6
Azərbaycan Respublikasının Nazirlər Kabineti yanında
"İçərişəhər" Dövlət Tarix-Memarlıq Qoruğu İdarəsinin
yaradılması haqqında
AZƏRBAYCAN RESPUBLİKASI PREZİDENTİNİN
SƏRƏNCAMI
Azərbaycan xalqının maddi mədəniyyətinin əvəzsiz abidəsi
olan İçərişəhəri qoruyub saxlamaq məqsədi ilə Azərbaycan
Respublikası Prezidentinin “Bakı şəhərində İçərişəhər tarix-
memarlıq qoruğunun mühafizəsi və bərpası ilə bağlı bəzi tədbirlər
haqqında” 2003-cü il 17 fevral tarixli Sərəncamı imzalandıqdan
sonra orada tikinti işləri dayandırılmış və şəhərin tarixi simasının
qorunması istiqamətində məqsədyönlü tədbirlər həyata keçirilməyə
başlanmışdır.
İçərişəhərin uzunmüddətli qorunması, konservasiyası və
bərpasının davam etdirilməsi, daha da intensivləşdirilməsi, sistemli
xarakter alması onun idarə olunmasının təkmilləşdirilməsini və
mərkəzləşdirilməsini tələb edir.
İçərişəhərin Azərbaycan tarixi və mədəniyyəti üçün
əhəmiyyətini, qorunub saxlanılması və gələcək nəsillərə
çatdırılmasının vacibliyini nəzərə alaraq, onun idarə edilməsini
təkmilləşdirmək məqsədi ilə qərara alıram:
1.Azərbaycan Respublikasının Nazirlər Kabineti yanında
“İçərişəhər” Dövlət Tarix-Memarlıq Qoruğu İdarəsi yaradılsın.
2. “İçərişəhər” Dövlət Tarix-Memarlıq Qoruğu Bakı şəhəri İcra
Hakimiyyətinin və Azərbaycan Respublikası Mədəniyyət
Nazirliyinin tabeliyindən çıxarılsın.
3.Azərbaycan Respublikası Prezidentinin İcra Aparatına
tapşırılsın ki, “İçərişəhər” Dövlət Tarix-Memarlıq Qoruğu və onun
idarə edilməsi haqqında Əsasnamənin layihəsini 10 gün
müddətində hazırlayıb Azərbaycan Respublikasının Prezidentinə
təsdiq edilmək üçün təqdim etsin.
7
4.Azərbaycan Respublikasının Nazirlər Kabinetinə tapşırılsın
ki, bir ay müddətində:
4.1.Azərbaycan Respublikasının Nazirlər Kabineti yanında
“İçərişəhər” Dövlət Tarix-Memarlıq Qoruğu İdarəsinin strukturunu
və işçilərin say həddini müəyyən etsin;
4.2. Bu Sərəncamdan irəli gələn digər məsələləri həll etsin.
İlham Əliyev,
Azərbaycan Respublikasının Prezidenti
8
Bakı haqqında müdrik kəlamlar
Azərbaycan xalqının milli sərvəti olan İçərişəhər tarix-memarlıq
qoruğunun qorunub saxlanılması, geniş təbliğ edilməsi və gələcək
nəsillərə çatdırılması Azərbaycan dövlətinin, hər bir Azərbaycan
vətəndaşının müqəddəs borcudur.
“Bakı gözəl şəhərdir. Bizim əcdadlarımız, Bakıda əsrlər boyu
yaşamış insanlar gözəl şəhər yaradıblar, qurublar və bu günkü
nəsillərə, gələcək nəsillərə bəxş ediblər.
“Şirvanşahlar sarayı Azərbaycan xalqının iftixar etdiyi tarixi
memarlıq abidəsidir. Bu həm bizim memarlığımızın ən yüksək
səviyyədə olduğunu göstərir, həm də dövlətçiliyimizin tarixini əks
etdirən bir abidədir, kompleksdir və şübhəsiz ki, dünyada da
məşhurdur.”
Heydər Əliyev,
Ümummilli lider
Şərq dünyasının özünəməxsus və möhtəşəm abidələrindən biri
Bakıda yerləşən, Azərbaycanın simvolu olan Qız Qalasıdır.
Bakı bütün dövrlərdə mədəniyyətlər və sivilizasiyalar arasında
körpü olub.
9
Möhtəşəm tikililəri, tarixi abidələri, dar küçələri, qeyri-adi
dalanları və müxtəlif daş “mənzərə”ləri ilə yaddaşımıza iz salan,
həmişə bizi düşündürən bu ünvan -İçərişəhərdir.
Bəy, xan, qoçu, xanım, qulluqçu, mirzə görmək istəyən
İçərişəhərə gəlsin....
Zəngin tarixə və mədəniyyətə malik Azərbaycan xalqının
İçərişəhər, onun ərazisindəki Qız qalası, Qala divarları,
Şirvanşahlar saray kompleksi, məscidlər, karvansara, bazar
meydanı və s. kimi abidələr öz unikallığı ilə bəşər mədəniyyəti
inciləri sırasında xüsusi yer tutur.Təəssüflər olsun ki, illər uzunu
İçərişəhəri daş-daş, pillə-pillə sökərək xalqımızı tariximizin ən gizli
qatlarını özündə yaşadan bu qiymətli abidədən məhrum etməyə
çalışıblar. Lakin son dövrlər dövlət səviyyəsində görülən tədbirlər,
belə demək mümkünsə, qədim abidəni xilas etdi.
Azərbaycan tarixinin qədim köklərə bağlılığını, onun yüksək
mədəniyyət diyarı olmasını sübut edən xeyli abidələrimiz var ki,
onlar qorunaraq nəsillərdən- nəsillərə ötürülmüşdür. Belə tarixi
abidələrdən biri də tarixi yaddaşımızın canlı şahidi İçərişəhərdir.
Hər bir azərbaycanlının qürur mənbəyi, milli- mədəni sərvətimiz
olan İçərişəhər açıq səma altında muzeydir.Yüzlərlə tarixi abidəni
özündə cəmləşdirən bu qədim məkan, eyni zamanda, dünya
sivilizasiyasının mərkəzlərindən biri, Azərbaycan xalqının dərin
ənənələrə söykənən dövlətçilik quruluşunun simvolu, keçmişdə