60
BAKI UNİVERSİTETİNİN XƏBƏRLƏRİ
№2 Humanitar elmlər seriyası 2010
XVII YÜZİLLİKDƏ AZƏRBAYCAN SƏFƏVİ DÖVLƏTİNDƏ
KARVAN TİCARƏT YOLLARININ QORUNMASI
S.A.MƏMMƏDOV
Azərbaycan Dövlət Universiteti
prof.mamedov@yahoo.com
Məqalədə ilk mənbələr və mövcud ədəbiyyat əsasında Qəsrir – Şirin (1639, 17 may)
anlaşılmasından sonra Səfəvi – Osmanlı dövlətləri arasında yaranmış münbit şərait və Şah I
Abbasın daxili siyasəti sayəsində yeni karvansaraların tikilməsi, yolların salınması, Kiçik
Asiyadan keçən Karvan ticarət yollarının qorunması sisteminin yaranması, habelə Səfəvi
dövlətinin ticarət və iqtisadi tarixi öyrənilir, vergi, rəhdarlıq, qəbalə institutlarının sərhəd
qaydaları, mahiyyəti açılır və onun fəaliyyətinin konkret nəticələri aşkar edilir.
Məlumdur ki, Səfəvi dövlətinin xarici ticarətinin inkişafı və çiçəklənməsini
Qəsri-Şirində (1639-cu il mayın 17-də) Osmanlı-Səfəvi anlaşılması ilə əlaqələndi-
rirlər (1, 120). Çünki bu anlaşmaya əsasən XVII yüzilliyin 40-cı illərində Şimali İran,
Kiçik Asiya, Azərbaycan və Mesopotamiyadan ticarət yolu ilə gedən karvanlar üçün
lazımi şərait yaranmışdı. O da məlumdur ki, yeni hadisələr Səfəvi-Osmanlı dövlətinin
xarici ticarətini reallaşdıran tacirlər üçün də əlverişli idi. Çünki sonuncular göstərilən
yerlərdən keçən Təbriz-Simirna, Təbriz-Hələp ana xətti ilə alver etməyə daha çox
üstünlük verirdilər (2, 65-70). Lakin daxili ticarətin inkişafı təkcə Səfəvi-Osmanlı an-
laşmasından sonra yaranmış münbit şərait deyildi, eyni zamanda I Şah Abbasın
iqtisadi inkişaf və ticarət siyasəti ilə bağlı idi. Yeni karvansaraların tikilməsi, yeni
yolların salınması, ticarət yolları üzərində olan quldurlara qarşı amansız mübarizə
Səfəvi dövlətinin xarici siyasətinə müsbət təsir etdi (3, 25). Bu islahatlar sırasında
yolların qorunması sisteminin yaranması Səfəvi dövlətinin ticarət və iqtisadi tarixində
az öyrənilmiş məsələlərdən biridir. Aşağıda ilk mənbələrdə olan faktlar və məlumatlar
əsasında bu iqtisadi və sergi institutunun (sərhəd qaydaları) mahiyyətini açmağı və
onun fəaliyyətinin konkret nəticələrini üzə çıxarmağı qarşıya məqsəd qoymuşuq.
İlk tarixi qaynaqların (sənədli materiallar və tarixi qaynaqlar, Avropa səy-
yahları, tacirlər və misionerlərin yol qeydləri, Qərbi Avropa ticarət təşkilatları agent-
lərinin hesabatları, Səfəvi tacirlərinin gündəlikləri və s.) demək olar ki, hamısı bir
ağızdan sübut edirlər ki, XVII yüzilliyi Osmanlı dövləti ilə müqayisə etdikdə Səfəvi
dövləti ərazisindən keçən karvan ticarət yolu ilə ticarətin reallaşması üçün kifayət
qədər əlverişli şərait vardı. I Şah Abbasın dövründən başlayaraq, bütün XVII yüzillik
ərzində səyyahlar bu barədə məlumat verirlər. Məsələn, 1609-cu ildə Karmenil
missionerləri Redemod və Benius ticarət karvanı ilə Türkiyədən Səfəvi sərhədinə
61
keçərək bildirirlər ki, onlar Səfəvi torpağında olduqlarına görə "müsəlman həmkarları
onlara xüsusi qonaqpərvərlik göstərirlər, oğrular burada təqib edilirlər" (4, 174).
