Bəxtiyar Tuncay azərbaycan xalqinin maddi



Yüklə 1,44 Mb.
səhifə14/15
tarix24.10.2017
ölçüsü1,44 Mb.
#6511
1   ...   7   8   9   10   11   12   13   14   15

Ekranda orta əsrlər Avropasında dəbdə olan inkvizisiyaları (diri-diri odda yandırılma) səhnələrini əks etdirilən kadrlar və ya şəkillər görüntülənir.

Diktor:
"Orta əslər Avropasında geniş yayılmış inkvizisiyaların qurbanlarına əksər hallarda maniçilər çevrilirdilər.Məsələn, Fransanın Orlean şəhərində 1022-ci ildə odda 10 nəfər maniçi diri-diri yandırılmışdır.Maraqlıdır ki, onları satanlar öz şagirdləri idilər və içlərində kral l Robertin mənəvi tərbiyəçiləri Etyen, Lizoy və Geribert də var idilər."

Ekrandakı görüntüləri Roma şəhərinin görüntüləri əvəz edir.

Diktor:
"İtaliyada "padarlar" adlandırılan maniçilər Xll əsrdə bu ölkənin bütün əyalətlərində önəmli icmaya çevrilmişdilər və Roma şəhərində də müəyyən nüfuza sahib idilər."

Ekranda yenidən Vatikandan görüntülər peyda olur.

Diktor:
"Xlll əsrdə maniçiliyi tərk edib katolikliyi qəbul edən Rober Le Buqr, Varonalı Peter və Rayner tarixə adlarını ən qəddar inkvizitorlar kimi yazdırmışlar.Onların əli ilə yüzlərlə maniçi diri-diri odda yandırılmışdır.Milanda 20 il maniçi kimi fəaliyyət göstərmiş Le Buqr maniçilərə qarşı apardığı qəddar mübarizəyə görə 1223-cü ildə papa lX Qriqori tərəfindən inkvizitor təyin edilmişdi.

Avropa tarixinin ən mühüm hadisələrindən biri olan Albiqoy müharibəsi maniçilərin adı ilə bağlı olmuşdur."

Ekranda "Çingiz xan" filmindən kadrlar nümayiş etdirilir.

Diktor:
"Əldə olan mənbələr maniçilərin Çingiz xanın Xlll əsrdə qurduğu imperatorluqda da mühüm rol oynadığını söyləməyə əsas verir."
Ekranda hərəkət edən karvan görünür və Soltan Hacıbəyovun eyniadlı əsəri çalınır.Bu görüntüləri "Azərbaycan tarixi" kitabı əvəz edir. Kitab yavaş-yavaş açılır və səhifələr bir-birini əvəz edir.

Diktor:
"İslamdan öncə Azərbaycanda şamanizm, maniçilik və xristianlıqdan başqa tək Tanrı inancının da izlərinə rast gəlmək mümkündür.



Tarixi mənbələrdən belə aydın olur ki,tək Tanrıya inam, başqa sözlə Tenqriçilik türklərin əsas dini olmuşdur.Professor Osman Turan özünün türk cahan hakimiyyəti məfkurəsi tarixi" adlı 2 cildlik kitabının l cildinin 48- ci səhifəsində yazır..."

Ekranda yazılır:


"Hunlar dövründə "tanrı" kəlməsi həm göyü, həm də Allahı ifadə edirdi.Bu dövrün hökmdarlarına verilən "tanrı qulu" ünvanı da türklərin ilahi hakimiyyət şüurunun formalaşmasını ,göylə bağlı olduğunu və tək Allah inancına doğru bir təkamülün mövcudluğunu göstərir.Eləcə də göytürklər dövründə göylə əlaqəsi olmaqla bərabər, mücərrəd mənası ilə, tək bir Tanrının varlığı inancı çıxmışdı.

Professor Osman Turan"
Diktor yazılanları oxuyur və deyir:
"De Quiqnes isə özünün "Türklərin ümumi tarxi" kitabında bildirir..."

