416
Sədr - Ayrı bir təklif də "Əhrar" fraksiyası tərəfindən var. Oxuyur. "Əhrar" firqəsi iki üzvündən məəda, bir
üçüncü çlen olursa Hacı Hüseyn əfəndinin namizədliyini təklif edər.
Səslər - Əsasən iki üzv vardır.
Sədr - Seçkini açıq surətdəmi istəyirsiniz? Qapalımı?
Səslər - Açıq.
Sədr - Açıq da mümkündür. Çünki bu daimi deyil, müvəqqəti bir komisyondur. Siyahını bir daha oxuyuram.
Oxuyur.
Əlavə olaraq Hacı Hüseyn Əfəndizadə "Əhrar" firqəsi tərəfindən üçüncü olaraq göstərilir.
Bayram Niyazi - Tənəffüs əsnasında biz böylə hesab elədik. 88 üzvdən hər dörd adama bir səs düşür.
Müsavat firqəsi bir partiya üç səs əlavə edib 28 aldılar. Buna görə biz də sosialist firqəsilə birləşib üç üzv təklif
etdik.
Məmməd Əmin Rəsulzadə - Burada bilirsiniz ki, Məclisi -Məbusanın qərarına görə bir ənənə vardır. Bu
kimi komisyalar Məclisi-Məbusandakı məbus qruplarının ədədinə nisbətlə təşkil olunur. Ona görə tənəffüs
əsnasında hər dörd adama bir nümayəndə verməklə bu surətlə tənasüb hasil oldu. Bunun üzərində uzundan
üzünə etiraz etmək doğru deyildir.
Sədr - Bayram Niyazi.
Bayram Niyazi - Burada söyləndi ki, tam ədəd olmazsa kəsirli miqdar nəzərə alınmaz. Bu həddi, halbuki
kəsirli digər firqələrdə vardır. Madam ki, o kəsirli firqələrdə vardır. Madam ki, o kəsirli firqələrin səsi qəbul
edilir. Bizim də kəsrimiz gərək nəzərə alınsın.
Sədr - Səsə qoyuram. Əvvəl siyahiyə "Əhrar" tərəfindən göstərilən 3-cü namizəd əlavə edilsin, ya yox.
Hacı Hüseyn Əfəndizadə - Burada, hərçənd dedilər ki, "Əhrar" fraksiyası iki siyahı göstərəcək. Lakin biz
bunu bilməligik. Biz üç nəfərlik bir siyahi göstəririk. Madam ki, siyahı gecikibdir. Mən öz namizədliyimi geri
götürürəm.
Sədr - Hacı Hüseyn əfəndi namizədliyini geri götürdüyü üçün siyahı olduğu kimi qəbul edilir. Hacı Hüseyn
əfəndi namizədlikdən imtina edir. Mən müştərək siyahını səsə qoyuram. Bu siyahıdan şübhəsiz "Əhrar"ın xəbəri
vardır. Hər gah olmasa idi, namizədləri olmazdı. Kim siyahının tərəfdarıdır, rica edirəm, əllərini qaldırsın? Kim
əleyhinədir? Kim səs verməyir? Siyahının lehinə 36, əleyhinə 4, səs verməyən 1. Əksəriyyət rəylə siyahıda
adları olan şəxslər mərkəzi intixab komisyonuna üzv seçilirlər.
Sədr - Azərbaycan hökuməti sərhədi boyunda qaragül bölüyü təşkili haqqındakı qanun layihəsinin 2-ci
qiraətinə keçirəm. (Katibə) Oxuyunuz.
Katib (Bayram Niyazi) - Türkcə oxuyur.
Ağabəyov - Rusca tərcümə edir.
Sədr - Əvvəlinci maddə xüsusunda kim danışmaq istər? Danışmaq istəyən olmadığından birinci maddəni
səsə qoyuram. Əvvəlinci maddəyə etiraz yoxdur? Əvvəlinci maddə qəbul olunur. 2-ci maddəni oxuyunuz.
