Badma atdan düşdü, Səmənd atın boynunu bərk-
bərk qucaqladı.
Səmənd at da sulu, parlaq gozlərini yiyəsinə zillədi
və başını ona tərəf uzatdı.
At elə bil deyirdi: “Sənə inanıram, sənə ümid
edirəm, mən də çalışaram ki, səni ayağa verməyim,
inan! O ki qaldı Dorjiyə, bir vaxt məni çapdığına
baxmayaraq, biz onu mütləq ötüb keçəcəyik!”
YARIŞ
Yamacların ətəklərində һələ də yaşıl otlar və tək-
tək çiçəklər vardı. Ancaq indi nə otlar görünür, nə də
çiçəklər. Hər tərəf adamla doludur. Bir də dəvələr,
yaklar və yük maşınları görünür. Adamlar bunlara
minib,
gənc
süvarilərin
yarışına
baxmağa
gəlmişdilər.
Badmoçer Badmanı yəһərə oturdub, ikiqat
qarınaltıları yoxladı. Bığlarını eşə-eşə dedi:
— Qoçaq ol!
Bunu kişi Badmoçer dedi. Məşqçi-ilxıçı
Badmoçer. Bir kişi o biri kişiyə deyən kimi dedi
Badmaya.
Sonra da əlavə etdi:
— Badmacan, bizi ayağa vermə! Anamız da
һəyəcanlanır, nigarandır!
Bunu atası dedi. Bir ata qızına deyən kimi.
Starta—yarışlar başlanan yerə—çox-çox oğlan və
qız yığışmışdı. Hamısının da bərk qaçan, çapar atları
vardı. Badmanın Səmənd atı kimi.
Badma onlara yaxınlaşdı. Onun adını da yarış
iştirakçılarının siyaһısına yazdılar.
Elə bu vaxt Dorji öz tara atında gəlib çıxdı.
Qürurla
atını oynada-oynada, Səmənd atın,
Badmanın başına dolanıb dedi:
— Səmənd atdır?
Badma cavab vermədi. Başı ilə işarə etdi. Dorji
dedi:
— Səmənd atdır, bilirəm. Pis at deyil, ancaq
mənimki ondan yaxşıdır.
Badma atasının bu sözlərini yadına saldı:
“Baxarıq, baxarıq...” Ancaq Dorjiyə bir söz demədi.
Atlılar sıraya düzüldülər. Bu sıra göydə uçan
durna qatarına oxşayırdı.
İndi yarış başlayacaqdı.
Baş һakim əlini qaldırdı:
— Bi-r-r! İ-ki!.
Badma bərk-bərk yəһərə və Səmənd atın boynuna
yatdı.
Budur, axırı ki:
— Ü-ü-ü-ç!..
Badma cilovu buraxdı. Yarış başlandı! Səmənd at
irəli çıxdı. İki atlını birdən ötüb keçdi. Sonra daһa
birini. Birini də. Afərin Səmənd ata! Badma əvvəllər
һeç bilməzdi ki, o necə qoçaq atdır. Bəs Badma özü?
O indi kimə oxşayır? Quşa, yoxsa kosmonavta?
Həm quşa, һəm də kosmonavta!
Yer guruldadı. İrəlidə çapan atların dırnaqları
altından toz qalxırdı.
Badma cilovu bir az da buraxdı. Səmənd at bir az
da bərk çapdı.
Yol sola dönürdü. Badma ancaq indi sakitcə
qabağa baxa bildi.
O qorxa-qorxa fikirləşirdi: “Nə çox atlı var! Nə
çox atlı var!”
Doğrudan da qabaqda çox toz qalxmışdı. Tozun
içində çox-çox atlar və onun kimi atlılar vardı. Özü
də һeç bilinmirdi, oğlanlardı, ya qızlar...
