Ekskluziya (Exclusion) - fiziki və əqli cəhətdən sosial həyatdan təcrid olunma.
Ekzartikulyasiya (Exarticulation, amputation in contiguity, disarticulation) -
bioloji cəhətdən insanın ətraflarının və ya onların hissələrinin oynaqdan kəsilməsi.
Empatiya (Empathy) - özünü başqa insanın və ya canlının yerində hiss etmə
bacarığı, başqasının dərdinə şərik olma hissi.
Epilepsiya (Epilepsy, falling sickness, sacred disease) - şüurun itməsi ilə müşayiət
olunan qıcolma şəklində xəstəlik. Qıcolmalar tutmaşəkilli olur.
Erkən Diaqnoz Xidmətləri (Early detection services, early diagnosis, early
recognition, preliminary diagnosis) - 0-6 yaş arası uşaqlarda, yəni uşaqlıq və
məktəbəqədər dövrdə meydana gələn fıziki və zehni inkişafında məhdudiyyətlərin
erkən diaqnoz edilərək, erkən müdaxilə ilə əlilliyin qarşısının alınması və erkən
başlanan reabilitasiya tədbirlərinin məcmusu.
Erqoterapiya (Ergotherapy, occupational therapy) - şəxsin zəruri həyat
vərdişlərinin gündəlik həyatda inkişafı, bərpası və saxlanılması ilə bağlı məsələləri
öyrənən tibb sahəsi. Erqoterapiya başlıca olaraq aşağıdakı fəaliyyətlərin həyata
keçirilməsinə təsir göstərir: 1) gündəlik məişət; 2) instrumental məişət (yeməyin
hazırlanması, alış-satış, uşaqlara və ev heyvanlarına baxım); 3) istirahət və yuxu;
4) təlim; 5) iş; 6) oyun; 7) asudə vaxtın təşkili. Erqoterapiya prosesi şəxsin
vəziyyətinin qiymətləndirilməsi, tibbi müdaxilə və nəlicələrin təhlili sahələrini
əhatə edir.
EĢitmə aparatları (Hearing apparatus) - eşitmə funksiyasını bu və ya digər
dərəcədə itirmiş şəxslərin eşitmə funksiyalarını nisbətən bərpa elmək üçün istifadə
olunan cihaz.
EĢitmə qabiliyyəti məhdud olan Ģəxs(Person with hearing impairment) -
müxtəlif dərəcələrdə (tək və ya hər iki qulağında, tam və ya qismən) eşitmə
qabiliyyətini itirən şəxs. Eşitmə cihazı istifadə edənlər də bu qrupa daxildir.
EĢitmə qabiliyyəti məhdud olan Ģəxslərlə ünsiyyətin etik prinsipləri (Ethical
principles of communication with persons with hearing impairment) - eşitmə
qabiliyyəti məhdud olan insanlarla ünsiyyətin qurulmasının qaydaları. Buna
əsasən, eşitmə qabiliyyəti məhdud olan insanla danışanda onun düz üzünə baxmaq
lazımdır, düzgün ünsiyyət üsülunun seçilməsini bilmədiyiniz halda, həmin üsulu
eşitmə qabiliyyəti məhdud şəxsdən soruşmaq lazımdır; belə insanlarla danışan
zaman onların diqqətini cəlb etmək üçün onları adı ilə çağırmaq lazımdır; əgər
həmin şəxs sizdən nəyinsə təkrar edilməsini xahiş edərsə, o zaman həmin sözləri
təkrar edin; xəbərdarlıq etmədən söhbətin mövzusunu dəyişməyin və s.
Evdə qıılluq xidməti (At-home services, home services, visiting services, home
attendant services) - sosial xidmət işçisi tərəfindən ev şəraitində aparılan, evin
idarəsinə yönəldilmiş gündəlik fəaliyyətlərin məcmusu.
