92
VULKANLI ÜRƏK 1996/06/22
Gecəlik tabutu, ardınca gəzdi
basdıra bilmədi bağrında,
sənin; ulu vüqarını- şan- şöhrətini
... mənim dünənimin, parlaq günəşi
sən; günəş, o; zülmət
sən; eşq, o; şəhvət
...... aydın camalını, görənə minnət!
sənidin zamanın ağırlığını,
daşıyan çiynində, ...dərdli ürəyim.
..... sənidin, birdə; sən!
kimsə o gözlərin, bəbəklərində,
oxuya bilmədi dərinliyini
... eləcə, tanınmaz qaldın tanışa!
özümdə heyranam bu quruluşa!
Əsirlər həsrində, hələdə bağlı!
hələdə vulkanlı ürəyi dağlı!
hələdə niyaran! ..... hələdə üsyan!
zaman, dil öyrədir; toprağa - daşa
dünyalar durduqca, səndən danışa.
93
BAŞQA HƏYAT 1989/08/28
Qaranlıqdır; qaraltılar, qarpışırlar; dəstə- dəstə
................... döşənirəm xəlvətimdə, qorxu üstü
birdən; durub cəlvətimdə doğulursan
......və yanırsan, günəş kimi,
ürəyimin qorxuluğun götürməyə.
..... görməlidir, yaraşığın
ürəyimdən uzaqlaşma,
başqa həyatdır işığın!
94
YAŞIL QAN 1989/04/30
Yazın yaşıl qanı
ümid güllərimin damarlarında, dolanır, hələ
tutarkən adını, şövqüm başlanır
tükənən səbrimin camı daşlanır
gözəllikləriylə, hələ tanışam
şirin xatırını unudmamışam .
95
ŞUM QASIRĞA 1996/06/23
A`təşgahlar ətəyindən üzülən köz,
öz içində, çırpınarkən,
şum qasırğa caynağında, döyünürdü
...və sönürdü, pərən- pərən; könüllərdə
Tahir oğlu Əbdülləhın-( 20) qılıncından yağan ölüm
diyar- diyar, el bağrını dağlayırdı
gözəlliklər əməyini çəkən topraq,
yapraq- yapraq,
xəzan kimi, öz özünü ağlayırdı
baxışların ətəyində əsən əsim,
nəfəslərdə sızlayırdı
pərişanlıq, oturduqca göz rəfində,
ürəklərdə göynəyirdi.
............qalaların daldasında sınmazınlar
yaşayışdan; azadlıqdan, başqa bir şey almayanlar
il gecəni, közləriylə alışanlar, durmuşdular
....... qaranlıqda qalmasınlar, qaranlıqda qalmazınlar.
96
MÜQƏDDƏS OCAQ 1996/09/01
Gündüzə- gecəyə, e`tibar verən
yaraşıq yaradan, ay.... ulduzlara
yaşıl yaranışa hörmət göstərən
günəşdir günəşim,.... günəşdir, günəş!
yaranan eşqinin sonsuzluğunda
boğulan bağrının susuzluğunda
özü, öz içinin kəşməkəşindən,
doğulan hər an,........ genəşdir, günəş!
ulu təbiə`tin, daşqın olayı
eşqili həyatın varı... baharı
müqəddəs qucaqlar odu, ocağı
günəşdir günəşim,... günəşdir, günəş!
zülmət qarşısında, yanıb dayanan
tarixlər yaradan, tarixdən olan
mənimçin e`tibar, səninçin əyar
qəhrəman bir insan...günəşdir, günəş!
can kimi əyləşən siccilimizdə
arayan, ləzzəti ağrılar ara
riayət eləyən, xalqı... xilqəti
günəşdir günəşim,... günəşdir, günəş.
97
AĞIR TUFAN 1996/09/01
Ağır tufan, keçirdisə içimizdən,
yıxırdısa ucaları, alçaqların xatırına!
zindəganlıq, sızqın- sızqın ancaq:
yenə, ürəklərdə, qaynayırdı
.......bu dəlilə; bu el - dilə:
- hər bir halda (öldü vardır, döndü yoxdur)
bu, el - dilə; bu gedişdə, qayıdış yox.
Leys- ( 21) oğlunun həyatını, yoldan edən,
bir qudrətin, namusunda, varlıq yatıb
yerişində, yaranış var
görüşündə, başlanışlar.....
çoxda vətən, ürək- ürək
dərin dərdin, yolcusudur
........ gözəlliklər ölçüsüdür.
98
MEHRİBAN OCAQ 1992/07/11
Şəhərin zəhərli, havayı havası
yorur könlümü,
haraya baxım?.... a``x!
dörd dörəm, dumanlıq
qaranlıq, yeriyir qaranlıq üstə
........ düşüncə, xəstə
həra`mılar hökmü yetgindir, bir, bax!
unudulmuş adın, oduna sayaq
- adında - yadında - dilində, yasaq
doyunca, ancaq; a``y, mehriban ocaq,
yanıb, öz cilvənə inanmalısan
sönük ürəklərdə, yaranmalısan.
Dostları ilə paylaş: |