Çinar fəsiləsi
Genus: Platanus L. – Çinar cinsi
Species: Platanus orientalis L. – ġərq çinarı
Sp. Pl. 999 1753.
Ümumi yayılması: Orta Asiya Respublikalarında, Balkan yarımadasında,
Türkiyə, İran və Aralıq dənizi ölkələrində təbii arealları vardır.
Azərbaycanda yayılması: Qəbələ (Qaraçay vadisi), Balakən (Xınbuqov-
çay vadisi), Zəngilan (Bəsitçay), Oğuz (Ərmənat kəndi) və Yuxarı Qar-
abağ ərazilərində yayılmışdır.
Statusu: Azərbaycanın nadir, relikt bitkilərindəndir. EN A1ad;B2b(i,iv).
Bitdiyi yer: Əsasən aşağı dağ qurşağında qarışıq enliyarpaqlı meşələrdə
çay kənarlarında daha çox rast gəlinir.
Təbii ehtiyatı: Azərbaycanda dar bir arealda yayılmışdır.
Biolojı xüsusiyyətləri: Təbiətdə 30 m-ədək hündürlükdə, qısa gövdə
üzərindən yanlara və yuxarıya doğru inkişaf edən budaqları olan geniş
çətirli bir ağacdır. Yaşlı bitkilərdə qabıq kiçik pullar halında dərin çatlı
olub, gövdə üzərində uzun müddət qala bilir. Təpə tumurcuğu yalançı-
terminal vəziyyətindədir. Tumurcuğun ucu sivridir, tək bir pulcuqla
örtülmüşdür. Tumurcuq və zoğlar qəhvə rənğindədir. Yarpaqları 5-7 di-
limli olub, dərin parçalıdır. Dilimləri dar və uzundur, tam kənarlı və ya
dişlidir. Yarpaqların saplağı uzun olub 3-8 s arasında dəyişir. Uzun sap-
laqlı hamaşmeyvənin üzərində olub, 2-6 ədədi bir yerdə birləşərək salxım
əmələ gətirir. Meyvələri iri, diametri 2-2,5 sm-dir. Meyvələri toxumcadır,
yuxarısı enliləşmiş və tüklənmiş olub, 4-7 mm uzunluğundakı çılpaq
sütuncuğa keçir.
Çoxalması: Təbiətdə generativ və vegetativ yolla çoxalır.
Təbii ehtiyatının dəyilĢilməsi səbəbləri: Başlıca olaraq insan fəaliy-
yətidir.
Becərilməsi: Mədəni halda Nəbatat bağlarında becərilir.
Qəbul edilmiş qorunma tədbirləri: Azərbaycanın “Qırmızı Kitabı”na daxil
edilmişdir.
Zəruri qoruma tədbirləri: Geniş ərazisi olan yerlərdə yasaqlığin təşkili
vacibdir.
Məlumat mənbələri: Деревья и кустарники СССР. т.3. 1951; Флора
Азербайджана. т.4. 1953; Azərbaycanın ağac və kolları. II cild. 1964;
Красная Книга СССР. 1984; Azərbaycanın “Qırmızı Kitabı”. 1989;
Azərbaycanın “Qırmızı” və “Yaşıl Кitabları”na tövsiyə olunan bitki və
bitki formasiyaları. 1996; Azərbaycan florasının konspekti. I-III cildlər.
2005; 2006; 2008. Azərbaycanın nadir və nəsli kəsilməkdə olan oduncaqlı
bitkilərinin in situ və ex situ şəraitində bioekoloji xüsusiyyətlərinin repro-
duksiyasının, reproduksiyasının və repatriasiyasının elmi əsasları, b.e.d.
alimlik dərəcəsi almaq üçün dissertasiya. Bakı.
Familia: Rosaceae Juss.
Gülçiçəkkimilər fəsiləsi
Genus: Cotoneaster Medik.- DovĢanalması cinsi
Species: Cotoneaster saxatilis Pojark. – Qaya dovĢanalması
Bot. Mater. Gerb. Bot. Inst. Komarova Akad. Nauk S.S.S.R. 8: 7-9 (1938); cf. Pojark. in
Komarov, Fl. URSS, ix. 333 (1939).
Ümumi yayılması: Azərbaycan.
Azərbaycanda yayılması: Xanlar (Çaykəndi), Abşeron rayonları və
Naxçıvan MR-ın ərazilərində təbii halda yayılmışdır.
Statusu: Azərbaycanın endem bitkisidir. EN A1abc; B1b(i,iv).
Bitdiyi yer: Daşlı-qayalı quyu yamaclarda rast gəlinir.
Təbii ehtiyatı: Azərbaycanda dar bir arealda yayılmışdır.
Bioloji xüsusiyyətləri: Qaya dovşanalması 1,5-2,0 m-ə qədər hündürlüyə
qalxa bilən bir kol növüdür. Bitkinin
cavan zoğları ağ keçə tüklü olur və
sonradan tükünü töküb, şabalıdı rəng
alır. Yarpaqları 1-3 sm uzunluğunda
olub, ellipsşəkilli və ya tərsinə yumur-
tavaridir. Bitkinin yarpaqları tüklü
olub, üst tərəfdən açıq, alt tərəfdən isə
tündyaşıl rəngdədir. Çiçəkləri qalxan-
şəkilli çiçək qrupunda toplanmışdır.
Çiçək qrupunda 2-4 ədəd çiçək olur.
Meyvələri 5-9 mm uzunluqda və 4-8
mm enindədir.
Meyvənin içərisində 2, bəzən isə 1 oxum olur. May və iyun
aylarında çiçəkləyir və meyvəsi sentyabr-oktyabr aylarında yetişir.
Çoxalması: Təbiətdə əsasən generativ yolla çoxalır.
Təbii ehtiyatının dəyiĢilməsi səbəbləri: Başlıca olaraq insan fəaliy-
yətidir.
Becərilməsi: Mədəni halda Nəbatat bağlarında becərilir.
Qəbul edilmiĢ qoruma tədbirləri: Azərbaycanın “Qırmızı Kitabı”na
daxil edilmişdir.
Zəruri qoruma tədbirləri: Yeni yasaqlıqların yaradılması vacibdir.
Məlumat mənbələri: Деревья и кустарники СССР. т.3. 1954; Флора
Азербайджана. т.5. 1954;Azərbaycanın ağac və kolları. III cild. 1970;
Красная Книга СССР. 1984; Azərbaycanın “Qırmızı” və “Yaşıl Кi-
tabları”na tövsiyə olunan bitki və bitki formasiyaları. 1996; Azərbaycanın
“Qırmızı Kitabı”. 1989; Azərbaycan florasının konspekti. I-III cildlər.
2005; 2006; 2008; Naxçıvan Muxtar Respublikası florasının taksonomik
spektri. 2008; Azərbaycanın nadir və nəsli kəsilməkdə olan oduncaqlı
bitkilərinin in situ və ex situ şəraitində bioekoloji xüsusiyyətlərinin repro-
duksiyasının, reproduksiyasının və repatriasiyasının elmi əsasları, b.e.d.
alimlik dərəcəsi almaq üçün dissertasiya. Bakı. 2011; Naxçıvan MR-nın
flora müxtəlifliyi və onun nadir növlərinin qorunması. 2011.
Dostları ilə paylaş: |