BAKI UNİVERSİTETİNİN XƏBƏRLƏRİ
№2
Təbiət elmləri seriyası
2015
COĞRAFİYA
UOT 631.44.4
KOSMİK ŞƏKİLLƏRİN TƏHLİLİ İLƏ TALIŞ DAĞLARI
LANDŞAFTLARININ DİNAMİKASINA MEŞƏ YANĞINLARININ
TƏSİRİNİN ÖYRƏNİLMƏSİ
Y.Ə.QƏRİBOV, N.S.İSMAYILOVA, Ş.S.İSMAYILOV
Bakı Dövlət Universiteti
yaqub.qaribov@mail.ru
nigar.ismayilova@mail.ru
ismshahriyar@gmail.com
Məqalədə Talış dağları landşaftlarının sürətli dinamikasına meşə yanğınının təsiri və
kosmik şəkillərdən alınan məlumatlar əsasında təhlili verilmişdir. Əhalinin sürətli artımı, təbii
resursların nizamsız istismarı və müntəzəm baş verən meşə yanğınlarının sayını artırmış, nə-
ticədə antropogen mənşəli təkrar-törəmə modifikasiyaların payı artmış, landşaftların antro-
pogen dinamikasını sürətləndirmişdir.
Açar sözlər: Landşaft, landşaftın dinamikası, Hirkan Milli parkı, Landsat, süni peyk,
kosmik şəkil, peyk təsvirləri, məsafədən zondlama, meşə yanğını, antropogen transformasiya
.
Meşə yanğınları ümumbəşəri ekoloji problemlər kimi XXI əsrdə diqqət
mərkəzində duran və bəşəriyyəti narahat edən mühüm məsələdir. Artıq Qərbi
Avropanın inkişaf etmiş ölkələrində onun qarşısının alınması üçün ciddi elmi-
strateji tədbirlər hazırlanır. Azərbaycan Respublikasında da bu problemlərin
həlli üçün ciddi tədbirlər görülməlidir.
Lokal problemlər Yer kürəsinin bir sıra yerlərində eyni xarakter daşı-
dıqda qlobal problemə çevrilir. Respublikamızın yüksək dərəcədə mənimsə-
nilmiş dağətəyi və alçaq dağlıq regionlarında, o cümlədən də Talış dağlarında
təbii landşaftlarının antropogen modifikasiyasında mövcud olan xoşagəlməz-
liklər qlobal problemlərə yol verməkdədir. Meşə landşaftlarının günü-gündən
deqradasiyasıyla yerini seyrək meşə və ya çılpaqlaşmış ərazilərlə əvəzləməsi,
əhalinin sürətlə artması və seliteb komplekslərinin konturlarının genişlənməsi
mövcud ərazidə əsas ciddi problemli dəyişkənliklərə səbəbdir.
Son yüzillikd
ə Azərbaycanda meşə landşaftlarının sahəsinin sürətlə
144
azalmasında Lənkəran vilayətinin də faiz göstəricisi az deyil. 1984-cü ildə
Az
ərbaycanda meşələrin sahəsi 11,8% (1213700 ha) idisə indi bu rəqəm təq-
rib
ən 10% qiymətləndirilir ki, bu rəqəm də inandırıcı deyil, çünki hələ tam qaz
il
ə təmin olunmayan kəndlərin enerjiyə olan tələbatı oduncaq ilə ödənilir.
