Bayramov Mətləb Rəşid oğlu
Yüklə 29,42 Kb. Pdf görüntüsü
|
| Bayramov Mətləb Rəşid oğlu
söhbətləri maraqla dinləmişəm. Hər şey mənə çox qəribə, eyni zamanda əlçatmaz görünüb. Valideynlərim həkim olmağımı arzulasalar da maraqlarım mənim Azərbaycan Dövlət Neft Akademiyasının tələbəsi olmağıma səbəb olub. İkinci kursda oxuyub nəzəri biliklərə yiyələnsəm də, neft quyularının qazılma üsulları, neftin çıxarılması haqqında danışan təcrübəli mütəxəssisləri dinlədikcə hər şey mənə çox çətin görünürdü. Fikirləşirdim ki, mən də bir vaxt öz ixtisasımı belə dəqiq öyrənib ətrafımdakılara izah edə biləcəyəmmi.
ARDNŞ-nin gənclərə olan qayğısı, istedadlı, dərin biliklərə yiyələnmiş, daha mükəmməl mütəxəssislərin yetişdirilməsi yolunda gördüyü işlər haqqında cox eşitmişdim. Bu barədə socar.az/təhsil saytında oxuduqdan sonra məndə də “Yay təcrübəsi” proqramında iştirak etmək arzusu oyandı. Sənədlərimi verdim və mən də təcrübəçilər sırasına qəbul olundum.
Siyahıda öz adımı və “Azneft” İB-də təcrübə keçəcəyimi görüb çox sevindim. Socar.az saytından “Azneft” İB haqqında ətraflı məlumatları və xəbərləri oxumağa başladım.
Nəhayət , səbirsizliklə gözlədiyim gün gəlib çatdı və mən “Azneft” İB-nə yollandım. İlk öncə İstehsalat Birliyinin rəhbər işçiləri ilə görüşdük. Onlar bizi səmimi qarşılayıb, uğurlar arzuladılar.
Kadrlar şöbəsində də eyni səmimiyyətlə məni qəbul etdilər və təcrübə keçmək üçün “Bibiheybətneft” NQÇİ-nə göndərdilər.
Beləliklə, ilk yay təcrübəmə dünyanın neft tarixinə düşən və 160 ildən artıq bir dövrdə neft hasil edən “Bibiheybətneft” NQÇİ-də başladım. İdarəyə gəldiyim ilk gündən diqqət və qayğı ilə qarşılandım. “Bibiheybətneft” NQÇİ-nin rəisi İlqar Həmzəyevlə tanışlıq məndə xoş təəssurat oyatdı. Onun mənə və digər təcrübəçilərə tövsiyəsi bu oldu ki, “ sizə verilən fürsətdən səmərəli istifadə edin, daha çox və mükəmməl öyrənməyə çalışın.” Mənimlə müvəqqəti əmək müqaviləsi bağladılar və mən neftçilərin sırasına daxil oldum.
Mənim təcrubə keçəcəyim mədən isə 1-ci mədən oldu. Birinci mədəndə də mən həmin diqqət və qayğını hiss etdim, sanki mən çoxdan bu kollektivin işçisiyəm. Həmin diqqət və qayğının sayəsində birinci dəfə qarşılaşdığım insanların arasında “yadlıq” hiss eləmədim. Bu məni daha da ürəkləndirdi və mən sual verməkdən çəkinmədim.
Təcrübə rəhbərim, 1-ci mədənin rəisi Elxan Dadaşov və müavini Eldəniz Səfiyev məni əvvəlcə mədənin sxemi ilə, təhlükəsizlik qaydaları ilə tanış etdilər. Məni məlumatlandırdılar ki, işləyən zaman bilməli olduğum vacib şərtlərdən biri texniki təhlükəsizlik qaydalarıdır və bu qaydalara əməl etmək mütləqdir.
Sonrakı günlərdə mən də onlarla mədənə gedirdim. Neftçi mütəxəssislərlə birlikdə, çiyin – çiyinə, xüsusi geyimdə mədənə gedən yolda addımladıqca həm həyəcan , həm də qürurverici hisslər keçirirdim. Nəhayət ki, neft çıxarılan quyunu yaxından gördüm. Uşaqlıqda “kaçalka” kimi tanıdığımız mancanaq dəzgahını, nasosları kitablarda deyil, işləyən vəziyyətdə gördüm.
Elxan müəllim, Eldəniz müəllim , hətta ustalar da mənə quyunun qazılması, neftin çixması, çıxarılan neftin seperatorlara vurulması və orada sudan və qazqan təmizləndikdən sonra emal üçün göndərilməsi proseslərini bütün incəlikləri ilə izah edirdilər. Neftin yerin üst qatına yaxın yerləşdikdə daha asan üsulla əldə edildiyini, dərinlıkdə yerləşən laylara çatmaq üçün quyuların necə qazıldığını və oraya qazma borularının necə salındığını, boruların ucuna qazma baltasının necə bağlandığını elə səbrlə, həvəslə başa salırdılar ki, mənim marağım daha da artırdı. Onlar yataqların işlənməsi zamanı yeni avadanlıqların tətbiqi nəticəsində neft hasilatının artdığını da qeyd etdilər.
