Azərbaycanin ləNKƏran regionu toponiMLƏRİNİN İzahli lüĞƏTİ



Yüklə 0,63 Mb.
səhifə3/7
tarix26.10.2017
ölçüsü0,63 Mb.
#6569
1   2   3   4   5   6   7

ÇORYURD ÇAYI. Yardımlı r. Coğrafi ad Çoryurd dağ adı və çay sözlərindən ibarətdir. Bax: Çoryurd dağı.

ÇOVĞUNQALA. Yardımlı r. Coğrafi ad çovğun və qala komponentlərinin birləşməsindən yaranmışdır.

ÇÖKƏK ƏKIN  YERI. Lerik  r. Toponim çökək və əkin yeri sözlərindən əmələ gəlmişdir.

ÇÜNƏXANLI  KƏNDİ. Cəlilabad r. Cünəxanlı Çumaxanlı adından təhrifdir. Coğrafi ad Cüməxan şəxs adı və «lı» mənsubiyyət bildirən sonluqdan ibarətdir.

ÇÜNZƏLI  KƏNDİ. Cəlilabad r. Oykonimin tərkibindəki Çünzə şəxs adı, «li» nəsil mənsubiyyət bildirən şəkilçidir.

D

DADAŞ  BULAĞI. Lerik r. Bulaq suyunu çəkdirən şəxsin adı ilə  adlandırılmışdır.



DADVA  KƏNDİ. Masallı r. Oykonimin tərkibindəki dad (tat) xalq adı, «va» (oba) isə «müvəqqəti yaşayış yeri» mənasındadır. Kənd adının düzgün yazılışı Tatoba olmalıdır.

DAĞ  MƏHƏLLƏSİ. Cəlilabad r. Məhəllənin adı yerləşdiyi ərazinin relyef xüsusiyyətini əks etdirir.

DAĞƏKƏŞ DƏRƏSİ. Lerik r. Dağəkəş sözü yerli xalq coğrafi termini olub «böyük» anlayışını bildirir. Dağəkəş dərəsi Böyük dərə mənasındadır.

DAĞÜZÜ ÇAYI. Yardımlı r. Çay ərazisindən axdığı Dağüzü kəndinin adını əks etdirir. Bax: Daqüzü kəndi.

DAĞÜZÜ KƏNDİ. Yardımlı r. Dağüzü kəndi «dağla üzbəüz yerləşən kənd» deməkdir.

DALDƏRƏ DƏRƏSİ. Cəlilabad r. Oronim dal «cənub» və «dərə» sözlərindən yaranmışdır.

DAL  QUZEY. Cəlilabad r. Oronim quzey (günəş şüaları az düşən) və dal (kəndin cənubu) sözlərinin birləşməsindəndir. Dal quzey «Gün düşməyən quzey» deməkdir.

DAMCIBULAQ. Cəlilabad r. Hidronim damcı və bulaq topokomponentlərinin birləşməsindən ibarətdir.

DAMCI BULAQ. Masallı r. Toponim damcı və bulaq sözlərindən yaranmışdır.  Bax: Damcı bulaq.

DAMBULƏHONI BULAĞI. Lerik r. Coğrafi adın tərkibindəki dambul sözü talışca «gavalı ağacı», «ə» birləşdirici sait, honi «bulaq» deməkdir (Gavalı bulaq).

DARILIQ  KƏNDİ. Cəlilabad r. Toponim darı bitki adı və kənd sözlərinin birləşməsindəndir.

DARQUBA KƏNDİ. Lənkəran r. Keçmiş mənbələrdə oykonimin düzgün adı Dargavar olmuşdur. Toponim darğa «şəhər, qəza, mahal hakimi» və qədim türk dillərində «kənd, məskən yeri mənasını verən var sözlərinin birləşməsindəndir.

DAŞBULAQ BULAĞI. Lerik r. Daşbulaq «suyu daşdan çıxan bulaq» mənasındadır.

DAŞKƏND KƏNDİ. Yardımlı r. Toponim daş (qaya) topokomponenti və kənd sözlərinin birləşməsindən ibarətdir.

DAŞTALICAR  KƏNDİ. Lənkəran r. Coğrafi ad Daştəliğcar adından təhrifdir. Talış dilində dast (dəst) «çöl», «ə» bitişdirici sait, «lıq» həsir toxumaq üçün bitki (pizə) və car «yer» sözlərindən ibarətdir.

DAŞTALIQJAR ÇÖLÜ. Lənkəran r. Coğrafi adın tərkibində daşt (dəşt) talış dilində «çöl», «ə» birləşdirici sait, lıqjar «qamışlıq yer», «sucaq yer» deməkdir (Qamışlıq çölü).

DAŞTATÜK KƏNDİ. Lənkəran r. Oykonim talış dilindəki daşt (dəşt) «çöl», «səhra», «ə» (a) birləşdirici sait və tük «çəltik əkilən yer» sözlərindəndir.

