25
Materialların keyfiyyətcə qəbulu dedikdə xüsusi çıxdaş dəzgahlarında geyim
üçün daxil olan bütün materialların keyfiyyətinin yoxlanması başa düşülür. Bu
zaman materialların markasına və sortuna diqqətlə nəzarət edilir.
Konfeksiyalaşdırma dedikdə hər bir model üçün bütün materialların texniki
şərtlərə tam uyğun olaraq seçilməsi nəzərdə tutulur.
Müəssisələrdə materialların biçilməsi nastillər üzərində həyata keçirilir ki,
bu da çoxlu miqdarda polotno yığımından ibarət olur. Biçilmənin yüksək
keyfiyyəti nastildə parçaların düzgün sortlaşdırılması ilə təmin edilir.
Geyimlərin material tutumunun azaldılması üçün parça hissələrinin
hesablanması mühüm əhəmiyyət kəsb edir. Parçanı tam istifadə etmək üçün
əvvəlcədən hər bir kəsik hesablanır. Bunun üçün müxtəlif növ və müxtəlif ölçü
xarakteristikalı məmulatlar üçün material sərfi normalarından istifadə olunur.
İşarələnmə dedikdə polotno üzərində lekalların konturlarının qeyd olunması
başa düşülür.
Nastilin kəsilməsi-yüksək peşəkarlıq tələb edən mürəkkəb cə məsuliyyətli
işdir. Bu zaman yüksək dəqiqliyə əməl olunmalıdır.
Biçilmə zamanı geyim məmulatında bir sıra nöqsanlar yarana bilər. Bu
nöqsanlar əsasən polotnonun nastildə qeyri-düzgün yerləşməsi, lekalların
qısalması, nastilin detallarının konturuna uyöun olmayaraq kəsilməsi və s.
səbəbdən yaranır.
Geyim
məmulatlarının
hazırlanması-prosesində
məmulatın
xarici
görünüşünü, fiqura oturma keyfiyyətini, uzunömürlülüyünü müəyyən edən vacib
istehlak xassələri formalaşır.
Geyimlərin hazırlanması prosesinə aşağıdakı əməliyyatlar daxildir: biçilmiş
detalların emal olunması, ayrı-ayrı detallardan məmulatın yığılması, məmulata
həcmi formanın və əmtəə gğrünüşünün vürilməsi.
Qadın geyimlərinin yüksək keyfiyyəti onların hazırlanmasına qoyulan
aşağıdakı tələblərin yerinə yetirilməsi ilə təmin edilir:
məmulatda modelin həcmi formasının dəqiq və düzgün yerinə yetirilməsi;
məmulatın formasının istismara yüksək davamlılığı;
26
məmulatın fiqura yaxşı oturmasını təmin etmək məqsədilə detal və
hissələrin düzgün texnoloji emalı;
birləşdirici tikişlərin dəqiq yerinə yetirilməsi;
rütubətli-isti emal əməliyyatının dəqiq və yüksək keyfiyyətlə yerinə
yetirilməsi;
furniturların düzgün tikilməsi;
məmulatın cüt detallarının düzgün formada və simmetrik yerləşdirilməsi.
Qadın geyimlərinin hazırlanmasında aparılan bütün əməliyyatları texnoloji
prinsiplərə görə aşağıdakı kimi qruplaşdırmaq olar:
geyimlərin detal və hissələrinin birləşdirilməsi əməliyyatları;
geyimlərin rütubətli-isti emalı;
yekun-bəzək əməliyyatları.
Qadın geyimlərinin detal və hissələrinin birləşdirilməsi əməliyyatları
məmulatların
istehlak
xassələrinin-xarici
görünüşünün,
fiqura
oturma
keyfiyyətinin, möhkəmliyinin, istismara davamlılığının və s. formalaşmasında
böyük rol oynayır. Geyimlərin detal və hissələri sap, yapışqan və termoplastik
materialların qaynaq edilməsi üsulu ilə birləşdirilir. Qadın geyimlərinin detallarının
sapla bərkidilməsi daha geniş yayılmışdır. Detalların bərkidilmə yeri tikiş adlanır.