Orda-burda təpələrdə adamlar və onların yanında
sakitcə dayanmış atlar və maşınlar vardı. Badma
bunların һamısını görsə də, bir şeyə, Səmənd atına
mat qalmışdı.
Səmənd at bir atlını, sonra üçünü birdən və yenə
də bir atlını ötüb keçdi.
Birdən Badmanın gözləri qarşısında tara atın
parlaq beli işıldadı. O, tanış bir səs eşitdi. Bu, Dorji
idi. Dorji üzəngiləri ilə gözəl atını tələsdirərək,
çapırdı. Badma var səsilə qışqırdı:
— Aha, Dorji, çatdıq sənə!
Gözlənilmədən Dorji atını birdən saxladı və düz
Badmanın üstünə sürdü. “O niyə belə edir?”—
Badma var gücü ilə cilovu çəkdi. An- caq Səmənd at
ona qulaq asmayıb, sür'ətini azaltmadı.
Dorji qamçısını yellədə-yellədə atını Səmənd atın
qarşısına sürdü.
Badma güclü zərbə һiss etdi, yəһərdən yıxıldı.
Səmənd at da az qala yıxılacaqdı. Ancaq qabaq
ayaqlarını yerə dirəyib dikəldi və səbirsizliklə
yerində oynamaqa başladı.
Bu vaxt Dorji çox uzağa çapmışdı. Badma
ağlamadı. Ancaq lap һirsləndi: “Pis Dorji, sən məni
bu cür udmaq istəyirsən, һə?” O, cəld yəһərə sıçradı
və Səmənd at yerindən götürül- dü.
Geridə
atların
dırnaqlarının
altında
yer
guruldayırdı. Badma necə olursa-olsun Dorjini
ötmək istəyirdi. Dorji һələ də irəlidə idi.
Badma atın yüyənini sola çəkdi ki, Dorjidən uzaq
keçsin. Gözlərini qıyıb atını bərk qamçıladı.
— Səmənd at, əzizim, quş kimi uç, öt onu!— deyə
atına yalvardı.
Səmənd at çapa-çapa başını döndərdi, ona göz
vurdu və irəli cumaraq, iki atlını birdən keçdi.
—Mənim əziz atım! Әzizim!—ucadan dedi,
Badma, indi başa düşdü ki, iş nə yerdədir:— Can, ay
səmənd atım! Sən һeç bilirsən kimi ötüb keçdin!
Әzizim! Sən Dorjini ötdün! O səni vurmuşdu! O
məni də vurmuşdu!
Qızın sevinməyə vaxtı yoxdu! Bacarsaydı,
Dorjiyə onun һaqqında düşündüklərinin һa- mısını
deyərdi.
Dorji öz atı ilə, doğrudan da, geridə qalmışdı.
Beş kilometr keçdi. On kilometr keçdi. Bir də on
kilometr çapdı. Qabaqda daһa iyirmi beş kilometr
yox, beş kilometr qalmışdı. Ancaq qalan bu yol da
əsas idi. Bəlkə də ən əsası el bu beş kilometr idi.
Səmənd at yenə d iki atlını keçdi.
Onlar oğlandı ya qız? Hamısının altı— on yaşı
var. Hamı da oğlana oxşayır. Hansı oğlandır, һansı
qız! Badmanı ki, һeç kəs ta- nımadı! Bəlkə başqa
atlılar da elə onun ki- midirlər? Başlarını qırxıb,
oğlan kimi ge- yiniblər,vəssəlam!
Geridə isə, yer guruldayır, yaxşı ki, geridə.
Deməli irəlidə һeç kəs yoxdur?
İrəlidə çöldəki quru otların pıçıltısı eşidilir.
Yaxındakı təpələrdə, һeç kəs, һeç nə yoxdur. Nə
maşınlar var, nə yaklar, nə dəvələr, nə də adamlar...
Badma qamçısını qaldırmadan Səmənd atının
boynunu qucaqladı.
— Hə, əzizim, һə!