I kursda tanış olduğum “ Nanotexnologiyaların neftçıxarmaya tətbiqi” mövzusu məndə maraq oyatmışdı. Mənə bu mövzu ətrafında da daha genış məlumat verərək, “Bibiheybətneft” NQÇİ-nin mədənlərində quma, parafinə, duza qarşı nanotexnologiyaların tətbiqi və onun nəticələrindən danışdılar.
Mən yalnız quyuların necə qazılması, neftin necə çıxarılması və nəql olunması ilə deyil “ Bibiheybətneft” NQÇİ-nin iqtisadi göstəriciləri və bütün sahələrdə əldə etdikləri nailiyyətləri ilə də tanış olurdum. Neftçilərə göstərilən sosial qayğının, onların istirahəti və müalicəsi üçün müxtəlif regionlara və istirahət mərkəzlərinə göndərişlərin verildiyinin də şahidi oldum.
Təcrübədə olduğum zaman idarənin rəisi İlqar müəllim dəfələrlə mənimlə və digər təcrübəçilərlə maraqlanıb , çətinliyimizin olub-olmadığını soruşub. İşə marağımın nə dərəcədə olduğunu yoxlamaq üçün suallar verib. Onu qane edən cavabı almadıqda iradını bildirib, həmin sahəyə daha diqqətlə yanaşmağı tapşırıb, eyni zamanda izahatlar verib. Təcrübə zamanı öyrəndim ki , neft çıxarmaqla bərabər ətraf mühitin qorunması da vacibdir. Ona gorə də neftlə çirklənmiş ərazilər mütamadi olaraq təmizlənir. Bundan əlavə mənə qazma üsulları, korrektorda mayelərin hərəkəti, layın ilkin açılış forması, neftyığma məntəqəsinin iş prinsipi, mancanaq dəzgahı, nasosların növləri və iş prinsipləri və s. barədə geniş məlumat verdilər. Eldəniz müəllim nəinki öyrədirdi , eyni zamanda mənim hər şeyi lazım olduğu kimi başa düşüb yadda saxlamağımı yoxlamaq üçun suallar da verirdi. Bu vaxta qədər bir çox detalların, avadanlıqların cizgilərinə baxanda və ya hansısa detalın cizgisini çəkəndə çətinlik çəkirdimsə, indi hər şeyi təcrübədə gördükdə sanki daha asan qavrayıb yadda saxlamaq olurdu. Mənə göstərdikləri diqqətə, eyni zamanda tələbkarlığa görə onlara minnətdaram. Onların əməyinin nəticəsidir ki, mən elə dərs ilinin ilk günlərində müəllimin verdiyi “nasosların iş prinsipi” haqında suallara daha sərbəst və əminliklə cavab verdim. Müəllim razı qaldığını bildirəndə, “səni yaxşı öyrədiblər” deyəndə “təcrübə müəllimlərim”i bir daha minnətdarlıqla xatırladım. Təcrübədə olduğumuz müddətdə İnsan Resursları Departementinin, “İki sahil” qəzetinin, “ İctimai ” televiziyanın əməkdaşları da bizimlə maraqlanırdılar . Bizdən təcrübədən razı qalıb qalmadığımızı, irad və təkliflərimizı soruşurdular. Arzularımızı gerçəkləşdirən bir proqrama, bizi səmimyyətlə qarşilayan,
bilmədiklərimızı bizə öyrədən, bizim simamızda öz davamçılarını görən insanlara, əlbətdə ki, hec bir iradımızın olmadığını söyləyirdik. Fikrimcə hər şeyin qaydasında , mənim təsəvvür etdiyimdən də yaxşı təşkil olunduğu üçün hec bir təklifimin olmadığını söylədim. Axı “Yay təcrübəsi ” proqramının köməyi ilə biz nəinki biliklərimizi təcrübə ilə birləşdirib, ixtisasımızın sirlərinə daha dərindən yiyələnirik , həm də əmək haqqı alırıq. İndi mənim əmək kitabçam var və mən öz əmək fəaliyyətimə neftçi kimi başlamısam. Yay təcrübəm cəmi bir ay oldu. Bir ayda mən “ hər şeyi öyrəndim ” desəm təbii ki, duz olmaz. Ancaq bu bir ay mənim özumə güvənimi artırdı. Mən də gələcəkdə həm savadlı, həm də təcrübəli bir mütəxəssis olmağı arzulayıram. Bu şəraiti bizə yaratdıqları üçün, həm təcrübə vaxtı, həm də təcrübədən sonra öz diqqət və qayğılarını bizdən əsirgəmədiklərinə görə ARDNŞ-nin rərbərliyinə, İnsan Resursları Departamentinin kollektivinə dərin təşəkkür edirəm. Arzum növbəti illərdə də “ Yay təcrübəsi ” proqramında iştirak etmək, yenidən “Bibiheybətneft” NQÇİ-nin mehriban kollektivinə qatılıb , onların köməkliyi ilə biliklərimi daha da artırmaqdır. Bu isə o deməkdir ki, mən yenidən təcrübəçi olmaq şansını qazanmaq üçün daha çox çalışmalı, daha yaxşı oxumalıyam.
Yüklə 29,42 Kb. Dostları ilə paylaş:
|