N.Nərimanov Azərbaycanın qabaqcıl ziyalılarının köməyi
ilə 1894-cü ildə Bakıda Şərqdə ilk ictimai xalq kitabxanası –
oxu zalı açmışdır. Onun yorulmaq bilmədən mədəni-maarifçilik
fəaliyyəti nəticəsində kitabxana – Oxu zalı təkcə Bakı deyil,
bütün Qafqaz ziyalılarının, mədəniyyət xadimlərinin,
zəhmətkeşlərinin mədəniyyət mərkəzinə çevrilmişdir. Kitabx-
anada N.Nərimanovun rəhbərliyi altında əhali arasında aparılan
mədəni iş məsələlərini müzakirə edən iclaslar çağırılmış, yeni
əsərlər müzakirə olunmuş və yoxsul tələbələrə köməklik üçün
tamaşalar göstərilmişdir.
1895-1901-ci illərdə N.Nərimanov Bakıda müəllimlik
etməklə yanaşı geniş bədii və ictimai-siyasi fəaliyyətə başlamış-
dır. O, bu dövrdə «Dilin bəlası» («Şamdan bəy»), «Bahadur və
Sona», «Nadir şah» əsərlərini yazmış, tərcümələr etmiş, bir sıra
məqalələrlə, məruzə və mühazirələrlə çıxış etmişdir.
Oxumağa, elmə gənc yaşlarından həvəsi olan və daima
ona can atan N.Nərimanov ali savad almaq üçün bir sıra
çətinliklərlə üzləşmişdir. Gimnaziya müəllimi olmasına baxma-
yaraq, ali məktəbə girmək üçün attestat lazım idi. Buna görə də
o, 1902-ci ildə Bakı kişi gimnaziyasında eksterni qaydası ilə
imtahan verib kamal attestatı almış, Odessa şəhərinə gedib
oradakı Novorossiyski Universitetinin tibb fakültəsinə daxil
olmuşdur.
1902-1908-ci illər N.Nərimanovun tələbəlik illəridir.
Tezliklə Novorossiyski Universitetinin qabaqcıl müəllim və
tələbələrin böyük hörmətini qazanan N.Nərimanov inqilabçı
tələbələrə yaxınlaşmış, bu dövrdə qüvvətlənən tələbə çıxış-
larında fəal iştirak etmiş və şəhərin liman fəhlələri arasında
inqilabi iş aparmışdır. Onun tələbəlik illəri Rusiyada inqilabi
mübarizənin gücləndiyi bir dövrə düşmüşdür. Bu dövrdə o, istər
Odessada, istərsə də tətillər vaxtı Bakıya gəldiyi zaman fəhlələr
arasında inqilabi-təbliğati iş aparmış, tələbələrin mitinq və çıxış-
larında nitq söyləmiş, 1905-ci ildə Bakıda Hümmət sosial-
28
demokratik partiyasına daxil olmuş, İran sosial-demokratik
partiyası Mücahidin yaradılmasında iştirak etmişdir.
1906-cı ildə N.Nərimanov RSDFP proqramını Azərbaycan
dilinə tərcümə etmişdir. Azərbaycan müəllimlərinin I qurultay-
ında onun sədrlərindən biri seçilmiş və çıxış edərək müəllimləri
xalqın azadlığı uğrunda mübarizəyə, məktəblərdə Azərbaycan
dilində dərslər keçməyə və məktəb islahatı aparmağa çağırmış-
dır.
N.Nərimanov 1906-1908-ci illərdə öz inqilabi
mübarizəsini «Kaspi», «İrşad», «Həyat», «Təkamül»
qəzetlərində, siyasi-ictimai və mədəni səpgidə yazdığı onlarla
məqalələri vasitəsilə aparmışdır.
1908-ci ildə Universitetin tibb fakültəsini müvəffəqiyyətlə
bitirən N.Nərimanov Bakıya gələrək şəhər xəstəxanasında
həkim işləməyə başlamışdır. O, tezliklə zəhmətkeş xalq
içərisində «bizim doktor» kimi məşhurlaşır. O, Bakıya gəldiyi
ilk gündən gərgin ədəbi, ictimai və maarifçilik fəaliyyətinə
başlayır. Lakin Nərimanov Bakıda çox qala bilməmişdir. Siyasi
fəaliyyətinə görə o, polis təqiblərinə məruz qalmışdır. 1909-cu
ilin yanvarında Tiflis şəhərinə gedərək müalicəxanaların birində
işə düzəlmişdir. Tiflisdə az keçməmiş onun evində polis
tərəfindən axtarış aparılır. Polis burada çarizmin əleyhinə in-
qilabi sənədləri, İran Mücahid Partiyası MK-nın məktubunu,
1905-ci ildə Odessada tələbə çıxışları zamanı yazdığı respub-
likanın monarxiyadan üstünlüyü barədə referatının əlyazmasını
və s. tapmış və N.Nərimanovu həbs edib Metex qalasına salmış-
dır. 7 ay həbsdə saxlanılan N.Nərimanov 2 il müddətinə
Həştərxan şəhərinə sürgün edilmişdir.