DAVALI  TƏPƏ. Lerik r. Əkin sahəsi kimi istifadə olunmasında Dəstər və Hamarat kənd əhalisinin dava-dalaş etməsindən belə adlanır.

DAVARDIBI ÇAYI. Lerik r. Toponim Davar kənd adı, dibi və çay sözlərinin birləşməsindəndir. Bax: Davardibi kəndi.

DAVARDIBI KƏNDİ. Lerik r. Oykonimin düzgün yazılışı Dəvrəbin olmalıdır. Dəvrəbin adındakı dəvrə (Davar) dağ adı, bin talışca «ətək», «dib» deməkdir (Dağdibi kəndi).

DAVIDONU KƏNDİ. Lerik r. Yaşayış məntəqəsi Davıd (Davud) şəxs adı və talış dilindəki onu (honu) bulaq sözlərinin birləşməsindən ibarətdir (Davıd bulağı kəndi).

DEQADI KƏNDİ. Astara r. Talış dilində de (dü) «iki» qa (kə) «ev» və dı «kənd» deməkdir. Degadi (Qoşakənd).

DƏLƏLI  KƏNDİ. Cəlilabad r. Coğrafi ad Dərəli adından təhrifdir. Toponimin tərkibindəki «r» səsi «l» səsi ilə əvəz edildiyindən Dərəli-Dələli formasında təhrifə məruz qalmışdır. Dərəli kənd Dərədə salınan kənd mənasındadır.

DƏLLƏKLI  KƏNDİ. Masallı r. Yaşayış məntəqəsi adındakı dəllək sözü peşə sahəsini, «li» isə nəsil, etnik mənsubiyyət bildirir.

DƏLLƏKLI  KƏNDİ. Yardımlı r. Bax: Dəlləkli kəndi.

DƏLLƏKLI MƏHƏLLƏSİ. Yardımlı r. Bax: Dəlləkli kəndi.

DƏLLƏKOBA KƏNDİ. Masallı r. Oykonimin tərkibindəki dəllək peşə, sənət növünü, oba isə müvəqqəti yaşayış məntəqəsi tipini bildirən termindir.

DƏLOV  KƏNDİ. Astara r. Oykonim dəl «dəli», «coşğun», «daşqın» və ov talışca «su» sözlərindən yaranmışdır. Kənd adının düzgün yazılışı Dəlişov olmalıdır.

DƏMBƏLOV DAĞI. Masallı r. Coğrafi ad Dəmbəlov kənd adı və dağ sözlərinin birləşməsidir. Bax: Dəmbəlov kəndi.

DƏMBƏLOV  KƏNDİ. Masallı r. Coğrafi ad Azərbaycanca dəm «xoş», talış dilindəki bo (bə) «iy», lev «kənar» və ov «su» sözlərindən ibarətdir.

DƏMIRAĞAC BULAĞI. Lənkəran r. Hidronim dəmirağac və bulaq sözlərinin birləşməsindəndir.

DƏMİRAĞAC MEŞƏSİ. Masallı r. Coğrafi ad dəmirağac və meşə sözlərindən yaranmışdır.

DƏMIRÇI DƏRƏSİ. Yardımlı r. Oronim keçmişdə mövcud olan Dəmirçi kənd adı və dərə termininin birləşməsindəndir. Coğrafi adın düzgün yazılışı Dəmrçi kənd dərəsi olmalıdır.

DƏMIRÇI  KƏNDİ. Masallı r. Yaşayış məntəqəsi adındakı dəmirçilər tayfa adıdır.

DƏMİRÇİ  KƏND XARABALIĞI. Yardımlı r. Kənd xarabalığı XIV əsrdə orada məskunlaşmış dəmirçilər tayfasının adını əks etdirir.

DƏMIRÇI DƏRƏSI  ÇAYI. Yardımlı r. Coğrafi ad dəmirçi tayfa adı və dərə termininin birləşməsindəndir.

DƏMIRLI  DAĞI. Cəlilabad r. Oronim dəmirli bitkisi və dağ termininin birləşməsindəndir.

DƏRƏBAND  DAĞI. Lerik r. Oronim Azərbaycan dilindəki dərə və talış dilindəki band «dağ» sözlərinin birləşməsindən yaranmışdır.

DƏRKƏVAR YERİ. Yardımlı r. Dərkəvar keçmiş Deriqavar sözünün təhrif formasıdır. Deriq «mahal», «ərazi adı», «ə» (a) birləşdirici sait, var qədim türk dillərində «kənd» deməkdir.

DƏRYAVAR DAĞI. Yardımlı r. Coğrafi ad Dəryavar kənd adı və dağ sözlərindəndir. Bax: Dəryavar kəndi.