Bərkidilmə üsulundan asılı olaraq sap, yapışqan və qaynaq tikişləri fərqləndirilir.
Sapla birləşdirmə zamanı detallar bir və ya bir neçə tikişlə bərkidilir.
Geyim detallarının sapla birləşdirilməsinin maşın və əl üsulları fərqləndirilir.
Geyim istehsalında keyfiyyət və sürət baxımından daha səmərəli olduğuna görə
maşın üsulundan daha çox istifadə olunur.
Maşın tikişləri sapların toxunması üsuluna görə məkik və zəncirvari
tikişlərə, sapların sayına görə bir, iki və üşsaplı tikişlərə bölünür.
Yapışqan üsulunda geyim detalları yapışqan maddələrinin köməyi ilə
bərkidilir. Bu məqsədlə termoplastik polimerlər əsasında alınan müxtəlif yapışqan
maddələri istifadə olunur. Geyim istehsalında yapışqan maddəsi kimi
sopoliamidlər, polietilenlər, poliefirlər, polivinilxlorid və s. tətbiq edilir.
27
Qaynaq üsulu geyim məmulatı plyonka materialından və termoplastik
liflərdən hazırlandıqda tətbiq edilir. Bu üsul daha perspektivli sayılır. Yapışqan
birləşməsi bir sıra tələblərə cavab verməlidir. Bunlardan ən vacibi hermetiklik,
kifayət qədər möhkəmlik, elastiklik, gözəl xarici görünüş və s.-dir.
Rütubətli-isti emal (RİE) qadın geyimlərinin istehlak xassələrinin
formalaşmasında mühüm rol oynayır. RİE geyimlərdə lazımi həcmi forma yaradır,
tikişləri
emal
edir,
kənarları
hamarlayır.
RİE
detalların
yapışqanla
birləşdirilməsində, yekun bəzəndirmədə aparılaraq məmulata əmtəə görünüşü
verir.
Qadın geyimlərində aparılan yekun-bəzək əməliyyatlarının məqsədi
məmulatın son tərtibatını yaratmaqdır. Məmulatın keyfiyyətinin formalaşmasında
bu əməliyyatların əhəmiyyəti kifayət qədər böyükdür. Bu əməliyyatların sırasına
ilgəklərin, bərkidicilərin hazırlanması, düymələrin, qarmaqların, ilmələrin, iplərin
tikilməsi, təmizləmə, son rütubətli-isti emal buxarlandırma əməliyyatları daxildir.
Qadın geyimlərinin hazırlanması prosesində bir çox nöqsanlar yarana bilər.
Bu nöqsanlar məmulatın xarici görünüşünün, formasının, ölçülərinin, fiqura
oturma keyfiyyətinin pozulmasına, xidmət müddətinin azalmasına səbəb olur.
Nöqsanların yaranması səbəbi məmulatların emalı zamanı normativ-texniki
sənədlərdə qoyulan tələblərə əməl olunmamışdır.
Qadın geyimlərinin hazırlanması zamanı yaranan bütün nöqsanları aşağıdakı
qruplara bölmək olar: ümumi nöqsanlar və məmulatın fiqura oturma nöqsanları,
birləşdirmə nöqsanları, birləşdirmə nöqsanları, RİE və yekun əməliyyatlar nöqsanı.
Ümumi nöqsanlara və məmulatın fiqura oturmasında yaranan nöqsanlara
aşağədakılar aiddir: məmulatın və onun ayrı-ayrı hissələrinin xətti ölçülərinin
pozulması, bəzi üst detallarının olmaması, məmulatın emalına qoyulan texniki
tələblərin pozulması və s.
Birləşmə nöqsanlarına-tikişlərin əyriliyi, qeyri simmetrikliyi, tikiş xətti üzrə
parçanın güclü dartılması, tikiş sapı ilə materialın rənginin uyğun olmaması,
bəzəndirici tikişlərin olmaması və s. kimi nöqsanlar daxildir.
Dostları ilə paylaş: |