Bahar xanım, Azərbaycan Xalq Cümhuriyyətinin yaranması ilə həm də müsəlman Şərqində ilk parla
Yüklə 340,09 Kb. Pdf görüntüsü
|
- Bu səhifədəki naviqasiya:
- – Demokratiyanın beşiyi sayılan əksər Avropa ölkələrində bizdən sonra qadınlara seçki hüququ verilib.
- – Azərbaycan parlamentinin hazırkı beynəlxalq əlaqələri barədə fikriniz önəmlidir. Siz, həm də
- – Müstəqillik dövründə Azərbaycan parlamentinin qəbul etdiyi qanunvericilik aktları və
- Müsahibəni qələmə aldı: Anar TURAN, “Xalq qəzeti”
- Tahir AYDINOĞLU, “Xalq qəzeti” sözlə ifadə olunmayacaq qədər böyükdür” “Bir əsrlik yubileyin əhəmiyyəti
- “Şahdağ”da jurnalistlərin gömrük təlimi 3 oktyabr 2018-ci il, çərşənbə 4
| – Bahar xanım, Azərbaycan Xalq Cümhuriyyətinin yaranması ilə həm də müsəlman Şərqində ilk parla- mentin əsası qoyuldu. Bu möhtəşəm tarixi hadisə 100 il sonra – sentyab- rın 21-də müasir parlamentdə qeyd olundu. Dövlət başçısı, çoxsaylı parlament rəhbəri və təmsilçiləri, xarici qonaqlar bu möhtəşəm iclasda iştirak etdilər. Bir əsrlik fəaliyyətin və yubileyin əhəmiyyətini necə dəyərləndirərdiniz? – AXC-nin Azərbaycan dövlətçiliyi tarixində və Azərbaycan xalqının taleyində möhtəşəm yeri və rolu vardır. Cəmi 23 ay yaşamasına baxmayaraq, AXC sübut etdi ki, Azərbaycan xalqı müstəqil yaşama- ğa, öz dövlətçilik ənənələrini sübut etməyə qadirdir. Hesab edirəm ki, AXC-nin yaranmasının ən böyük tari- xi əhəmiyyəti məhz budur. Ötən 100 il ərzində Azərbaycan parlamentinin müxtəlif siyasi şəraitlərdə, fərqli ideo- loji mühitlərdə fəaliyyət göstərməsinə baxmayaraq, sonda bütün mürtəce buxovlardan qurtularaq, müstəqil qanunverici orqan kimi həyata vəsiqə alması Azərbaycan xalqının azad ru- hundan doğan məntiqi nəticədir. Xal- qımız 1991-ci ildə öz müstəqilliyini bərpa etdikdən sonra parlament AXC ideyalarını davam etdirərək bu tarixi varislik missiyasını öz üzərinə götür- müş və ulu öndər Heydər Əliyevin hakimiyyətə dönüşündən sonra isə bu proses yeni keyfiyyətdə, mütərəqqi ideyalar əsasında inkişaf etməyə başlamışdır. Ölkə başçısı cənab İlham Əliyevin sərəncamı ilə 2018-ci ilin ölkəmizdə “Cümhuriyyət ili” elan edilməsi və onun yubiley mərasimində söylədiyi nitqin məzmunu və qayəsi müstəqillik, azadlıq, demokratiya və milli-mənəvi dəyərlər baxımından cümhuriyyət ideyalarına sadiqliyin yüksək səviyyədə ifadəsidir. Sizin sualınıza gəlincə isə deyə bilərəm ki, Azərbaycan Xalq Cümhuriyyətinin əhəmiyyətini bir müsahibə çərçivəsində araşdırmaq çox çətindir. Lakin bu gün geriyə–yüz il öncəyə boylanarkən ictimai-siyasi şərait, Azərbaycan parlamentini elan etməyi şərtləndirən əsas səbəblər, mövcud tarixi-geosiyasi mühit üçün həm çətinliyin, həm də imkanların olduğunu görürük. Çox təəssüf ki, biz də qarışıq, o zaman, öz müstəqilliyini elan etmiş, oxşar arealda dövlət quran xalqların çoxu ilə eyni taleyi yaşadıq. Üstünlüyümüz onda oldu ki, biz bunu daha çox bağlı olduğumuz müsəlman Şərqində, İslam və türk dünyasında hamıdan əvvəl bəyan etdik. Bu gün Azərbaycan dövləti, parlamenti, onun keçdiyi yol, əldə etdiyi nəticələr haqqında danışanların Şərq və yaxud Qərb dünyasına aidliyindən asılı olmayaraq, ilk vurğuladıqları məqam məhz budur: Azərbaycan