәyә mәcbur edilә bilmәz. 

M a d d ә   7 4 .   Vәtәnә sәdaqәt

 

I. Vәtәnә sәdaqәt müqәddәsdir. 

II. Vәzifәyә seçilmә vә ya tәyinat yolu ilә qanunvericilik, icra vә ya mәhkәmә hakimiyyәti 

orqanlarında  işlәyәn  şәxslәr  öz  vәzifәlәrini  dürüst  vә  layiqincә  yerinә  yetirmәmәyә  görә 

mәsuliyyәt daşıyırlar vә qanunla müәyyәn edilmiş hallarda and içirlәr. 

III. Vәzifәyә seçilmә vә ya tәyinat yolu ilә qanunvericilik, icra vә ya mәhkәmә hakimiyyәti 

orqanlarında  işlәyәn,  Azәrbaycan  Respublikası  Konstitusiyasına  sadiq  qalacağına  and  içmiş 

şәxs  dövlәtә  qarşı  cinayәtdә,  o  cümlәdәn  dövlәtә  qarşı  qiyamda  vә  ya  dövlәt  çevrilişindә 

ittiham  edilibsә  vә  bu  ittiham  әsasında  mәhkum  olunubsa,  hәmin  vәzifәdәn  getmiş  sayılır  vә 

bir daha bu vәzifәni tuta bilmәz. 

M a d d ә   7 5 .   Dövlәt rәmzlәrinә hörmәt

 

---