Ekrandakı yazını aşağıdakı yazı əvəz edir:


"...Türklər bu dövrdə yüksəliş və süqutlarını, qabiliyyətli və ya qabiliyyətsiz xaqan və bəylərin özləri-özlərinə vasitə olmasını ilahi himayə və cəzanın nəticəsi olduğuna və Tanrının qadiri-mütləq olduğuna inanırdılar.

De Quiqnes"

Diktor yazılar oxuyur və əlavə edir:


"İbn Fədlan da bu barədə öz müşahidələrini qeydə almışdır."

Ekranda yazılır:


"Bir türk zülmlə üzləşdiyi və çətinliyə düşdüyü zaman göyə baxıb, "Bir Tan-rı" deyərək dua edir.

İbn Fədlan"

Diktor yazıları oxuyur.

Ekranda "Qlozel" kitabələri görüntülənir.
Diktor:
"Türklərin tək Tanrı inancları barədə ilk yazılı mənbə Fransadan tapılan və eradan əvvəl 2500-ci ilə aid edilən "Qlozel" kitabələri hesab edilməlidir.Oradakı türkcə qələmə aiınmış bir cümlə xüsusi diqqət çəkir..."

Ekranda yazılır:


"Oda tapınarkən Tək Tanrını bulduq."
Diktor yaını oxuyur və əlavə edir:
"Bu cümlədə ifadə edilən fikir təqribən 3200 il sonra Bizans salnaməçisi Feofilakt Simokattanın söylədikləri ilə, demək olar ki, üst-üstə düşür."

Ekranda peyda olan aktyor əlindəki kitabdan oxuyur:


"Türklər hər şeydən çox oda ehtiram edirlər,hava və suya da ehtiramları böyükdür,torpağa həsr edilmiş himnlər oxuyurlar.Sitayişi isə "Tək Tenqri" adlan-dırdıqları yeri və göyü yaradana edirlər.Ona at,qoc və öküz qurban verirlər."

Ekranda Çingiz xan filmindən kadrlar canlanır.

Diktor:
"Eyni inancın moğol-tatarlar arasında da hakim inanc olduğunu söyləmək üçün əldə bəzi əsaslar var.Məsələn, tatarların arasında missionerlik fəaliyyəti ilə məşğul olmuş İohan de Plano Karpini 1246-cı ildə yazmışdır..."

Ekranda yazılır:


"Onlar görünən və görünməyən bütün şeylərin yaradıcısı olan tək bir Tanrıya inanır,onu həm bütün ləzzət və sərvətlərin, həm də əzabların yaradıcısı hesab edirlər.Fəqət onlar Onu həmd və ayinlərlə zikr etmirlər."
Diktor yazıları oxuyur və davam edir:
"...Vilhelm de Rubruk da tatarlaın inanc sistemi barədə təqribən eyni şeyləri söyləmişdir..."
Ekrandakı yazını aşağıdakı yazı əvəz edir:
"Mən soruşdum:

-Siz Allaha necə inanaırsınız?

Onlar cavab verdilər:

-Biz yalnız bir və tək olan Tanrıya inanııq.

Soruşdum:

-Siz onun mənəvi-ruhani, yoxsa maddi bir varlıq olduğuna inanırsınız?

Dedilər:

-Biz onun mənəvi-ruhani bir varlıq olduğuna inanırıq.

O zaman mən yenə soruşdum:

-Siz onun heç bir vaxt insan qiyafəsinə girmədiyinə inanırsınızmı?

Onalar cavab verdilər:

-Heç vaxt!"
Diktor yazını oxuyur və əlavə edir:
"Teologiya tarixi üzrə böyük mütəxəssis Derferin fikirləri isə çox böyük maraq doğurur."

