imkanlarını genişləndirmək, korrupsiya ilə mübarizə və idarəçiliyin təkmilləşdirilməsi üçün yeni
texnologiyalardan istifadə ilə bağlı öhdəliklərinə əməl etməsini təmin etmək məqsədi daşıyan
çoxtərəfli təşəbbüsdür
33
. Dünya təcrübəsi göstərir ki, hər hansı dövlətin korrupsiya ilə mübarizə
öhdəliyi həmin ölkənin xəbər mediasının müstəqilliyi və azadlığı ilə sıx əlaqəlidir. Azərbaycan
dövləti bu cür əhəmiyyətli bir razılaşmaya qoşulsa da, hökuməti cəmiyyət qarşısında cavabdeh tuta
bilən əhəmiyyətli resurs - nəzarətçi funksiyası daşıyan mətbuat - hakimiyyət tərəfindən
susdurulmuşdur.
Azərbaycan Avropa Şurasının çirkli pulların yuyulması və terrorizmin maliyyələşdirilməsinə dair
yenilənmiş Konvensiyasını
34
(CETS №198) və Rəsmi sənədlərə çatımlılıq haqqında Avropa Şurası
Konvensiyasını (CETS №205) imzalamayıb. 2009-cu ildən imzalanmaq üçün açıq
35
olan Konvensiya
hakimiyyət orqanlarının sahib olduqları rəsmi sənədlərə ümumi çatımlılıq hüququnu tanıyan,
məcburi xarakter daşıyan ilk beynəlxalq hüquqi sənəddir
36
. Bu günə qədər Azərbaycanın qonşusu
Gürcüstan da daxil olmaqla 14 ölkə sənədi imzalamış və altı ölkə isə ratifikasiya
etmişdir
37
. Sənəd
10 ölkə tərəfindən ratifikasiya olunduqdan sonra qüvvəyə minəcək.
Ən narahatedici məqam isə 12 iyun 2012-ci ildə Milli Məclis tərəfindən qəbul olunmuş və
korporativ hüquqi şəxslər tərəfindən informasiyanın açıqlanmasını məhdudlaşdıran qanunvericilik
dəyişikliklərinin
38
2012-ci il iyulun 6-da Prezident Əliyev tərəfindən imzalanması olmuşdur.
“İnformasiya əldə etmək haqqında” qanuna edilmiş dəyişikliklərə görə isə, informasiyanın əldə
edilməsinə o şərtlə icazə verilir ki, bu, Azərbaycan Respublikasının siyasi, iqtisadi, hərbi, maliyyə-
kredit və valyuta siyasəti sahələrində maraqlarının qorunması, ictimai qaydanın, sağlamlığın və
mənəviyyatın mühafizəsi, digər şəxslərin hüquq və azadlıqlarının, kommersiya və digər iqtisadi
maraqlarının qorunması, məhkəmənin nüfuzunun və qərəzsizliyinin təmin edilməsi məqsədlərinə
zidd olmasın. İnformasiyanın açıqlanmasına yalnız müvafiq informasiya sahiblərinin icazəsi ilə yol
verilir.
İnformasiyanın əldə olunması və hüquqi şəxslərin dövlət qeydiyyatı haqqında qanunlara da
dəyişikliklər edilmişdir. Bu dəyişikliklər “İnsan hüquqları və azadlıqlarının tətbiqinin
tənzimlənməsi” haqqında Azərbaycan Respublikasının Konstitusiya Qanununun 3-cü maddəsində
nəzərdə tutulmuş legitim ictimai maraqların dairəsini genişləndirib.
“Hüquqi şəxslərin dövlət qeydiyyatı və dövlət reyestri haqqında” qanuna edilmiş dəyişikliyə görə
kommersiya hüquqi şəxslər barədə informasiya, yəni hüquqi şəxslərin təsisçiləri və onların
nizamnamə kapitalındakı payları haqqında məlumatlar sirr hesab olunur. Bu informasiya yalnız
sorğu əsasında məhkəmələrə, istintaq orqanlarına və əməliyyat-axtarış fəaliyyətinin subyektlərinə
“Cinayət yolu ilə və terrorizmin maliyyələşdirilməsi ilə əldə olunmuş pul və əmlakın
qanuniləşdirilməsinə qarşı mübarizə haqqında” Azərbaycan Respublikası Qanununa uyğun olaraq
açıqlana bilər. Qanun layihəsinə görə bu informasiya müvafiq orqanlara, vəkillərə və üçüncü şəxsə
yalnız informasiya sahibinin razılığı əsasında verilə bilər.
33
Açıq Hökumət Tərəfdaşlığı haqqında ətraflı məlumat üçün,
http://bit.ly/qW85Np
34
Avropa Şurasının çirkli pulların yuyulması və terrorizmin maliyyələşdirilməsinə dair Konvensiyası, (CETS №198),
13/9/2013 tarixinə olan imzalanma/ratifikasiya durumu,
http://conventions.coe.int/Treaty/Commun/ChercheSig.asp?NT=198&CM=&DF=&CL=ENG
35
http://conventions.coe.int/Treaty/Commun/ChercheSig.asp?NT=205&CM=1&DF=&CL=ENG
36
Rəsmi sənədlərə çatımlılıq haqqında Avropa Şurası Konvensiyası. Müqavilənin xülasəsi.