DƏRYAVAR  KƏNDİ. Yardımlı r. Coğrafi ad Drik (Dırığ)  mahal adından, «yə» (ya) birləşdirici söz və var kənd komponentlərindən ibarətdir.

DƏSTƏR KƏNDİ. Lerik r. Toponim talış dilində dast (dəst)  «əl daşı» və hore üyütmək sözlərinin birləşməsindən yaranmışdır. Coğrafi adın düzgün yazılışı Dasthore olmalıdır (Əl daşı dəyirmanı).

DƏSTOR  KƏNDİ. Astara r. Oykonimin talış dilində Dasthore sözündən olub «əl daşı dəyirmanı» mənasındadır.

DƏYIRMAN ARXI. Masallı r. Arxın suyu dəyirmanı işlətməsinə görə belə adlandırılmışdır.

DƏVƏBOYNU  DAĞI. Yardımlı r. Oronim iki komponentin – dəvə  və boynu sözlərinin birləşməsindən yaranmışdır.

DƏVRƏBIN  ÇAYI. Lerik r. Çayın keçmiş adı Davardibi çayı olmuşdur. Hidronim Dəvrəbin (Davardibi) kənd adı ilə çay sözünün birləşməsindən ibarətdir. Bax: Dəvrəbin (Davardibi) kəndi.

DIRYAN  KƏNDİ. Lənkəran r. Oykonimin düzgün yazılışı «Düruon» olmalıdır. Toponim talış dilindəki dü «iki», ru «çay» sözlərindən və cəmlik bildirən «on» şəkilçisindən ibarətdir (İkiçayarası kəndi).

DIRYAN  MEŞƏSİ. Lənkəran r. Coğraf ad Dıryan kənd adı və meşə sözlərinin birləşməsindən yaranmışdır. Bax: Dıryan kəndi.

DIZDILIQ DAĞI. Lerik r. Diz talış dilindəki «qala», di «kənd», «lıq» Azərbaycan dilində mənsubiyyət şəkilçisidir. Oronimin düzgün adı Dizdilıq olmalıdır (Qalakənd kəndi).

DIZDIPOK KƏNDİ. Lerik r. Oykonimin tərkibindəki dızd komponenti talış dilində «oğru», «i» birləşdirici sait, pok isə «düzənlik», «çöl», «açıqlıq» mənasındadır.

DIZDONI DAĞI. Lerik r. Toponim dizd «gizli» və honı «bulaq» komponentlərindən ibarətdir (Gizlibulaq kəndi).

DİBANBİL AŞIRIMI. Lənkəran r. Coğrafi ad Dibanbil şəxs adı və aşırım sözlərinin birləşməsindən yaranmışdır.

DIGAH  ARXI. Lənkəran r. Toponim Digah kənd adı ilə arx sözünün birləşməsidir. Bax: Digah kəndi.

DIGAH  KƏNDİ. Lerik r. Di talış dilində «kənd», gah komponenti isə «yer» anlayışını bildirir.

DIGAH  KƏNDİ. Masallı r. Bax: Digah kəndi.

DIGAH  KƏNDİ. Lənkəran r. Bax: Digah kəndi.

DİGAH TƏPƏSİ. Lənkəran r. Oronim Digah kənd adı və təpə sözlərinin birləşməsidir. Bax: Digah kəndi.

DİGAH  TƏPƏSİ. Masallı r. Coğrafi ad Digah kənd adı və təpə sözlərinin birləşməsindən yaranmışdır. Bax: Digah kəndi.

DIGƏHAL QAYASI. Lerik r. Toponim Azərbaycan dilindəki dik «hündür», «ə» birləşdirici sait və talış dilindəki hal «qaya» sözlərinin birləşməsindəndir (Dikqaya kəndi).

DIKÇIXAN TƏPƏ. Cəlilabad r. Oronim dik, çıxan və təpə topokomponentlərinin birləşməsindən yaranmışdır.

DIKOVDƏRƏ  ÇAYI. Lerik r. Hidronim Dikov (Diqoov) yaşayış məntəqəsi adı və «dərə» komponentinin birləşməsidir.

DIKOV KƏNDİ. Lerik r. Oykonim di talış dilində «kənd», qo «yer» və ov «su» sözlərindən düzəlmişdir. Kəndin düzgün adı Diqoov olmalıdır (Sulu kənd).

DIQO KƏNDİ. Astara r. Coğrafi ad talış dilində di «kənd» və qo «yer» mənasındadır. Diqo Diqoov adından təhrifdir.

DIQO KƏNDİ. Lerik r. Yaşayış məntəqəsi adındakı topokomponentlərdən di talışca «kənd», qo isə «yer» deməkdir Bax: Diqo kəndi.

DIQOV KƏNDİ. Lerik r. Oykonim talış dilindəki di «kənd», qo «yer», ov «su» sözlərindən ibarətdir. Coğrafi adın düzgün yazılışı Diqoov olmalıdır. Bax: Diqo kəndi.