1612-cı ildə ingiltərəli səyyah Robert Koverdi yazır: "… orada (Səfəvi dövlətində -
S.M.) talan olmaqdan qorxmadan səyahət etmək olar. Çünki orada oğru haqqında
eşitmək təəccüblü sayılır" (5, 84). Uzun illər Şərq ölkələrini gəzən, Yaxın Şərqin
karvan yollarını bütün Avropa səyyahları və tacirlərindən daha yaxşı bilən məşhur
fransız səyyahı və taciri Jan Batist Tavernier qeyd edir: "Bütün İranda (Səfəvi
dövlətində - S.M.) səyyahların təhlükəsizliyi, qayda ilə qanun əla qorunur" (6, 683).
Lakin Qərbin, demək olar ki, bütün tədqiqatçıları kimi biz də təkcə Avropa
səyyahlarının, tacirlərin və missionerlərin məlumatlarına əsaslansaq, həqiqətən də,
Səfəvi dövlətinin karvan yolları üzərində qayda-qanun və təhlükəsizlik hökm sürürdü
- deməyə məcburuq. Əslində isə vəziyyət tamamilə belə deyildi, belə də ola bilməzdi.
Qeyd etdiyimiz kimi, Səfəvi dövlətində təşkil olunmuş karvan ticarəti Osmanlı
dövləti ilə müqayisədə yüksək səviyyədə idi. Avropa səyyahları və tacirləri Səfəvi
dövlətinin karvan yollarının təhlukəsizliyindən danışarkən elə bunu nəzərdə tuturlar.
Avropa səyyahları, həmçinin müasir təsviri qaynaqlar Osmanlı Türkiyəsi ərazisindən
keçən beynəlxalq tranzit ticarət yolunun nə dərəcədə qorunmaması və təhlukəli
olması barədə çoxlu faktlar gətirirlər. İ.B.Tavernier bu barədə yazır: "Türkiyədə bö-
yük quldur dəstələri tacirlərin yolları üzərində dayanır, onları talayır, çox hallarda
öldürürdülər" (6, 2). Lakin tacirlərin həyatı və malları təkcə quldurlar tərəfindən təh-
lükə altında deyildi, yerli hakimlər də karvan tacirlərinə eyni talançı münasibət bəslə-
yirdilər. Çox hallarda hətta kimlərin - quldur dəstələrinin və ya yerli kiçik hakimlərin
tacirlərə daha çox zərər yetirdiyini ayırd etmək mümkün olmurdu. Hər hansı bəyin və
ağanın adamları bir neçə yüz nəfər dağlara qalxır, meşələrə çəkilir, tez-tez ticarət
karvanları və tacirlərin üzərinə hücuma keçirdilər (7, 219). Təbrizli Arakelin Ərzurum
hakimi Abaza paşanın çoxlu ticarət karvanlarını aldadaraq şəhərə toplaması və talan
etməsi barədə məlumat verməsi buna misaldır (8, 573). Qriqor Daranaqsi əlavə edir
ki, Abaza paşa 1624-cü ildə İstanbuldan qayıdan 700 nəfər culfalı taciri talan etdikdən
sonra onlara deyir: "Bu sizə lazım idi, gedin yenidən qazanın" (9, 223).
Vilayət hakimləri ticarət karvanlarının təhlükəsiz hərəkətlərini təmin etmək
əvəzinə, özləri də quldurlarla birləşir, talan edilmiş malları bölmək məqsədilə ticarət
yolları üzərindəki karvanların talan edilməsinə şərait yaradırdılar. Kiçik qarətdən
müəyyən vergi alırdılar (10, 159-160). Həmin müəllif sözünə davam edərək əlavə edir
ki, vilayətlərin canişinləri tərəzi, çəki və ölçü vahidlərini tez-tez özbaşına dəyişir və
bu bəhanə ilə də tacirlərdən iri məbləğdə pul alırdılar (10, 161).