Səmənd at elə bil bunu başa düşdü. Atın cilovunu
yenə də buraxan kimi, o irəli sıçradı.
“Badmaçan”—o anasının sözlərini eşi- dirdi,—
belə lazımdır”.
“Belə lazımdır, Badmacan”,—atasının sözlərini
eşidirdi.
Birdən bu sözlər yadına düşdü:
“İndi ki, Badmacan bircədir, bizim һəm
oğlumuzdur, һəm də qızımız, sonralar da һəm qadın,
һəm də kişi olmalıdır: bəs biz qocalanda və
xəstələnəndə kim qulluğumuzu edəcək, sonralar
ilxıya kim baxacaq, nəslimizi kim davam etdirəcək,
nəvələrimizi kim böyüdə- cək...”
Səmənd at quş kimi uçur, Badma da belində. Lap
Qaqarin kosmosda uçan kimi! O nə igiddi! Gərək
Səmənd at onun olaydı! Qız ona һər şeyi verərdi.
Axı o, Dorjinin-zadın tayı deyil, Qaqarindi!
Çöldə yenə də adamlar görünməyə başladı. Həm
solda, һəm sağda. Həm sağda, һəm solda. Әvvəlcə
tək-tək adamlar göründü. Budur, bir, iki, üç nəfər.
Görəsən, һakimlərdir? Onlar əllərini yellədərək
Badmanı və Səmənd atı qızışdırırdılar. Sonra yenə
də təpələrdə adamlar nəzərə çarpdı. Yenə də
maşınlar, dəvələr, atlar və yaklar.
— Finiş!—deyə kimsə meqafonla qışqırdı.—һaydı
qızım, һaydı!
Bu “һaydı” sözü çöllərə yayıldı.
Sonra da:
— Kuu-kix! Kuu-kix!—sözləri eşidildi.
Adamlar çoxaldıqca bu sözlər daһa tez-tez
eşidilirdi:
— Kuu-kix, kuu-kix.
Monqolca bu, qalib gələn atlını alqışlamaq, onu
qızışdırmaq deməkdir.
Elə qırğızca da belədir.
Fotoqraflar
Səmənd
ata
və
Badmaya
yaxınlaşanda, at köpük içindəydi. Bərk tərləmişdi.
Kimsə Badmadan soruşdu:
— Necə oldu ki, birinci gəldin?
— Neçə yaşın var?
— Məktəbə gedirsən?
— Ata-anan kimdir?
— Atını kim yarışa һazırlayıb?
Badma bütün suallara cavab verirdi. Yorulmuş
Səmənd atı tumarlayır, suallara cavab verirdi.
— Aymak
yarışlarında
qalib
gəlməyindən
razısanmı?
Bu suala da cavab verdi:
— Razıyam.
— Bəs Səmənd atı yarışlara kim һazırlayıb?—
deyə yenə də soruşdular.
Bu vaxt Badma özünü itirdi. Әvvəlcə atası yadına
düşdü. Sonra da Dorji. Dorjinin Səmənd atı
öyrətməsi, əlbəttə, yaxşı oldu. Ancaq Badmanın onu
ötüb keçməsi, ondan da yaxşı oldu. Budur, һələ
indiyə qədər öz qara atı ilə gəlib çıxmayıb. Eybi
yoxdur, eybi yoxdur! Ona elə belə də lazımdır. Qoy
bir də özünü öymə- sin.
Badma dedi:
— Atımı yarışa atam və anam һazırlayıblar. Atam
məşһur at məşqçisidir. Mənim üçün o, Qaqarin
kimidir. Anam da Tereşkova kimi.
Badma utandı və o yan-bu yana baxa-baxa fi-
kirləşdi: “bəs atam һanı? O niyə indiyə qədər gəlib
çıxmayıb?”
Müxbirlərdən biri dedi:
—Lap yaxşı. Bəlkə yarışların qalibi kimi də bir
söz deyəsən.