DIVAĞAC KƏNDİ. Lerik r. XVIII əsr mənbələrində bu coğrafi ada Dibağac yazılışında rast gəlirik. Oykonim Azərbaycan dilindəki dib «ətək», «dağ dibi» və ağac komponentlərindən ibarətdir.

DOLU KƏNDİ. Astara r. Dolu Dəlov adından təhrifdir. Talış dilində dəlöv zəminin hündür yerindən su axıtmaq üçün qazılan çökək yer mənasındadır.

DONUZÖLƏN  DƏRƏSİ. Cəlilabad r. Oronim donuz, ölən və dərə sözlərinin birləşməsindən yaranmışdır.

DONUZÜTƏN  MINERAL  BULAĞI. Masallı r. Bulaq adı donuz və ütən (ütülən) sözlərinin birləşməsindən ibarətdir.

DOSTALI  KƏNDİ. Cəlilabad r. Yaşayış məntəqəsi adındakı Dostalı şəxs adıdır.

DÖRDORTAQ ƏKİN SAHƏSİ. Masallı r. Əkin sahəsi adındakı dörd say mənasını, ortaq isə dörd kənd əhalisinin birlikdə əkib-becərməsini bildirir.

DÖVLƏTBƏYLI KƏNDİ. Cəlilabad r. Coğrafi ad Dövlət  şəxs adı, bəyli («Əlibəyli») nəsil adından ibarətdir. Oykonimin düzgün adı Dövlət Əlibəyli kəndi olmalıdır.

DUAHAL QƏSƏBƏSİ. Lerik r. Toponim «dua» - imdad etmək sözündən və talış dilindəki hal «qaya» komponentlərinin birləşməsidir.

DURĞAN KƏND YERİ Lerik r. Durğan Duğon adından təhrifdir. Duğ (değ) talış dilində yaşayış məntəqəsi, on cəmlik bildirən şəkilçidir.

DÜBIR ÇAYI. Lerik r. Hidronim talış dilindəki du «iki» və Azərbaycan dilində bir sözlərindən ibarətdir.

DÜBIR ZIRVƏSİ. Lerik r. Oronim Dubir çay adı və zirvə sözlərinin birləşməsindən əmələ gəlmişdir. Bax: Dübir çayı.

DÜLYAM  ÇAYI. Lerik r. Hidronim talış dilindəki du «iki» «qoşa» və lyam «yaylaq» komponentlərindən ibarətdir (Qoşa yaylaq kəndi).

DÜLYAM  DAĞI. Lerik r. Dülyam dağı qoşa yaylaq arasında dağdır. Bax: Dülyam çayı.

DÜLYAM  DƏRƏSİ. Lerik r. Dülyam dərəsi qoşa yaylaq arasında yerləşən dərədir. Bax: Dulyam çayı.

DÜRRIYƏ  KƏNDİ. Astara r. Toponim talış dilindəki dü (dür) «iki» və riyə «yol», «cığır» sözlərindən yaranmışdır (İki yol arası kənd).

E

EDIŞƏ BULAĞI. Cəlilabad r. Coğrafi ad Edişə kənd adı və bulaq topokomponentlərindən ibarətdir. Bax: Edişə kəndi.



EDIŞƏ DAĞI. Gəlilabad r. Oronim Edişə kənd adı və dağ sözlərindən ibarətdir. Bax: Edişə kəndi.

EDIŞƏ KƏNDİ. Cəlilabad r. Yaşayış məntəqəsi adındakı edişə sözü tayfa adıdır.

EKİZLƏR  DAĞI. Cəlilabad r. Ekizlər dağı qoşa dağ mənasındadır.

EMINLI BATAQLIĞI. Masallı r. Coğrafi ad Eminli kənd adı və bataqlıq sözlərinin birləşməsindəndir.

EMINLI  DÜZƏNLİYİ. Masallı r. Oronim Eminli kənd adı və düzənlik sözlərinin birləşməsindən əmələ gəlmişdir.

EMINLI  ISTİLİ. Masallı r. Hidronim Eminli kənd adı və istil (yerli coğrafi termin olub «kiçik su anbarı» deməkdir) sözlərinin birləşməsidir. Bax: Eminli kəndi.

EMINLI KƏNDİ. Masallı r. Oykonimin tərkibindəki Emin şəxs adı, «li» nəsil mənsubiyyət bildirən sonluqdur.

EYVAZÇUXUR  DÜZÜ. Lerik r. Oronim Eyvaz şəxs adı, çuxur və düzənlik topokomponentlərinin birləşməsidir.

EYVAZKƏSDI  DAĞI. Masallı r. Coğrafi ad Eyvaz şəxs adı və kəsdi sözünün birləşməsindən yaranmışdır.

EYVAZKƏSDI ZIRVƏSİ. Masallı r. Oronim Eyvaz şəxs adı və zirvə topokomponentlərinin birləşməsidir.