2010-
ci il hesabatında FAO dünya meşələrinin ümumi sahəsini 4 mlrd ha,
adam başına düşən meşə sahəsini isə 0,6 ha dəyərləndirmişdir. Hesabatda
Az
ərbaycan meşə ərazisi 936 min ha
sah
ə ilə dünya ölkələri sırasında 125-ci
yerd
ə durur [4]. Hirkan meşələrinin əsas təhlükə mənbəyi kimi, meşələrin
odun
caq olaraq qırılması gizli fakt deyil. 20-21 illik fasilədən sonra Lənkəran
inzibati rayonunun G
ərmətük və Hirkan qəsəbələri, o cümlədən, Boladi, Şürük,
Moğonojoba, Türkəkəran, Səpnəkəran, Bürcəli, Daşdaliqcar, Balaşürük, Tütə-
peştə; Astara inzibati rayonunun isə Siyatük, Şuvaş və Təngərüd kəndinin yeni
yaşayış massivi ötən yaxın ildə təbii qaz ilə təmin olunmuşdur. 2009-2013-cü il
üçün regionların iqtisadi-inkişafı planına əsasən ölkə ərazisinin 85%-i, Astara
v
ə Lənkəran rayonlarının isə 100%-i qazlaşdırılacaqdı. Sual doğur. 21 ildir
elektrik enerjisinin fasil
ələrlə verildiyi bu yaşayış yerlərində əhali enerjiyə olan
t
ələbatlarını meşələri qırmaqla ödəyir, nəticədə seyrək meşələrin arealı artır [5;
8].
Ölkədə müxtəlif növ tələbatın ödənilməsi məqsədi ilə qanunsuz olaraq
qırılan meşələr üçün 2014-cü ildən yanğın hadisəsi kəskin problemə çevrildi.
Ekologiya və Təbii Sərvətlər Nazirliyi mətbuatla iş sektorunun cari ildə ölkə
ərazisində baş verən meşə yanğınları barəsində yayımladığı xəbərlər, hətta
sosial şəbəkələrdə də müzakirə mövzusuna çevriləcək qədər narahatçılıq
doğurdu. Belə ki, 2014-cü ilin avqust ayında qeydə alınan yanğın hadisələrinin
sayı 20-yə yaxın olmuşdur ki, bunun da 12-si Lənkəran vilayətində baş ver-
mişdir. Verilən rəqəmlərin təhlili göstərir ki, ümumilikdə ölkə ərazisində 76.6
ha ərazidə yanğın hadisəsi baş vermişdir və bunun yalnız 21.8 ha sahəsi
meşələrin payına düşmüşdür (cədvəl 1). Statistik rəqəmlərdə daim olan yanlış-
lıqlar sonda fəlakətlərlə nəticələnir. “Landsat 8” peykindən əldə olunmuş
kosmik təsvirləri təhlil etdikdə nazirliyin verdiyi yanmış ərazilərin sahəsi infor-
masiyası özünü doğrultmur. Belə yanlış hesablamalar sonda təbii fəlakətlərin
geniş vüsət almasına zəmin yaradır. Təkcə Hirkan Milli Parkının Piran kəndi
yaxınlığındakı yanğın (200 ha) ölkə ərazisində cari ildə baş verən yanğınlar
ümumi sahəsindən (76.6 ha) üç dəfəyə qədər çoxdur. Meşə səhəsi günü-gündən
azalan ölkə üçün bu rəqəmlər kifayət qədər böyükdür ki, artıq bu barədə ciddi
addımlar atmağın vaxtıdır. Yanğınların çoxunun ilin isti fəslində baş verməsi
yanğın səbəblərinin istirahətə gələn turistlərin ehtiyatsızlığı ucbatından baş
verə bilməsi ehtimal olunsa da, eyni zamanda kustar üsuluyla qanunsuz kömür
ticarəti məqsədi ilə də yandırılması faktı aşkar olunmuşdur. Hesablamalara
görə, bu il baş verən yanğınların çox böyük əksəriyyəti ilkin olaraq bələdiyyə
torpaqlarında, fermer təsərrüfatlarında və heyvandarların məskunlaşdığı otlaq
sahələrində, bir sözlə insanların ehtiyatsızlığı nəticəsində baş verib, sonradan
meşə ərazisinə və milli parklara keçib.
