13
Azərbaycanda tolerantlıq ənənəsi
ğın Cəbrayıl və Qubadlı bölgələri nigariliyin ən çox yayıldığı
ərazilər olmuşdur. Cəbrayıldakı Çələbilər nəslinin təmsil etdi-
yi Hacı Qaraman və Qubadlıdakı Mir Sədi Ağa ocaqları nigari-
liyin Qarabağdakı iki fərqli qoludur. Bundan başqa, bu ənənə
Nigarinin davamçısı Hacı Mahmud Əfəndi vasitəsilə Qazax və
Borçalı mahallarında da yayılmışdır.
Nigari məktəbi
Seyid Nigarinin tələbələri və davamçıları da məzhəblərarası
ixtilaflardan uzaq durmuş, başqa təriqətlərin nümayəndələri ilə
qarşılıqlı hörmətə əsaslanan əlaqələr qurmuşlar. Tələbələrdən
biri Amasyaya gedərək Nigaridən xilafətnamə almış və geriyə
qayıdaraq Qazax-Borçalı bölgəsində bu ənənəni təbliğ etmiş
qazaxlı Hacı Mahmud Əfəndidir. Hazırda Qazaxın Aslanbəyli
kəndindəki türbəsindəki qəbrinin yanında Seyid Yasin Əfəndi
adlı şəxsin də məzarı vardır. Hacı Mahmud Əfəndi sünni, Se-
yid Yasin isə şiə idi. Seyid Nigariyə bağlı bu iki şəxs arasın-
da möhkəm dostluq münasibətləri olmuşdur. Hacı Mahmud
Əfəndi “Əgər Seyid Yasin məndən sonra vəfat edərsə, onu ya-
nımda dəfn edin” demişdir.
1
Seyid Nigari məktəbinin ictimai həyatdakı
təza hü rü: Hacı Qaraman ocağı
Həmzə Nigarinin fikirlərinin Qarabağ bölgəsində ictimai
həyata tətbiq edilməsində Cəbrayıl rayonunda yerləşən Hacı
Qaraman ocağının və bu ocağın daşıyıcıları olan Çələbilər
nəslinin xüsusi yeri vardır. Qarabağ bölgəsində sayılıb-seçilən
seyid ocaqlarından olan Hacı Qaraman ocağı, xüsusilə Cəbrayıl
1
İbrahim Yıldırım, “Ben” deki Seyyid Nigari”, Karabağ`dan Amasyaya Gönül
Köprüsü- I. Uluslararası Hamza Nigari Sempozyumu, s. 131; Məhəmməd Al-
lahmanlı, Azərbaycanin Qərb Bölgəsinin Mənəvi Mədəniyyətindən (tarixi-et-
noqrafik tədqiqat), s. 113.
14
və Qubadlı rayonlarında ictimai həyatda böyük təsirə malik
müqəddəs məkandır. Bu ocağın ən aktiv daşıyıcıları Cəbrayıl
rayonunun Sirik kəndinin sakinləridir. Siriklilər hazırda əsasən
Yasamal və Biləsuvar rayonlarında məskunlaşmışlar. Bu ocaq
haqqında topladığımız məlumatlar daha çox Yasamal və Bilə-
su varda məskunlaşmış siriklilərlə söhbətimiz nəticəsində əl də
olunmuşdur. Bunların içərisində ocaq haqqında ətraflı məlu-
ma ta sahib olan Müstəqim Çələbi, Malik Zamanov, Məhəm-
mədli Camalov və Mübariz Camalovu xüsusilə qeyd etmək
la zımdır. Bundan başqa bu ocağın daşıyıcıları tərəfindən ya-
zılmış kitablar və onlar haqqında məlumat verən əsərlərdən də
mənbə kimi istifadə etdik.
Sirik kəndinin sakinləri ilə söhbətimizdə Çələbi nəslinin
kökünün İmam Zeynəlabidinədək gedib çıxdığını öyrəndik.
Oca ğın tanınmış nümayəndələrindən olan Əli Çələbinin oğul-
lu ğu Müstəqim Çələbi bu ocağın Azərbaycandakı tarixi haq-
qında müxtəlif əsərlərdə nəşr edilmiş müsahibələrində ət raflı
məlumat vermişdir. Bu mənbələrin içərisində Abuzər Abu-
zə rovun “Qaramanlı Əli Çələbi”, Əlisahib Əroğulun “Yəhya
Çələbi Haqq dünyamızın işığı” və Azərbaycan Milli Elmlər
Akademiyasının Folklor İnstitutunun nəşr etdiyi “Qarabağ:
folklor da bir tarixdir - VI kitab (Cəbrayıl, Kəlbəcər və Tərtər
rayonlarından toplanmış folklor örnəkləri)” əsərlərini xü su si-
lə qeyd etmək lazımdır.