Ə

ƏBİŞ TƏPƏSİ. Cəlilabad r. Oronim Əbiş şəxs adı və təpə xalq coğrafiya termininin birləşməsindən yaranmışdır.



ƏBLIKƏQOY  BİÇƏNƏYİ. Lerik r. Coğrafi adın tərkibindəki Əbli (Əbil) şəxs adı, kə topokomponenti talış dilində ev, məskən, qoy isə «yeri» deməkdir. Toponimin düzgün adı Əbilkəqoy biçənəyi olmalıdır.

ƏBLIKƏQOYHONI  BULAĞI. Lerik r. Toponimin tərkibindəki Əbli şəxs adı, talış dilində kə «ev», honi «bulaq» deməkdir. Bulağın düzgün adı Əbilkəqoyhoni olmalıdır.

ƏBÜLƏZIM  KÜLƏTANI. Lerik r. Coğrafi adın tərkibindəki Əbdüləzim şəxs adı külətani isə «kolu təmizlənən, atılan» deməkdir. Toonimin düzgün adı Əbdüləzim külətanı olmalıdır.

ƏBÜLFƏT  DİKİ. Cəlilabad r. Oronim Əbülfət şəxs adı və  dik «hündür» sözlərinin birləşməsidir.

ƏHMƏDLİ KƏNDİ. Masallı r. Oykonim adındakı Əhmədli tayfa adıdır.

ƏJDƏR  BULAĞI. Lerik r. Bulaq suyunu kəndə çəkdirən şəxsin adı ilə adlandırılmışdır.

ƏKBƏRMƏHƏLLƏ KƏNDİ. Astara r. Oykonimin tərkibindəki Əkbər şəxs adı, məhəllə isə «yaşayış yeri» deməkdir.

ƏKBƏRMƏHƏLLƏ YAMACI. Astara r. Oronim Əkbərməhəllə kənd adı və yamac sözlərindən yaranmışdır. Bax: Əkbərməhəllə kəndi.

ƏLƏDDİN  DƏRƏSİ. Lerik r. Coğrafi ad Ələddin şəxs adı və dərə sözlərinin birləşməsidir.

ƏLƏHİ  MİNERAL  BULAĞI. Yardımlı r. Mineral bulağın adındakı Ələhi sözü qədim türk dillərində «çökəklik» mənasındadır. Çökəklikdə yerləşən bulaq mənasındadır.

ƏLƏKBƏRLİ KƏNDİ. Cəlilabad r. Yaşayış məntəqəsi adındakı Ələkbər şəxs adı, «li» nəsil mənsubiyyəti bildirən şəkilçidir.

ƏLƏZƏPIN  KƏNDİ. Lənkəran r. Coğrafi ad talış dilindəki ələzə «yaşıllıq» və pin (bın) «dib», «ətək» sözlərindən ibarət olub, «yaşıllı ətək» mənasındadır.

ƏLIABAD  ÇAYI. Lerik r. Hidronim Əliabad kənd adı və çay terminindən ibarətdir. Bax: Əliabad kəndi.

ƏLİABAD GƏDİYİ. Cəlilabad r. Coğrafi ad Əliabad kənd adı və gədik sözlərinin birləşməsidir.

ƏLIABAD KƏNDİ. Lerik r. Yaşayış məntəqəsinin adı Əli şəxs adı və abad «abadlaşdırmaq» sözlərindən yaranmışdır.

ƏLIBƏND  KƏNDİ. Astara r. Toponim Əli şəxs adı və talış dilində band (bənd) «dağ» sözlərindən ibarətdir.

ƏLİ BULAĞI. Cəlilabad r. Hidronim Əli şəxs adı və bulaq sözlərinin birləşməsindən yaranmışdır.

ƏLİ  DƏRƏSİ. Cəlilabad r. Oronim Əli şəxs adı və dərə sözünün birləşməsidir.

ƏLİF LƏPƏYİ. Cəlilabad r. Coğrafi ad Əlif şəxs adı, ləpəy yerli xalq coğrafi termin olub «hamar səth» sözlərindən yaranmışdır.

ƏLİKÖMƏK TƏPƏSİ. Cəlilabad r. Xalq etimologiyasına görə, toponim guya «Əli kömək olsun» mənasındadır.

ƏLIQASIMLI KƏNDİ. Cəlilabad r. Yaşayış məntəqəsi adındakı Əliqasım şəxs adı, «lı» etnik mənsubiyyət bildirən şəkilçidir.

ƏLIOBA ÖRÜŞÜ. Lerik r. Toponimin tərkibindəki Əli şəxs adı, oba «müvəqqəti yaşayış məskəni», örüş isə «düzənlik», «otlaq yeri» mənasındadır.

ƏMINLI ISTİLİ. Masallı r. Hidronim adındakı Əminli kənd adı, istil isə yerli xalq coğrafi termini olub, «kiçik su anbarı» mənasındadır.

