30
inqilabın fütuhatından olan cümlə hürriyyətləri ifadə edilməsini tələb edəriz. Mart və sentyabr hadisatını istintaq
etmək üçün xüsusi bir parlament istintaq komisyonunun seçilməsini və qeyri siyasi firqələr ilə bu yolda
işlənməsini lazım biliriz.
Qəvi bir hökumət olmasını arzu edəriz.
Fəqət, biz bunu inqilabdan əvvəl mövcud olan müəssisələrin yenidən qurulması ilə, köhnə adları dirildib,
köhnə formaları ifadə etməkdə görmürük. Köhnə idarə bütün boşluğumuzu göstərdi. Onun dalınca qaçmaq
həyati anlamamaqdır. (Alqış). Biz idarələrin cəmaətə yaxın olmasını, cəmaətə etimad etmiş istəriz.
İdarələrdə bulunan bir çox yaramaz üzvlərin kənar edilməsini və sağlam bir idarə qurulmasını tələb ediriz.
(Alqış). Bu axır illərin bütün ağırlığı ən ziyadə fəhlə və kəndlilə-rin boynuna düşmüşdür. Bunların halı pək ağır
və pərişandır.
[67 - 68]
Buna görə də bu siniflərə yardım etmək gələcək hökumətin borcudur. Bütün
Azərbaycanda 8 saatlıq iş müddəti qəbul olunmalıdır. Şimdiyə qədər inqilab əsasında fəhlələr ilə yapılan
müşahidələr kəndi qüvvətini saxlamalı və fəhlə məssisələri və təşkilatları yapmaq üçün heç bir müavinət
olmamalı və qeyri-maddi yardımlarda bulunmalıdır.
Torpaq qanunu daha Zaqafqaz "Seym"ində bütün müsəlman fraksiyalarının iştirakı ilə qəbul edilmiş,
şimdiyə qədər hökumət onu tətbiq etməmişdir. Biz təklif ediriz ki, torpaq komitələri təşkil olunsun və qəbul
olunmuş torpaq qanunu tətbiq olunmaya başlansın.
Cəmaət təşkilatlarının artması üçün bütün qüvvətimizi sərf etməliyiz və bunun üçün köhnə qəbul olunmuş
"Zemstvo" qanunu tezlik ilə tətbiq etməli və zemstvo təşkilatlarının tezliklə vücuda gəlməsinə çalışmalıdır.
Mövcud olan hökumət müəssisələri pək çox, pək böyük və pək də ağırdır. Bu müəssisələrin bəzilərini qaldırmaq
və çoxlarının imtiyazlarını azaltmaq lazımdır. Cəmaət bu ağır və bahalı idarələrə tab gətirə bilməz. İdarələri
yüngülləşdirmək və ucuzlaşdırmaq lazımdır.
Maliyyə işlərimiz pək qarışıq və dolaşıqdır. Gələcək hökumət bu işləri düzəltmək və sistemə qoymaq
məcburiyyətindədir. Daxildə ticarəti canlandırmaq üçün iqtisadi müşahidələr yapmalı və hüdudlarımızı
açmalıyız. Müdafiə edəcəyimiz məsələlərdən biri də qadınlarımızın haqq və səlahiyyəti kişilər ilə bərabər
olmaqdır. (Alqış). Bizim qənaətimiz budur ki, iştə bu əsasların qəbul və tətbiqi cumhuriyyətimizi ağır günlərdə
aydınlığa çıxarar. Bu yolda Azərbaycanın zəhmətkeş kəndi və fəhlələrinin bizə yardımçı olacaqlarına inanırız.
Yaşasın Azərbaycan Demokratik Cümhuriyyəti!
Yaşasın Qafqaz millətlərinin dostluğu!
Yaşasın cəmiyyəti-əqvam!
Yaşasın sosializm!
(Şiddətli, sürəkli alqışlar).