Osmanlı dövlətində kürdlər yaşayan bölgələrdən keçən tacirlər daha çox təh-
lükəyə məruz qalırdılar. Ticarətin reallaşması üçün lazımi maneələrdən biri də kiçik
Asiyanın müxtəlif yerlərində yaranan kürd dərəbəyliyi idi. Onlar yaranmış xaosdan və
hakimiyyətsizlikdən istifadə edərək müxtəlif ticarət mərkəzlərinə də basqın edirdilər.
Buna görə də, ticarət həm də tənəzzül edirdi (11, 243). Kürd quldurluğu o qədər çox
idi ki, ticarət karvanları üzərinə hücumlar o qədər adiləşmişdi ki, səyyahların çoxu
kürdlərin sakin olduqları yerləri sadəcə olaraq "kürdlərin ölkəsi" adlandırırdılar" (12,
155). Qriqor Daranaqsi də Hələb-Təbriz ana ticarət xətti üzərində yerləşən Qamax
şəhəri çevrəsində fəaliyyət göstərən kürdlərin quldur dəstələri haqqında məlumat
verir. Ümumən, "onların hamısını oğru və quldur" (9, 32) adlandırır. O, 1595-ci ilin
talanını təsvir edərək yazır: "…Səyyahlar hədsiz zərər çəkdilər" (9, 33) və yaxud,
62
1608-ci ildə həmin Qamax bölgəsində fəaliyyət göstərən digər quldur dəstəsinə
başçılıq edən alay bəyini öldürdülər, sonra isə bir çox nahiyə hakimləri və səyyahlar
vahiməyə düşdülər" (9, 34). Bununla birlikdə, bu və ya digər kürd bəyin quldur və ya
vergi toplayan olmasını ayırd ermək çox çətin idi. Məsələn, Təbriz -Hələb ticarət ana
yolu Nusarin bəyin himayəsində idi. O, müəyyən edilmiş rüsumdan əlavə ona hədiyyə
verilməsini də tələb edirdi. Əgər tacirlər onun tələbini ödəməkdən imtina edərdilərsə,
o özü şəxsən gələr və hər hansı bir dəyərli malı tələb edərdi. Tavernier 1676-cı ildə bu
yolla bir dəvə yükü ingilis parçasını və iki dəvə yükü ərzağını itirmişdi (6, 309).
Elə olurdu ki, müəyyən zaman kəsiyində bütün lazımi yollar hər hansı bir nəslin
himayəsi və nəzarəti altında olurdu. Başqa bir zamanda tamamilə hakimiyyətsizlik
yaranırdı. Bu zaman düşmən nəslin nümayəndələri bir-birilə vuruşar və hər biri, öz
növbəsində, tacirlərdən daha çox mənfəət əldə etməyə çalışırdı (13, 62). Belə
hallarda, əgər ticarət karvanları öz yolları üzərində hər hansı bir nəslin quldur dəstəsi
ilə rastlaşsaydı, onda bu böyük bədbəxtçiliklə nəticələnərdi. Lakin belə şəraitdə
rüsum verməkdən xilas olmaq mümkün olurdu. Belə şərait tacirlərin alverini
reallaşdırmaq üçün təhlükəsiz yollar axtarmağa məsbur edirdi. Çox hallarda karvanın
ərazisindən keçən tacir bu və ya digər nəslin nümayəndəsi ilə müqavilə bağlamağa və
razılığa gəlməyə müvəffəq olur və kifayət qədər məbləğ ödəyirdi (13, 62-63).
Osmanlı Türkiyəsi ərazisindən keçən ticarət karvanlarına aid analoji faktlar
kifayət qədər çoxdur (14, 35,45,47, 71-72). Lakin belə hesab edirik ki, bizim
gətirdiyimiz faktlar onu təsdiq etməlidir ki, bu təmin olunmamış vəziyyətlə yanaşı,
Səfəvi dövlətinin tabeliyində təhlükəsizliyi ciddi olan karvan yollarının səyyahları və
tacirlərin təhlükəsizliyi təmin olunmalı və sayları artmalı idi.