Ekranda peyda olan aktyor əlindəki kitabdan oxuyur:


"Göy Tanrı dini öz forma və məzmununa görə, Ön Asiya mənşəli dinlərə, xüsusən də xristianlıqla bənzər xüsusiyyətlərə malikdir...Lakin bu din, deyəsən, həm xristianlıqdan, həm də musəvilikdən daha qədimdir...İşin ən maraqlı tərəfi isə budur ki, bu dinə sitayiş edən Sibir və Altay türkləri içərisində Bibliya süjetlərindən, demək olar ki, heç nə ilə fərqlənməyən süjetlər də yer almaqdadır.

Derfer."

Ekranda "Nuh Peyğəmbər" filmindən kadrlar canlanır.

Diktor:
"Türklərin böyük əksəriyyətinin sitayiş etdikləri Göy Tanrı dininin əsasının Həzrət Nuh əleyhissəlam tərəfindən qoyulduğu heç bir şübhə oyatmır.Hər halda, həm Tövrat, həm İncil, həm də Qurani-Kərim bu şəxsin Tanrı elçisi olsuğunu və Tövhid dinini, yəni təktanrıçılığı təbliğ etdiyini təsdiq etməkdədir.

Doğrudur, "Bilqamıs" dastanında Hərət Nuh çoxtanrıçı və bütbərəst kimi təqdim edilir və bu fakt ortaya cavabını gözləyən çox sayda sual çıxarır.Çox güman ki, qədim şumerlər məlum süjeti öz dinlərinin kanonlarına uyğun şəkildə dəyişdirmiş, bu üzdən də Nuh tövhidi təbliğ edən peyğəmbərdən çoxtanrıçı bir dastan qəhrəmanına çevrilmişdir.Fakt isə budur ki, şumerlərin böyük bir qismi çoxtanrıçı olsalar da, onların da içərisində təktanrıçılar olmuşdur.Beləki, şumer kitabələrinin içərisində belə bir cümləyə də rast gəlinmişdir..."

Ekranda yazılır :



" DİNGİR TAQ TANQI YOQ"
Diktor cümləni oxuyur və əlavə edir:
"...Yəni Tanrı təkdir, bərabəri yoxdur."

Ekranda müxtəlif dinlərin məbədləri görünür.

Diktor:
"Azərbaycanda ən qədim zamanlardan təktanrıçılığın yayıldığını zərdüşti-lərin müqəddəs kitabı sayılan Avesta da təsdiq edir.Məlum olduğu kimi, bu kitabda türklərin, yəni turanlıların sitayiş etdikləri Tanrı iblis kimi qələmə verilir.Həmin kitabda Alp Ər Tonqanın Anqra Manyuya, yəni Tanqra Menquya, başqa sözlə, türklərin tək Tanrısına sitayiş etdiyi və ona at,qoyun və öküz kəsdiyi qeyd edilir."

Ekrandakı təsvirləri növbə ilə Romanın simvolu olan qurd heykəli və Şamaxının Xınıslı kəndindən tapılan və üzərində bir qurd və iki oğlan uşağının başı olan kubokun qoşa təsviri, Qobustandakı öküz və günəş gəmi təsvirləri, rəqs edən şaman təsviri və Həzrət Nuhun gəmisinin (bədii filmdən) təsviri əvəz edir.

Diktor:
"Deməli, qədim Azərbaycanda əcdad qurd, əcdad öküz, döğum ilahəsi Umay, günəş tanrısı Qodu kultları və şamanizmlə yanaşı, Göy Tanrı dini də yayğın olmuşdur.Sonuncu bilavasitə Həzrət Nuh əleyhissəlamın adı ilə bağlıdır.

Maraqlıdır ki, qədim türk dilində digər tövhid, yəni təktanrıçı dinlərində, o cümlədən İslamda mövcud olan bütün dini terminlərin təmiz türkcə qarşılığı olmuşdur ki, bu da Göy Tanrı dininin təkmil bir din olduğunu sübut edir.Üstəlik də bu terminlər sayəsində həmin dinin ayrı-ayrı elementləri barədə ətraflı məlumat almaq mümkündür."