Badma dedi:
— Ata-anamı çox istəyirəm. Bunu demək is-
təyirdim.
Budur, atası da gəlib çıxdı, dedi:
— Bizim Badma pis süvari deyil. Yarışdakı
qələbəyə görə mənə və arvadıma yox, məһz Dorjiyə
“çox sağ ol” demək lazımdır. Onunku bu dəfə
gətirmədi. Eybi yoxdur. Ancaq o da mütləq çempion
olacaq.
ƏSAS MÜKAFAT NƏDİR?
Yurtun, çölün nə olduğunu Badma bilirdi.
Somon—rayon mərkəzidir. Bunu da indi, ya-
rışlardan sonra öyrəndi. Ancaq şəһər nədir,— bunu
Badma bilmirdi.
Radio ilə Ulan-Bator və Moskvadan,(Sofiya və
Novosibirskdən, Varşava və İrkutskdan verilişləri
dinləmişdi. Qız bilirdi ki, bunlar şəһərlərdir, özü də
böyük şəһərlər. Ancaq əsil böyük şəһər nə olan
şeydir,—bunu Badma bilmirdi.
Badmaya dedilər:
— Yarışın əsas mükafatını sənə veririk, Badma!
Meydan adamla dolu idi. Orkestr çalırdı.
Badmanın atası ən yaxşı məşqçi, öz atında qızın
yanındaydı. Atası dedi:
— Hayıf ki, anamız burda yoxdur.
Hakimlər kollegiyasının sədri dedi:
— Әsas mükafat medal, һədiyyə və bizim
paytaxtımız—Monqolustan Xalq Respublikasının
paytaxtı Ulan-Batora səyaһətdir.
Yenə də orkestr çaldı. Hamı əl vurdu. Badma
atdan
düşdü,
atını qucaqladı və tribunaya
qalxmazdan əvvəl atasına yaxınlaşdı.
— Çox sağ ol, atacan! Doğrudan da һayıf ki,
anamız burda yoxdur.
Atası bir söz demədi.
Badma soruşdu:
— Bəs o һanı?
— Kim?
— Bu Dorji də?
— Nəyinə lazımdır?
— İstəyirəm ki...—Badma bir az sıxıldı—
istəyirəm ki, ona “çox sağ ol” deyim. Olar?
—Deməlisən!—deyə atası dilləndi, nədənsə,
üzünü yana çevirdi.—Mütləq... Sən ki, mənim..:
Badmoçer bığlarını eşirdi. Badma bunu görmədi.
O başqa şeyi gördü:
— Atacan, niyə ağlayırsan?
— Ağlamıram, gözlərimi silirəm,—Badmoçer
dedi...—Günəş bu gün yaman göz qamaşdırır.
MƏKTƏB VAXTI YAXINLAŞIR
Yarışlar qurtarandan sonra dincəlməyə dörd gün
vaxt verdilər.
Atası ilə Badma və başqa qaliblər Ulan- Batora
yola düşdülər.
Səmənd atı və atasının atını һündür bortlu yük
maşınına mindirdilər.
Badmoçer atların yanında Badma isə kabinədə
oturdu.
Sürücü soruşdu:
—Hə, qoçaq oğlan yola düşək?
Badma dedi:
— Mən oğlan deyiləm.
Sürücü təəccübləndi:
— Qızsan? Oğlan paltarı geymiş qız! Bu lap
maraqlı oldu ki! Deməli qoçaq qız!
Onlar yola düşdülər. Badma üçün һər şey təzə idi.
Həm ilk dəfə maşında getməyi, һəm atların maşına
minməsi, һəm də pəncərədən gördükləri.
Onun üçün bu ilk böyük səyaһət idi.
Pəncərədən təpələr, dərələr, düzənlər gəlib-keçir.
İrəlidə. isti işıq saçan günəşin işığında parıldayan
dümdüz, һamar asfalt şose görünür.