ilk olaraq demokratik cümhuriyyət quruculu- ğuna başlayıb, dövlət atributlarını formalaşdırıb, parlamentini yara- dıb və insanlar arasında minillərlə mövcud olmuş bərabərsizliyi aradan qaldırıb. İrqindən, mənsub olduğu təbəqədən, cinsindən, dini və siyasi dünyagörüşündən asılı olmayaraq, hamıya bərabər hüquq verib və seçmək, seçilmək hüququnu tanıyıb. Düşünürəm ki, bu, qurucu babala- rımızın, cümhuriyyət liderlərinin, milli ziyalılarımızın çox çətin bir tarixi-siyasi şəraitdə öz üzərinə çox böyük bir missiya götürməsinin nəticəsidir. O zaman bu ideyalar elan olundu, lakin təəssüf ki, həmin prosesi sona çatdırmaq Cümhuriyyət qurucularına müyəssər olmadı. Həm kənardan, həm də daxildən Azərbaycanın müstəqilliyinə qarşı qurulmuş planlar bunun qarşısını aldı. İmperiya niyyətlərini həyata keçirmək istəyən qüvvələrin təzyiqləri qarşısında kifayət qədər müqavimət potensialı olmayan Azərbaycan Xalq Cümhuriyyəti duruş gətirə bilməyərək süquta uğradı. Bununla da, parlamentimiz də fəaliyyətini dayandırmağa məcbur oldu. Tarixdən bəllidir ki, o dövrdə cümhuriyyət qurucularının hakimiyyətdən getməsi müəyyən şərtlər altında olmalı idi və bu barədə müvafiq razılıq da əldə olunmuşdu. Amma bu danı- şıqların heç birinə əməl edilmədi və əvəzində sovet hakimiyyətinin qəsbkar fəaliyyəti nəticəsində bu qürurverici tarixin insanların yadda- şından silinməsi istiqamətində kəskin addımlar atıldı. Amma zaman hər şeyi öz yerinə qoyur. Yüz il keçəndən sonra cümhuriyyət qurucularının bizim üçün qoyduğu əmanətlərdən, yaratdığı ənənələrdən danışırıq. On- ların fədakarlığının, qəhrəmanlığının nəticəsi olan və müstəqilliyini yenidən bərpa etmiş, demokratik dəyərlərinə sadiq olan, öz müstəqil siyasəti ilə seçilən Azərbaycandan danışırıq.
– Azərbaycan elə bir geosiyasi, geostrateji imkanlara malikdir ki, hər bir nöqtədən baxanda ölkəmiz müxtəlif maraq dairələrini cəlb edir. Təbii ki, ayrı-ayrı güc mərkəzləri və onların münasibətləri, apardığı siyasət nəticəsində dünya nizamı dəyişə bilir. Həmin o beynəlxalq güclər çox zaman, bunu demokrartiya adına layihələrlə pərdələməklə öz maraq- larını irəli sürürlər və məqsədlərini reallaşdırmaq üçün də hər addıma gedirlər. Bunu 100 il öncəki tariximiz də sübut edir. Müsəlman Şərqini, türk dünyasını daim öz təsiri altında saxlamaq istəyən qüvvələrin ma- rağında deyildi ki, Cənubi Qafqaz regionunda özünün inkişaf resursları, təbii sərvətləri, öz taleyinin sahibi və müstəqil iradəsi olan bir dövlət yaran- sın. Bu dünyanın yenidən bölüşdürül- düyü bir vaxtda, imperiya niyyətlərini reallaşdırmaq istəyən qüvvələrin marağında deyildi. Təəssüflər olsun ki, həmin proses indi də davam edir. Üzərindən 100 illik bir zaman ötsə də bu regionda öz xalqının iradəsinə uyğun, bərabərhüquqlu, qarşılıqlı tərəfdaşlığa əsaslanan münasibətlər quran bir xalqın, ərazicə o qədər də böyük olmayan, müstəqil siyasət yeridən bir dövlətin varlığı rahat qəbul edilmir. Tarix yeni dönəm üçün, yeni çalarlarla, yenidən təkrarlanmaqdadır. Amma bizim üçün müsbət məqam ondan ibarətdir ki, biz əvvəlki dönəmlərdə olduğu kimi zəif deyilik. Xalqın iradəsi də çox möhkəmdir. Onun içindən çıxan, istək və arzuları- nı