7
-
Azərbaycanda müştərək sahibkarlığın inkişafına və xarici investisiyaların cəlb
edilməsinə təsir edən iqtisadi, siyasi, sosial, hüquqi, təbii-coğrafi mühit amilləri geniş
şəkildə tədqiq edilmiş, ölkədəki əlverişli investisiya mühitinin əhəmiyyəti geniş izah
olunmuşdur;
-
Azərbaycanda müştərək sahibkarlığın müasir vəziyyəti, ölkə iqtisadiyyatına,
həmçinin, müştərək sahibkarlığa xarici investisiya qoyuluşu dinamikasının illər üzrə
geniş müqayisəli təhlini aparılmışdır;
-
müştərək müəssisələrə xarici investisiya qoyuluşunun iqtisadi səmərəlilik
göstəriciləri ətraflə tədqiq edilmiş və onların yüksəldilməsi üzrə təklif və tövsiyələr
işlənib hazırlanmışdır;
-
Azərbaycan müştərək müəssisələrin iqtisadi inkişafı və onlara xarici investisiya
qoyuluşu üzrə 2014-cü il baza ili götürülməkə 2015-2018-ci illəri əhatə edən proqnoz
işlənib hazırlanmışdır.
Tədqiqatın praktiki əhəmiyyəti ondan ibrətdir ki, tədqiqatın əsas müddəaları,
əsaslandırılmış konkret nəticə və təkliflər Azərbaycanda müştərək müəssisələrin
səmərəli
inkişaf etdirilməsi, onların fəaliyyətiin iqtisadi səmərəliliyinin
yüksəldilməsi,
müştərək
sahibkarlığa
investisiya
qoyuluşu
imkanlarının
yüksəldilməsi, əlverişli investisiya mühitinin yaradılması və s. istiqamətlərində
istifadə edilə bilər.
Dissertasiyada irəli sürülən təkliflər və tövsiyələrdən müştərək müəssisələrə yardım
üzrə tədbirlərin işlənib hazırlanmasında, əlverişli investisiya mühitinin
formalaşdırılmasında, habelə müvafiq elmi tədqiqatlarda, tədris prosesində, proqram
və digər normativ-hüquqi sənədlərin hazırlanmasında və s. istifadə oluna bilər.
8
1.FƏSIL: BAZAR MÜNASĠBƏTLƏRĠ ġƏRAĠTĠNDƏ MÜġTƏRƏK
SAHĠBKARLIĞIN NƏZƏRĠ-METODOLOJĠ MƏSƏLƏLƏRĠ.
1.1. Bazar münasibətləri Ģəraitində müĢtərək sahibkarlığın vəziyyəti və
məzmunu
Müasir dövrümüzdə dünya dövlətləri arasında iqtisadi inteqrasiya prosesləri
daha da yüksələn xətt üzrə inkişaf etməkdədir. Dünya iqtisadiyyatında təsərrüfat
həyatının beynəlmiləlləşməsi ölkələr arasında təkcə əmtəə və işçi qüvvəsinin
deyil, həm də kapitalın hərəkətini gücləndirir və bu isə investisiya əməkdaşlığının
müxtəlif formalarının inkişafına səbəb olur. İqtisadi inteqrasiya kapitalların
birləşdirilməsi, istehsal-texniki əlaqələrin gücləndirilməsi, resurslardan birgə istifadə,
əldə olunan idarəetmə təcrübəsinin bölüşdürülməsi və s. kimi məsələləri özündə
cəmləşdirən iqtisadi prosesdir. İqtisadi inteqrasiya həm ayrı-ayrı dövlətlər, həm də bu
dövlətlərin müəssisə və firmaları səviyyəsində təzahür edir. İqtisadi inteqrasiya
nəticəsində formalaşan istehsalın beynəlxalq kooperasiyasının geniş yayılmış
formalarından biri də müştərək müəssisələrdir. Milli iqtisadiyyatın formalaşması və
inkişafı, beynəlxalq iqtisadi əməkdaşlığın, onun mühüm forması olan müştərək
sahibkarlığın genişləndirilməsini obyektiv zərurətə çevirməkdədir. Beynəlxalq
təsərrüfat əlaqələrinin formalaşmasında, milli iqtisadiyyatların dünya iqtisadiyyatına
sıx inteqrasiya olunmasında müstəsna rol oynayan müştərək sahibkarlıq fəaliyyəti
özbaşına və idarə olunmaz proses kimi baş vermir və o əslində dövlətin iqtisadi
siyasətinin önəmli istiqaməti , bir qolu kimi çıxış edir.
Məlumdur ki, dünya dövlətlərinin çoxu heçdə öz daxili tələbatlarını öz gücləri
hesabına ödəyə bilmirlər. Bu onların bir çoxunun zəngin təbii ehtiyyatlara malik
olmaması, əlverişli təbii-coğrafi şəraitdə yerləşməməsi, elmi-texniki tərəqqinin
inkişafının lazımı səviyyədə olmaması, kifayət qədər peşəkar ixtisaslı kadrlara sahib
olmaması və s kimi amillərlə əlaqədardır. Bu kimi amillər isə dünya dövlətəri
arasında istehsal, ticarət, elmi-texniki, kredit, satış və s. kimi sahələrdə kooperasiya
9
əlaqələrinin güclənməsini bu isə öz növnəsində müştərək müəssisələrin yaradılması
və inkişafını zəruri edir.
Müştərək müəssisənin mahiyyəti barədə təsəvvürə malik olmaq üçün, hər
şeydən öncə, müştərək müəssisə anlayışı açıqlamaq, dərk etmək lazım gəlir.
Qərb ədəbiyyatlarında müştərək müəssisə beynəlxalq əməkdaşlığın çoxcəhətli
formalarına daxil olmaqla istehsal fəaliyyətinin təşkilinin xüsusi hüquqi forması
kimi səciyyələndirilir və onların aşağıdakı səciyyəvi xüsusiyyətləri göstərilir:
-
müştərək müəssisə iki və daha çox tərəflərin aktivlərinin qismən
bölüşdürülməsi, yaxud tərəfdaşlardan hər birinin öz kapital payını qoyması yolu
ilə yaradılır və bu zaman tərəflər arasındakı kapital qoyuluşu adətən uzunmüddətli
olur;
-
müştərək müəssisə istehsal, ticarət, maliyyə, elmi-tədqiqat fəaliyyəti ilə
məşğul ola bilər;
-
müştərək müəssisələrin idarə edilməsi zamanı tərəfdaşlar arasında idarəetmə
ilə bağlı məsuliyyət və risklər bölüşdürülür və bu zaman mənfəət və sahibkarlıq
riski tərəfdaşlar arasında onlardan hər birinin kapital qoyuluşunda payına
müvafiq olaraq bölüşdürülür;
-
müştərək sahibkarlıq iştirakçıların fəaliyyətinin yalnız bir hissəsini əhatə
edir;
Müştərək sahibkarlıq dedikdə tərəfdaşların əsas və dövriyyə kapitalının
birləşdirilməsi, məhsul istehsalı, xidmət göstərilməsi nəticəsidə əldə olunan gəlirlərin
bölüşdürülməsi, müəssisənin idarə olunması və onun fəaliyyəti ilə baglı risklərin
bölüşdürülməsi əsasında yaradılan sahibkarlıq forması başa düşülür. Müştərək
müəssisələrin yaranma tarixi çox qədim olmasına baxmayaraq, indiyədək
müştərək müəssisə məfhumunun konkret tərifi verilməyib. Bir sıra iqtisadçılar
müştərək müəssisə anlayışına müxtəlif mövqelərdən yanaşırlar. Araşdırmalar göstərir
ki, «müştərək müəssisə» məfhumu hələ XVI və XVII əsrlərdə İngiltərədə ticarətlə
məşğul olan «Mercant Vencers», «Centelmen Advencers» birliklərinə şamil
edilmişdir. Qərb ədəbiyatlarında adətən müştərək müəssisə anlamında iki termin
Dostları ilə paylaş: |