28
RİE və yekun əməliyyatlar nöqsanları aşağıdakılardır: məmulatın həcmi
formasının pozulması, qırışların yaranması, məmulatın və ayrı-ayrı detalların
kənarlarının əyilməsi, materialın rənginin dəyişməsi, deşik, yanıq, ləkə və s.
nöqsanlar.
Müxtəlif əlamətlər üzrə qadın geyimlərinin təsnifatı
Qadın geyimləri tikili və trikotaj məmulatları içərisində çeşidinə görə xüsusi
çəkiyə malik olmaqla özündə iki mindən çox növü birləşdirir.
Qadın geyimlərinə olan müxtəlif kateqoriyalı istehlakçı tələbinin ödənilməsi
üçün ticarətdə geyimlərin çeşidinin düzgün formalaşdırılmasının böyük əhəmiyyəti
vardır. Modanın dəyişməsini, yeni növ xammal və materialın istifadə olunmasının,
əhalinin maddi və mənəvi səviyyəsinin yüksəlməsinin təsiri nəticəsində geyimlərin
çeşidinin vaxtaşırı yeniləşməsi getdikcə dəyişən və rəngarəngləşən tələblərin təmin
olunmasında xüsusi rol oynayır.
Müasir qadın geyimləri çox müxtəlifdir və özündə müxtəlif materiallardan
hazırlanan məmulatların geniş çeşidini birləşdirir.
Bu məmulatlardan müxtəlif məqsədli təyinat üçün geyim dəstləri yaratmaq
mümkündür: iş üçün, idman məşğələləri üçün, istirahət üçün, ev üçün və s. Bu
dəstlərin hər birində eyni növ məmulatlar konstruksiyasına görə uyöunlaşdırılır,
lakin materialına və bədii-koloristik tərtibatına görə fərqlənirlər.
Qadın geyimlərinin təsnifatında onların təyinatı, hazırlandığı material,
konstruksiyası, bəzəndirilmənin xarakteri, istehsal üsulu, məmulatın ölçüsü və s.
kimi əlamətlər əsas götürülür.
Ümumi təyinatına görə geyimlər məişət, idman, istehsalat və mülki
geyimlərə bölünür.
Məişət geyimləri qadın geyimləri içərisində xüsusi yer tutur. Bu geyimlər
çoxfunksiyalıdır, onlar dəbə uyğun və gözəl, müasir olmalı, insan üçün komfort
şərait yaratmalı, istinin və soyuğun təsirindən qorumalı, bədənin forma və
ölçülərinə uyğun gəlməli və bütün istismar müddətində istehlak xassələrini
qoruyub saxlamalıdır.
Təyinatına görə qadın üst geyimlərinin təsnifatı 1№li sxemdə verilir.
29
Digər qrup geyimlərdə məişət geyimlərindən fərqli olaraq, bu və ya digər
funksiya üstünlük təşkil edir: idman geyimlərində fiziki tapşırıqları yerinə yetirmək
üçün maksimal rahatlıq yaratmaq; istehsalat geyimlərində insanı istehsalın
xoşagəlməz və zərəli amillərdən, çirklənmədən qorumaq; xüsusi təyinatlı
geyimlərdə geyimin hansı sahəyə mənsubluğunu əks etdirmək.
Məqsədli təyinatına görə qadın geyimləri gündəlik və ziyafət üçün, ev üçün,
iş üçün, aktiv istirahət üçün və idman üçün olan geyimlərə bölünür.
Gündəlikgeyimlər istismar rahatlığı, ciddi forması və bəzək elementlərinin
az olması ilə fərqlənir. Bunlar əsasən ciddi və ya idman üslubunda hazırlanır.
Dəbdəbəli geyimlərdə hər şey əsas funksiyanın yerinə yetirməsinə-yəni
insanın xarici görkəmini bəzənməyə və bayram əhval-ruhiyyəsi yaratmağa xidmət
edir. Belə geyimlər müxtəlif rəngarəng formalarda, fantaziya, folklor, həmçinin
klassik üslublarda hazırlanır.
Ev geyimləri iş və məişət şəraitində istifadə olunur. Belə geyimlərin
kompozisiya həllinin işlənib hazırlanması zamanı müxtəlif işləri yerinə yetirən
insan üçün lazımi şəraitin yaradılmasına şərait yaradılmasına nail olmağa çalışırlar.