145
Cədvəl 1
2014-
cü ildə ölkə ərazisində baş vermiş yanğın hadisələri
N
Ərazi
Yanğın baş verdiyi landşaft
Y
anğı
nı
n
üm
um
i
sa
hə
si
, h
a
O
cü
m
ləd
ən
m
eş
ə
sa
hə
si
,
ha
qeyd
1 Lerik
heyvandarların məskunlaşdığı otlaq
sahələri
10
3
2
Masallı
çay vadisindəki qurumuş kol-kos
5
2
3
Oğuz
biçənək və otlaq sahəsi
12
4
4
Şəki
meşə sahəsi
2
1
5
Gədəbəy
kol-kos, quru yarpaq örtüyü
6
1
6
Hirkan Milli Parkı quru otlaq və biçənək sahələri, kol-kos
15
5.3
6 dəfə
7
Şahdağ Milli Parkı heyvandarların məskunlaşdığı otlaq
sahələri, biçənək sahələri
23
5
2 dəfə
8
Zaqatala Dövlət
Təbiət Qoruğu
meşə
1
0.5
9
Türyançay Dövlət
Təbiət Qoruğu
çay vadisində otlaq sahəsi
2.6
0
cəmi
76.6
21.8
Kosmos əsri, informasiya cəmiyyəti, yüzlərlə lokal və ondan doğan qlo-
bal problemlərlə yaşayır. Əbəs yerə deyil ki, son dövrlər neqativ və pozitiv
ideaların əvvəlində bu fikirlərə çox rast gəlirik. 1954-cü ilin 4 oktyabr tarixində
dünya ölkələri arasında ilk dəfə olaraq keçmiş SSRİ tərəfindən ilk və müstəqil
olan "Sputnik-
1" adlı Yerin ilk süni peyki orbitə buraxılmışdır. Bu tarix bəşə-
riy
yətin kosmik erasının başlanğıcı sayılır. Buna baxmayaraq ilk kosmik foto-
şəkil İkinci Dünya müharibəsi bitəndən az sonra, 1946-cı ilin 24 oktyabr tari-
xində Almaniyanın “V-2” ballistik raketindən alınmışdır. Bu isə kosmik təd-
qiqatların başlanığıcı sayıla bilər [1; 9]. Təəssüfləndirici hal isə bundan iba-
rətdir ki, hər iki nailiyyət soyuq və odlu müharibələrin nəticəsi olmuşdur. SSRİ
məlumatların havadan sürətlə göndərilməsinə nail olduğu halda ABŞ bu sürətin
yerüstü yollarını axtarırdı. İnformasiyanı sürətlə ötürmək üçün fərdi şəkildə
işləyən komputerləri birləşdirmək və məlumat mübadiləsini həyata keçirmək
istəyirdi. Uzun illər davam edən gərgin əmək və çoxlu tədqiqatlardan sonra 29
oktyabr 1969-
cu ildə Kaliforniya Universitetindəki laboratoriyaların birində
alimlər iki kompüteri vahid sistemdə birləşdirə bildilər. Bu tarix internetin
dünyada il
k dəfə meydana gəldiyi tarix və informasiya əsrinin başlanğıcı hesab
olunur. İnsanda mübarizlik kimi fərdi keyfiyyət qarşısında duran maneədən
doğur. Bu səbədən də bəşər cəmiyyəti durduqca problemlər də artır. Kosmos-
informasiya-
problem üçbucağı, dəqiq tədqiqat, təhlillər və yekunda düzgün
146
proqnoz müasir dövrdə Yer elmlərinin qarşısında duran ən mühüm məqsəddir.
Hazırda kosmik tədqiqatlar Yer elmlərinin bütün sahələrində inkişaf etmişdir.
Ölkəmizdə də bu məsələyə ciddi önəm verilməlidir.