Katib - Türkcə oxuyur.
Ağabəyov - Rusca tərcümə edir.
Sədr - İkinci maddə xüsusunda kim danışmaq istər? Natiq olmadığından ikinci maddə ş səsə qoyuram. 2-ci
maddəyə etiraz yoxdur? Yoxsa ikinci maddə qəbul olunur. 3-cü maddəni oxuyunuz.
Katib - Türkcə oxuyur.
Sədr - Bir təklif varid olub. Çünki təkliflər ələlümum maddələrə aid deyil əsasə aiddir. Bir növ 3 maddəyə
ayırır. Onu səsə qoyacağam. (Oxuyur). "Bölük nə daxiliyə, nə maliyyə nəzarətində olmayıb hərbiyə nəzarətinə
verilməlidir. "Əhrar". 2-ci təklifi oxuyur. "Bölük hərbiyə nəzarətinin ixtiyarında olmalıdır. İmza edənlər Rəhim
Vəkilov. Mehdi bəy..."
Təkliflər ikisi də bir olduğundan, biri lehinə, biri əleyhinə olmaq üzrə iki nəfərə söz verəcəyəm. Kim
danışmaq istəyir? Danışmaq istəyən yoxsa, son söz məruzəçinindir.
Ağabəyov - Məsələ böylədir. Mənə böylə gəlir ki bunlar ki, fikir edirlər bu bölük hərbiyə nazirinə verilsə
intizam yaxşı olar. Mən öylə başa düşürəm. Təklif edənlər danışsa idi bəlkə məlum olardı. Mən indi böylə
düşünürəm. Mən onu demək istəyirəm. Bu bölükdə intizam olacaq. Hər uyezdə bir zabit təyin ediləcək. Onunla
bərabər hər quberniyada bir zabit olacaq. Bunların da ümumən başında bir zabit bulunacaq. Bunlara təlim
veriləcəkdir. Bundan keçəndən sonra məsələ bir intizamda deyil ki, bunlar yaxşı əsgəri nizam alsınlar. Ondan
[951 - 952]
ötəri təşkil olunmuş ki, onlar kandrabanda mane olsunlar. Bu işdə maliyyə nəzarətinə aiddir. Sərhəd
boyunda təşkil olunmuş gömrükxanalar var. Onların hamısı maliyyə nəzarətinə tabedir. Əkər bölük hərbiyə
nəzarətinə tabe olsa, onda öylə olacaqdır ki, sərhəd boyundakı müəssisələrin və məmurların bir qismi maliyyə
nəzarətində olub, bir qismimdəki, qüvvə var, o da başqa idarə olacaq. Ona görə sizdən soruram bu qanuna
müvafiqdirmi? Budur ki, təklif [var] bölük maliyyə nəzarətində qalsın.
Sədr - Təklifləri səsə qoyuram. Hər kəs hüdudların mühafizəsini deyilənlərə vermək tərəfdarı isə rica edirəm
əlini qaldırsın. Bəlkə məni başa düşmədiniz: İki təklif var, ikisinin də məzmunu budur ki, sərhəd mühafizə
417
bölüyü əmələ gətirib hərbi nəzarətin təhtinə verilsin. O biri təklif də budur ki, haman bölük əmələ gətirilib daxili
nəzarətinə verilsin... Söz Rəisi-Vükəlanındır.
Rəisi-Vükəla Nəsib bəy - Möhtərəm məbuslar! Öylə güman edirəm ki, məqsəd dissiplina üstündədir ki,
işlərimiz yaxşı getsin. Lakin qorxuram ki, bu işin nəticəsi pis ola və hərbiyə naziri axırda razı olmaya ki,
əsgərlər gedib maliyyə nazirinə xidmət edələr. Cəmi məmləkətlərdə bu böylədir. O cəhətcə mən təklif edirəm ki,
mühafizə bölüyü maliyyə nazirinə tapşırılsın, çünki məzkur bölük maliyyə nəzarəti ilə əlaqədar olacaqdır. Əkər
qoşun artırmaq lazım isə sərhədi xarici düşmənlərdən mühafizə etsin. Onu da hərbiyə nazirinə tapşırmalıdır ki,
əsgərlərin miqdarını artırsın.