Səfəvi dövlətində ticarət yollarının təhlükəsizliyini yol nəzarətçisi vəzifəsini
yerinə yetirənlər (rəhdarlar) öhdəsinə götürdükləri (14, 71-72) yol nəzarəti rəhdərxa-
naları karvan yollarının müəyyən nöqtələrində əsas etibarilə kiçik və böyük ticarət
mərkəzlərində, həmçinin körpülərdə təhlükəli dağ keçidlərində və digər lazımlı nöq-
tələrində yerləşdirilirdi. Adətən bu rəhdərxanalar bir-birindən elə məsafədə yerləşdi-
rilirdilər ki, növbəti yolun üzərində yerləşən karvanların irəliləməsi vaxtı yaranmış
təhlükə barədə rəhdərxanaya təcili xəbər çatdırmaq mümkün olsun (6, 679-684).
Tacirlər və səyyahlar bu və ya digər yük və malın çeşidinə görə müəyyən edilmiş tarif
üzrə, rəhdarlara xüsusi vergi (vuch) ödəməli idilər. XVII yüzilliyin sonuna qədər bu
məbləğlər kifayət qədər kiçik idi. Lakin əsrin sonunda vergilər xeyli artmışdı və
Səfəvi dövləti büdcəsinin doldurulmasında əsas hissəni təşkil edirdi.
Səyyahlar və tacirlər basqınlara məruz qalanda yerli hakimlər talan edilmiş
malları ya tapmalı, ya geri qaytarmalı və yaxud da ticarət hesab kitabına uyğun
qiymətlə onun dəfərini ödəməli idilər (15, 180). Qeyd edək ki, ingilis, holland və
şərqi Hindistan cəmiyyətləri bu rüsumlardan azad idilər (6, 685).
Şübhəsiz, I Abbasın (1587-1629) yaratdığı rəhdarlıq institutu öz dövrünə görə
ticarət karvanlarının inkişafı üçün münbit şərait yaratmışdı. Əlbəttə, böyük ticarət
yolları üzərindəki quldurluğu və qarəti tamamilə aradan götürmək o qədər də asan
deyildi (6, 72). Lakin Səfəvi dövləti ərazisində tacirlər təkcə quldur basqınlarından
deyil, habelə öz rəhdarlarının özbaşınalığından da çox əziyyət çəkirdilər. Səfəvi
dövlətində mövcud olan "rəhdar" qəbalə sisteminin tətbiqi ilə elə bir şərait yaranırdı
ki, qəbalə ilə rəhdarlıq hüququndan məhrum edilmiş şəxslər faktik olaraq əvvəlcədən
nəzərdə tutulmuş tarifi nəzərə almadan, alverçilərdən istədikləri qədər qazanırdılar.
63
Rəhdarlar çox vergi verməyən şəxslərdən də vergi alırdılar. Diqqəti cəlb edən olur ki,
yerli hakimlər verginin miqdarını artıra və ya endirə bilərdilər. Kənəkirli Zəkəriyyə
İrəvanlı Xosrov xanın haqqında danışaraq bildirir ki, sonuncu rəhdarlıq üçün alınan
vergini ləğv etmişdi. Başqa bir yerdə Z.Kənəkirli İrəvanın digər xanı Məhəmməd
xanın haqqında danışarkən məlumat verir ki, o həmin vergini yenidən siyahıya daxil
etdi (16, 44).
Belə hallarda tacirlər ya bu şəraitlə barışmalı, yaxud rəhdarları qanuna riayət
etməyə dəvət etmək üçün yuxarı instansiyalara müraciət etməli idilər. Bu barədə
rəhdarların özbaşınalıqları ilə əlaqədar olaraq tacirlərin şikayətlərinə cavab olaraq
verilmiş şah fərmanları son dərəcə dəyərlidir. Bu fərmanların sayı 10-dan artıqdır.
Onlar Şah Səfi (1629-1642) və Şah II Abbas (1642-1666) tərəfindən verilmişdir (17,
f.6, 22, 24-25, 27, 29, 34, 57, 109, 120-121). Bu sənədlər traferat xarakteri daşıdığına
və əslində biri digərini təkrar etdiyinə görə, nümunə üçün onlardan birinin tərcü-
məsini veririk. Bu fərman 1046-cı ildə (1636) Şah Səfi tərəfindən verilmişdir (18,
329) və maraqlı məqamları özündə əks etdirir. Bunlar verginin (vcuh-e rahdari) ümu-
mi miqdarını müəyyənlədirməyə imkan verir. Fərmanda rəhdarların bir dəvə yükün-
dən (vache sotor), bir qatır yükündən (vache astar) və bir eşşək yükündən (vache
xarakə) aldıqları məbləğlər adbaad göstərilir. Buna uyğun olaraq da 100, 50 və 25
dinar müvafiq yük parçadan (ağ parça) və 50, 25 və 10 dinar isə müvafiq yük xırdavat
mallarından (sofqat - bar) alınırdı.