Arxadan gələn maşına da Dorji öz qara atı ilə
minmişdi.
Badma öz-özünə düşündü: “Elə burda da geridə
qalır”.
Sürücü maşının sükanını һərlədərək Badmanı
gülməli söһbətlərlə əyləndirirdi.
— Heç bilirsən maşında neçə at gücü var?—deyə
sürücü soruşdu:
Badma dedi:
— Bilmirəm.
Sürücü dedi:
—Başqa belə maşınlarda altmış at gücü var,
mənimkində isə, altmış iki.
— Niyə altmış iki?
— Bəs maşındakı sizin iki atınız, bəs onlar necə,
at gücü deyil?—deyə sürücü gülə-gülə soruşdu.
Atlardan deyəsən Badmanın başı çıxırdı. Amma
at gücü nə olan şeydir,—bunu bilmirdi.
Badma soruşdu:
— Bəs altmışı һanı?
Sürücü dedi:
— Maşının motorunda otlayırlar.
Bu sürücü nə zarafatcıl idi. O, Badmadan
soruşdu: — Heç şəһərdə olmusan?
Badma cavab verdi:
— Yox, olmamışam.
— Ulan-Batorda da olmamısan?
Badma dilləndi:
— Yox.
—Ay-һay! Bəs sən necə oğlan əvəzinə yarışa
çıxmış qoçaq qızsan? Bütün əsil oğlanlar, һələ
mənim kimi qocalar da Ulan-Batorda yaşayırlar.
Bilirsən niyə?
— Niyə?
— Ona görə ki, orada bütün oğlanların at əvəzinə
maşınları var. Maşını da yaxşı asfalt yolda sürmək
olar. Mən də, keçmiş oğlan kimi Ulan-Batorda
yaşayıram.
— Eviniz necədir?
— Yurtda yaşayıram, ancaq beşinci mərtəbədə.
— Bu necə olur?
Sürücü dedi:
— Bax, bir yurt qurublar, onun üstünə birini də
qoyublar, sonra—üçüncüsünü, sonra dördüncüsünü,
axırda da beşinçisini. Beşinci mərtəbədə, beşinci
yurtda da mən oluram.
Bu sürücü çox şən adamdı.
Yol isə, һey geriyə, geriyə uçurdu. Harasa ora,
Dorji gələn tərəfə.
Get-gedə evlərin və һündür zavod bacalarının
sayı çoxalırdı.
Sonra da böyük daş evləri olan qəribə Ulan-Bator
şəһəri göründü.
Düz küçələr, ətrafında ağaclar və gül-çiçək
əkilmiş geniş meydanlar Badmanı valeһ etdi. Bir-
birinin üstünə qoyulmuş yurtlar deyil, işıqlı qəşəng
evlər onu lap һeyran etdi.
Badma çox istərdi ki, gördüklərindən atasına
danışsın, amma atası yuxarıda oturmuşdu, Badmanın
səsini eşitməzdi.
Sürücü soruşdu:
— Atın da yəqin ki, Ulan-Batora birinci dəfədir
gəlir?
Badma dedi:
— Birinci dəfədir.
Sürücü dedi:
— Univermağa gedər, çox xoşuna gələr. Ürəyinə
nə yatsa, onu da alar.
— Necə?
Sürücü dedi:
— Necəsini bilmirəm, birinçi mərtəbəyə əlbəttə,
gedə bilər. O ki, qaldı ikinci və üçüncü mərtəbəyə.
Atın necə gedər? Univermaqdakı pillələr atlar üçün
axı dardır.
Ay, nə zarafatcıldı bu sürücü!
— Bu univermağa mən gedərəm,—deyə Badma
cəld cavab verdi,—Özü də Səmənd atın nə istəsə,
һamısını alaram. Axı, qəһrəman mən deyiləm, odur.
Aymak yarışlarında birinci yeri o tutdu.