Sədr — Söz "İttihad" firqəsi tərəfindən Qara bəy Qarabəyov əfəndinindir.
Qara bəy — Azərbaycanın müxtəlif kuşələrindən təşrif gətirmiş olan cəmaət nümayəndələrini təbrik
etməklə bərabər
[68 - 69]
"İttihad" firqəsi hakimiyyəti-milliyyə ideyasının (yəni millətin öz üzərinə hakim
olmaq üsulunun) qismən isə vücudə gəldiyi üçün bəyani məmnuniyyət edər. Zira zənciri-əsarət altında yaşayan
müsəlman millətinin hüququnun müdafiəsi çün ixtiyar etdiyi mübarizədə firqə daima bu məqsədi tətbiq etmiş
idi. Lakin şəraiti siyasiyyə hazırda da nəşət edən müşkülat qarşısında şu parlamentin surəti-təşkilini firqə
idealına tamamilə təcəssüm edəməz. Məəmafiyə üzərində Azərbaycan bayrağı tümuc edən və əsas etibarilə hər
bir müsəlman üçün müqəddəs ədd edilməsi lazım gələn bir müəssisədə bizlər firqə və sinif mənfəətinin
müdafiəsi üçün deyil, milləti təşkil etmək üçün toplanmışız. Onun üçün də ən qərib bir zamanda burada
demokratik üsul ilə intixab edilmiş əsl Məclisi-Müəssisan üzvlərinin ərseye vücud etmələrini mütalib və
məqasidimizin müqəddəsi kimi tələqqi edəriz. Bu arzumuz vücud bulduqca və Azərbaycan millətinin təkmil
hüququ kəndinə təslim edilməyincə bu ideyanın vücudi-nazir olması yolunda möhtərəm Rusiya
demokratiyasının əlilə qazanılmış və bizə ehsan edilmiş qənimətləri, vətən düşmənlərilə etdikləri müharibədə
müsəlmanların özlərinin tökdükləri qanlar müqabilində əldə etmiş olduqları həqqi firqə bütün qüvvətilə müdafiə
və mühafizə edəcəyini bəyan edir. O haq isə Azərbaycanın istiqlalıdır. Yəni başımızın üstündə əməvvüc edən
günə, gün rəngli milli sancağımızdır. İştə bunları firqə təhti-təsərrüfinə olan bütün vəsait qüvvətilə hər dürlü
tərizdən üstün tutmağa əzm etdiyini ələnən iqrar edir. Firqənin zənnimcə Azərbaycan millətinin bu haqqına
demokratik ünvani və qəlbin daşıyan heç bir fərd etiraz edəməz. (Sağdan alqış). Məgər ki, batində onun ruhi
səltənəti mutləqə (velikoderjavi)yə mərəzilə məlul olmasın və bir milləti digər millətin təhkimi altında yaşatmaq
meyli mənhüsəsinə qapılmış olmasın. (Sağdan alqış). Bu yollu ictihadında firqə demokranın yalnız rəğbəti
deyil, hətta ciddi müavinətinə ümid ediyor. Fəqət ümum demokratiya deyil yalnız bunların o qisminə etimad
edir. Hanki ki, millətlərin kəndi-kəndlilərinə hakim olmaları xüsusunda namuskaranə və səmimanə hərəkət edir
və müsəlman əksərinin haqqını inkar və ləğv edərək, onun səadət və istiqlalını öz
[69 - 70]
qövminin ən cüzi bir
mənfəətinə qurban etmək əməlini bəsləmir.
Ayaqlar altında əzilən millətlərin xilası naminə vaqe olmuş milyonlarca qurbanlara, milyardlar ilə paralara
mal olan və Amerikanın böyük övladı (Vilson)un 14 maddəsini meydani-tədavülə çıxaran bu çahan müharibəsi
nəticəsində ümum mədəni millətlərə nəsib olan həqlərdən müsəlman millətini məhrum qılmaq niyyətini