Şək. 1. Landşaft peyklərindən vaxtaşırı çəkilmiş kosmik şəkillərə əsasən
landşaftın dinamikasının müqayisəli təhlili (Lerik-Lənkəran ərazisi)
147
Hazırda kosmik müşahidələri həyata ke-
çirən yüzlərlə süni peyklər Yer ətrafında dövr
et
məkdədir.
GeoEye-1, WorldView-1,
WorldView-2, WorldView-3, Pleiades-1A,
Pleiades-1B, QuickBird, IKONOS, SkySat-1,
SkySat-2, SPOT-6, SPOT-7, RapidEye,
LANDSAT 7 ETM+, LANDSAT 8 yüksək
keyfiyyətli peyk şəkilləri üzrə ixtisaslaşmış
hazırda yaxın orbitdə olan belə süni peyk-
lərdəndir. Komsik tədqiqatları həyata keçirmək
üçün dünyanın bir sıra inkişaf etmiş ölkələri
sıçrayışla nailiyyətlər əldə etmişlər. Təkcə ən
son yenilik olaraq, Yer çəkilişi ilə ixtisaslaş-
mış, hamımızın yaxşı bildiyimiz GoogleEarth
təsvirlərini çəkən ABŞ-ın “DigitalGlobe” kor-
po
rasiyasının 14 avqustda səmaya buraxdığı
“WorldView-3”
müşahidə peykinin multispek-
tral (rəngli təsvir - 1.24 m dəqiqlik) və pan-
xromatik (rəngsiz təsvir -0.31 m dəqiqlik) təs-
vir
ləri özünün dəqiqlik dərəcəsinə görə daha
çox fərqlənir [10]. Kommersial xidmət olduğu
üçün bir qədər elmi təqdiqatlar baha başa
gəldiyindən alternativ olaraq ABŞ-ın Kosmik
Tədqiqatlar İnstitutu (NASA) və Geoloji Araş-
dırmalar Mərkəzinin (USGS) müşahidə peyk-
lərindən əldə olunan təsvirlər elmi-tədqiqat iş-
lərində mühüm rol oynayır. USGS-nin 42 illik
ənənəyə malik Landsat proqramı kənd təsərrü-
fatı, kartoqrafiya, geologiya, meşəçilik, regio-
nal planalma, gizli müşahidə və təhsil kimi
ümdə məsələləri özündə cəmləşdirir. Landsaft
missiyası bu günə qədər 19 mln kosmik çəkiliş
ar
xivini istifadəçilərə təqdim etmişdir ki, bun-
lar: su resurslar, torpaq örtüyü və istifadəsi,
bio
müxtəliflik, kənd təsərrüfatı proqnozları,
meşəçilik və meşələrin idarəçiliyi, iqlim elm-
ləri və dəyişkənliyi, universitet və kolleclərdə
təhsil, ekologiya, ekosistem elmləri və monito-
rinqi o cümlədən, proqram təminatlarının inki-
şafı mövzularında mühüm məlumat mənbəyinə
çevrilmişdir. İlk “Landsat 1” müşahidə peyki 23 iyul 1972-ci ildə səmaya
buraxılmışdır və 11 fevral 2013-cü il tarixdə “Landsat 8” peyki uğurlu Landsat
proqramını davam etdirmək üçün səmaya buraxıldı. Multispektral dəqiqliyi 30
148
m, panxromatik dəqiqliyi isə 15 m olan “Landsat 8” kosmik təsvirləri Yer
səthində baş verən dəyişiklikləri məsafədən zondlama (distansion tədqiqat -
remote sensing) üsu
lu ilə müəyyən etməyə imkan verir. Müşahidə zamanı Yer
səthindəki obyektlər özlərinin fiziki xüsusiyyətlərinə görə əks etdirdikləri
elektromaqnit şüalar fərqli çalarlar yaradır. Hər obyektin parlaqlıq əmsalı onun
deşifrə olunmasına imkan verir [1; 2; 7].