Ekranda yazılır:


----------------------------------------------------------------------------------------------------

İslam terminologiyası Tenqriçilik terminologiyası

---------------------------------------------------------------------------------------------------

1. Allah Tenqri

2. Peyğəmbər, nəbi Yalavac,Yalmac

3. Rəsul Elçi

4. Kitab (müqəddəs kitablardan biri) Biti, Bitiq

5. Cənnət, Uçmaq

6. Cəhənnəm Tamağ

7. Din xadimi, ruhani Tenqirkən

8. İbadədgah (məscid, came) Tenqirlik

9. Qurban Yağışlıq

10. İbadət Tapıq

11. Sitayiş Tapınmaq

12. Müqəddəs Iduq, İduq-Qut

13. Oruc Baçaq

14 Şəriət Törü, Törə

15. Ruh, Can Qut

16. Günah Yazuq, Yazınc

17. Həmd Alqış

18. Axirət Mengü ajun

19. Mələk Yumışçı

20. Qeyb Örtüklük

21. Ehsan Basan

22. İblis Yekkə

----------------------------------------------------------------------------------------------------
Diktor:
"Məsələn, qədim türklər Allaha "Tenqri" demişlər və bu kəlmə təmiz türk-cədir.Bu kəlməyə Orxon-Yenisey abidələrində sıx-sıx rast gəlinir."Peyğəmbər" və "nəbi" kimi ərəb və fars mənşəli sözlərinin qarşılığında isə "yalavac" və ya "yalmac" kimi təmiz türk kəlmələri işlənmişdir..."
Ekrandakı yazını müvəqqəti olaraq aşağıdakı yazılar əvəz edir:
"Tenqri yalavac itdi.

Kaşğarlı Mahmud.

Mühəmməd yalavac xəlaiq başı.

Yusif Balasaqunlu."
Diktor aralıqsız davam edir:
"...Mahmud Kaşğarlı "Divan"ında belə bir cümlə ilə rastlaşırıq: Tenqri yalavac itdi, yəni Tanrı peyğəmbər göndərdi.Yusif Balasaqunlunun "Qutaduqu Bilik " əsərində isə belə bir ifadə yer almaqdadır.Mühəmməd yalavac xəlaiq başı, yəni Məhəmməd peyğəmbər xalqların başçısı.

Kaşğarlı Mahmud bu kəlməni "peyğəmbər", "nəbi" kimi tərcümə etmişdir..."

Ekranda yenidən öncəki yazı, yəni İslam terminologiyasının Tenqriçilik terminologiyasının müqayisə edildiyi cədvəl görünür. Diktor sözünə ara vermədən davam edir:



"Qədim türklərdə rəsul mənasında "elçi " kəlməsinin olduğu da məlumdur. Bu kəlmənin işləndiyi mətnlərdən biri 1-ci Yenisey abidəsidir ki, orada belə bir maraqlı cümlə yer almaqdadır..."

Ekranda Orxon-Yenisey mətnlərindən biri görünür və onun fonunda yazılır:


"Tenqri elkə elçisi erdim."

Diktor bu cümləni oxuyur və əlavə edir:


"...Yəni elimə,xalqıma Tanrı elçisi kimi döndüm."

Ekranda yenidən İslam və Tenqriçilik terminlərinin qarşılıqlı cədvəli görünür.

Diktor:
" Qədim türk dilində yazı və kitab mənalarını verən "biti" və "bitiq" kimi sözlər xüsusi hallarda səmavi kitab mənasında da işlənmişdir ki, bu halda, çox güman ki, Gök Tanrı dininin nə zamansa mövcud olmuş və sonradan itmiş müqəddəs kitabı nəzərdə tutulur.

Ana dilimizdə mövcud olmuş "uçmaq" və" tamuğ" kimi kəlmələr isə müqabil olaraq cənnət və cəhənnəmi ifadə etmişlər. Bu terminlərə klassik Azərbaycan ədəbiyyatında, o cümlədən Şah İsmayıl Xətai və İmadəddin Nəsimidə də rast gəlinir.