Evdə sosial xidmət (At-home social services) -xüsusi qayğıya ehtiyacı olan
şəxslərə sosial xidmət işçisi tərəfindən fərdi qayğı planı çərçivəsində davamlı
olaraq ev şəraitində təqdim olunan sosial fəaliyyətlərin məcmusu. Xüsusi qayğıya
ehtiyacı olan insanların (yaşlılar, əlilliyi olan şəxslər, kəskin və xroniki xəstələr)
yaşadıqları, mənimsədikləri və özlərini rahat hiss etdikləri məkanlarda və sosial
mühitdə onların sosial qayğılarına yönəlmiş baxıcı ailə üzvləri tərəfındən və ya
sosial təminat xidmətləri göstərən müəssisə və təşkilatların peşəkar sosial xidmət
mütəxəssisləri tərəfindən qısa və ya uzun müddətli olaraq aparılan xidmətlərin
məcmusu.
Evdə təhsil (Homeschooling) - sağlamlıq vəziyyətinə görə təhsil müəssisəsində
təhsil almaq imkanı olmayan şəxslərin müvafıq təhsil müəssi-səsinin pedaqoji
işçilərinin köməyi ilə ümumtəhsil proqramlarını evdə mənimsəməsi.
Ə
Əqli inkiĢaf məhdudiyyəti olan Ģəxs (Mental (defectiveness, mental deficiency) -
mərkəzi sinir sisteminin zədələnməsi nəticəsində təfəkkürdə və yaddaşda olan
məhdudiyyətlər.
Əlil arabası (təkərli oturacaq) (Wheelchair) -əliliyi olan şəxslərin hərəkətinin
mobilliyini təmin edən, onların məkanda hərəkət etmələri üçün nəzərdə tutulmuş
vasitə.
Əlillərin hüquqları haqqında BMT (Ümumi Bəyannaməsi (UN Declaration on
the rights of Disabled Persons) - 1975-ci ildə BMT-nin Baş Assambleyası
tərəfındən qəbul olunmuş sənəd. Bəyannamənin qəbulunun əsas məqsədi əlilliyi
olan şəxslərin həyat səviyyəsinin artırılması, onların məşğulluğunun təmin
olunması, cəmiyyətin iqtisadi və sosial sahələrində tərəqqi və inkişafın
dəstəklənməsidir.
Əlillərin Bərpa Mərkəzi - əlilliyi olan şəxslərə kompleks tibbi-sosial və peşə
reabilitasiyas;nın aparılması üçün nəzərdə tutulan müəssisədir.
Əlillik (tibbi model) (Disability (according to medical model) - şəxslərin müxtəlif
maneələrlə qarşılıqlı təsir zamanı digərləri ilə bərabər səviyyədə cəmiyyətin
həyatında tam və səmərəli iştirakına maneə olan sabit fiziki, psixi, əqli və ya
hissiyyat pozuntusu.
Əlillik əlamətinə görə ayrı-seçkilik (Discrimination on the grounds of
disability) -siyasi, iqtisadi, sosial, mədəni, mülki və ya digər sahələrdə əlilliyi olan
şəxslərin bütün insan hüquqları və əsas azadlıqlarının digərləri ilə bərabər
səviyyədə tanınmasının, həyata keçirilməsinin məhdudlaşdırılmasından və ya inkar
olunmasından ibarət əlilliklə bağlı istənilən fərq qoyma, istisna və məhdudiyyətlər
tətbiqetmə, o cümlədən müyəssərliyə nail olmaq üçün qanunvericiliklə nəzərdə
tutulan ağlabatan uyğunlaşmadan imtina.
Əlillik riski (Disability risk) - hər hansı səbəbdən insanın hər an və hər yerdə
əlillik qazana bilmə təhlükəsi.
Əlillik səviyyəsi (Disability rate) - əlilliyl olan şəxslərin sayının ümumi əhaliyə
nisbəti.
Əlillik növləri (Disability types) - müxtəlif səbəblərdən əlilliklərini fərqli formada
yaşayan və ya hiss edən insanların əlilliyinin əlamətlərinə görə təsni-
fatlaşdırılması. Misal üçün, görmə məhdudiyyətli, fiziki məhdudiyyətli, eşitmə
məhdudiyyətli, danışma məhdudiyyətli, mental məhdudiyyətli və s.
Əlilik vəsiqəsi (Certificate of person with disability) - əlilliyi olan şəxslərə
müəyyən sosial, mədəni və iqtisadi hüquqlardan daha rahat istifadə etmələri üçün
verilən sənəd.