Aktiv istirahət və idman məşğələləri üçün olan geyimlərdə forma və
konstruksiyadan başqa həm də istifadə olunan material da insan üçün maksimum
rahatlıq yaratmalıdır.
Model-konstruksiya əlamətlərinə görə idman geyimləri palto məmulatlarına,
kostyum-don, dəyiçək, corab-noski, əlcək, dəsmal-şərf məmulatlarına və baş
geyimlərinə bölünür. Fəsillərə görə qadın geyimləri yay, qış, yaz, payız və bütün
fəsillər üçün olan geyim qruplarına bölünür.
Tətbiq olunan materiallara görə qadın geyimləri parçalardan trikotajdan,
toxunmamış materiallardan, təbii və süni xəz və gönlərdən, kombinələşdirilmiş
materiallardan olur. Təyinatından asılı olaraq qadın geyimləri yalnız bir
materialdan və müxtəlif materiallardan hazırlana bilər.
Hazırlanma üsuluna görə qadın geyimləri biçilmiş, hörülmüş və
kombinələşdirilmiş üsullarla istehsal olunur. Biçilmiş məmulatlar qadın
geyimlərinin müasir çeşidinin əsasını təşkil edir: istinilən materiallardan olan tikili
30
məmulatlar materialın ayrı-ayrı detallar üzrə biçilməsi və sonra birləşdirilməsi
üsulu ilə hazırlanır. Bəzi geyimlər bütöv hörülmə yolu ilə istehsal olunur.
Kombinələşdirilmiş geyimlərdə isə hörülmüş və biçilmiş detallar birləşdirilir.
Konstruksiyasına və səthinin xarakterinə görə geyimlər müxtəlif olur. Hər
hansı geyim qruplarından eyni birinə daxil olan məmulat səthinin müxtəlif
xarakterli olması, konstruksiya həllinin eyni olmaması ilə şərtləşir. Bu qrupa daxil
olan məmulatların vahid konstruktiv sxeminin olması onların eyni növ olması
demək deyil.
Bildiyimiz kimi paltar insanı birinci növbədə onu əhatə edən xarici mühitin
təsirlərindən mühafizə edir. Məlum olduğu kimi insan orqanizmi müəyyən istilik
mənbəyidir. Bu istilik kimyəvi fizioloji proseslər nəticəsində əmələ gəlir. Bu
proses insanın qidalanması və nəfəs alması ilə əlaqədar daim dəyişərək onun həyat
və fəaliyyətini təmin edir. Normal insan bədənində istilik səviyyəsi 36-37 S
arasında dəyişir. Odur ki, müxtəlif şəraitdə yaşayan və əmək fəaliyyəti ilə məşğul
olan insanlar özlərini isti və soyuqdan mühafizə etmək və hərarətinin sabitliyini
təmin etmək üçün bədənlərini örtməyə başlayırlar. Paltarın ən birinci əhəmiyyəti
insan bədəninin soyuqdan mühafizə etməsidir. Paltardan istifadə etməklə insan
bədənində istiliyin sərf edilməsini nizama salır. Paltar bədəndən ayrılan istiliyin
ətrafa yayılmasına mane olaraq, istiliyi bədənin yaxınlığında saxlayır. Istiliyin
bədənin ətrafında saxlanmasını paltarla bədən arasında, yaxud paltar üçün işlədilən
materialların məsamələrində yerləşən hava təmin edir. Deməli, əsas vəzifələrdən
biri bədənə daxil olan havanın hərəkətini nizamlamaqdan ibarətdir, hava bədənin
məsamələrinə daxil olaraq 24-30 s-yə qədər qızır. Paltarla bədən arasında az
hərəkət edən istiliyi pis keçirən mikroiqlim yaranır. Paltar insan bədəninə süalanan
istiliyin təqribən 50%-ni bədən ətrafında saxlayır.
Üst geyimlərinin digər mal qruplarına nisbətən ən mürəkkəb çeşidli mal
qrupu sayılır. əmtəəşünaslıq nöqteyi-nəzərindən uşaq geyimlərinə verilən tələblər
əsasən 3 qrupa bölünür. Stetik tələblər, gigiyenik və istismar tələblər.
Üst geyimlərinin estetik tələblərinə müasir formada üslub böyük təsir
göstərir. Bədii üslub insan cəmiyyətini üzün bir dövrünü əhatə edir və həmin
Dostları ilə paylaş: |