Bundan başqa qədim türk dilində digər dinlərdə, o cümlədən İslamda rast gəlinən əksər terminlərə uyğun gələn terminlərin olduğu da bəllidir.Məsələn, din xadimi- tenqirkən, ibadətgah- tenqirlik, qurban-yağışlıq, ibadət-tapıq, sitayiş- tapınmaq, müqəddəs-ıduq,oruc-baçaq, şəriət- törü və ya törə, ruh-qut,günah-yazuq, həmd- alqış,axirət-mengü ayun, mələk-yumışçı,qeyb-örtüklük,ehsan-basan, iblis-yekkə və sairə.

Maraqlıdır ki, bu terminlərdən bir çoxu təktanrıçılığa keçişdən öncə də öncəki dinlərin terminləri kimi işlənmiş, yeni dinin yayılması ilə həmin terminlər yeni məzmun və mahiyyət qazanmışlar. Bu baxımdan qurban mənasında işlənən "yağışlıq" kəlməsi böyük maraq döğurur.Bir vaxtlar yağış "çağırmaq", yağış "kəsmək" və "Qodu-Qodu ayinlərinin icrası zamanı günəş tanrısı Qoduya verilən xəmiraşı, bal və yağ qurbanlarını ifadə edən bu kəlmə sonrakı dövrlərdə, yəni təktanrıçılığa keçdikdən sonra həm də Göy Tanrıya kəsilən at, öküz və qoyunları da ifadə etmişdir."

Ekranda əski süjetlərdən biri təkrar olunur.Ocaq başına yığışmış milli geyimli qızlar görünür.Onlardan biri ocaqdakı daşların üstünü közlərlə örtə-örtə oxuyur:


Qodu daşı,

Odu daşı,

Qodu kəssin

Yağışı.”
Sonra qızlar birlikdə oxuyurlar:
Budu daşı,

Bulutların

Kudu daşı,

Bişirmişəm

Xəmiraşı.

Qonaq gəlsin

Godu başı,

Gətirsin

Qızıl günü,

Aparsın

Yağışı.

Qodu daşı,

Odu daşı,

Qodu kəssin

Yağışı.”

Ekranda eyni süjet bu dəfə səssiz təkrar olunur.

Diktor:
"Qədim türklərin təktanrıçılığa keçməmişdən öncə günəş tanrısına da eyni qurbanları verdikləri, yəni at, öküz və qoyun kəsdikləri məlumdur.Məsələn Musa Kağankatlının yazdığına görə, massaqet türkləri günəşə sitayiş edir və ona sözügedən qurbanları verirdilər."

Ekranda üzərində ideoqrafik yazı (üçbucaqlar, quş, ağac, maral təsvirləri) olan l əsrə aid Mingəçevir qəbir küpünün ideoqramları görünür.

Diktor:



"İstər Mingəçevir ideoqrafik yazısında, istərsə Orxon-Yenisey mətnlərində, istərsə də klassik Azərbaycan ədəbiyyatında rast gəldiyimiz, cənnət mənasında işlənən "uçmaq" termini də təktanrıçılıqdan əvvəlki mifik təsəvvürlərlə bağlıdır və bu kəlmə qədim mifoloji sistemdə ruhun quş kimi, o biri dünyadakı insanların isə quş qanadlı təsəvvür edilməsindən qaynaqlanmışdır."

Ekranda mixi yazılar görünür.

Diktor aralıqsız davam edir:
"Bu təsəvvürlərin izinə təqibən 5000 il öncə qələmə alınmış "Bilqamıs" dastanında rast gəlirik. Dastanda öləcəyini yuxusunda görən Enkidunun yuxusunu Bilqamısa danışdığı səhnə deyilənlərə ən gözəl misaldır."

Ekranda peyda olan aktyor əlindəki kitabdan oxuyur:


"Gecə öz yatağına tənha uzanan zaman,

Enkidunun içinə bir ağrı doldu yaman.

