16
cəmiyyətin yeni tələbatını və texniki imkanlarını əks etdirən ideyaların,
layihələrin meydana çıxması zəruridir. Məmulatlar o vaxta qədər texniki
cəhətdən nümunə kimi əlverişli, faydalı, yaraşıqlı olaraq qalır ki, onların yerinə
yeni, daha mükəmməl məmulatlar yaradılsın.
2. Məmulatın keyfiyyətinə kompleks qiymət vermək üçün qabaqcadan onun
keyfiyyətini ayrı-ayrı qruplara, xarakteristikalara, göstəricilərə görə diferensial
qiymətləndirmək lazımdır. Xüsusi, tək-tək qiymətləndirmədən istifadə etmədən
ümumi qiymətləndirmə qeyri-mümkündür. Məmulatlara tələblər nə qədər çox
hissə-hissə bölünərsə, kompleks qiymətləndirmənin nəticələri bir o qədər dəqiq
olacaqdır.
3. Praktiki olaraq məmulatın keyfiyyət səviyyəsinin müəyyənləşdirilməsi
onları yüksək, orta, aşağı sinifli məmulat-etalonlarla müqayisə etməklə, həmçinin
onların qüvvədə olan standartların və digər normativ sənədlərin tələblərinə
uyğunluğunu müəyyənləşdirməklə təyin edilir.
Tərtib edilmiş bu metodiki ilkin şərtlər istehlak mallarının keyfiyyətinin
kompleks qiymətləndirilməsinin strukturunu və əsas elementlərini işləməyə
imkan yaradır.
İstehlak mallarının keyfiyyətinin kompleks qiymətləndirilməsinin strukturu
bir qayda olaraq aşağıdakı elementlərdən təşkil olunur:
• ayrı-ayrı keyfiyyət göstəricilərinin seçilməsi və onların differensial
qiymətləndirilməsi;
• bu göstəricilərin bir ölçmə sisteminə gətirilməsi (müqayisə olunacaq
şəkildə ifadə olunması);
• müəyyənləşdirilmiş keyfiyyət göstəricilərinin çəkilik parametrlərinin
tapılması;
• məmulatın kompleks keyfiyyət göstəricilərinin əldə edilməsi.
Göstəricilərin seçilməsi və onların diferensial metodla qiymətləndirilməsi
haqqında məlumatlar yuxarıda şərh olunmuşdur. Odur ki, əvvəlcə
qiymətləndirilən bütün keyfiyyət göstəricilərinin müqayisə olunacaq şəkildə
ifadə olunmasını nəzərdən keçirək.
17
Göstərilən məsələnin ən sadə həll üsulu bütün keyfiyyət göstəricilərini
eyni vahidlər sistemində, məsələn bal ilə, faizlə, manatla ifadə etməkdir.
Keyfiyyət göstəricilərinin bal ilə ifadə olunması ya onların bilavasitə bal ilə
ölçülməsi ilə, ya da müəyyən vahidlər sistemində ölçülmüş göstəricilərin bal
qiymətlərinə çevrilməsi ilə həyata keçirilir. Ölçmələrin nəticələrinin vahidsiz
kəmiyyətlərlə (faizlə, vahidin hissələri ilə) ifadə olunması üçün, yuxarıda qeyd
olunduğu kimi məhsulun ölçülən və etalon keyfiyyət göstəricilərinin qiymət
nisbətinin tapılması üsulundan istifadə edilir.
Kompleks qiymətləndirmənin əsas elementlərindən biri çəki əmsalarının
təyin edilməsidir. Çəki əmsalı verilmiş keyfiyyət göstəricisinin digər göstəricilər
sırasında əhəmiyyətlilik dərəcəsini göstərir [3]. Çəkilik parametrlərini təyin
etmək üçün dəyər, ekspert, qarışıq, riyazi-statistik kimi dörd metoddan istifadə
edilir.
