Azərbaycanda
tolerantlıq
ənənəsi
Bakı-2015
л ^ С г
DÖVLƏT K0MlTƏSİ
AZƏRBAYCAN RESPUBLİKASI
DİNİ QURUMLARLA İŞ ÜZRƏ
Kitabın nəşrinə Azərbaycan Respublikasının
Dini Qurumlarla İş üzrə Dövlət Komitəsinin
DK-344/Y saylı 28 aprel 2015-ci il tarixli
məktubu ilə razılıq verilmişdir.
Redaktor:
N ah id M əm m ədov
Korrektorlar:
N am iq Z eynəddin,
M ahir Q əniyev
Kitab D ini Araşdırmalar Mərkəzi
tərəfindən hazırlanmışdır.
Azərbaycanda tolerantlıq ənənəsi
Bakı, "N urlar" Nəşriyyat-Poliqrafiya Mərkəzi, 2015,160 səh.
ISBN: 978 - 9952 - 508 - 2 9 - 1
© DQİDK, 2015
Ön söz
Tolerantlığın, fərqli düşüncə və əqidələrə qarşı dözüm-
lü münasibətin müasir dünyamızda ən çox müzakirə edilən
mövzu lardan olduğunu desək, yanılmarıq. Paradoksal bir
haldır ki, elmi-texniki inkişafın zirvəsinə çatmış bəşəriyyət
sülhpərvər lik, birgəyaşayış, dini və ideoloji dözümlülük baxı-
mından o qədər də məsafə qət etməmişdir. Hətta elmi-texniki
inkişaf əsri olan XX əsr, eyni zamanda, mədəniyyətlərarası və
dövlətlərarası dözümsüzlüyün də “inkişaf” əsri olmuşdur. Çox
təəssüf ki, bu proses indi də davam edir, dünyanın müxtəlif
bölgələrində dini dözümsüzlük və fanatizm halları tüğyan edir.
Məhz bu sə bəbdən tolerantlıq ənənəsinin inkişaf etdirilərək
dünyanın bütün bölgələrində bərqərar edilməsi hazırda bə şə-
riyyətin qarşısında duran ən mühüm məsələlərdəndir.
Son dövrlərdə, xüsusilə Qərbdəki bəzi dairələr məqsəd yönlü
şəkildə dözümsüzlüyü yalnız İslamla və müsəlman dün
yası
ilə əlaqələndirərək İslamı “dözümsüzlük dini”, mü
səlmanları
isə başqa dinlərin nümayəndələrinə qarşı dözüm
süz insanlar
kimi təqdim edirlər. Halbuki tarixə nə zər yetirdikdə bunun tam
əksinin şahidi oluruq. Orta əsrlərdə İslam dünyası dini və mədəni
rəngarənglik baxımından dünyanın ən nü mu nəvi bölgəsi olmuş-
dur. Xristianlıq, Yəhudlik, Zərdüştilik, Mandeizm, Hinduizm və
s. dinlərə mənsub olan insanlar İslam dünyasında sülh şəraitində
yaşamış, dini ayinlərini sərbəst şə kildə icra etmişlər. İslam-irfan
mütəfəkkirləri bunun nəzəri əsaslarını hazırlamış, bütün dinlərin
əsas məqsədinin insaları ilahi qüv və yə inama və ona ibadətə çağır-
maqdan ibarət olduğunu dilə gətirmişlər. Böyük sufi mütəfəkkiri
Mövlana Cəlaləddin Rumi bu həqiqəti “Mömin də Uca Padşaha (Al-
laha) yönəlir, xristian da, yəhudi də, məcusi də. Hətta daş, torpaq, dağ və
su yun belə Tanrıya gizli bir duası vardır” kəlamı ilə xülasə etmişdir.
4
İslam dünyasının bir hissəsi olan Azərbaycanda da ta ri xən
müxtəlif dinlərin və məzhəblərin nümayəndələri sülh şərai tin-
də yaşamış, hər hansı bir diskriminasiya halı ilə qarşılaşma-
mışlar. Fəxrlə deyə bilərik ki, ölkəmiz tarixən üç səmavi dinin
nümayəndələrinin dostluq şəraitində yaşadığı və dini zəmində
heç bir qarşıdurmanın yaşanmadığı məkandır. Azərbaycan
müsəlman dünyasında da müxtəlif İslam məzhəblərinin nü-
ma yəndələri arasındakı qardaşlıq münasibətləri baxımından
öz nümunəvi təcrübəsi ilə seçilir. Belə ki, İslamın iki böyük
məz həbinin nümayəndələri tarixən ölkəmizdə məzhəbçilik
qəliblərini aşaraq, qardaşlıq şəraitində yaşamış və yaşamaq-
da davam edirlər. Qarabağlı böyük sufi şair və mütəfəkkir
Mir Həmzə Nigarinin “Allahı, Məhəmmədi, Alı sevən dostanız,
Nə sünniyiz, nə şiə, biz xalis müsəlmanız” sözü Azərbaycandakı
məzhəblərarası qardaşlıq mühitini lakonik şəkildə ifadə edir.