NASA-
nın vaxtaşırı çəkdiyi peyk təsvirlərinin xronologiyasıına nəzər
yetirdikdə məlum olur ki, Piran ərazisində baş vermiş güclü yanğın 20 iyul
tarixində başlamış və 23 iyul tarixinədək davam etmişdir (şəkil 2) [12]. Son bir
neçə ay ərzində vaxtaşırı çəkilmiş Landsat peyk şəkillərinin müqayisəli təhlili
isə onu göstərir ki, ərazidə yanğın ciddi fəsad törətmişdir. Təsvirlərdə 6 əsas
yanğın mərkəzi görünməkdədir ki, bunun 4-ü kompakt xarakter daşıyır. Yanğın
Hirkan Milli Parkının nüvə və yeni əlavə olunmuş şimal hissəsi, Masallı və Cə-
lilabad inzibati rayonlarının Alaşar-Burovar silsiləsi üzərindəki meşə mas-
sivlərində baş vermişdir. Təhlil, hesablamalar və müqayisə göstərir ki, həmin
altı yanğın mərkəzləri də daxil olmaqla ümumi yanğın sahəsi nazirlik tərəfin-
dən ilkin hesablamalara görə 31.9 ha verilmişdir. Lakin “Landsat 8” kosmik
şəklindən alınan məlumatda təkcə bu altı yanğın sahəsində 430 ha ərazi külə
çevrilmişdir (cədvəl 2). Böyük qismini meşələr təşkil edən yanğının yarıya
qədərini Piran meşəbəyliyinin yanan ərazisi təşkil edir. Burada yanmış ərazinin
sahəsi 200 ha-dan artıqdır ki, bu Xanbulan su anbarından iki dəfə böyük sahə
deməkdir. Kosmik şəkillərin verdiyi məlumatlarda məlum olur ki, yanğının
sürətli olmasına səbəb güclü cənub və şərq küləkləri olmaqla yanaşı, həmin
ərazilərin qanunsuz olaraq seyrəkləşdirilməsindən irəli gəlir və yanğın
meşələrin sıx olduğu yerlərdə konturlarını dəyişir. Bir şeyi də qeyd etmək
yerinə düşər ki, əksər qanunsuz meşə qırma prosesi dağların kənd yollarına
baxan yamaclar
ın arxa-görünməyən hissəsini təşkil edir. Piran meşəbəyliyində
baş verən yanğının sürətli olması ərazinin seyrək meşə və törəmə meşə-koldan
ibarət olması da mühüm rol oynamışdır. Relyefin keçilməzliyi və külək də əsas
maneələrdən biri olub. “Landsat 4” (1989) və “Landsat 8” (2014) kosmik şəkil-
lərinin müqayisəsi eyni zamanda meşəsizlşdirmə probleminin bu ərazidə
sürətlə getdiyini göstərir (şəkil 1). Həmçinin əhali artımı ilə əlaqədar seliteb
komplekslərinin konturlarının da sürətli artımı müşahidə olunur. Bu əsasən
Lənkəran-Digah-Şiləvar seliteb komplekslərinin konturlarının birləşməsində
özünü dolğun göstərir. Bundan əlavə müxtəlif fəsilləri əhatə edən çəkilişlər
Xanbulançay su anbarının, həcminin mövsimi dinamikasını sezmək müm-
kündür. Lənkəran ovalığıında yaxın bir il ərzinda nəzərəçarpan ən böyük
dəyişklik Ələt-Astara-İran İslam Respublikası ilə dövlət sərhədi yeni avtomobil
yolu layihəsi çərçivəsində inşa olunan 27.5 m enlikdə birinci dərəcəli magistral
yol zolağıdır [7; 11; 13; 14; 15].