ƏMINLI KƏNDİ. Masallı r. Oykonimin tərkibindəki Əmin şəxs adı, «li» isə nəsil, mənsubiyyət bildirən sonluqdur.

ƏMİR  ÇÖKƏKLİYİ. Lənkəran r. Coğrafi ad Əmir şəxs adı və çökəklik sözlərinin birləşməsindən yaranmışdır.

ƏMIRTÜRBƏ  DƏRƏSİ. Masallı r. Toponim Əmir şəxs adı, türbə ərəb dlndə «məzar», «qəbir» və dərə sözlərinin birləşməsidir. Bax: Əmirtürbə kəndi.

ƏMIRTÜRBƏ KƏNDİ. Masallı r. Yaşayış məntəqəsi Əmir şəxs adı və türbə ərəb dilində «məzar», «qəbir» sözlərindəndir.

ƏNGƏVUL  KƏNDİ. Yardımlı r. Yaşayış məntəqəsi adındakı əng (angı, əngi) İran dillərində «arı», «bal arısı», «ə»  bir¬ləşdirici sait, vil isə «gül», «çiçək» mənasındadır. Coğrafi adın düzgün yazılışı – Əngəvil olmalıdır.

ƏRÇIVAN  ÇAYI. Astara r. Coğrafi ad Ərçivan kənd adı və çay sözlərinin birləşməsindən yaranmışdır. Bax: Ərçivan kəndi.

ƏRÇIVAN  KƏNDİ. Astara r. Coğrafi adın tərkibindəki topokomponentlərdən ərç «dəyirman», «i» birləşdirici sait, van isə «məskən», «yaşayış yeri» sözlərindən ibarətdir (Dəyirman yerində salınan kənd).

ƏRDAĞ  DAĞI. Yardımlı r. Toponimin tərkibindəki ər qədim türk dillərində «yüksək», «hündür», «uca» mənasındadır. Ərdağ «Hündür dağ» deməkdir.

ƏRDƏBILƏ  KƏNDİ. Lerik r. Coğrafi ad Ərdəbil komponentindən və talış dilindəki «ə» cəm şəkilçisindən ibarət olub, «ərdəbillilər» mənasındadır (Ərdəbillilər kəndi).

ƏRƏB  KƏNDİ. Masallı r. Yaşayış məntəqəsi adındakı ərəb xalq adıdır.

ƏRKİVAN İSTİLİ.  Masallı r. Coğrafi ad Ərkivan kənd adın-dan və istil sözlərinin birləşməsidir. İstil Bax: Əminli istili.

ƏRKİVAN İSTİSU BULAĞI. Masallı r. Coğrafi ad Ərkivan kənd adı və istisu bulağı sözlərinin birləşməsidir. Bax: Ərkivan kəndi.

ƏRKİVAN KƏNDİ. Masallı r. Oykonimin tərkibindəki ər qədim türk dillərində «cəsur», «məğrur», «qoçaq», kivan isə «mühafizə edən», «qoruyan» mənasındadır.

ƏRKİVAN SU ANBARI. Masallı r. Hidronim Ərkivan yaşayış məntəqəsi adı və su anbarı sözlərinin birləşməsidir. Bax: Ərkivan kəndi.

ƏRKİVAN  TƏPƏSİ. Masallı r. Oronim Ərkivan kənd adı və təpə sözlərinin birləşməsidir. Bax: Ərkivan kəndi.

ƏRSILƏ  KƏNDİ. Yardımlı r. Coğrafi adın Ərsə sözündən təhrif olması ehtimal olunur. Ərsə ərəb dilində meydan deməkdir (Meydan kəndi).

ƏRUS KƏNDİ. Yardımlı r. Yaşayış məntəqəsi adındakı ərus qıpcaqlara mənsub tayfa adıdır.

ƏSƏDABAD KƏNDİ. Cəlilabad r. Yaşayış məntəqəsi Əsəd şəxs adı və abad topokomponentindən ibarətdir.

ƏSƏDABAD  KƏNDİ. Yardımlı r. Oykonimin tərkibindəki Əsəd şəxs adı, abad isə «abadlaşdırmaq» mənasındadır.

ƏSƏDLI  KƏNDİ. Cəlilabad r. Yaşayış məntəqəsi adındakı Əsəd şəxs adı, «li» isə etnik mənsubiyyət bildirən şəkilçidir.

ƏSXƏNƏKƏRAN KƏNDİ. Astara r. Yaşayış məntəqəsi adında Əsxən şəxs adı, «ə» birləşdirici sait, kəran formantı isə talış dilində «evlər» mənasındadır (Əsxən kəndi).

ƏSMƏYLİ  DİKİ. Cəlilabad r. Oronimdə Əsməy şəxs adı, «li» etnik mənsubiyyət bildirən  şəkilçidir.