1909-1913-cü illərdə N.Nərimanov Həştərxanda «Rusiya»
sığorta cəmiyyətində həkim işləməklə yanaşı fəal ədəbi və siyasi
fəaliyyətini davam etdirmişdir. O bu dövrdə «Şureyi-İslam»
cəmiyyətinin üzvü seçilmiş, Həştərxan quberniyası həkimlərinin
II qurultayında iştirak və çıxış etmiş, Həştərxan xalq
universitetləri cəmiyyətinin əvvəlcə sədrinin müavini, sonra isə
sədri olmuş, 4 il müddətinə Həştərxan Şəhər Dumasına seçilmiş
29
və Dümanın məktəb komissiyasının üzvü təyin edilmişdir.
Həştərxan müsəlmanlarını «Ağ gül» xeyriyyə bayramında işti-
rak etmələrinin təşkilatçısı olmuşdur. Eyni zamanda
N.Nərimanovun burada «Qadın məcəlləsi», «Səhiyyə və islam»
kitabları, «Burxani-tərəqqi», «Kavkaz», «Prikaspiyskiy kray»,
«Astraxanskiy kray», «Kaspiy» qəzetlərində müxtəlif səpgidə
məqalələri çap olunmuşdur.
Sürgün vaxtı qurtaran N.Nərimanov 1913-cü il iyulun 15-
də Bakıya qayıtmışdır. O, Bakının müxtəlif müalicəxanalarında
həkim, şöbə müdiri, müdir vəzifələrində çalışmışdır. Eyni
zamanda ədəbi və ictimai-siyasi fəaliyyətini davam etdirmişdir.
«Nicat» mədəni-maarif cəmiyyətinin pedaqoji şöbəsinin sədri
seçilmiş, «Qənaət» kooperativinin təşkilində iştirak etmiş və I
qurultayında onun sədri seçilmiş, «Xalq evi» beynəlmiləlçi
mədəni-maarif cəmiyyətinin idarə heyətinin tərkibinə seçilmiş-
dir. O, eyni zamanda «Bakineç», «İqbal», «Yeni İqbal» və s.
qəzetlərdə məqalələrlə çıxış etmiş, səhiyyənin müxtəlif sahələri
üzrə və inqilabi mübarizənin genişləndiyi bir vaxtda əhali qar-
şısında çıxışlar etmişdir.
1917-ci ilin fevralında Rusiyada inqilabın qələbə çalması,
çar monarxiyasının devrilməsi bədii əsərləri, məqalələri, ictimai
və siyasi fəaliyyəti ilə daima xalq kütlələrini azadlıq uğrunda
mübarizəyə çağıran N.Nərimanovu daha geniş və açıq siyasi
mübarizə aparmağa ruhlandırmışdır. O, Hümmət təşkilatının
təcili konfransında Müvəqqəti Komitənin sədri seçilmişdir.
1917-ci il aprelin 15-20-də Bakıda Ümumqafqaz
müsəlmanlarının qurultayı keçirilmişdir. N.Nərimanov Hümmət
komitəsinin tapşırığı ilə qurultayda iştirak etmiş, Ə.Topçubaşov,
M.Rəsulzadə, M.Hacınski və b. ilə birlikdə qurultayın rəyasət
heyətinə seçilmiş, nitq söyləmişdir. O, çıxışında Azərbaycan
fəhlə və kəndlilərinə, ümumiyyətlə, bütün Cənubi Qafqaz
müsəlmanlarına müraciət edərək demişdir: «Siz rus inqilabının
xarakterini başa düşməlisiniz. Soyğunçu müharibə olan dünya
imperialist müharibəsindən sonra Rusiyada qələbə çalmış in-
qilab bütün dünyada inqilabın başlanğıcıdar. Hərgah siz bu
30
Dostları ilə paylaş: |