Çəki əmsalının dəyər metodu ilə təyin edilməsində i-ci xassənin çəkisinə
bu xassəni təmin edən pul (yaxud əmək) sərfi arqumentinin S
i
monoton artan
funksiyası kimi baxılır:
M
i
= f (S
i
).
Bu asılılıq xətti və ya qeyri-xətti xarakterdə ola bilər, məsələn:
n
i
i
i
S
S
m
1
,
burada
n
i
i
S
1
- bütünlükdə məhsulun keyfiyyətini təmin etmək üçün sərf olunan
xərclərin cəmidir.
Ekspert metodu ilə çəki əmsallarının təyin edilməsi təcrübədə geniş
yayılmışdır və bu üsullardan biri ilə həyata keçirilir: ranqlama, üstüntutulma,
qismən cüt-cüt müqayisə, tam cüt-cüt müqayisə, ardıcıl müqayisəetmə,
kombinəetmə [8].
Daha sadə üsul üstüntutulma üsuludur. Bu üsulun əsas şərti belədir:
ekspert üstüntutulma prinsipi ilə bütün kriterləri nömrələməlidir, məsələn, 1
18
rəqəmi ilə ən mühüm kriter, 2 rəqəmi ilə əhəmiyyətinə görə 1-dən sonra
dayanan kriter və s.
Ranqlama üsulunda baxılan əlamətlər müəyyən sayda hissələrə bölünmüş
şkala üzrə yerləşdirilir. Ekspert hər bir kriterdən qiymət şkalasının hər hansı bir
müvafiq nöqtəsinə xətt keçirməlidir.
Qismən cüt-cüt müqayisə üsulunda kriterlər matrisanın ordinat və absisi
üzrə yerləşdirilir. Ekspertə ya bu matrisanın hər bir blokunda bu blokun
koordinatını təşkil edən iki kriterdən onun rəyinə görə daha qiymətlisini
göstərmək, ya da baxılan hal üçün cütlük həddinin daha qiymətlisini ayırmaq
təklif olunur.
Tam cüt-cüt müqayisə üsulunda kriterlərin siyahısı hər cüt kriterin iki
dəfə aşkar edilməsi səbəbindən iki dəfə artır: bir dəfə A – B ardıcıllığı ilə,
ikinci dəfə B – A ardıcıllığı ilə. Belə yanaşma kriterlərin qarşılıqlı yerləşməsi
ilə bağlı səhvləri istisna edir.
Ardıcıl müqayisəetmə üsulunda ekspertə kriterlər siyahısı təklif olunur.
O, göstərilən kriteriləri dəyərinə görə ardıcıl yerləşdirməlidir (üstüntutma
üsulunda göstərilən kimi). Sonra ekspert bunlardan ən əhəmiyyətlisini seçir və
ona maksimal çəki təyin edir, qalan kriterləri isə onların əhəmiyyətliliyinə görə
yerləşdirir. Daha sonra o, seçdiyi kriterin aşağı qiymətli qalan bütün kriterlərdən
daha əhəmiyyətli olmasını təsdiq edən qərar qəbul edir. Ekspert, əməliyyatları
əhəmiyyətinə görə növbəti kriter üçün təkrar edir. Belə tədqiqat işi o vaxta
qədər davam etdirilir ki, kriterlərə sonuncu qiymət verilsin.
Kombinəetmə üsulunda yuxarıda göstərilən üsullardan hər hansı ikisi
istifadə edilir (məsələn, ranqlama və cüt – cüt müqayisə). Burada məqsəd çəki
əmsallarını dəqiqləşdirmək və onlara nəzarətdir.
Mütəxəssislərin çoxsaylı tədqiqatları göstərmişdir ki, təsvir olunan bütün
üsullar eyni səviyyədə etibarlıdır. Ancaq üstüntutulma üsulu vaxt sərfinə görə
daha səmərəlidir.
Göstərildiyi kimi bir qayda olaraq, ekspertlər çəki əmsallarını təyin edərkən
aşağıdakı şərtdən istifadə edirlər [4]:
Dostları ilə paylaş: |