Sədr - Söz Mehdi bəy Hacıbababəyovundur.
Mehdi bəy Hacıbababəyov - Mən bilən o dəstə sərhədləri saxlamaq üçündür. Köhnə zamanlarda xaricdən
quldur dəstələri gəlib, bizim tərəflərdən nə qədər mallar aparırdı və kontrabandaçılar da az rol oynamayırdı. O
vaxt poqraniçni strajniklər sərhədləri quldur dəstələrindən hifz etməklə bərabər kontrabandaçılardan tutduqları
malları da çinovniklərə quldurlar ilə mübarizə edib və kontraband malı tutmaq ilə məşğul olacaqdır. Bəlkə
qarşımıza gələn böyük düşmənin də hücumuna mane olacaqdır, əgər deyirlər ki, bu iki hökumətlik olar, mən də
deyirəm ki, naloq ki maliyyə nəzarəti hesabına gedir, yenə o naloqu polis yığır
.[952 - 953]
Sədr (Mehdi bəy
Hacınski) - İstər sabiq, istər təzə Rusi-yada poqraniçni straja maliyyə nəzarətinə tabedir. Ola bilsin ki, keçmişdə
poqraniçni strajda bu nizamlıq olub. Lakin bu bölüyün hərbiyə nəzarətinə tabe olması xilaf adətdir. Bütün
hökumətlərdə bu bölük maliyyə nəzarətinə tabe olduğu kimi burada da gərək maliyyə nəzarətinə tabe olsun.
Məncə bu barədə tazə qanun yazmaq fəzlə və xilaf adətdir.
Sədr - Abdulla bəy Əmircanov.
Abdulla bəy - Mehtərəm məbuslar! Bu hüdud qarovulları həmişə maliyyə nəzarətində olub. Mən heç bir
vaxt bilmirəm ki, bu qarovullar hərbiyə və yaxud daxiliyə nəzarətində olsunlar. Hüdudda ki, əsgərlər maliyyə
işlərindən ötəridir və tomojna ilə bunların rabitəsi var. Məsələn, bir iş olduqda əfəndilərin dediyinə görə, onda
gərək hərbiyə qulluqçuları maliyyəni buraxıb, hərbiyyəyə xəbər versinlər, sonra hərbiyə nəzarəti də maliyyəyə
xəbər versin. Bu isə bizim işlərimizi çox geri salar. O səbəbə təklif edirlər, sərhəd mühafizə bölüyü hərbiyə
nəzarətinə tabe olmayıb maliyyəyə tabe olsun.
Sədr - Qara bəy Qarabəyov.
Qara bəy - Bu verilən təklifin nə dərəcə mənası var. Bu mülahizələr ilə sübut olmaz. Bu qanunun iki yüz
illik tarixi var. Bunlar istibdad zamanında yazılmışdır ki, o vaxt tomojna işlərinə böyük əhəmiyyət verilirdi. İndi
əsr və fikir dəyişilib. hamı firqələr deyir ki, gərək tomojnalar rədd olsun. Tamojna məsələsindən başqa bir də
bizim hüdudu saxlamaq məsələsi var ki, o da gərək nizami əsgərlər əlində olsun. Biz bilirik ki, keçmişdə
könüllü hüdud qarovulları bir qədər qulluq edib, milyonlar qazanırdı. Çünki onlar dəyişilməksizin hüdudda
dururdular, hər işə aşina olur, xəyanətlər yapırlardı. Böylə bir qüvvə saxlamağa bizə lüzum yoxdur. Ona binaən
rəisi-vükəlanın söylədiyini təqdir etməklə mən təklif edərdim ki, mühafizə bölük məsələsini götürüb, hüdudlar
büsbütün nizami əsgərlərimizə tapşıraq, çünki müsəlləh və nizami əsgərlərimiz olar isə, əvvələn xərcdən bir
qədər azad olarıq, saniyən o əsgərlər daha da öz vəzifələrini gözəl ifadə edərlər, vaxtlı-vaxtında dəyişərlər, hər
ayda bir dəstə gedib o sərhədləri mühafizə edə bilər. Buna görə biz də təklif edirik ki, bu mühafizə hərbiyə
nəzarətinə verilsin.