149
Cədvəl 2
Lənkəran vilayətində baş verən yanğın ocaqları
N
İnzibatı
Rayon
Yanğın
mərkəzi
Ərazi
Landşaft
örtüyü
Tarix
Nazirlikdən
verilən ilkin
hesablama
sahəsi (ha)
Kosmik
şəkildən
alınan
faktiki
sahə
(ha)
1
Masallı
Davda
Dadva balədiyyəsi
-
17 mart 2014
0.2
2
Lerik
Rezvan
Hirkan Milli
Parkı
meşə
21 iyul 2014
10
40
3
Lerik
Piran
Hirkan Milli
Parkı
meşə
21 iyul 2014
5
200
4
Lerik
dağlıq ərazi Hirkan Milli Parkı
meşə
21 iyul 2014
2.5
5
Lənkəran
Haftoni
Hirkan Milli Parkı
meşə
22 iyul 2014
0.2
6
Lənkəran
Haftoni
Hirkan Milli Parkı
meşə
29 iyul 2014
1
7
Cəlilabad
Göytəpə
Göytəpə
meşəbəyliyinin
-
30 iyul 2014
1.5
34
8
Lənkəran
Yuxarı
Nüvədi
Hirkan Milli
Parkı
sahə
4 avqust 2014
0.03
12
9
Masallı
Qəriblər
Qəriblər
meşəbəyliyi
kollu-
çəmən
10 avqust 2014
2
125
1
0
Lənkəran
Sefidor
Hirkan Milli Parkı
-
13 avqust 2014
0.5
1
1
Lənkəran
Sefidor
Hirkan Milli
Parkı
quru çöl və
kolluq
28 avqust 2014
8
19
1
2
Cəlilabad
Cəlilabad
Cəlilabad
meşəbəyliyinin
ərazidə quru
ot və kol
örtüyü
29 avqust 2014
1
cəmi
31.93
430
Nəticədə görmək olur ki, məsafədən zondlama qısa zaman ərzində kame-
ral şəraitdə monitorinq aparmaq imkanlarını verməklə yanaşı informasiyanın
dəqiqliyini təmin edir. Bildiyimiz kimi 8 fevral 2013-cü il tarixində geo-
stasionar orbitə buraxılmış “Azərspace-1” peyki ölkəmizdə kosmos erasına
giriş idi. Rabitə peyki olan “Azərspace-1” eyni zamanda bir sıra funksiyaları da
yerinə yetirə bilməkdədir. Azərbaycan hökuməti tərəfindən 3 may 2010-cu il
tarixində yaradılmış və Qafqazda ilk peyk operatoru “Azərkosmos” Açıq
Səhmdar Cəmiyyəti bu peykin imkanlarını öz müştərilərinə xidmət etməkdədir.
“Azərkosmos” milli təhlükəsizlik və iqtisadi mənfəət baxımından böyük əhə-
miyyət kəsb edən məsafədən zondlama və yerin müşahidəsi peyklərinin orbitə
çıxarılmasına xüsusi diqqət ayırır. Hazırkı mərhələdə aşağı orbitə çıxarılacaq
məsafədən zondlama peykinin imkanlarının monitorinq Azərbaycanda istifadə
istiqamətlərinin öyrənilməsi üzrə yerli və xarici bazarlara dair araşdırmalar
apa
rılmış və peykin texniki parametrlərinin müəyyən edilən tələblər əsasında
qu
rulması üçün işlərə başlanılmışdır və aşağıdakı istifadə imkanlarını planlaş-
dırılır:
150
–
Kənd təsərrüfatı üzrə tədqiqat və dəyərləndirmə
–
Ətraf mühitin mühafizəsi üzrə nəzarət
–
Xəritəçəkmə, geodeziya və şəhərsalma
–
Daşınmaz əmlak məsələlərinin həll edilməsi
–
Nəqliyyat və rabitə infrastrukturunun dəstəklənməsi
–
Dənizdə və quruda neft tədqiqatlarının aparılması
–
Neft dağılmalarının miqyasının qiymətləndirilməsi
–
Fövqəladə hallar və təbii fəlakətlər zamanı dəstək
–
Strateji infrastruktur obyektlərinin monitorinqi
–
Milli və regional təhlükəsizliyin təmin edilməsi
Ümid edək 2017-ci ildə aşağı orbitə buraxılacaq “Azərspace-2” peyki
sadalanan imkanları təqdim edəcək və zəruri elmi-tədqiqat işlərinin həyata
keçirilməsində yaxından iştirak edəcəkdir [6].
