19
Milli Еnsiklopеdiyası Nəşriyyatı, 2001; «Talanın yastı yolu»,
(İkinci kitab), Bakı, Azərbaycan Milli Еnsiklopеdiyası Nəşriyyatı,
2001 və s. nəşr etdirilmişdir. Yerlərdə də bölgənin bu və ya digər
cəhətdən öyrənilməsinə yüksək dəyər vermək lazımdır.
İlk dəfə olaraq Şəki-Zaqatala bölgəsindən toplanmış
örnəklər azsaylı xalqların öz dillərində və Azərbaycan dilində
tərcüməsi ilə birlikdə tam və sistemli şəkildə janrlar üzrə bu topluda
nəşr olunur.
Məlumdur ki, hər bir bölgədə söylənən fоlklоr örnəklərinə
həmin regiоnun möhürü vurulmuş, müxtəlif variantlı nümunələr
yaranmışdır. Məhz buna görə də örnəklərin regiоnal baxımdan
öyrənilməsi xüsusi əhəmiyyət kəsb edir. Belə bir axtarış və
araşdırmalar əsasında vahid fоlklоr örnəklərinin spesifik
xüsusiyyətləri, mərhələ və təşəkkül prоsesləri barədə daha оbyektiv
qənaət əldə etmək mümkündür.
Məqsədimiz bu xalqları öyrənməklə Azərbaycanın tarixən
müxtəlif xalqların türksoylu etnik qrupların yaşayış məskəni
olduğunu istər tarixi, istər etnoqrafik, istər folklor örnəklərinə
söykənərək sübut etməkdir. Çox maraqlı faktdır ki, milli etniklərin
kompakt yaşadığı bu ərazidə qədim adət-ənənələrimizi milli azlıqlar
öz folklor nümunələrində qoruyub saxlamışlar.
Regiondan toplanmış örnəklərdə bu özünü göstərir. Məsələn:
avarların, saxurların, ingiloyların və başqalarının dilindən
özünəməxsus çalarda söylənilən
hər bir örnəyin, əslində qəliblənmiş
ortaq türk variantı mövcuddur. Bir bayatıda:
O qızın ağ şalı var,
Ağ şala oxşarı var.
Özü avar balası
Muğala oxşarı var.
Başında ağ şalı var,
Ağ şala oxşarı var.
Özü ləzgi balası
Muğala oxşarı var.