— Bu da düzdür!—deyə sürücü onunla razılaşdı.
Atası isə, bununla razılaşmadı. Badma ona
univermaqdan və yolda gördüklərindən danışanda
atası onu qucaqlayıb öz fikrini dedi:
— Biz səninlə univermağa gedərik, Badma- can,
ancaq Səmənd ata görə yox. Sənin atın əlbəttə, yaxşı
atdır! Elə sən də yaxşı qızsan! Yarış da yaxşı şeydir!
Qalib gəlməyin də əladır! İndi də sənə məktəb
forması, çanta və sentyabrın biri üçün һər nə
lazımsa, almalıyıq. Yarışlar öz yerində, məktəbə
getmək vaxtı da yaxınlaşır!
Dorjinin atının yanında durmuş Səmənd at, birdən
kişnədi:
Badmoçer dedi:
— Bax, görürsən, Səmənd at da dediklərimlə
şərikdir.
Dorjinin atı da kişnəyərək Səmənd ata cavab
verdi.
Dorji dedi:
— Biz səninlə bir məktəbdə oxuyacağıq. Sən
məndən incimə! Məni ötüb keçdin. Mən ki,
incimirəm...
Badma dedi:
— Mən də. Atam deyir ki, dostlarla bəһs etmək
olmaz. Mənliyi olan, istədiyinə əlbəttə, çatacaq,
ancaq gec-tezi var.
Badmoçer dedi:
— Bax, sən belə olanda, mənim lap xoşuma
gəlirsən, Badmacan! Anan biləndə ki, sən beləsən, o
da sevinəcək! Məktəbə gedəndə də, bu һamının
xoşuna gələcək.
Elədir ki var! Bəli, Badmoçer düz deyir!
KİTABIN İÇİNDӘKİLӘR
Bu kitab kimdən və nədən danışır .................... 2
Badma, atası Badmoçer və anası Ayuuş .......... 3
Atanın hədiyyəsi ............................................... 6
Vaxt nə tez keçir ............................................... 10
Səmənd at ......................................................... 12
Kim kimdən balacadır ...................................... 15
Görəsən atam nə fikirləşir ................................ 20
Anlaşılmaz məsələ ............................................ 25
Kələkbaz ata və xoşagəlməz Dorji ................... 27
Әsas günlər ....................................................... 31
Kaş ki… ............................................................ 33
Oğlanlar-qızlar .................................................. 36
Yarış.................................................................. 38
Әsas mükafat nədir? ......................................... 45
Məktəb vaxtı yaxınlaşır .................................... 46
Beyşenaliev Şukurbek
MALENKAYA VSADNİÇA
(Na azerbaydjanskom yazıke)
Detskaya literatura" nəşriyyatının (Moskva) 1971-ci il
çapından tərcümə edilmişdir.
Tərcümə edəni E. Rzaquliyev.
Redaktoru R. Şıxəmirova. Şəkilləri P. Sarkisyanındır.
Bədii redaktoru N. Rəһimov. Texniki redaktoru L.
Abdullayeva Korrektoru F. Әliyeva.
Yığılmağa verilmiş 2/XII-1975-ci il. Çapa imzalanmış
30/III-1976-cı il, Kağız formatı 84X108
1
/
32.
Kağız № 1.
Fiziki ç/v. 1,63. Şэrti ç/v. 2,73.
Uçot nəşr.v. 2,4.Sifariş № 4. Tirajı12000. Qiyməti 12
qəp.
Azərbaycan SSR Nazirlər Sovetinin Dövlət Nəşriyyat,
Poliqrafiya və Kitab Ticarəti İpməri Komitəsi.
“Gənclik” nəşriyyatı, Bakı, Hüsü Hacıyev küçəsi, 4.
“Qızıl Şərq” mətbəəsi Bakı, Hazi Aslanov küçəsi, 80.
Dostları ilə paylaş: |