Çələbi nəslinin nümayəndələrinin verdikləri məlumatlara
əsasən, ocağın Cəbrayıldakı tarixi Diyarbəkrdən Qarabağa
gəlmiş Hacı Qaraman adı ilə tanınan Əziz Əfəndi oğlu Əhməd
Əfəndi ilə bağlıdır. Əhməd Əfəndinin Cəbrayıla gəlişinin
də qiq tarixini söyləmək çətindir. Bəzi müəlliflər bunu Qa-
raman bəyliyinin Osmanlılar tərəfindən süquta yetirilməsi
ilə əlaqələndirsələr də,
1
fikrimizcə, bunu təsdiqləyəcək tari-
xi məlumatlara malik deyilik. Belə ki, Hacı Qaraman ocağı-
1
Abuzər Abuzərov, Qaramanlı Əli Çələbi, Bakı, 1998, s. 5.
15
Azərbaycanda tolerantlıq ənənəsi
nın həqiqətən də Qaraman bəyliyinin ərazisindən gəlməsinə
dair tarixi faktlar yoxdur. Əgər həqiqətən də bu nəslin nü ma-
yən də ləri Qaramandan gəlmişsə, onda bu gəliş Qaramandan
Diyarbəkrə olmuşdur. Belə olan halda onların Diyarbəkrə
köçü iddia olunduğu kimi, XV əsrə təsadüf edilə bilər. Lakin
Diyarbəkrdən Cəbrayıla gəlməsi haqqında dəqiq tarix söy ləmək
çətindir. Hacı Qaramanın oğlu Məhəmməd Çələbi tərəfindən
Çələbilər kəndində tikilmiş məscidin 1088 (miladi 1678)-ci ildə
inşa edildiyini
1
nəzərə alsaq, onda bu ailənin bölgəyə gəlişinin
1650-ci illərə təsadüf etdiyini deyə bilərik. Onların Cəbrayıla
gəlməsinin 1727-ci ildən sonrakı dövrə təsadüf etməsi də müm-
kündür. Belə ki, tarixi məlumatlara əsasən, Gəncə-Qarabağ zo-
nası da daxil olmaqla Azərbaycanın bir çox bölgəsi 1723/24-cü
illərdə Osmanlı ordusu tərəfindən ələ keçirilmişdir. Osmanlı-
lar bölgə əhalisinin gəlirlərini müəyyənləşdirmək və nizam-
lı şəkildə vergi toplamaq üçün 1727-ci ildə “Gəncə-Qarabağ
əyalətinin müfəssəl dəftəri”ni tərtib etmişdilər.
2
Bu dəftərə
diqqət yetirdikdə Çələbilər kəndi nin adına rast gəlmirik.
Çələbilərlə qonşu Sirik kəndində (dəftərdə Sirikli olaraq keçir)
isə heç kimin yaşamadığı qeyd edilir. Böyük ehtimalla Osman-
lılar bölgəni ələ keçirəndə bir çox yaşayış məntəqəsi kimi bu
kəndin əhalisi də köç edərək başqa yerlərdə məskunlaşmışdır.
Kəndin adının dəftərdə qeyd olunması bu fikri dəstəkləyir.
Lakin maraqlı bir fakt ondan ibarətdir ki, adı Siriklidən əvvəl
keçən Xoşvaxt kəndinin sakinlərindən Çələbi Baba oğlu və qar-
daşı Bayraməli adlı iki şəxsin adı qeyd olunub. Adı qeyd edilən
Çələbinin Hacı Qaraman ocağı ilə bir bağlılığın olub-olmadığı-
nı dəqiqləşdirə bilmədik.
3
1
Məhəmməd Nərimanoğlu, “Bu yurdun maddi-mədəni sərvətləri ermənilər
tərəfindən məhv edilib”, Azərbaycan qəzeti, 22 Avgust 2014.
2
Hüsaməddin Məmmədov (Qaramanlı), “Ön söz”, Gəncə-Qarabağ əyalətinin
müfəssəl dəftəri, red. Vasif Quliyev, Bakı, 2000, s. 3-4.
3
Gəncə-Qarabağ əyalətinin müfəssəl dəftəri, red. Vasif Quliyev, Bakı, 2000,
s. 425.
Dostları ilə paylaş: |