ifadə edən, bu istəkləri real əmələ çevirən liderlərimiz vardır. Ona görə də biz bu gün Azərbaycan dövlətinin uğurlarını görürük və həmin dairələr də bu uğurları qəbul etmək istəmirlər. Bilirsiniz, tarixən və günümüzdə baş verən hadisələri təhlil edərək, ümumiyyətlə, belə bir nəticəyə gəlmişəm ki, bu dairələr Türk- İslam dünyasının bir parçası olan Azərbaycan kimi dövlətləri öz təsəvvürlərindəki çərçivələrə sal- maq istəklərini reallaşdırmağa çalışırlar. Məsələn, deyək ki, bizim ölkədə səfərdə olan bəzi əcnəbilər Azərbaycanın gözəlliyinə, abad- lığına və təmizliyinə qeyri-adi bir şəkildə heyrətlənirlər. Mənim qənaətimə görə isə onlar sanki öz təsəvvürlərindəkini deyil, fərqli Azərbaycanı görərək təəccüblənirlər. Kimin necə və hansı hisslərdən doğaraq dəyərləndirməsindən asılı olmayaraq, biz ölkəmizin müasir standartlara uyğun şəkildə inkişaf etdirmək üçün mümkün olan hər şeyi edəcəyik. Cənab Prezidentin təbirincə desək biz demokratik inkişaf yolunu özümüzü kiməsə göstərmək üçün de- yil, sadəcə, bu dəyərlərə sahib olan bir millət olduğumuz üçün seçmişik. Biz yoxdan bir demokratik cümhuriyyət qurmuş babalarımızın varisi olaraq, bu yola hər zaman sadiq qalacağıq. Ona görə də əminəm ki, getdikcə biz bu rəylərin dəyişməsinin şahidi olacağıq. Amma düşünmürəm ki, bu qüvvələrin görməzlikdən gəlmək istədikləri hallar bitəcək. İnkişafımız, milli iradəmiz ol- duqca, bu kimi kampaniyaların zühur etmə ehtimalı mümkündür. Çünki bu gün bir çoxlarına az tanış olan deyil, artıq hamının daha yaxşı tanıdığı bir Azərbaycan vardır.
– Mən sizə deyim ki, Azərbaycan siyasi və iqtisadi cəhətdən təcrid şəraitində olduğu vaxtdan keçən qısa müddət ərzində çox böyük inki- şaf yolu keçmişdir. Bu, ölkədaxili istiqamətlərdə özünü konkret şəkildə göstərir. Bu vəziyyət bizim daxili siyasətimizə də təsir edirdi. Çox qısa müddətdə biz bu maneəni yara bildik və dünya ictimaiyyətinə Azərbaycanın təkcə bu regionun lider dövləti deyil, dünya ölkələri və xalqları üçün çox ciddi bir tərəfdaş ölkə oldu- ğunu sübut etdik. Bu, bizim xarici siyasətimizdə öz əksini tapmışdır. Rəsmi diplomatiya, nümayəndəliklər, səfirliklərlə bərabər parlamentimiz də bu işə öz töhfəsini verir və ikitərəfli əlaqələrimizin inkişafını dostluq qrup- ları vasitəsilə davam etdirir. Beynəlxalq təşkilatlar səviyyəsində təmsilçilik Azərbaycan üçün çox əhəmiyyətlidir. Biz möv- qeyimizi ortaya qoymaq, töhfəmizi vermək baxımından israrlıyıq. Bilirsi- niz ki, bütün beynəlxalq parlament as- sambleyalarında bizim daimi fəaliyyət göstərən nümayəndə heyətlərimiz var. Burada məqsədli, davamlı və məntiqi ardıcıllığa söykənən fəaliyyət qurulur. Biz beynəlxalq təşkilatların işinin qurulmasında bərabərhüquqlu üzv kimi yaxından iştirak edirik, bütün dünya xalqlarının qarşısına çıxan çağırışların, təhdidlərin nəzərə alınma- sı üçün səylərin birləşdirilməsində maraqlıyıq. Azərbaycanın əldə etdiyi nailiyyətlərin təqdimatını edirik, xüsusilə, Dağlıq Qarabağ münaqişəsinin hələ də həll olunmama- sını dünya ictimaiyyətinin, beynəlxalq təşkilatların diqqətinə çatdırırıq. Əvvəlki onilliklərdən fərqli olaraq hazırda beynəlxalq arenada ölkələrin ərazi bütövlüyünü, suverenliyini qo- rumağın vacibliyini dəstəkləyən səslər artmaqdadır. Bu cəhətdən tək deyilik, səsimizi daha geniş siyasi arenada eşidirlər. Artıq hər kəs Azərbaycanın birmənalı mövqeyini anlayır. Bu baxımdan, Azərbaycan parlamenti- nin fəaliyyəti xarici siyasətimizdə mühüm yer tutur. 