O, dərdini açaraq öz dostuna söylədi,

"Gecə yuxu görmüşəm,əziz dost,eşit,-dedi,-

Göylər haray salırdı,nida qalxırdı yerdən,

Onların arasında dayanmışdım təkcə mən.

Bir də bir adam vardı,tutqun idi üz-gözü,

Mən fırtına quşuna bənzətdim onu,düzü.

İti caynağı vardı, qartal kimi qanadı,

Saçımdan yapışaraq göz açmağa qoymadı.

Onu vurdum,tullanıb tez sıçradı kənara,

Sonra o məni vurdu, o dəm sağaldı yara.

Sonra vəhşi öküz kimi yeriyib məni yıxdı.

Ağır məngənə kimi başımı bərk sıxdı.

Dedim "Məni xilas et!" Sən xilas edəmmədin,

Onunla vuruşmağa, qorxdun, gedə bilmədin.

O mənə toxunaraq, məni quşa çevirdi,

Qanad taxtı çiynimə,adəti quş qanadı.

Üzümə baxdı,baxdı, sonra məni apardı,

İrkallanın evinə-zülmətevinə vardı."

Ekranda A.K. Borovkovun X-Xl əsrlər "Orta Asiya təfsirinin dili" ( Лексика среднеазиатского Тефсира X-Xl в.в. Москва, 1963.) adlı kitabının üz qabığı görünür.

Diktor:
"X-Xl əsrlərdə Orta Asiyada qələmə alınmış bir Quran təfsirinin leksikonunu gözdən keçirən rus şərqşünası Borovkovun yazdığına görə, sözügedən təfsirdə bütün Quran terminlərinin türkcə olduğunu vurğulamış və türk dilinin dini terminologiya baxımından zənginliyindən duyduğu heyrəti gizlədə bilməmişdir.

Yeri gəlmişkən qeyd edək ki, bu əsərdə əsasən, təmiz oğuz kəlmələrindən istifadə edilmişdir və bu kəlmələrin bir çoxu ədəbi ümumtürkcənin müvafiq terminologiyasından fərqlənlir..."

Ekranda yazılır:


----------------------------------------------------------------------------------------------------

Ümumtürk ədəbi dilində Oğuz türkcəsində Mənası

----------------------------------------------------------------------------------------------------

Yalamac Savçı Peyğəmbər,nəbi

----- Ev budunu Əhli-Beyt

----------------------------------------------------------------------------------------------------
Diktor sözünü aralıqsız davam etdirir:
"... Bu baxımdan Təfsirdə yer alan və peyğəmbər mənasında işlədilən "savçı" sözünü misal çəkmək olar.Ümumtürk ədəbi dilindəki "yalamac" kəlməsinə uyğun gələn bu kəlmə sırf oğuz terminidir.Diqqəti çəkən başqa bir ifadə isə Qurandakı "Əhli-Beyt" ifadəsinin qarşılığında işlədilmiş "ev budunu" sözbirləşmə- sidir.Həzrət Məhəmmədin ev sakinlərini, yəni ailə üzvlərinin cəmini ifadə etmək üçün istifadə edilmiş bu birləşmə son dərəcə uğurlu seçilmişdir.Bu sözbirləşməsi oğuz türkcəsi nümunəsi olmaqla yanaşı, həm də ümumtürk mahiyyəti daşımaqdadır."

Ekranda Soltan Hacıbəyovun "Karvan" əsərinin sədaları altında hərəkət edən karvan görüntülənir.Daha sonra onu şaman rəqsi əvəz edir.

Diktor:
"Azərbaycanda şamanizmin izləri də ən qədim zamanlardan izlənməkdədir. Bəziləri yanlış olaraq şamanizmlə Göy Tanrı dinini eyniləşdirirlər.Əslində isə şamanizm bir din yox, Spritualist maqiya sənətidir.