[953 - 954]
Məmməd Əmin Rəsulzadə - Bu məsələnin lehinə də, əleyhinə də söz söyləmək mümkündür. Hərbiyə
nəzarətinə verilməsinin lehinə onu demək olar ki, hüdudlarımızı müdafiə etmək hərbiyə nazirinə mütəlliq bir
məsələ olduğu üçün bu da ona verilməlidir. İlk nəzərdə bu müvafiq görünür. Fəqət hüdud mühafizəsi başqa bir
əsgər olacaqdır. Xaricdən bizim hüdudlarımıza bir qüvvə təcavüz edərsə, haman hüdudun müdafiə və
mühafizəsi üçün əsgəri təşkilat lazımdır. Hüdudda bu əsgəri qoymağın əsgəri təşkilata və hərbiyə nəzarətinə
dəlaləti var. Fəqət demək olmaz ki, şəhərin içərisində əsgər varsa administrasiya lazım deyildir. Xalqı
quldurlardan mühafizə etmək üçün əsgər lazım olduğu kimi kontrabandanı qorumaq üçün bu təşkilat lazımdır.
Deyirlər ki, bu istibdad zamanından qalmışdır. Hər bir şey, istibdad zamanından qalmışdır. Hər bir şey, istibdad
zamanında polis də vardı, qradovoy da var idi. Lazım deyil hərbiyyə də verək, demək olmaz. halbuki, şimdi
gömrükdə sui-istemal əndazəyə girmişdir. Əvvəl mal mübadiləsi yox ikən, ticarət yolunda ikən, kandraband çox
olduğu halda böylə bir hüdud-əsgəri təşkilatına lüzum görülmüş idi. Şimdi isə hər bir şey cığırından çıxdığı
halda, bu məsələni də hərbiyə nəzarətinin üzərinə buraxsanız o zaman vəzifəsi ancaq vətən müdafiəsi
məqsədimüqəddəs ikən, onu bir kandraband və daxili quldurlarla uğraşmağa alışdırasınız, onun əsgəri şərəfini
təhqir etmiş olursunuz. Əsgərin vəzifəsi istiqlaliyyəti müdafiə etməkdir. Bunu təqrir etməli, yoxsa şərəfinə
müğayir qaçaqçılıq bu kimi şeylərə onu sövq etmək, şərəfi əsgəriyyəni ixlal edər.
Hüdudda gömrük məsələsi üzərində bir fənalıq baş verərsə, o ilk şikayət maliyyə nəzarətinə gələcək, maliyyə
nəzarəti də hərbiyyə nəzarətinə yazacaqdır ki, sizin əsgərləriniz bu şeyləri yapmış, o da yazacaqdır ki, bizim
əsgərlərimiz deyil, sizin adamlarınızdır. O deyəcək sizin çinovniklərdir. Ertəsi yox deyəcək, müqəssir sizin
əsgərlərdir. Beləliklə ixtilaf iki nəzarət arasında gedəcəkdir. Və bu arada bu qarışıqlıqda qaçaqçılıq, kandraband
daha çox olacaqdır. İstibdad vaxtı bu hüdud əsgərləri ayrı təşkil olunduqda istibdad gücü ilə deyil, o vaxt da bu