80-dən artıq ölkə ilə əlaqədar dostluq qrupları fəaliyyət göstərir. Qarşılıqlı səfərlər, tədbirlər, əməkdaşlıq zəminində əlaqələr ümumi mövqelərimizi gücləndirir. Onu da qeyd edim ki, 44 ölkənin iştirak etdiyi yubiley iclasında 37 ölkənin nümayəndəsi çıxış etdi. Bu tədbirdə 14 spiker, 20 ölkənin vitse-spikeri, 9 beynəlxalq təşkilatın nümayəndəsi, digər ölkələrin dostluq qruplarının rəhbərləri iştirak edirdilər. Dünyada mövcud olan dövlətlərin dörddəbirinin iştirakı ilə parlamentdə möhtəşəm yubiley iclası gerçəkləşdi. Bu, həm də bir göstəricidir. Azərbaycanın və onun parlamentinin bu gün dünyada yerinin və rolunun göstəricisidir. İngiltərə və Türkiyə nümayəndələri bu yubileyə münasibətdə eyni sözləri söyləyirdilər. İndoneziya, Bolqarıstan, ərəb ölkələrinin təmsilçiləri həmfikir olaraq, Azərbaycanın dünyaya açıq və demokratik, insanlar üçün azad və bərabər şərait, gözəl rifah yaradan bir ölkə kimi tanıdıqlarını qeyd edirdilər. Bunun açıq şəkildə onlar tərəfindən söylənilməsi ölkəmizin əldə etdiyi nailiyyətlərin nəticəsidir. Əlbəttə ki, bundan narahatlıq keçirənlər də var, lakin bunu dünya parlamentarizminin tarixi nailiyyətləri kimi qəbul edən mütərəqqi qüvvələr də var ki, onlar bu gün bizimlə bir sırada dayanırlar. Parlamentlərarası əlaqələr sahəsində əldə olunan nəticələr çox böyük əhəmiyyət kəsb edir. Parlament diplo- matiyası heç də rəsmi dövlətin apardığı diplomatiyadan geri qalmır, hətta bir çox məsələlərdə bu siyasətin formalaş- masına töhfə verir. Azərbaycan parlamenti uşaqdan tutmuş böyüyə qədər cəmiyyətin bütün təbəqələrinin daha çox üz tutduğu, daha çox tədbirlərində iştirak etdiyi, daha çox insanların inkişafına yönələn, onların istək və arzularının nəinki bəyan edildiyi, həm də qanun- larda əksini tapmasına və reallaşma- sına, təmsilçilik, qanunvericilik və nəzarət funksiyaları vasitəsilə təsir göstərmək imkanlarına malik bir qu- rumdur. Azərbaycan parlamenti keç- diyi 100 il ərzində xalqın, cəmiyyətin təmsilçisi olaraq öz fəaliyyətini daha yüksək səviyyədə reallaşdıraraq dövlətimizin sütunlarından biri kimi öz missiyasını yerinə yetirməkdədir. Yeri gəlmişkən, onu da qeyd edim ki, bu il Azərbaycan Prezidentinin sərəncamı ilə AXC ili elan olunması cəmiyyətimizdə böyük sevinclə qarşı- landı. Azərbaycan Xalq Cümhuriyyəti və parlamentarizm ənənələrinin keçdiyi yolla bağlı Milli Məclis olaraq çoxsaylı dinləmələr, konfranslar keçir- mişik. “Azərbaycanın parlamentarizm tarixi” adlı ikicildlik kitab üzərində işimizi xüsusi qeyd etmək istəyirəm. Ta qədimdən 1991-ci ilə qədər olan dövrü əhatə edən I cild artıq çap olu- nub, 1991-2018-ci illəri əhatə edən II cild üzərində isə iş davam edir. Zirvə tədbirimiz yubiley iclası idi. Bilirsiniz ki, bu gün parlamentin binası da yüksək standartlara cavab verir. Burada işləmək, qonaqları qəbul etmək, iclaslar, toplantılar təşkil etmək üçün hər cür şərait yaradılıb. Bütün