"Dünyanı təslim edən fərman ona görə elan edildi ki, Culfalı Xoca Səfər
məruzə edərək ipəkdən, parçadan və digər mallardan rəhdarlıq haqlarının (vcuh-e
rahdari), divanın qərarına uyğun olaraq aşağıdakı kimi olduğunu bildirdi:
Parça və ipək -
dəvə yükündən - 100 dinar
qatır yükündən - 50 dinar
uzunqulaq yükündən - 25 dinar
Xırdavat mallar -
dəvə yükündən - 50 dinar
qatır yükündən - 25 dinar
uzunqulaq yükündən - 10 dinar
Bu haqda o, yuxarıda göstərilən vergi verənlərin adından müqəddəs fərman
verilməsini xahiş etdi ki, parça və ipəyin rəhdarlığı (haqqı) (rəhdari) divanın verdiyi
qərara əsasən alınsın və ondan artıq tələb olunmasın. Ona görə də, yuxarıda göstərilən
rəhdarlıq haqlarının divanın əmrinə görə alınmaları və əlavə tələblərlə əziyyət ver-
məmələri barədə yolların gözətçilərinə göstəriş verdik. Hər bir diyarın vəziri və ha-
kimi bu işə lazımi kömək etməli, bunu öz vəzifəsində ciddi bir sərəncam kimi qəbul
etməlidir.
1046-cı ilin səfər ayının 29-u (1636-cı il oktyabrın 2) uğurla qurtardı.
Bu qəbildə sənədlərin çoxluğu onu göstərir ki, rəhdarlar əslində şah fərman-
larını nəzərə almırdılar və tacirlərlə istədikləri kimi rəftar edirdilər. Bu vaxtdan
etibarən Səfəvi və Osmanlı dövlətində elə bir fərq yox idi. Burada rüsum toplayanlar
ticarət rüsumlarının müəyyən edilmiş miqdarda alınması üçün İstanbuldan alınan
fərmana məhəl qoymur və hörmət etmirdilər (18, 329). Səbəbi də o idi ki, burada da,
həmçinin dövlət xəzinəsinə iri məbləğlər ödəməklə və rüsum toplamaq hüququnu,
qəbaləni əldə edənlər üç ildə istənilən miqdarda mənfəət əldə etməyə çalışırdılar (19,
77). Lakin bütün bu çatışmayan cəhətlər rəhdarların gündəlik özbaşınalıqları ilə
64
yanaşı, rəhdarlıq institutu, tam olmasa da, Osmanlı və Səfəvi dövlətinin sərhədlərində
tacirlərə şəxsi təminat verirdi (20, 155). Amerika şərqşünası R.Seyyori rəhdarlığın
roluna qayıdaraq yazır: "Məlumdur ki, bu, çox halda tacirlərin şəxsiyyətini və malını
qoruyurdu" (21, 192). Lakin əlavə edək ki, göründüyü kimi, var-dövlətin təhlükəzliyi
o qədər də möhkəm deyildi.
Rəhdarlıq İnstitutu və vergilərin alınmasının qaydaları o qədər dərin kök at-
mışdı ki, Səfəvi dövlətindən sonra da, bu institut XIX əsrin sonuna qədər, Osmanlı
dövlətində isə XX əsrin əvvəllərinə qədər mövcud idi (22, 134).
ƏDƏBİYYAT
1. Q.Hovhannisyan. Erməni azadlıq fikri tarixinə dair oçerklər. 2 kitab. II kitab. Erevan,
1959, s.120 (erməni dilində); И.П.Петрушевский. Очерки по истории феодальных
отношений в Азербайджане и Армении в XVI - начале XIX вв. М.-Л.:Наука, 1949, 384
с.; В.Байбуртян. Армянская колония Новой Джульфы в XVII в.; 1969, 169 с.
2. V.Papazyan. XVII yy. Təbriz-Hələp ticarət yolu. Erm.SSR EA "Xəbərlər", (ictimai elmlər),
1985, № 2, 120 s.
3. Hafez F.Farmayan. The Beginning of Modernization in Iran (The Policies and Reforms of
Shah Abbas I (1587-1629) Utah, 1969, 25 p.
4. A.Chronicle of the Carmelits in Persia and the Papal Mission of the XVII and XVIII
Centuries. Vol. I. London, 1639, p.174
5. The travels of Captain Robert Coverte Philadelphia. 1931, p.84
6. Les six voyaqes de dean Batiste Tavernier en Turquie. En Perse et aux indes. T.I, Paris,
1692, 685 p.
7. Ricaut. Histore de IETAT present de Emprie Ottoman. Paris, 1670, 219 p.; H.Anasyan.
XVII yy. Qərbi Ermənistanda azadlıq hərəkatı. İrəvan 1961, 69 s. (erməni dilində)
8. Arakel Davriyesi. Tarih. Baqarşabat, 1896, s. 573; Arakel Davriyesi. Tarih. Moskva, 1973,
624 s. (rusca)
9. Qriqor Daranaqsi. Xronika. Yeruselim, 1915, 223 s. (qədim erməni dilində)
10. Michel Febvre. I"Efat present de la Turquie. Paris, 1675, 170 p.
11. M.Zülalyan. Batı Ermənistan XVI - XVII yy. İrəvan, 1980, 423 s. (erməni dilində)
12. D.Ross. Sir Anthoni Shirley and his Persian Adventure. London, 1933, 155 p.
13. N.Steensgaard. The Asian trade Revolution of the Seventeenth Century. Chicago and
London, 1974, 70 p.
14. Zəkəriyyə Əylisli. Gündəlik, İrəvan, 1938, 159 s. (qədim erməni dilində)
15. Zəkəriyyə Sarkavak (Kənəkirli) tarixi. Vağarşabad, 1870, 175 s. (qədim erməni dilində)
16. Tadhikirat al-muluk. A Manual of Safavid Administration. London,1943, p.180
17. Matenadaran. Yeni Culfanın sənədləri, f.6, sənəd 22, 24-25, 27,29,34, 557, 109, 120-121
18. Кальди Д. Данные к истории левантийской торговли в начале XVII столетия.
Восточные источники по истории народов юго-восточной и Центральной Европы. II.
т. II, М.: Вост. лит.-ра, 1969, 329 с.; N.Stusgard. Consuls and Nations in the Sevant from
1570 to 1650 - Scandinavian Economic History Review. Vol XV, №1-2, 1967, 22 p.
19. Кальди Д. Надь турецкие реестровые книги мукатаа как исторические источники.
Восточные источники по истории народов юго-восточной и Центральной Европы. М.:
Вост. лит.-ра, 1964, 77 с.
20. Путешествия Шардена по Закавказью в 1672-1673 гг. Тифлис: 1902, 171 с.
21. R.Savory. Iran under the Sfafrids. Cambridge, 1980, 192 p.
22. N.Qaroyans. İran erməniləri. Tehran, 1968, 134 s. (erməni dilində)
65
ОХРАНА КАРАВАННЫХ ТОРГОВЫХ ПУТЕЙ
В ГОСУДАРСТВЕ СЕФЕВИДОВ В XVII ВЕКЕ
С.А.МАМЕДОВ
РЕЗЮМЕ
В статье говорится о том, что развитие института рахдарства, основанного
Шахом Аббасом I, создало благоприятные перспективы для караванной торговли. На
основе исследования многочисленных первоисточников показано, что в государстве
Сефевидов институт рахдарства и правила сбора охрана караванной торговли пустили
такие глубокие корни в налогов, что этот институт просуществовал до конца ХIХ века.
GUARDING OF CARAVAN TRADE ROADS İN THE STATE
OF SEPHEVIDS IN XVII CENTURY
S.A.MAMMADOV
SUMMARY
The article deals with the development of rakhdar institute founded by Shakh Abbas I
and its favourable perspectives for caravan trade. On the basis of numerous investigations it is
shown that rakhdar institute established in the state of Sephevids existed till the end of the
XIX century.
Dostları ilə paylaş: |