Oxuculara təqdim olunan “Azərbaycanda tolerantlıq ən ə nə si”
adlı tədqiqat əsəri ölkəmizdəki tolerantlıq mə də niy yətinin tarixi
köklərinin və praktiki təzahürlərinin üzə çıxarıl ması baxımından
böyük əhəmiyyətə malikdir. Ölkə mi zin dinşünaslıq sahəsində
fəa liyyət göstərən aparıcı təd qi qatçıların məqalələrindən ibarət
olan bu kitabda həm İslam daxilindəki məzhəblərarası qardaş-
lıq ənənəsinin nəzəri və praktiki nümunələri, həm də ölkəmizdə
möv cud olan din lə rin nümayəndələri arasındakı tolerantlıq nü-
mu nələri ilə əlaqədar müxtəlif tədqiqat işləri öz əksini tapmışdır.
Məqalə müəlliflərinin ölkəmizin müxtəlif bölgələrinə gedərək
tolerantlıq mədəniyyətinin praktiki təzahürləri ilə yerində tanış
olmaları əsərin əhəmiyyətini xüsusilə artırır.
Ümidvarıq ki, bu tədqiqat əsəri Azərbaycandakı tolerantlıq
mədəniyyətinin nəzəri və praktiki əsaslarını üzə çıxaran yeni
araşdırmaların yazılmasına stimul verəcəkdir.
Aqil ŞİRİNOV,
İlahiyyat üzrə fəlsəfə doktoru
5
Azərbaycanda tolerantlıq ənənəsi
QARABAĞ BÖLGƏSİNDƏ
MƏZHƏBLƏRARASI TOLERANT
MÜHİTİN FORMALAŞMASINDA
SEYİD OCAQLARININ ROLU
(SEYİD NİGARİ ƏNƏNƏSİ NÜMUNƏSİNDƏ)
6
Aqil ŞİRİNOV
1
Seyid məfhumu
Ərəbcə “seyyid” şəklində ifadə olunan “seyid” kəlməsi
lü ğətdə “ağa, lider, fəzilətli şəxs” kimi mənalar bildirir.
2
Bu
kəlmə Qurani-Kərimdə iki yerdə keçir: “Ali-İmran” surəsinin
39-cu ayəsində Həzrət Yəhya haqqında, “Yusuf” surəsinin 25-
ci ayəsində Züleyxanın əri barəsində. Hədislərdə də “seyid”
kəlməsi həm Həzrət Peyğəmbər, həm də Əhli-beyt nü
ma-
yən dələri haqqında işlədilmişdir. Məsələn, hədislərin birində
Peyğəmbərimiz “Mən Adəm övladlarının seyyidiyəm” buyur-
muşdur.
3
Peyğəmbərimiz, həmçinin Həzrət Həsən və Həzrət
Hüseyni
4
“Cənnət gənclərinin seyidləri - ağaları” adlandırmışdır.
Terminoloji mənada isə seyid məfhumu Həzrət Peyğəmbərin
qızı Həzrət Fatimə ilə Həzrət Əlinin nəslinə mənsub olanlar
üçün istifadə edilmişdir. İslam dünyasının bəzi bölgələrində
Həzrət Həsənin nəslinin nümayəndələrinə şərif, Həzrət Hü-
seynin soyuna mənsub olanlara isə seyid deyilmişdir. Hər iki
tərəfdən bu nəslə mənsub olanlar isə “təbətəba” və yaxud da
“seyyidus-sadat” adlandırılmışdır.
5
Orta əsrlər boyunca Abbasilər, Fatimilər, Əyyubilər, El-
xa nilər, Məmlukilər və Osmanlılar kimi müsəlman dövlət-
lə rində seyidlərə xüsusi hörmət göstərilmiş, hətta onların iş-
ləri ilə məşğul olan “nəqibul-əşraf” adlı xüsusi bir vəzifə də
var idi. Nəqibul-əşraflıq Abbasi xəlifəsi Mütəvəkkilin (232-
1
İlahiyyat üzrə fəlsəfə doktoru, Bakı Dövlət Universitetinin İlahiyyat fakültəsi-
nin müəllimi.
2
İbn Mənzur, Lisanul-ərəb, “svd” maddəsi.
3
Əbu Davud, Sünən, “Sünnə” 13.
4
Tirmizi, Sünən, “Mənaqib” 30.
5
Mustafa Sabri Küçükaşçı, “Seyyid”, Türkiye Diyanet Vakfı İslam Ansiklopedi-
si, c. 37, s. 40.
Dostları ilə paylaş: |