bunlar Bakıya gələn xarici rəsmi qonaqların diqqətini cəlb edir. Bu dəfə gələn qonaqlar da Parlament binasının möhtəşəmliyini xüsusi qeyd etdilər. Tədbirin təşkilatçılığı bütün qonaqla- rın ürəyincə oldu. Dönə-dönə bütün işimizi yüksək qiymətləndirdilər. Hər şey müqayisədə ortaya çıxır. Mən heç də digər ölkələrin müstəqillik istək və arzularını, parlamenta- rizm ənənələrinin və əldə etdiyi nailiyyətləri kölgə altına almaq niyyətində deyiləm. Sadəcə, bu regi- onda və hətta daha geniş arealda əla bir yubiley təşkil edə bildik. Təkcə təşkilatçılıqdan söhbət getmir, həm də məzmun maraqlıdır. Burada edilən çıxışlar, səslənən fikirlər bizə, parla- ment diplomatiyasına verilən dəyər və digər göstəricilərlə bağlı aldığımız yüksək qiymət işimizin öhdəsindən gəldiyimizə bizi inandırır. Əlbəttə ki, möhtərəm cənab Pre- zidentimiz İlham Əliyevin bu iclasda iştirakı ən yaddaqalan məqamlardan biridir. Onun AXC qurucularının demokratik cümhuriyyət, onun parlamentinin qurulması və gördü- yü işlər barəsində, xüsusilə, Milli Məclisin, bütövlükdə, müasir dövr Azərbaycan dövlətinin qarşısında da- yanan vəzifələrin yerinə yetirilməsinə, parlament diplomatiyası vasitəsilə Azərbaycanın maraqlarını qorumaq işinə verdiyi töhfələr haqqında fikirləri xüsusilə qiymətlidir. Respublikamızın çətin dönəmlərində Heydər Əliyevin xalqı- mızla birlikdə həyata keçirdiyi tarixi xilaskarlıq missiyası, Azərbaycan dövlətinin və parlamentinin rəhbəri kimi müstəqilliyin qorunması və Azərbaycanın dünya miqyasında öz iradəsinin və taleyinin sahibi olan bir dövlətə çevrilməsindəki roluna, eləcə də özünün davamçısı olduğu Heydər Əliyev yolunun bu gün Azərbaycanı yüksək inkişaf tempinə malik, demokratik, vətəndaş cəmiyyəti quruculuğu ilə inamla irəliləyən bir məmləkətə çevirən siyasət olduğuna dair həqiqətləri parlamentin tribuna- sından iştirakçılara və bütün dünyaya bəyan etdi. – Müstəqillik dövründə Azərbaycan parlamentinin qəbul etdiyi qanunvericilik aktları və dövlətimizin beynəlxalq aləmə inteqrasiyasında bu qanunların əhəmiyyəti barədə fikirlərinizi də eşitmək maraqlı olardı. – Bildiyimiz kimi, müstəqilliyin bərpasından sonra bu məsələ parla- mentin qarşısında daha kəskin şəkildə dayanırdı. Çünki o zaman yeni bir sistem formalaşırdı. Həyatımzın bütün sahələrini əhatə edən qanunlar yenidən hazırlanmalı, yenidən qəbul edilməli idi. Xüsusilə, müstəqilliyin ilk illərində, yəni 90-cı illərdə par- lament çox gərgin işlədi. Nüfuzlu beynəlxalq təşkilatlarla əlaqələr qurul- du, bir çox beynəlxalq konvensiyalara qoşulduq. Ulu öndər Heydər Əliyevin rəhbərliyi ilə Azərbaycanın əsas qanunu olan Konstitusiyanın qəbulu uğurla həyata keçirildi. Bundan sonra qanunlarımız bu Konstitusiyaya və beynəlxalq konvensiyalara uyğun- laşmalı idi, eyni zamanda, müasir dövrdə əldə etdiyimiz nailiyyətləri, həyatımızın günbəgün diktə etdiyi sosial sifarişləri nəzərə almalı idi. Bu dönəmdə bütün istiqamətlərdə əsas çərçivə qanunlar qəbul olundu. Götürdüyümüz öhdəliklərimizə uyğun şəkildə üzərimizə düşən vəzifələrin yerinə yetirilməsi istiqamətində önəmli addımlar atıldı. Bu gün qətiyyətlə söyləmək olar ki, əsas bünövrə, yəni bu günümüz üçün əldə etdiyimiz