Elmi ədəbiyyatda daha çox yayğın olan "şaman" kəlməsi türk sözü deyil, tunqus-mancur mənşəli bir termindir.Onun mənşəyini sanskrit dilinə bağlayanlar da var.Türklər isə şamana ən qədim zamanlardan "qam" demişlər.Bu kəlməyə Turfandan tapılan qədim uyğur mətnlərində, Yusif Balasaqunlunun "Qutaduqu-Bi- lik" və Mahmud Kaşğarlının "Divan ül-Lüğət ət-Türk" kitablarında, eləcə də "Ko- deks Kumanikus " və "Kitab ül-İdrak"da rast gəlinir."Qam" kəlməsi Radlovun "Qədim Türk lüğətində də yer almaqdadır.Bir çox dillərdə, o cümlədən hind-Avropa dillərində rast gəlinən "maq" kəlməsi də bu kəlmənin metatezası ilə ortaya çıxmışdır."

Ekranda Yusif Balasaqunlunun "Kutaduqu-Bilik" və Mahmud Kaşğarlının "Divan ül-Lüğət ət-Türk" kitabları görünür.


Diktor:

"Yusif Balasaqunluya görə, qam xəstəni sağaldan həkim,Mahmud Kaşğarlıya görə isə, qeybdən xəbər verən,falçılıq edən adamdır..."

Ekranda Radlovun şəkli görünür.Diktor sözünə davam edir:


"Görkəmli türkoloq Radlov isə bu sözü "şaman" kimi tərcümə edir və onun daha geniş məna daşıdığını bildirir."

Ekranda təbil çalaraq rəqs edən şaman görünür.

Diktor:
"Təbil şamanın vazkeçilməz aləti və əlamətidir.Təbilin içi və xarici müxtəlif naxış və rəsmlərlə bəzədilir.Həmin naxış və rəsmlər nəsildən nəslə ötürülərək, demək olar ki, heç dəyişmir.Yəni bu halda ənənəviliyə ciddi əməl olunur.Məsələn, Koybal şamanlarının təbillərinin birinin üzərində çəkilmiş maraqlı bir rəsm Qobustan təsvirlərindən biri ilə inanılmaz dərəcədə bənzərlik təşkil edir..."

Ekranda Qobustandakı Böyükdaşın aşağı mərtəbəsində 9№-li daşın üzərindəki pkitoqramın və Koybal şamanlarının təbili üzərində həkk edilən və XlX əsrin sonlarında üzü köcürülmüş piktoqramın yanaşı təsvirləri əks olunur.Diktor sözünə davam edir:


"...Hər iki rəsmin piktoqrafik yazı nümunəsi olması və eyni elementlərdən təşkil edilməsi diqqəti xüsusi ilə cəlb edir, eyni zamanda Sibir və Altay türklərinin şamanizm ənənələrinin qədim Qobustan ovçularının ovsunçuluq ənənlərindən qaynaqlandığını sübut edir."

Ekranda sənətşünas alim Nəsir Rzayev görür.Alt tərəfdə onun adı, soy adı və elmi dərəcəsi yazılır.O deyir:


"Qobustanda, Böyükdaşın aşağı mərtəbəsində 9№-li daşdakı Tunc dövrünə aid petroqlifdə piktoqram xaraktrli böyük təsvir kompozisiyası verilmişdir.Bu təsvirdə qədim rəssam əl-ələ vermiş silahsız adamların iki cərgədən ibarət bir sədd təşkil edərək sağ tərəfdəki çəpərlə keçinin yolunu kəsməsini əyani surətdə nəql edir.heyvanın boğazına ip keçirilmişdir..."

Ekranda sözügedən Qobustan piktoqramı ayrıca göüntülənir.Alimin səsi kadr aexasından eşidilir:


"...Mürəkkəb kompozisiyalı bu piktoqramda qədim rəssam təsvir vasitələrinin köməkliyi ilə qəbilədə baş vermiş mühüm bir hadisə-heyvanların əhliləşdirilməsi barədə qəbilə üzvlərinə xəbər verir..."