ƏŞLƏ  DAĞI. Lənkəran r. Coğrafi adın düzgün yazılığı Əşrəf dağı olmalıdır. Oronim Əslə (Əşrəf) şəxs adı və «dağ» sözlərinin birləşməsindən yaranmışdır. Bax: Əslə kəndi.

ƏŞLƏ DƏRƏSİ. Lənkəran r. Əslə (Əşrəf) şəxs adı və dərə coğrafi termindir. Bax: Əslə kəndi.

ƏŞLƏ  KƏNDİ. Lənkəran r. Coğrafi adın tərkibindəki Əşlə Əşrəf adının təhrif formasıdır. Əşlə kəndinin düzgün yazılışı  Əşrəf kəndi olmalıdır.

ƏTCƏLƏR  KƏNDİ. Cəlilabad r. Kənd adı Atçılar adından təhrifdir. Ətcələr (Atçılar) tayfa adıdır. Oykonimin düzgün yazılışı Atçılar olmalıdır.

ƏTCƏLƏR  KƏNDİ. Masallı r. Yaşayış məntəqəsi adı Atçılar adından təhrifdir. Bax: Ətcələr kəndi.

ƏVCƏDULAN ÇAYI. Yardımlı r. Hidronim Əvcədulan kənd adı və çay sözünün birləşməsindən yaranmışdır. Bax: Əvcədulan kəndi.

ƏVCƏDULAN KƏNDİ. Yardımlı r. Yaşayış məntəqəsinin adı mənası aydın olmayan əvcə sözündən və monqol mənşəli dolan etnonimindən ibarətdir. Oykonimin düzgün adı Əvcədolan olmalıdır.

ƏYƏRUD ÇAYI. Astara r. Çay adının düzgün yazılışı Əy¬yar-rud olmalıdır. Hidronim Əyə (Əyyar) şəxs adı və rud talış dilində «çay» sözlərinin birləşməsidir (Əyyar çayı).

ƏVILƏ  KƏNDİ. Lerik r. Coğrafi ad Əvilə Vel (ayıdöşəyi) adının təhrif formasıdır. Talış dilində əvilə sözü çoxluq, cəmlik mənasında da işlənir.

ƏYRİGÜNEY DAĞI. Yardımlı r. Dağın adı əyri və güney topokomponentlərinin birləşməsindən yaranmışdır.

ƏYYUB  TƏPƏSİ. Lerik r. Oronim Əyyub şəxs adı və təpə xalq coğrafiya terminindən ibarətdir.

ƏZƏRUD  ÇAYI. Astara r. Əzər (Azər) şəxs adı və talış dilində rud (ru) «çay» deməkdir. Coğrafi adın düzgün yazılışı Azərrud olmalıdır (Azər çayı).

ƏZƏRUD  KƏNDİ. Astara r. Yaşayış məntəqəsinin düzgün yazılışı Əzərrud (Azərrud) olmalıdır. Bax: Əzərud çayı.

ƏZIZABAD  KƏNDİ. Masallı r. Coğrafi ad Əziz şəxs adı, abad isə «abadlaşdırmaq» sözlərinin birləşməsidir.

ƏZGİLLİDAĞ. Yardımlı r. Oronim əzgil ağac adı və dağ terminindən yaranmışdır.

F

FATMANIN  ÇƏLTIK YERI. Lerik r. Toponim Fatma şəxs adı və çəltik sözlərinin birləşməsidir.



FATONİ KƏNDİ. Lerik r. Fat talış dilində «isti» və honı (onı)  «bulaq» deməkdir (İstibulaq kəndi).

FEYZI  DƏRƏSİ. Lerik r. Oronim Feyzi şəxs adı və dərə termininin birləşməsindən yaranmışdır.

FƏRƏCULLALI  KƏNDİ. Cəlilabad r. Oykonimin tərkibin-dəki Fərəculla şəxs adı və «lı» etnik mənsubiyyət bildirən şəkilçidir.

FƏRZƏLI  ÇAYI. Cəlilabad r. Hidronim Fərzəli şəxs adı və çay sözlərinin birləşməsindəndir.

FƏRZƏLI KƏNDİ. Cəlilabad r. Yaşayış məntəqəsi adındakı Fərzəli şəxs adıdır.

FƏRZƏLİ  QIŞLAĞI. Yardımlı r. Müvəqqəti yaşayış məntəqəsi Fərzəli şəxs adı və qışlaq sözlərinin birləşməsindən əmələ gəlmişdir.

FƏTƏLİ  BULAĞI. Lerik r. Bulaq suyunu kəndə çəkdirən şəxsin adı ilə adlandırılmışdır.

FƏTƏLİ DAĞI. Lənkəran r. Oronim Fətəli şəxs adı və dağ sözlərindən  yaranmışdır.