nailiyyətləri, ictimai- siyasi münasibətləri tənzimləyən qanunverici əsaslar tam forma- laşmışdır. Lakin zamanla hər şey dəyişir, inkişaf edir və əlbəttə ki, həyat öz diktəsini edir. Biz yeni- yeni beynəlxalq sənədlər imzala- yırıq. Ayrı-ayrı ölkələrlə ikitərəfli əsasda müqavilələri parlamentdə ratifikasiya edirik. Bununla bağlı müəyyən öhdəliklərimiz var ki, biz bunu zaman-zaman qanunlarda dəyişikliklər və əlavələr nəticəsində nəzərə almalıyıq. Bu gün Azərbaycan parlamenti məhz bu istiqamətdə fəaliyyətini davam etdirir. Demək olar ki, parlamentin həm də ikitərəfli və çoxtərəfli əlaqələrinin hüquqi bazasının formalaşması üçün bu prosesin çox böyük əhəmiyyəti vardır. Cəmiyyətimiz inkişaf etdikcə, iqtisadiyyatımız gücləndikcə və yeni münasibətlər meydana çıxdıqca, biz də milli qanunvericiliyimizin daha da mükəmməl səviyyəyə qaldırılması üçün səylər göstəririk. Bu gün ölkəmizdə struktur və iqtisadi islahatlar çox çevik şəkildə həyata keçirilir. Son illərdə Azərbaycanın inkişafının əsas bir xarakterik xüsusiyyəti var: dina- miklik! Azərbaycan qanunları da bu dinamikanı sürətlə tənzimləməlidir. O dəyişiklik mütləq qanun yaradıcı- lığında əksini tapmalıdır. Düşünürəm ki, biz hökumətin səyləri və əldə etdiyi nailiyyətlərlə qanun yaradıcıl- ğı prosesini ahəngdarlıqla uzlaşdıra bilirik. Bu gün Azərbaycan parlamenti hakimiyyətin müstəqil qanadlarından biri omaqla yanaşı, ali qanunverici- lik orqanı kimi həm də vahid dövlət siyasətinin birgə aparılmasında öz mühüm rolunu oynamaqdadır.
vasitələrinin bir qrup əməkdaşı üçün Qusar rayonu ərazisindəki “Şahdağ” turizm-istirahət kompleksində “Gömrük islahatları və modernləşdirmə” mövzusunda təlim keçirildi. Təlimin açılışında onun hədəflərini açıqlayan Dövlət Gömrük Komitəsi sədrinin müavini, gömrük xidməti general-mayoru İqbal Babayev bildirdi ki, ölkənin gömrük orqanlarında gerçəkləşdirilən islahatların uğu- ru bir çox cəhətdən əhalinin geniş dairəsinin və iş adamlarının bu sahədə baş verən dəyişikliklərin məzmun və mahiyyətindən zamanında xəbərdar olmasından asılıdır. Media ilə əməkdaşlığa həmişə önəm vermiş komitənin yeni rəhbərliyi KİV-in aparılan is- lahatlara informasiya dəstəyini artırmaq üçün bu mövzunu işıqlandıran jurnalistlər üçün 5 günlük geniş, işgüzar təlim təşkil etmişdir. İqbal Babayev daha sonra bildir- di ki, ölkədə aparılan bütün islahatların fonunda gömrük sahəsində davam edən yeniləşmənin və modernləşmənin də ide- oloqu Prezident İlham Əliyevdir. Məqsəd ölkə vətəndaşlarının, biznes subyektlərinin məmnunluğunu təmin etmək, beynəlxalq ticarəti asan və sürətli həyata keçirməkdir. Məqsəd çevik idarəetmə sistemi və beynəlxalq standartlara uyğun gömrük xidməti formalaşdırmaqdır. Hazırda dünya gömrüyünün inkişafı “gömrük–biznes”, “gömrük–hökumət” və “gömrük–göm- rük” əməkdaşlığı üzərində gerçəkləşdirilir. Azərbaycanın gömrük xidməti isə bunların sı- rasında daha birini–yerli tələbatdan irəli gələn “gömrük–media” əməkdaşlığını gətirmək istəyir. Komitə sədrinin müavini ciddi hazırlıq işləri aparılmış təlimə ən səriştəli, media ilə əməkdaşlıq təcrübəsi olan səlahiyyətli gömrük işçilərinin cəlb edildiyini söylədi, əldə ediləcək biliklərin gömrük mövzusunun KİV-də dəqiq və dolğun əks etdirilməsində gərəkli olacağına əminliyini ifadə etdi. Təlimə uğurlar arzulayan Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli, “Yeni Azərbaycan” qəzetinin baş redaktoru, Milli Məclisin deputatı Hikmət Babaoğlu, Azərbaycan Mətbuat Şurası sədrinin müavini Müşfiq Ələsgərli, “İki sahil” qəzetinin baş redaktoru Vüqar Rəhimzadə, “Bakı-Xəbər”qəzetinin baş redaktoru Aydın Quliyev və ölkənin digər mərkəzi media qurumlarının rəhbərləri təşkil olunan gömrük maarifləndirməsi məşğələlərinin jurnalistlərin peşəkarlığının yüksəldilməsinə töhfə olmaqla yanaşı, geniş auditoriyanın daim diqqət yetirdiyi bir mövzunun operativ və obyektiv işıqlandırılmasına da kömək edəcəyini vurğu- ladılar, hər iki tərəf üçün səmərəli əməkdaşlıq yollarından söz açdılar. Ölkənin 20-dən artıq media qurumu- nun nümayəndəsinin iştirak etdiyi təlimin məşğələlərində və təcrübi tanışlıqlarda Dövlət Gömrük Komitəsinin mütəxəssisləri apa- rılan islahatlar, onların mahiyyəti, gömrük nəzarəti, ticarətin asanlaşdırılması, informa- siya texnologiyalarının tətbiqi, fiskal siyasət, gömrük hüquqpozmaları və digər mövzularda yenilikləri jurnalistlərin diqqətinə çatdırdılar. Şərh olunan məsələlər ətrafında geniş fikir mübadiləsi aparıldı, səslənən suallar ətraflı cavablandırıldı. Təlilimin ilk günlərində Dövlət Gömrük Komitəsinin məsul əməkdaşları təqdimatlarla çıxış edərək malların gömrük ərazisinə gətirilməsi və aparılması, nəqliyyat vasitələrinin və şəxslərin gömrük ərazisinə daxil olması və bu ərazidən yola düşməsi, “Yaşıl dəhliz” və digər buraxılış sistemləri, ticarətin asanlaşdırılması üzrə gömrük nəzarətində yeniliklər, sərnişinlər üçün nəzərdə tutulan “Yaşıl dəhliz” və “Qırmızı dəhliz” buraxılış sistemləri, gömrük orqanla- rının başqa şəxslərlə münasibətləri, gömrük təmsilçiliyi, gömrük daşıyıcısı, səlahiyyətli iqtisadi operator institutu kimi mövzuları ətraflı şərh etdilər. Sonrakı günlərdə jurnalistlər gömrük işinin təşkili sahəsində risklərin müəyyən edilməsi, gömrük statistikası, media-gömrük münasibətləri ilə bağlı gömrük yenilikləri barədə məlumatlandırıldılar. Komitənin müvafiq baş idarələrinin rəhbərləri və əməkdaşları gömrük-biznes münasibətləri, bu sahədə mövcud problemlər və onların aradan qaldırılması yolları, elektron gömrük fəlsəfəsi ilə bağlı Azərbaycanda görülən işlər və dünya praktikası , TRS sərhədkeçmə vaxtının ölçülməsi ilə bağlı layihə, gömrük sahəsində hüquqpozmalara qarşı mübarizə istiqamətində həyata keçirilən tədbirlər, gömrük rüsumları və növləri, gömrük orqanları tərəfindən alınan vergilər, gömrük orqanlarının həyata keçir- diyi fiskal siyasət kimi mövzulara aydınlıq gətirdilər. Təlim iştirakçılarının Dövlət Gömrük Komitəsi Şimal Ərazi Baş Gömrük İdarəsinin Rusiya Federasiyası ilə sərhəddə yerləşən “Samur” gömrük postunun fəaliyyəti ilə tanışlıq səfəri isə jurnalistlərin söhbət açılan mövzularla bağlı gömrük yeniliklərini öz gözləri ilə görməsi baxımından maraqlı oldu. Media qurumlarının təmsilçiləri yeni innovasiyaların Azərbaycan gömrüyündə uğurla tətbiq edildiyinə, aparılan islahatların ciddi dəyişikliklər yaratdığına bir daha əmin oldular.
Sonuncu gün əvvəlcə iştirakçıların əldə etdikləri biliklərin qiymətləndirilməsi aparıldı. Gömrük işinin media üçün ma- raqlı məsələləri barədə tərtib olunmuş 30 sualın əksəriyyətinin hamılıqla düzgün cavablandırması təlimin səmərəli quruldu- ğunun və jurnalistlərin önəmli mövzularla bağlı yenilikləri həvəslə mənimsədiklərinin göstəricisi oldu. Bağlanış mərasimində Dövlət Gömrük Komitəsi sədrinin birinci müavini, gömrük xidməti general-mayoru İsmayıl Hüseynov qeyd etdi ki, əsası ümummilli lider Heydər Əliyev tərəfindən qoyulan, Prezident İlham Əliyev tərəfindən uğurla davam etdirilən da- vamlı iqtisadi inkişaf strategiyasının nəticəsi olaraq digər dövlət qurumları kimi, gömrük orqanları da önəmli dövlət təsisatlarından birinə çevrilib. Sıralarında minlərlə əməkdaşı birləşdirən Azərbaycan gömrük xidməti 26 il əvvəl yaranmasına baxmayaraq, artıq ölkəmizin iqtisadi təhlükəsizliyinin təmin olunmasında, biznes mühitinin yaxşılaşdırıl- ması, daxili bazarın qorunması və beynəlxalq ticarətin asan və sürətli şəkildə həyata keçirilməsi istiqamətində mühüm nailiyyətlər əldə edib. Həyata keçirilən islahatların, eyni za- manda, ölkəmizdə gömrük işinin təşkilində də yeni fəlsəfəni, yeni yanaşmaları ortaya qoyduğunu qeyd edən İsmayıl Hüseynov aparılan struktur və kadr islahatlarının göm- rük işinin müasir standartlara cavab verəcək şəkildə qurulmasına münbit şərait yaratdı- ğını vurğuladı. O bildirdi ki, artıq gömrük orqanları nəzarət deyil, daha çox xidmət fəlsəfəsi ilə fəaliyyət göstərir. Məqsəd daxili istehsalı qorumaq, ölkəmizin ixrac poten- sialını artırmaq, Azərbaycan brendi altında istehsal olunan malların xarici bazarlara çıxışını təmin etmək, beynəlxalq ticarət dəhlizlərinin kəsişdiyi coğrafi məkanda yerləşən ölkəmizin tranzit qabiliyyətini yüksəltməklə iqtisadi qüdrətimizi daha da inkişaf etdirməkdir. İsmayıl Hüseynov daha sonra qeyd etdi ki, gömrük islahatlarının önəmli hədəflərindən biri də ölkə vətəndaşlarının, xüsusilə iş adamlarının məmnuniyyətinə nail olmaqdır. Bu məqsədə çatmaq üçün həyata keçirilən, tədbirlərdən biri də ictimaiyyətlə, xüsusilə media qurumları ilə səmərəli əməkdaşlıq əlaqələrinin qurulma- sıdır. Gömrük sferasında şəffaflığın təmin olunmasında, rüşvət və korrupsiya hallarının aradan qaldırılmasında ictimai nəzarətin rolu danılmazdır. Media qurumları və jurnalistlər gömrük orqanlarının fəaliyyətinə ən yüksək səviyyədə informasiya-maarifləndirici dəstək verirlər. Gömrük Komitəsi isə bundan sonra da kütləvi informasiya vasitələri ilə sıx və işgüzar münasibətlər quracaq və media qurumlarının da gömrük orqanlarına daim dəstək göstərəcəyinə əmindir. Dövlət Gömrük Komitəsinin Mətbuat və İctimaiyyətlə Əlaqələr İdarəsinin rəisi Natiq Axundov təlimdə iştirak edən media nümayəndələrinə təşəkkürünü bildirdi, bu tədbirin qarşılıqlı faydalı əməkdaşlığın daha peşəkar və səmərəli davam edəcəyinə şərait yaradacağını diqqətə çatdırdı. Sonda təlimin qiymətləndirilməsi prosesində fərqlənən jurnalistlər mükafat- landırıldı, iştirakçılara sertifikatlar və xatirə hədiyyələri təqdim olundu. Tahir AYDINOĞLU, “Xalq qəzeti” sözlə ifadə olunmayacaq qədər böyükdür” “Bir əsrlik yubileyin əhəmiyyəti Parlamentin 100 illik yubileyi ilə bağlı müsahibimiz Milli Məclis sədrinin müavini, siyasi elmlər üzrə fəlsəfə doktoru Bahar Muradovadır “Şahdağ”da jurnalistlərin gömrük təlimi 3 oktyabr 2018-ci il, çərşənbə 4 Yüklə 340,09 Kb. Dostları ilə paylaş:
|