Ekranda yenidən peyda olan Nəsir Rzayev sözünə davam edir:


"...Tunc dövrünə aid bu petroqlifdə insanlar siluet şəklində, heyvanlar isə konturlu xətlərlə kiçik miqyasda, həm də çox sxematik və statik vəziyyətdə təsvir edilmişdir."

Ekranda Koybal şamanlarının təbilindəki təsvir ayrıca nümayiş etdirilir.

Diktor:
"Şamanizmin Katanov və Alekseyeva kimi görkəmli tədqiqatçılarının fikrincə, təbildəki təsvir də piktoqrafiya nümunəsidir və burada üçlü dünya sistemi barədə şamanist təsəvvürlər öz əksini tapmışdır.

Şaman təbilləri bir qayda olaraq, dağ keçisi dərisindən düzəldilir.Ətrafı qayın ağacından olur.Təbilin səsi boğuq çıxsın deyə, çubuğunun başına samur və ya dövşan ayağının dərisi taxılır..."

Ekranda yenidən şaman rəqsi canlanır.

Diktor:
"Şamanist xalqlarda qamlar iki qrupa ayrılır: ağ qamlar və qara qamlar.

Ağ qamlar Ülgenin hakim olsuğu işıq aləminə, yəni xeyirxah ruhlara qamlıq edirlər.Onların qiyafələri nisbətən az bəzəkli və sadə olur.Onlar özləri ilə təbil daşımırlar.Qara qamlar isə yeraltı dünyanın və zülmətin hakimi Erliyə ona bağlı olan şər ruhlara qamlıq edirlət.Onların geyimi saysız amuletlər,rəmzlər, muncuqlar metal lövhələr,heyvan və quş sümükləri, quş lələkləri və sairə ilə bəzədilmiş olur.Çox zaman papaqları və libasları elə bəzənir ki, nəticədə şaman quşa bənəmiş olur.Lakin bunsuz da onun guya yuxarı və aşağı dünyalara uça bildiyinə inanılır.

Şaman vəcdə gəlmiş halda olarkən,dua edərsə, dinləyənlər "dediklərin olsun,Qam ata!"-deyirlər.Məhz bu müraciət formasına, yəni "Qam ata" ifadəsinə Bisitun kitabəsinin Elamdilli mətnində, midiyalı üsyançıdan söhbət açılan yerdə rast gəlirik.Bu mətndə üsysnçı "kam adda", yəni "Qam ata" adlandırılır."

Ekranda Qobustan və Gəmiqaya təsvirləri bir-birini əvəz edir.Bu, qavaldaşda ifa edilən ritmlərin müşayiəti ilə baş verir.Sonda kamera Böyükdaşın aşağı mərtəbəsindəki 9-li daşın üzərindəki təsvirə kilidlənir və diktor sözə başlayır:


"Azərbaycan ən qədim zamanlardan müxtəlif türk soy və boylarının oylağı olmuş, onların dini-mifoloji görüşlərinin ən qədim kökləri bu ərazidə formalaşmışdır.Faktlar kök türkcənin də bu ərazidə şaxələndiyini, ayrı-ayrı ləhcə və şivələrə parçalandığını söyləməyə əsas verir.Hər halda, ən qədim qıpçaq mətnlərinin, yəni alban ədəbiyyatı nümunələrinin, eləcə də protouyğur manixey mətnlərinin, yəni Maninin qələminə məxsus əsərlərin Azərbaycanda meydana çıxdığı danılmaz faktdır.O da faktdır ki, bütün bu ləhcə və şivələrin qalıqlarına

ölkəmizin şivələrində rast gəlinir.Üstəlik də Azərbaycan ədəbi dilinin formalaşmasında həmin şivələrin bu və ya digər dərəcədə rolu olmuşdur."

Ekranda Nizami Cəfərov peyda olur və deyir:


Yüklə 1,44 Mb.

Dostları ilə paylaş:
1   ...   7   8   9   10   11   12   13   14   15




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə