A
Abduksiya (Abduction) - qolun və ya ayağın tam və ya bir hissəsinin bədənin
şaquli vəziyyətindən kənara doğru hərəkəti.
Abilitasiya (Abilitation) - əlilliyi olan şəxsin mövcud potensialını maksimum
inkişaf etdirməklə onun sərbəst yaşamaq imkanlarının artırılması.
Adaptasiya texnologiyaları (Adaptive technology) - əlilliyi olan şəxslər üçün
internet də daxil olmaqla, istifadəsi tam və ya qismən mümkün olmayan
informasiya-kommunikasiya texnologiyalarına çıxışı təmin edən proqram təminatı
və avadanlıq.
Adaptiv bədən tərbiyəsi (Adaptive physical training) - əlilliyi olan şəxslərdə və
məhdud funksional qabiliyyətli insanlarda müstəqil həyata, idmanda uğurlara,
həyat keyfiyyətnin artırılmasına nail olmaq məqsədilə həyat və peşə əhəmiyyətli
zəruri vərdişlərin, bacarıqların, fıziki və iradə imkanlarının əldə olunması ilə
əlaqəli bədən tərbiyəsinin metodları və vasitələri, habelə məhdud imkanlı insanlar
üçün bədən tərbiyəsi metodlaının, vasitələrin və prinsiplərin istifadə olunmasını
öyrənən elmi istiqamət. Adaptiv bədən tərbiyəsi adaptiv fıziki tərbiyə (təhsil),
adaptiv hərəkət reabilitasiyası, adaptiv fıziki rekreasiya və idman kimi sahələri
ehtiva edir.
Aqrafiya (Agraphia) - yazı prosesinin ağır dərəcədə pozuntusu.
Aleksiya (Alexia) - yazılmış sözlərin və ya hərflərin tanıma qabiliyyətinin
məhdudlaşması səbəbindən mətni oxumaq bacarığının itirilməsi.
Alternativ klaviatura (Alternative keyboard) - adi klaviaturadan klavişaların
həcmi və yerləşməsi ilə fərqlənən və əlilliyi olan insanların istifadəsi üçün nəzərdə
tutulan klaviatura.
Amputasiya (Ampııtation, ablation,abscision) - ətrafların, yaxud hər hansı bir
digər orqanın periferik hissəsinin kəsilməsindən ibarət cərrahi əməliyyat.
Apraksiya (Apraxia) - Böyük beyin yarımkürələri və ya döyənək cismin aparıcı
yollarının zədələnməsindən irəli çıxan məqsədyönlü hərəki fəaliyyət pozğunluğu.
Artroz (Arthrosis) - qığırdaq toxumaının müxtəlif səbəblər üzündən zədələnməsi,
səthin kələ-kötür və çat-çat olmasıdır. Normada oynaqdakı sümüklər arasında
"yumşaq" sürüşmə olduğu halda, artroz zamanı anormal sürtünmə baş verir -
sümüklərin hərəkəti zamanı oynaq səthləri bir-birinə "ilişir".
AĢkar oluna bilən xəbərdarlıq niĢanları(Detectable warnings) - hərəkət
istiqaməti üzrə görmə qabiliyyəti məhdud olan şəxslər üçün təhlükə təşkil edə
biləcək maneələr haqqında məlumat verən, kəsik qübbə şəklində işlənilmiş və yerə
bərkidilmiş qurğular.
Ataksiya
(atonik-astatik
forma)
(Atonic-astatic
ataxia)
-
hərəkətlərin
əlaqələndirilməsi təzahürünün pozulması, tez-tez yıxılma ilə müşayiət olunan
müvazinətin pozulması.
Autizm (Autism) - uşaqlarda üç yaşından əvvəl başlayan və məhdud davranışlara
gətirib çıxaran, beyinin inkişafına maneə törədən xəstəlik. Autizmin nədən
yaranmasına fıkir bildirən mütəxəsislər bunu həm irsi, həm hamiləlik zamanı baş
verən narahatlıqlar, həm də uşaqlıqda edilən peyvəndlərlə əlaqələndirirlər.
Avropa Sosial Xartiyası (European Social Chart) - iqtisadi və sosial tərəqqinin
dəstəklənməsi, o cümlədən şəhər və kənd əhalisinin həyat səviyyəsinin və rifah
halının yaxşılaşdırılması məqsədilə 1961-ci ildə Turində müxtəlif dövlətlər
tərəfındən imzalanmış beynəlxalq sənəd. Avropa Sosial Xartiyası nəinki milli
standartlar qarşısında minimum tələblər müəyyənləşdirir, o, həmçinin,həmin
Xartiyanı imzalamış ölkələr qarşısında qarşılıqlı öhdəliklər qoyur. Xartiya 1965-ci
ildə qüvvəyə minib, 1988-ci ildə isə həmin Xartiyaya Əlavə Protokol qəbul olunub.
Ayrı-seçkilik (Diskriminasiya) (Discrimi-nation) — insanların sosial qruplara
mənsubiyyətinə görə müəyyən hüquqlardan məhrum olunması, onlara qarşı
zorakılıq, ədalətsizlik, qərəz və bu kimi digər mənfi münasibətin göstərilməsi.
B
Bandaj (Korset) (bandage) - ortezin bir növü olub, gövdənin zədələnməsi və
deformasiyası zamanı, qarın böşluğu və qarın divarının xəstəliklərində müdafiə
məqsədi ilə istifadə olunan ortopedik məmulat.
Baxıcı (Caregiver) - qayğıya möhtac şəxsə evində yardım göstərən, onun hər cür
gündəlik qayğılarını öz üzərinə götürən, adətən sertifıkatı olmayan, əsasən ailə
üzvləri və ya yaxınlarından olan şəxs.
Beynəlxalq əlillər günü (International Day of Disabled) - Hər il dekabr ayının 3-
də keçirilən Beynəlxalq əlillər günü, əlilliyi olan insanların ehtiyaclarını başa
düşmək və onların ləyaqət, hüquq və rifahına dəstəyi irəli çəkmək, bu insanların
cəmiyyətin siyasi, sosial və mədəni həyatına cəlb edilməsinin yaxşılaşdınlması
məqsədilə 1992-ci ildə BMT-nin Baş Assambleyasının 47/3№-li qətnaməsi ilə
bəyan edilmişdir.
Bədən funksiyası (Body function) - bədən sisteminin fızioloji və psixoloji
vəzifələri.
Bələdçi it (Dog guide) - görmə qabiliyyəti məhdud olan insanlar tərəfindən
yardımçı heyvan kimi istifadə olunan, onları istiqamətləndirən, mövcud və yarana
bilən təhlükələr haqqında xəbərdarlıq edən, xüsusi təlim keçmiş it. Bələdçi it
əlilliyi olan şəxslər tərəfındən verilən əmrləri fərqləndirməli və onlara riayət
etməli, maneələrdən uzaqlaşdırmalı, ticarət-iaşə obyektlərində, liftlərdə və ictimai
nəqliyyatda sahibini istiqamətləndirməlidir.
Bərabərlik (Equality) - əlilliyi olan şəxslərin bütün şəxslərə göstərilən
xidmətlərdən faydalanmasını və istifadəsini təmin etmək üçün bərabər şərtlər və
imkanlar yaradılması.
Bərpaedici terapiya (müalicə) (Restorative treatment, after-care) - insan
orqanizminin zədələnmiş orqan və ya sisteminin funksiyalarının bərpasına,
xəstəliyin sabitləşməsinə, orqanizmin kompensator qabiliyyətinin artırılmasına
yönəlmiş müalicə tədbirlərinin məcmusudur. Bərpaedici terapiya
reabilitasiyanın tibbi aspektlərindən birini təşkil edir və dərmanla müalicəni, fıziki,
mexaniki metodları, əmək terapiyasını və digər sahələri əhatə edir.
Bioloji adaptasiya (Biological adaptation, biologic adaptation) - orqanizmin ətraf
mühitin sabit və dəyişkən şəraitlərinə, habelə xəstəlik və zədə səbəbindən