http://conventions.coe.int/Treaty/EN/Summaries/Html/205.htm
37
Rəsmi sənədlərə çatımlılıq haqqında Avropa Şurası Konvensiyası, CETS №205, 13/9/2013 tarixinə olan imzalanma və
ratifikasiya durumu
http://conventions.coe.int/Treaty/Commun/ChercheSig.asp?NT=205&CM=1&DF=&CL=ENG
38
http://www.president.gov.az/articles/5333
,
http://www.president.gov.az/articles/5364
,
http://www.president.az/articles/5369
Bu cür dəyişiklik “İnsan Hüquq və Əsas Azadlıqlarının Müdafiəsi Haqqında” Avropa
Konvensiyasının 10-cu maddəsinin 2-ci bəndi (Bu azadlıqların həyata keçirilməsi milli
təhlükəsizlik, ərazi bütövlüyü və ya ictimai asayiş maraqları naminə, iğtişaşın və ya cinayətin
qarşısını almaq, sağlamlığın, yaxud mənəviyyatın mühafizəsi, habelə digər şəxslərin nüfuzu və
hüquqlarının müdafiəsi üçün gizli olaraq əldə edilmiş məlumatların açıqlanmasının qarşısını almaq
üçün və ya ədalət mühakiməsinin nüfuz və qərəzsizliyini təmin etmək üçün qanunla nəzərdə
tutulmuş və demokratik cəmiyyətdə zəruri olan müəyyən formallıqlara, şərtlərə, məhdudiyyətlərə
və ya sanksiyalara məruz qala bilər) ilə ziddiyyət təşkil edir. Bu dəyişikliklər eyni zamanda BMT-
nin “Korrupsiyaya Qarşı Mübarizə” Konvensiyası və həmçinin “BMT-nin terrorçuluğa qarşı
mübarizəyə dair” Konvensiyasındakı
39
müddəalarla ziddiyyət təşkil edir.
Bu dəyişikliklər Azərbaycan hökumətinin həm öz xalqı, həm beynəlxalq ictimaiyyət qarşısında
üzərinə götürdüyü korrupsiyaya qarşı mübarizə öhdəliyini yerinə yetirməməsi hesab oluna bilər.
Bu qanun dəyişiklikləri ilə, Azərbaycanda informasiya azadlığı daha da məhdudlaşdırılıb, hüquqi
şəxslərin fəaliyyəti üzərində tələb olunan ictimai nəzarət və şəffaflıq prinsipləri pozulub. Bundan
sonra jurnalistlərin korrupsiya halları ilə bağlı araşdırmalar aparmaları daha da çətin olacaq, belə
ki, hər hansı korrupsiya faktını araşdıran jurnalist qanunvericiliyə edilmiş bu dəyişikliyə görə
cəzalandırıla bilər.
İnsan hüquqlarının, fundamental azadlıqların və qanunun aliliyinin müdafiəsi
Məhkəmə sisteminin müstəqilliyinin, qərəzsizliyinin və effektivliyinin təmin edilməsi
məqsədi ilə, o cümlədən, hakimlərin və prokurorların təyinatı, vəzifələrinin artırılması,
onların hüquqları və öhdəliklərinə nəzərən məhkəmə sisteminin təşkili təkmilləşdirilsin;
AB-Azərbaycan Fəaliyyət Planı, Prioritet 3:Azərbaycanın beynəlxalq (TƏS, AŞ, ATƏT,
BMT qarşısındakı) öhdəliklərinə uyğun olaraq insan hüquqlarının və fundamental
azadlıqların və qanunun aliliyinin müdafiəsi gücləndirilsin
Azərbaycan qanunvericiliyi və beynəlxalq hüquqa əsasən, məhkəmə sistemi qanunvericilik və icra
hakimiyyətindən tamamilə müstəqil bir şəkildə fəaliyyət göstərməlidir. Lakin Azərbaycan
məhkəmələri siyasi motivli işlərdə və jurnalistlərlə bağlı olan işlərdə ədalətli qərarlar qəbul etmir.
Belə ki, bu işlər lazımi şəkildə araşdırılmır və qərarlar ədalətli olmur. Avropa İnsan Hüquqları
Məhkəməsi yerli Azərbaycan məhkəmələri tərəfindən işlərə ədalətli baxılmaması ilə bağlı bir çox
qərar qəbul etmiş və bu qərarlarda “İnsan hüquqlarının və əsas azadlıqların müdafiəsi haqqında
Avropa Konvensiyası”nın 6-cı maddəsinin pozulmasını tanımışdır.
“İşgəncə və digər qəddar, qeyri-insani və ya ləyaqəti alçaldan rəftar və ya cəza əleyhinə
Konvensiya”nın Fakültativ Protokolunun (2006-cı ilə qədər) ratifikasiyası və icrası təmin
olunsun;
Həmin yerdə
Azərbaycanın bu konvensiyaya qoşulmasına baxmayaraq, işgəncə halları hələ də baş verir.
Saxlanılan və ya həbs olunan şəxslər saxlanma yerlərində işgəncəyə məruz qalırlar. Məsələn,
nümayişlər zamanı saxlanılan və ya həbs olunan şəxslər işgəncəyə məruz qalır- onların qollarına
qandal vurulur və qollarından dartılaraq aparılan zaman qandal onların qollarını və əllərini
zədələyir. Ən son işgəncə hallarından birində Müsavat Partiyasının gənclər komitəsinin keçmiş
rəhbəri Tural Abbaslı qeyri-adi işgəncəyə məruz qalıb, belə ki, onun qolları isitmə radiatoruna
qandallanıb.
39
BMT-nin Terrorçuluqla Mübarizəyə dair Konvensiyası,
http://bit.ly/1euCYLo