ƏDƏBİYYAT
1.
Süleymanov E.S, Abdullayev İ.A., Axundov R.Ə. Kosmosdan axtarışlar. Bakı: Elm, 1980
2.
Mehdiyev A.Ş., İsmayılov A.İ. Coğrafi İnformasiya Sistemləri “Müəllim” Bakı, 2010
3.
Global Forest Resources Assessment 2010 Main Report Food and Agriculture
Organization of the United Nations Rome, 2010
4.
http://astara-
ih.gov.az © Astara Şəhər İcra hakimiyyəti
5.
http://azercosmos.az 2011-2014 © Azercosmos OJSCo
6.
http://landsat.usgs.gov U.S. Geological Survey
7.
http://lenkeran-
ih.gov.az/ © Lənkəran Şəhər İcra hakimiyyəti
8.
http://www.airspacemag.com AIR & SPACE/Smithsonian Magazine
9.
http://www.digitalglobe.com/ ©2014 DigitalGlobe, Inc.
10.
http://www.eco.gov.az/last.php Ekologiya və Təbii Sərvətlər Nazirliyi 2005-2014©
11.
https://earthdata.nasa.gov Earth Observing System Data and Information System
(EOSDIS)
12.
http://www.gomap.az Copyright © 2010-
2013 Mədəniyyət və Turizm Nazirliyi
13.
Topoqrafik xəritə Lənkəran - J-39-38, 1:100 000, 1991
14.
Topoqrafik xəritə Astara - J-39-50, 1:100 000, 1980
ИССЛЕДОВАНИЯ ДИНАМИКИ ЛАНДШАФТОВ ПОД ВЛИЯНИЕМ ЛЕСНЫХ
ПОЖАРОВ В ТАЛЫШСКИХ ГОРАХ НА ОСНОВЕ КОСМИЧЕСКИХ СНИМКОВ
Я.А.ГАРИБОВ, Н.С.ИСМАИЛОВА, Ш.С.ИСМАИЛОВ
РЕЗЮМЕ
В статье анализируются динамика лесных ландщафтов под влиянием природных
пожаров в Талышских горах, на основе анализа. Установлено, что в локальных регионах
лесные пожары образуют различные вторичные модификации уничтожая органический
мир и меняют продуктивность ландшафта.
Ключевые слова: ландшафт, динамика ландшафта, Гирканский национальный
парк, искусственный спутник, спутниковая фотосъёмка, дистанционное зондирование
Земли (ДЗЗ), лесной пожар, антропогенное воздействие.
151
WILDFIRE IMPACTS ON THE DYNAMICS OF THE LANKARAN REGION
LANDSCAPES AND ITS ANALYSIS ON THE DATA OF SATELLITE IMAGERY
Y.A.GARIBOV, N.S.ISMAYILOVA, Sh.S.ISMAYILOV
SUMMARY
The article deals with the wildfire impacts on the rapid dynamics of the Lankaran region
landscapes and its analysis on the data of satellite imagery. Population growth, sustainable use
of natural resources and wildfire increase the amount of the anthropogenic impact and
accelerate anthropogenic dynamics of landscape.
Key words: Landscape, landscape dynamics, Hirkan National Park, satellite imagery,
artificial satellite, remote sensing, wildfire, anthropogenic impact, human activity
Redaksiyaya daxil oldu: 09.04.2015-ci il
Çapa imzalandı: 25.06.2015-ci il
152
Dostları ilə paylaş: |