FƏTULLAQIŞLAQ DƏRƏSİ. Cəlilabad r. Coğrafi ad Fətulla şəxs adı və müvəqqəti məskən yeri olan qışlaq və dərə sözlərinin birləşməsindən ibarətdir.

FƏTULLAQIŞLAQ  KƏNDİ. Cəlilabad r. Oykonim Fətulla şəxs adı  və qışlaq komponentlərinin birləşməsidir.

FINDIQLIQIŞLAQ DAĞI. Yardımlı r. Dağ orada bitən fındıq bitki adı və qışlaq sözlərindən yaranmışdır.

FINDIQLIQIŞLAQ GÜNEYİ. Yardımlı r. Oronim fındıqlı, qışlıq və güney (güney dağın günəş şüası çox düşən cənub cəhətini bildirir) sözlərinin birləşməsindən ibarətdir.

FINDIQLIQIŞLAQ  KƏNDİ. Yardımlı r. Yaşayış məntəqəsi adındakı fındıq bitki adı, qışlaq isə «müvəqqəti məskən yeri» deməkdir.

FİRUZOBA YAYLAĞI. Lerik r. Yaylaq Firuz şəxs adı, oba (müvəqqəti yaşayış yeri) və yaylaq komponentlərinin birləşməsindən yaranmışdır.

G

GAMIŞOVAN MƏRDOSU. Lənkəran r. Coğrafi ad qamış¬ovan yer adı və talış dilində «bataqlıq» mənasını verən mərdo sözlərinin birləşməsindən əmələ gəlmişdir.



GAVRAN  KƏNDİ. Yardımlı r. Yaşayış məntəqəsi adı İran dillərindəki gav «öküz» və ran «saxlanılan ərazi» sözlərindən ibarətdir.

GENDƏRƏ DƏRƏSİ. Yardımlı r. Gen dərə Enli dərə mənasındadır.

GENDƏRƏ  DƏRƏSİ. Cəlilabad r. Bax: Gen dərə.

GENDƏRƏ  KƏNDİ. Yardımlı r. Oykonim gen – enli və dərə topokomponentlərinin birləşməsindən ibarətdir.

GERSAVAN  KƏNDİ. Yardımlı r. Yaşayış məntəqəsinin adı Gərsoba adından təhrifdir. Bizcə, toponim talış dilindəki gərs «əkin yeri» və ava (oba) topokomponentlərinin birləşməsindən yaranmışdır.

GƏGİRAN ÇAYI. Lənkəran r. Hidronim Gəgiran kənd adı və çay sözlərinin birləşməsindən əmələ gəlmişdir. Bax: Gəgiran kəndi.

GƏGİRAN BULAĞI. Lənkəran r. Coğrafi ad Gəgiran kənd adı və bulaq sözlərinin birləşməsindən ibarətdir. Bax: Gəgiran kəndi.

GƏGİRAN  DAĞI. Lənkəran r. Oronim Gəgiran kənd adı və dağ sözlərinin birləşməsindən yaranmışdır. Bax: Gəgiran kəndi.

GƏGİRAN DƏRƏSİ. Lənkəran r. Coğrafi ad Gəgiran kənd adı və dərə komponentlərinin birləşməsindən əmələ gəlmişdir. Bax: Gəgiran kəndi.

GƏGİRAN GÜNEYİ. Lənkəran r. Güney sözü xalq coğrafi termini olub «cənub», «günəş şüası çox düşən ərazi» deməkdir. Bax: Gəgiran kəndi.

GƏGİRAN QUZEYİ. Lənkəran r. Quzey sözü xalq coğrafi termini olub «şimal», «günəş şüası az düşən ərazi» mənasındadır. Bax: Gəgiran kəndi.

GƏGİRAN KƏNDİ. Lənkəran r. Coğrafi ad türk mənşəli kugir tayfa adı və talış dilindəki məkan və cəmlik bildirən «an» topokomponentindən ibarət olub «Gugirlərin məskəni» mənasındadır.

GƏNCƏVÜ ÇAYI. Hidronimin düzgün adı Gəncəbəru olmalıdır. Çay adı ərəb dilindəki kənizə «məbəd» sözündən təhrif olan gəncə, fars dilindəki bər «sahil», «kənar» və talış dilindəki ru «çay» sözlərinin birləşməsindən yaranmışdır.

GƏNDOV  KƏNDİ. Lerik r. Oykonim Kəndov adından təhrifdir. Coğrafi ad Gəndov kənd və talış dilindəki ov «su» sözlərinin birləşməsidir.

GƏLİNQAYA QAYASI. Lerik r. Toponim gəlin və qaya topokomponentlərinin birləşməsindən əmələ gəlmişdir.

GƏLİNQAYA. Yardımlı r. Bax: Gəlinqaya qayası.


Yüklə 0,63 Mb.

Dostları ilə paylaş:
1   2   3   4   5   6   7




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə