Bəxtiyar Tuncay İdil bulqarlarının mənşəyi və qısa tarixi



Yüklə 499,06 Kb.
səhifə1/3
tarix14.06.2018
ölçüsü499,06 Kb.
#49083
  1   2   3


Bəxtiyar Tuncay
İdil bulqarlarının mənşəyi və qısa tarixi

X əsrdə Orta Volqa boyu ərazilərdə «Volqa Bulqarıstanı» və ya «Volqa Bulqariyası» adı ilə məşhur olan iri dövlət qurumunun meydana gəldiyi məlumdur. Bu dövlətin paytaxtı olan Bulqar şəhərinin coğrafi baxımdan əlverişli bir yerdə, yəni Şərqi Avropanın İdil-Oka, Klyazma, Kama kimi böyük çaylarının kəsişdiyi yerdə, Qərbdən Şərqə və Cənubdan Şərqə uzanan karvan yolları üzərində yerləşməsi onun Ön və Orta Asiya, Şərqi Avropa, Çin və Hindistan ilə sıx ticarət münasibətləri saxlamasına şərait yaratmışdı. Sözügedən dövlət və şəhəri yaradanlar bulqar türkləri idilər və onların həmin əraziyə haradan gəldikləri barədə elmdə hələ də vahid fikir yoxdur (Фехнер М. В., 1978, с. 4-6).

Tarixi mənbələrdə adları ilk dəfə I əsrdə baş vermiş hadisələrlə əlaqədar hallandırılmağa başlayan bulqarların mənşəyi və adları ilə bağlı bir çox versiyalar mövcuddur. Əski sovet tarixşünaslığında hakim olan yanlış nəzəriyyəyə görə, bulqarlar daha öncələr Mərkəzi Asiyada, Çin sərhədinə yaxın ərazilərdə yaşamış və sonralar həmin ərazidən Avrasiyanın müxtəlif bölgələrinə, o cümlədən İdil (Volqa), Qafqaz və Balkanlara köç edərək oralarda məskunlaşmışlar. Bu düşüncədə olanlar fikirlərini Çin mənbələrinə istinadən əsaslandırmağa çalışır və həmin mənbələrdə adları «pulk», «polk» şəklində çəkilən tayfaları bulqarlarla bağlayırlar. Lakin əldə olan başqa yazılı qaynaqlar, eləcə də arxeoloji materiallar bu versiyanı bütünlüklə inkar edir (Məmmədov K).

Alimlərin bir qismi bulqarları Şimali Qara dənizin ən qədim sakinləri hesab edirlər (Мерперт Я. Я., 1958, s. 553). Məsələn, N. Y. Merpertin yazdığına görə, türkdilli bulqarlar bu əraziyə hunlaraqədərki dövrlərdə Asiyadan gəlmişdilər (Мерперт Я. Я., 1958, s. 588; Мерперт Н. Я., 1958, s. 553). Lakin yazılı qaynaqlar başqa şeydən xəbər verir.


Əski qaynaqlarda qədim bulqarlardan Anadolu və Qafqaz sakinləri kimi söhbət açılır. Məsələn, V əsr erməni tarixçisi Moisey Xorenli özündən əvvəl yaşamış Mar Abas Katinaya istinadən qeyd edir ki, Parfiya hökmdarı Arşakın vaxtında böyük iğtişaşlar oldu və bulqarlardan ayrılan böyük bir qol, «Valındır Bulqar» (A. Akopyanın oxunuşunda «Vələndur Bulxar») adında bir adamın rəhbərliyi ilə Kür çayının sahillərinə səpələndi (Хоренаци Мовсес, 1990, кн. II, гл. 9). Tarixçilərin bir qismi bu məlumatı anoxranizm hesab etsə də, bir çoxları onun doğru olduğuna şübhə etmir və deyilənlərin digər mənbələrlə də təsdiqləndiyini diqqətə çatdırırlar (Токарев С. А., 1949, c. 12–36). Bəziləri hadisənin Parfiyalı Valarşakın dövründə baş verdiyini, məhz həmin dövrdə bulqarların ilk qruplarının Şərqi Anadolunun Şara vilayətində məskunlaşdığını hesab edirlər (Гаджиев М. С., 2010, c. 69–78). Hazırda həmin vilayət «Vənənd» adlanır ki, mərkəzi Qars şəhəridir (Арутюнян А. Х., 2012, c. 365–371). Elmi ədəbiyyatda Qars şəhərinin məhz bulqarlar tərəfindən salındığı barədə fikirlər var (Məmmədov K). Q. Qeybullayevin fikrincə isə, bu halda söhbət Kars şəhəri yaxınlığındakı ərazilərdən deyil, Azərbaycanın Ordubad rayonu ərazisindən getməlidir (Qeybullayev).

Bir sıra mütəxəssislər mətndə adı çəkilən Valarşakı II Valarşakla (197-216) eyniləşdirərək hadisənin bizim eranın II əsrində baş verdiyini söyləyirlər (Гаджиев М. С., 2010, c. 69–78). Lakin başqa fikirdə olanlar da var. Belə hesab edilir ki, bulqarların Qafqaz ərazisindən Şərqi Anadolu ərazisinə köçməsi I əsrdə, yəni I Trdatın (54-75) dövründə baş verib (Салмин А. К., 2015, с. 116). Bəzi tədqiqatçılar isə latındilli bir anonim «Salnamə»yə istinadən 354-cü il tarixi üzərində dururlar (Mommsen Theodorvs, ed., 1892).

Hadisənin nə zaman baş verməsindən asılı olmayaraq, fakt budur ki, bu məlumatların yer aldığı yazılı mənbələr əldə olan və bulqarlar barədə məlumat verən ən əski qaynaqlardır və həmin qaynaqlar sözügedən türk boyunun Anadolu ərazisinə Qafqazdan köçdüyünü bildirir. Yəni Qafqaz, o cümlədən Azərbaycan ərazisi bulqarların ilk məskəni kimi qeyd olunur. Deyilənlərin həqiqət olduğunu isə həmin ərazidə bulqarlarla bağlı çox sayda toponimin dövrümüzədək qorunub saxlanılması sübut edir. Bu baxımdan Biləsuvar ərazisindəki Bolqarçay hidronimini misal göstərmək olar. Maraqlıdır ki, həmin bölgədə çox da uzaq olmayan dövrdə Bolqar, Bolqarkənd və Bolqar-Göytəpə adlı toponimlər də mövcud idi (Велиев М. Г., 1924, s. 396; Пагирев Д. Д., 1913, s. 46). Azərbaycanda yaşadığı bilinən kəngərlilərin bir hissəsi bolqarlı adlanırdı (Шопен И., 1852, s. 538).

Bolqarların Qafqaz və konkret olaraq Azərbaycanla bağlılığı hələ də dərindən tədqiq edilməyib. Bununla belə, Şimali Qafqazda bugünə qədər bulqar adını bir qədər fərqli formada balkarların yaşatmaqda olduğu danılmaz faktdır və genetik tədqiqatlar balkarların, eləcə də İdil bulqarlarının bugünkü nəsilləri hesab edilən Kazan tatarlarının genetik baxımdan qohum olduqlarını və öz soykökləri ilə skiflərə qədər uzandıqlarını ortaya qoymuşdur. Avrasiyanın müxtəlif bölgələrinə səpələnmiş müxtəlif skif kurqanlarından aşkar edilmiş skeletlər və onlardan götürülmüş DNT nümunələri üzərində aparılan antropoloji və hərtərəfli genetik analizlər (Поздняков Д. Скифы…) nəticəsində skif türklərinin köklərinin Konya (Türkiyə) yaxınlarındakı Çatal-Höyük mədəniyyətinə (e.ə. IX-VIII minilliklər) qədər uzandığını söyləmək mümkündür.

Dünyanın aparıcı genetiklərindən ibarət alimlər qrupunun tədqiqata cəlb etdikləri materialların bir qismi Avrasiya çöllərinin qərb hissəsində yerləşən kurqanlardan, daha dəqiq desək, Şimali Qafqaz (e.ə. VIII-VI əsrlər, erkən iskit çağı), Volqa-Don hövzəsi (e.ə. III əsr) və Cənub Qərbi Ural (e.ə. VI-V əslər, erkən sarmat çağı) bölgələrində yerləşən kurqanlardan götürülmüşdür. Avrasiya düzənliklərinin şərq hissəsindəki kurqanlar sırasından isə araşdırmalar aparmaq üçün Şərqi Qazaxıstanda (e.ə. IX-VII əsrlər), Tuvada (e.ə. VII-VI əsrlər) və Minisuinskdə (V əsr) yerləşən bəzi kurqanlar seçilmişdir.

Şərq skiflərinə aid materialların analizi zamanı alimlər erkən və sonrakı dövr skifləri arsında əlaqəni müəyyənləşdirə bilmək üçün «approximate Bayesian computation (ABC)» metodundan istifadə etmişlər. Bu metod əsasında aparılan analizlərin nəticəsində məlum olmuşdur ki, onlar bir-birinin sələf-xələfidirlər və iki fərqli əhali qrupunu təmsil etmirlər, yəni eyni ərazidə əsrlərlə yaşamaqda davam etmiş vahid xalqdırlar (Генетики и антропологи.., 2017).



Şərq və Qərb skiflərinin yaşadıqları ərazilər arasındakı məsafənin min kilometrlərlə ölçülməsinə baxmayaraq bütün skiflərin ata xətti ilə genetik cəhəddən yekcins (R1a) olmasından çıxış edən tədqiqatçılar aradakı fərqin əhəmiyyətsiz dərəcəsdə cüzi olmasını (FST=0.01733) əsas götürərək, onların ana xətti ilə də eyni xalqdan törəyib-törəmədiyini araşdırmaq üçün «АВС» modelindən istifadə etmək qərarına gəlmiş, nəticədə skiflərin genlərində sonradan qarışaraq birləşən iki əhali qrupunun iştirak etdiyini təsbit etmişlər. Görünür, elə bu səbəbdəndir ki, Qərb skifləri antropoloji cəhətdən bütünlüklə avropoid irqinə mənsub olduqları və onlarda monqoloidlik əlamətlərinə rast gəlinmədiyi halda, Şərq iskitlərində, azacıq da olsa, monqoloid irqin təsiri özünü göstərməkdədir. Bu, skiflərin başqa xalqlardan qız almağa məhdudiyyət qoymaması üzündən baş vermişdir (Joachim Burger, 2017).

Maraqlıdır ki, skiflərdə aşkar edilən mitoxondrial haploqruplar bu günün özündə də həm Şərqi (HV, N1, J, T, U, K, W, I, X), həm də Qərbi (A, C, D, F, G, M, Y, Z). Avrasiyanın hazırki yerli əhalisi arasında dominantlıq təşkil edir. Alimlər qrupu tam genomlu SNP markerləri üzrə PCA analizləri aparmış, bu zaman 8 skif genomunu, eləcə də 167 daha qədim və 777 müasir genomu əsas götürmüş və məlum olmuşdur ki, e.ə. I minillikdə Uralda, Qazaxıstanda və Qara dəniz sahillərində yaşamış skiflər öz aralarında genetik bağlarla sıx bağlı olmaqla yanaşı, bu gün həmin ərazilərdə yaşayan türklərin ulu babalarıdırlar, özləri isə həmin ərazilərin son tunc dövrü əhalisinin, onlar vasitəsilə isə Mərkəzi Avropanın eneolit və tunc dövrləri qəbilələrinin, o cümlədən çuxur və kərtmə mədəniyyətlərini, eləcə də Samara mədəniyyətini yaratmış qəbilələrin birbaşa varisləridirlər (Генетики и антропологи.., 2017).

Beləliklə, alimlərin gəldikləri son nəticəyə görə, skiflər Avropanın ən qədim mədəniyyətlərindən biri olan Çuxur mədəniyyətinin birbaşa genetik varisləridirlər. Bu isə o deməkdir ki, iskitlər və onların nəvə-nəticələri olan türklər Altay deyil, Avropa mənşəlidirlər.

Bu nəticəyə təkcə yuxarıda adları qeyd edilən alimlər gəlməyiblər və onların rəyi və dəstəyi ilə Yoaxim Bürgerin qələmə aldığı elmi məqalə də (Joachim Burger, 2017) son dövrlərdə bu mövzuda dərc edilmiş yeganə sanballı məqalə deyil. Bu sırada «Scientific reports» jurnalında dərc edilmiş «Diverse origin of mitochondrial lineages in Iron Age Black Sea Scythians» (Anna Juras and so on., 2017) adlı məqaləni də xüsusi qeyd etmək lazımdır. Onun əsas müəllifləri Adam Mitskeviç adına Poznan Universitetinin Antropologiya İnstitunun əməkdaşları olsa da, bu məqalədə də beynəlxalq alimlər qrupunun tədqiqatlarının nəticələri əks olunmuşdur.

Məqaləni qələmə alan alimlər Şimali Qara dəniz bölgəsindən əldə edilmiş 19 tam sekvenləşdirilmiş qədim genomun analizləri əsasında iskitlərin ana xətti ilə mənşəyini, eəcə də Qara dəniz iskitlərinin digər bölgələrdə yaşamış iskitlərlə əlaqəsini müəyyənləşdirməyi qarşıya məqsəd qoymuşlar. Tədqiqatlara cəlb edilmiş nümunələr Aşağı Dnestr, Aşağı və Orta Don və Krımdan götürülmüşdür. Ümumilikdə, 21-i Moldovadan, 8-i Ukraynadan olmaqla, 29 nümunə öyrənilmişdir. Onlardan 6-sının (31.6%) U5 (U5a2a1, U5a1a1, U5a1a2b, U5a2b, U5a1b, U5b2a1a2), 2-sinin (10.5%) J (J1c2 и J2b1a6) haploqrupuna aid olduğu müəyyənləşdirilmişdir. N1b1a, W3a, T2b,  A, D4j2, F1b, M10a1a1 və H8c haploqruplarının hər birinə isə sadəcə bir nümunədə rast gəlinmişdir.



Müəlliflər müxtəlif qruplar arasındakı genetik məsafəni (Fst) hesablayaraq belə nəticəyə gəlmişlər ki, Qara dəniz skifləri öz mənşəyinə görə, çuxur və kərtmə mədəniyyətləri ilə bağlıdırlar (Anna Juras and so on., 2017).

Yeri gəlmişkən qeyd edək ki, arxeoloji ədəbiyyatda həm Çuxur, həm də Kərtmə mədəniyyətin daşıyıcıları, eləcə də onların varisləri olan skiflər hindavropalı və ya irandilli kimi qeyd olunur, bir sıra hallarda isə «arilər» adlandırılırlar. Lakin genetiklərin ortaya qoyduğu nəticələr arxeoloqların dilçilərə istinadən irəli sürdükləri bu yanlış iddianı darmadağın etmiş və bütün bu mədəniyyətləri yaradan xalqın türklər olduğunu ortaya qoymuşdur. Bütün bu mədəniyyətləri skiflərlə, eləcə də onların birbaşa varisləri olan çağdaş türklərlə ata xətti ilə nəsildən nəslə keçən R1 (R1a və R1b) haploqrupu və ölülərini kurqanlarda dəfn etmək ənənəsi bağlayır. Ana xəttiylə, yəni mitoxondrial haloqruplara görə də onların eyni mədəniyyətlərlə bağlı olduğu öz təsdiqini tapır (Anna Juras and so on., 2017).

Sibirin türk xalqlarının genetik yapısının O. A. Balaqanskaya və digər tanınmış genetiklər tərəfindən hərtərəfli araşdırması sonucunda ortaya çıxan mənzərə də arxeoloq və tarixçilərin ortaya qoyduqları bir sıra fikirlərə yenidən baxmaq lazım olduğunu göstərir (Балаганская О.А., Балановская Е.В., Лавряшина М.Б., Исакова Ж.Т., Сабитов Ж.М., Фролова С.А., Романов А.Г., Дибирова Х.Д., Кузнецова М.А., Захарова Т.А., Pitchappan R., Урасин В.М., Балаганский А.Г., Баранова Е.Г., Балановский О.П., 2011, c. 12-22).

Bu alimlərin gəldiyi qənaətə görə, Qərbi Avrasiya substratının (R1a1a) 4000 il öncə Sibirdə peyda olmasından sonra keçən dövr ərzində onun tədricən yerli substratlar - Q, eləcə də N1c1 və N1(xN1c1) tərəfindən sıxışdırılması müşahidə edilməkdədir. Hazırda Q substratı Sibirdə orta hesabla 32%, Altay və xakas türklərində isə 18 % təşkil edir. N1c1 və N1(xN1c1) substratı isə bölgənin müxtəlif xalqlarında 2-89 % arasında dəyişir. Türk xalqlarında onun göstəricisi keçən 4000 il ərzində 17-18 faizə çatıb. Nəticədə bu xalqlarda monqoloidlik əlamətləri artmağa başlayıb (Балаганская О.А., Балановская Е.В., Лавряшина М.Б., Исакова Ж.Т., Сабитов Ж.М., Фролова С.А., Романов А.Г., Дибирова Х.Д., Кузнецова М.А., Захарова Т.А., Pitchappan R., Урасин В.М., Балаганский А.Г., Баранова Е.Г., Балановский О.П., 2011, c. 12-22).

Beləliklə, Mərkəzi Asiyadan Şərqi Türküstan və Balkanlara, Volqadan Hindiquşa qədər uzanan geniş ərazilərdə yaşayan xalqların böyük əksəriyyəti bu gün türk dilinin müxtəlif ləhcə və şivələrində danışırlar. Bu ərazi tunc dövründə Kərtmə və Andronovo mədəniyyətlərinin, dəmir dövründə isə iskit, sak, sarmat və hunların yaşadıqları ərazi ilə üst-üstə düşür və həmin xalqlar da eynən sözügedən mədəniyyətlərin daşıyıcıları kimi R1a1 və müəyyən qədər R1b haploqrupuna sahibdirlər.

Skif dairəsinə daxil olan alan qəbirlərindən çıxan skeletlərin DNT analizləri sübut edir ki, onlar da skif, sak və sarmatlar kimi R1a haploqrupunun daşıyıcıları olublar. Şimali Qafqaz xalqlarınadan olan osetinlər içərisində bu haploqrupun təmsilçiləri 0,5-0,8 % təşkil edir. Həmin haploqrup inquşlarda 7, İnquşetiyada yaşayan çeçenlərdə isə 8 % təşkil edir. Qaraçaylı və balkarlarda isə bu göstərici 36 faizə çatır. Bu isə o deməkdir ki, alanların, deməli, həm də iskit, sak və sarmatların Şimali Qafqazdakı əsas kötükcələri qaraçay və balkar türkləridir (Клёсов, А. А., 2012, c. 1511-1525).

Rusiya ərazisində aparılan tədqiqatlar tatar və başqırdların da eynən qaraçay və balkarlar kimi skiflərin nəsilləri olduğunu göstərməkdədir. Tatarlarda eynən xəzərlərdə olduğu kimi R1a-Z93 və R1a-Z280 haploqrupları dominantlıq təşkil edir və bu fakt sözügedən türk xalqının köklərinin Qərbi Avrasiya ilə bağlılığına işarə edir. Tatarlar, eləcə də çuvaş türkləri üçün xeyli miqdarda fin-uqor xalqları üçün xarakterik olan N2 və N3 haploqrupları da xarakterikdir ki, bu da keçmişdə regionda baş vermiş qarşılıqlı nigahların nəticəsidir. Elə bu səbəbdəndir ki, mari, mordva, komi və udmurtlar kimi fin-uqor xalqlarında da çox sayda R1a daşıyıcısı müəyyən edilmişdir (Галогруппы татар, башкиp…).

Orta əsr mənbələri bulqarlardan hun ittifaqına daxil olan türk boylarından biri kimi söz açmaqdadır. Mənbələr Onların Atilla zamanında hun ittifaqı tərkibində döyüşlərdə iştirak etdiyini bildirməkdədir (Németh Gyula, 1991, s. 147). Lakin bu halda söhbət bulqarların hunlara tabe olmasından deyil, müttəfiq kimi çıxış etməsindən gedir.

493, 499 və 502-ci illərdə bulqarların (Βούλγαροι) Bizansın sərhəd bölgələrinə hücuma keçərək çox sayda qənimət əldə etdiyi bildirilir (Чичуров И. С., 1980, s. 75). Mömin Feofan 501-502-ci illərdə baş vermiş belə hücumlardan bəhs edərkən diqqəti bulqar axınlarının sürətinə çəkərək qeyd edir ki, onlar hücuma keçir və qarşı tərəf bu barədə xəbər tutmamışdan öncə qeri qayıdırdılar (Феофан Исповедник, 1980, 25, 49).

Mənbələr 499-cu ildə Tsurta çayı (Cənubi Osetiya) sahillərində illiriyalılarla bulqarlar arasında baş vermiş savaş və həmin savaşda ölən 4000 nəfər barədə də məlumat verməkdədir. Fəqət bu məlumatdan ölənlərin kimlər olduğu, yəni onlardan neçəsinin hansı tərəfə aid olduğu dəqiqləşdirilmir. Görünür, bu halda söhbət Aristin başçılıq etdiyi illiriyalılardan getməlidir. Yeri gəlmişkən qeyd edək ki, İlliriya-Bulqar savaşları barədə məlumatlara Komit Marsellində də rast gəlinməkdədir (Комит Марцеллин, 2010, 86, 119, 120).

Ən maraqlı məlumatlardan biri də Zaxariya Ritorun qələminə məxsusdur. O, 555-ci ildə yazdığı bir əsərində bulqarlardan söz açarkən onların şəhərləri barədə də bilgi verir (Захария Ритор, 2011, s. 595) və məlum olur ki, bu xalq sovet tarixşünaslığında irəli sürülən iddiaların əksinə olaraq, heç də köçəri olmamış, maldarlıqla yanaşı əkinçilik, şəhər təsərrüfatı və sənətkarlıqla da məşğul olmuşdur.

Efesli İohanın «Kilsə tarixi»nə istinad edən Suriyalı Mixailin yazdığına görə, Sasani hökmdarı IV Bəhram Çubin rumluların «şah» təyin etdiyi Xosrova qarşı üsyan edərkən Xosrov kömək üçün rumlularaın hökmdarı Mavrikiyə (582-602) müraciət etmiş və o da ona öz növbəsində ona Anadoludan tərkibində bulqar döyüşçülərin də olduğu 2000 əsgər göndərmişdi (Сириец Михаил, 1960, s. 36). Bu məlumatdan belə anlaşılır ki, bulqarların bir hissəsi VI əsrdə, daha dəqiq desək hadisənin baş verdiyi 690-cı ildə də əvvəllər olduğu kimi Anadoluda yaşamaqda davam edirdilər.

Salnamələrdən belə aydın olur ki, 626-cı ildə bulqarlar İstanbulu mühasirəyə almışdılar. 635-ci ildə isə onların Qubrat xanın başçılığı altında Qara dəniz sahillərində Avar İmperatorluğu ilə savaşa girdikləri, onlar üzərində qələbə çaldıqları, Avar İmperatorluğuna son qoyaraq onun ərazisində Böyük Bulqar Xaqanlığını qurduqları anlaşılır. Qaynaqlar həmin dövlətin paytaxtının Fanaqoriya (Tanaqoriya) olduğunu söyləyir (Кляшторный С. Г., Султанов Т. И., 2009, s. 171-172).

Feofanın sözlərinə görə, Qubrat xanın 5 oğlu vardı. O, ölümündən öncə onlara Bulqar Xaqanlığının qüdrətinin zəifləməməsi və bulqarların başqalarından asılı vəziyyətə düşməmələri üçün həmişə bir yerdə olmağı və bir-birindən ayrı düşməməyi vəsiyyət etmişdi. Lakin çox çəkmədi ki, oğulları onun bu vəsiyyətini unutdular və bir-biri ilə çəkişməyə başladılar və hərə öz soyuna, uruquna və ərazilərinə ayrı-ayrılıqda başçılıq etməyə başladılar və atalarından miras qalan ölkəni öz aralarında bölüşdürdülər. Qubratın yerinə xan olan böyük oğlu Batbayan ölkənin paytaxtında qaldı. Kotraq adlı İkinci qardaş Tanais çayını keçərək orada hökmdarlıq etməyə başladı. Qubratın üçüncü oğlu Asparux xan isə Dnepr və Dnestr çaylarını aşaraq Dunay çayından şimalda yerləşən Oql adlı əraziyə gəldi və orada Dunay Bulqar dövlətinin əsasını qoydu. Xəzərlərin hücum edə biləcəyindən ehtiyat edən Asparux xan bu ərazini ən təhlükəsiz yer sayırdı. Çünki onun bir tərəfi dərin çayla, digər tərəfi isə keçilməz bataqlıqlarla əhatələnmişdi. Asparux xan rumlularla savaşa girərək onların torpaqları hesabına öz ərazilərini genişləndirdi, Varnanı rumlulardan alaraq orada yaşayan slvyanları özünə tabe etdi. Asparux xanın qurduğu dövlət bu gün də Bolqarıstan adı ilə mövcudluğunu davam etdirməkdədir.

Dördüncü və beşinci oğullar isə İstr (Dunay) çayını keçdilər. Onlardan biri avarlara tabe oldu və Pannoniyada məskunlaşdı. Beşincisi isə Pentapola getdi, rumluların (Bizansın) hakimiyyəti altında olan bu ərazidə məskunlaşdı.

Beləcə, Böyük Bulqar xanlığı üç hissəyə parçalandı. Bu da bulqarların qısa bir zamanda əski qüdrətini itirməsinə və xəzərlərin hakimiyyəti altına keçməsinə səbəb oldu. 670-ci ildə xəzərlər bulqarlar üzərində qələbə çaldılar və onların ərazilərinə və dövlətlərinə sahib oldular (Рона-Таш Андраш, 2005, s. 117).

Xəzərlər bundan öncə mənbələrdə çox vaxt «hun» adlandırılan suvarların (subar // savir // sabir) başçılıq etdiyi ittifaqa daxil idilər (Гмыря Л. Б.. 2012, s. 3). Qaynaqlardan belə anlaşılır ki, suvarlar və xəzərlər bütün VII əsr boyu həmişə bir yerdə, yəni ittifaqda olmuşlar. Belə hesab edilir ki, Hun ittifaqı dağıldıqdan sonra Qafqazda və ətraf bölgələrdə suvarlarla rəqabət apara biləcək heç bir qüvvə yox idi və bu xalq daim bulqarlarla çəkişmə halında idi (Salmin Anton, 2014). Məhz həmin dövrdə suvarlar və xəzərlər bulqarları yaşadıqları ərazilərdən İdil (Volqa) sahillərinə sıxışdırmağı və onları öz hakimiyyətləri altına almağı bacarmışdılar (Гумилев Л. Н., 2007, s. 261; Golden Peter B., 2008, s. 235). Sonradan xəzərlərlə suvarlar yer dəyişdirdilər və bu dəfə subarlar xəzərlərin başçılıq etdikləri ittifaqa, başqa sözlə Xəzər Xaqanlığına daxil oldular. İslam fütühatı dövründə xəzər və suvarlər da şimala, İtil sahillərinə doğru çəkilməyə məcbur qaldılar. Mənbələrdən belə aydın olur ki, burada bulqar və suvarlar qonşuluqda yaşayırdılar (Димитриев В. Д., 2003). Bulqarlar bugünkü Tatarıstan, suvarlar isə Çuvaşıstan ərazilərində məskunlaşmışdılar. Bunlardan birincisi Kazan tatarlarının, ikincisi isə çuvaş türklərinin etnogenezində önəmli rol oynamışlar.

Elmi ədəbiyyatda yanlış olaraq bulqarları çuvaşların birbaşa sələfləri hesab edirlər (Токарев С. А., 1949, s. 13). Lakin əldə olan məlumatları dərindən təhlil edən A. Salmin bu fikrin doğru olmadığını göstərməklə yanaşı, bulqarlarla Kazan tatarları, eləcə də suvarlarla çuvaşlar arasındakı etnik bağı inandırıcı dəlillərlə ortaya qoymağı bacarmışdır (Салмин А. К., 2015). Çuvaşların bulqarların deyil, suvarların birbaşa varisləri olduğunu bu türk xalqının folkloru da sübut etməkdədir ki, bu barədə irəlidə söhbət açılacaqdır.

Mövzumuz ilə bağlı bir önəmli məsələyə xüsusi diqqət yetirmək və qeyd etmək lazımdır ki, yuxarıda adları çəkilən türk boyları – avarlar, bulqarlar, suvarlar və xəzərlər əslində eyni etnosun ayrı-ayrı boyları idi və bu boyların bir atadan əmələ gəldiklərini həm dövrümüzədək yetişmiş xəzər mənbələri, həm də DNT analizlərinin nəticələri birmənalı şəkildə ortaya qoyur.

Xəzər xaqanı İosif Bizans imperatoruna yazdığı məşhur məktubunda xəzərlərin Toqarmanın (Türkün) 10 oğlundan biri olan Xəzərin nəslindən olduqlarını qeyd etməkdə, Toqarmanın oğullarının adlarını belə sıralamaqdadır: Uyğur, Turis, Oğuz, Bizal (Basil), Tırna, Xəzər, Yanur, Avar, Bulqar, Savir (Suvar) (Плетнева, 1976, с. 7). Maraqlıdır ki, Musa Kağankatlı «Albaniya tarixi» kitabının «Yafəs və Arandan başlayaraq III Vaçaqana qədər Albaniyada, başqa sözlə Azərbaycanda hakim olan hökmdarların siyahısı» adlı VIII fəslində Yafəsdən başlayan və övladları tərəfindən davam etdirilən şahlığın nümayəndələrini sadalayarkən 4-cü sırada Toqarmanın (Türkün) adıını çəkir: «Yafəs, Homer (Kimer), Tiras, Toqarma (Türk)...» (Ka­lan­kaytuklu, 1993, s. 19).

Bu fakt bir atanın - Türkün nəslindən gələn avar, bulqar, suvar və xəzərlərin etnogenezinin ilkin mərhələsinin bilavasitə Azərbaycan və Şərqi Anadolu ilə bağlı olduğunu söyləmək üçün tamamilə ye­tər­lidir. Məktubun sonrakı hissəsində söylənilənlər də bu faktı təsdiqləyici mahiyyətdədir. Xaqan yazır ki, ən başda xəzərlər azsaylı və zəif idilər, lakin sonralar özlərindən qat-qat güclü olan boylarla mübarizə aparıb onlara qalib gəldilər, onların torpaq­larına sahib oldular. Onlar qaçır, xəzərlər təqib edirdilər. Bu, rəqiblərin Kuştantiniya yaxınlığındakı Runa çayını keçmələrinə qədər davam etdi. Məktubda qaçanların kimlər olduğu da bil­dirilir: u-n-n-t-r. Bu məktubda deyilənləri şərh edən alimlər bu­radakı Runa çayının Dunay, Kuştantiniyanın Konstantinopol (İstanbul), “u-n-n-t-r” kimi oxunan xalqın isə onuyğurlar və ya utiqurlar (otuzuyğurlar), başqa sözlə, uyğurlar olduğu fikrində yekdildilər (Плетнева, 1976, с. 7).

Söhbətin bu yerində xəzərlərin etnogenezinin ilkin mərhə­ləsinin Azərbaycanla bağlılığını təsdiq edən daha bir tarixi faktı, Təbərinin son dərəcə maraqlı bir məlumatını diqqətə çatdırmağa ehtiyac duyuruq. Salnaməçinin yazdığına görə, Sasani şahı Qubadın ömrünün son illərinədək Aran (Albaniya), Gürcüstan, Vaspurakan, Sisəcan (Sisakan // Zəngəzur) xəzərlərin əlində qal­mış..., Qəbələ hunların mərkəzi olmuşdur: «...Buna görə bu əyalətlərlə birlikdə Azərbaycana Xəzər məmləkəti demişlər» (İslam Ansiklopedisi, 1950, s. 90).

Xəzər xaqanı İosifin Yafəs soyundan Toqarmanın oğulları sırasında adlarını çəkdiyi üç nəfər, o cümlədən xəzərlərin soy babası Xəzər və bulqarların soy babası Bulqar haqqında VII əsrdə yaşamış suriyalı salnaməçi İohan Efeslinin «Tarix» əsərində daha qədim mənbələrdən gö­türülmüş çox maraqlı bir qeyd var. Həmin qeyddə deyilir ki, «Bizans imperatoru Mavrikinin dövründə Daxili İskitiya­dan (İskitlər ölkəsindən) üç qardaş öz xalqları ilə birlikdə hə­rəkətə keçdilər. Qardaşlardan Bulqar adlı biri Roma imperi­yasının sərhədlərinə tərəf yollandı. Digər ikisi isə alanların Bersiliya adlandırılan ölkəsində məskunlaşdılar. Bu ərazi son­ralar qardaşlardan birinin-Xəzərin adı ilə Xəzər adlanmağa başladı» (Плетнева, 1976, с. 15).

Xəzər xaqanının məktubundan göründüyü kimi, Xəzər xa­qanı həm xəzərləri, həm də oğuz, uyğur, bulqar, savir (suvar) və s. türk boylarını Albaniya, yəni Azərbaycan hökmdarının soyu ki­mi təqdim edir və bununla da türk xalqlarının ilkin etnoge­nezinin Azərbaycan ərazisi ilə bağlı olduğunu dolayısıyla təsdiq etmiş olur. Bu sırada oğuzlarn da adının çəkilməsi diqqətçəkicidir.

Bulqarların, daha doğrusu, onların birbaşa varisləri olan balkarların və Kazan tatarlarının xəzərlərlə soy ilişgisini də DNT analizlərinin nəticəsləri də təsdiq etməkdədir. Genetik tədqiqatlar xəzərlərin etnogenetik nəsil zəncirində skiflərlə müasir türk xalqları, xüsusən də qaraçaylılar və balkarlar, eləcə də tatarlar və başqırdlar arasında birləşdirici halqa olduğunu göstərir.

Hazırda xəzərlərin genetik mənsubiyyəti məsələsi alimlərin ciddi tədqiqat istiqamətlərinən birinə çevrilib və bu işdə hamıdan daha çox yəhudi alimləri səy göstərirlər. Onlar bu xalqın genlərində yəhudi izi tapmaqda çox maraqlıdırlar (Израильский генетик.., 2012; Eran Elhaik, 2012).

Lakin aparılan testlər xəzərlərin R1a–Z93 haploqrupunun daşıyıcısı olan qədim türk soylarından biri olduğunu göstərmişdir. Bu genin daşıyıcılarına Cənubi Sibirdən Qara dəniz sahillərinə qədər yayılan və türk ləhcə və şivələrində danışan bir çox xalqlar arasında, o cümlədən qaraçaylılar, balkarlar, tatarlar, başqırdlar, eləcə də digər iskit dairəsi xalqlarının varisləri arasında sıx-sıx rast gəlinir (Клесов А, 2016, с. 913-922).

Qeyd etmək lazımdır ki, qazıntı halnda tapılan sözügedən haploqrup xəzər kurqanlarından əldə edilmiş bir neçə skelet qalıqları üzərində aparılmış DNT analizləri nəticəsində aşkar edilmişdir.

Hazırda elmə çox sayda, daha dəqiq desək, bir neçə yüz xəzər kurqanı məlumdur ki, onlar haqqında bəzi dəyərli məlumatları O. İvik və V. Klyuçnikovun «Xəzərlər» (Ивик О., Ключников В. Хазары) adlı kitabından əldə etmək mümkündür. Eyni sözləri L. Kleyn və başqalarının birlikdə qələmə aldıqları «İskit dövrünə aid katakomba və Saltov kurqanı» adlı əsər haqqında da söyləmək olar (Клейн Л. С. И др., 1972). Bu müəlliflərin hər biri xəzər kurqanlarının qazıntılarında bilavasitə iştirak etmişlər və təbii ki, bu barədə hər kəsdən daha çox məlumata sahibdirlər.

Sırf xəzərlərə aid kurqanların müəyyənləşdirilməsində, digər kurqanlardan fərqləndirilməsində M. Artamonovun rolu çox böyükdür və onun haqqında məlumat verdiyi Saltov kurqanı qazılmış ilk xəzər kurqanlarından biri hesab edilir. Ümumilikdə isə Saltov mədəniyyəti, o cümlədən eyni dövrə aid yaşayış məskəni xəzərələrə (VIII-X əsrlər) aid edilir.

Aşağı Don hövzəsinin xəndəkli kurqanlarının tədqiqində və onların xəzərlərə aid olduğunun təsbit edilməsində A. Semyonovun xidmətlərini də xüsusi qeyd etmək lazımdır. Bu kurqanlar VII-IX əsrlərə aid edilir.

Xəzər kurqanlarını digər kurqanlardan fərqləndirən əsas cəhətlər bunlardır:

- Sözügedən kurqanların qəbir kameralarının ətrafında kvadrat formasında xəndək qazılıb;

- Bu kurqanlarda ölülər tək dəfn edilib;

- Onların paralellərinə Orta Asiyada aşkar edilmiş türk kurqanlarında da rast gəlinib (Плетнева С. А., 1999).

Beləliklə, orta əsrlərə aid xəndəkli kurqanlar xəzərlərə aid edilir və məhz həmin kurqanlardan əldə edilmiş gen nümunələri də xəzərlərin etnik göstəricisi hesab edilir. Onlara aid edilən mədəniyyət də «Saltov-Mayats mədəniyyəti» adlandırılır.

Üzərlərində genetik analizlər aparılmış xəzərlərə aid iki sümük nümunəsi iki fərqli xəndəkli kurqandan tapılmış skeletlərdən götürülmüşdür. Bu məzar abidələrinin hər ikisi barədə yazı dərc edilmişdir və bu yazılarda dəfn edilənlərin antropoloji tipinə də toxunulmuşdur. Kurqanlardan biri Kuteynikov II, digəri Talovıy II məzarlığında yerləşir. Bu məzarlıqlar Rostov vilayətinin cənub-qərbində, Don çayının sol sahilində, Don və Manıç çayları arasındakı ərazidə aşkar ediliblər. Hər iki sümük nümunəsinin analizi dəfn edilənlərin R1a–Z93 haploqrupunun daşıyıcısı olduğunu üzə çıxarmışdır. Ümumilikdə isə aparılan tədqiqatlar nəticəsində xəzərlərin ümumi əcdaddan gələn iki nəsldən ibarət olduqlarını üzə çıxmışdır ki, sözügedən haploqrupu onlardan sadəcə biri daşımışdır. Bu haploqrup genetik sıralamada 1251 indeksi altında qeyd edilir. Digər nəsil isə 1986 indeksi ilə qeyd edilmiş R1a–Z280 haploqrupunun daşıyıcısı olub (Elhaik E., Tatarinova T. V., Klyosov A. A., Graur D., 2014, p. 18-37).

Görünür, bu halda söhbət tarixi mənbələrdə «ağ xəzərlər» və «qara xəzərlər» kimi tanınan iki xəzər soyundan getməlidir. Genetiklərin apardıqları hesablamalara görə, bu iki soyun ümumi əcdadı 2750-3590 il əvvəl, başqa sözlə, e. ə. II-I minilliklərdə yaşamışdır. Belə hesab edilir ki, R1a–Z93 kök nəsil olmuş, R1a–Z280 isə ondan ayrılmışdır, yəni onun fərqli bir qolu olmuşdur. Çünki R1a–Z93 daha qədimdir və kərtmə mədəniyyətini yaradan xalq da onun daşıyısı olmuşdur. Bu nəslin ən azı 5000 il yaşı olduğu, onun təqribən 8075 il öncə tarix səhnəsinə çıxan daha qədim nəsildən ayrıldığı hesab edilir (Клесов А, 2016, с. 913-922).

Beləliklə, suvar, bulqar və xəzərlərin eyni atanın üç oğlundan gələn ayrı-ayrı soy və boylar olduğu heç bir şübhə oyatmır. Maraqlıdır ki, bulqarların adı tarixi mənbələrdə ilk dəfə I əsrdə baş vermiş hadisələrlə əlaqədar çəkildiyi halda, suvarların adına «subar» // «subir» formasında e.ə. III minilliklərə aid mixi yazılarda rast gəlinməkdədir. F. Ağasıoğlu haqlı olaraq yazır ki, ən qədim subarlar haqqındakı məlumatlara görə, onlar e. ə. IV-II minilliklərdə İkiçayarası adlanan ərazilərdə, Fəratla Dəclə arasında yaşayırmış. «İkiçayarasına gələn samilər Ak­kad şəhəri ətrafında güclənib subarları daha yuxarılara sıxış­dırdılar. Akkadlı Sarqonun (e. ə. XXIV əsr) yuxarı subar böl­gə­lərinə hücum etməsi barədə yazılar qalmışdır. Sarqonun ya­ratdığı sami Akkad dövləti Şumer ölkəsini də ələ keçirmişdi… E. ə. II minilliyin əvvəllərində subar torpaqlarına assurların (aşşurların – B.T.) ekspansiyası gücləndi. Bu vaxt İkiçaya­rası­nın yuxarı bölgələrinə sıxışdırılan subarlar quzey-doğudan da yeni hurri axınları ilə qarşılaşdı. Beləliklə, aşağıdan sami asur tayfalarının, yuxarıdan qafqazdilli huri tayfalarının arasında qalan subarlar üç qola ayrıldı: batı, orta və doğu qollar. Batı subar boyları 38-ci paralel boyunca batıya çəkilib digər xalq­ların içində əridi, həmin paralel boyunca doğuya çəkilənlər Urmu hövzəsində yerləşdi, daha sonra xeyli hissəsi Sibir və Türküstan tərəflərə miqrasiya etdi» (Ağasıoğlu, 2005, 155-156).

Alimlərin yazdığına görə «subar» (Subur, Subartu) adının e.ə. təqribən 2200-cü illərdə Dəclə ilə Balıx çayları arasında qalan bütün Messopatamiyada işlədilməsi, sonrakı dövrlərdə huri dilim «Subar dili» kimi adlandırılması, e.ə. II minillikdə adları «Subartu» olan erkən dövrlər hurilərinin gerçəkdə Quzey Messopatamiyada yaşadığının ortaya qoyulması, hurilərin subarlarla eyniləşdirilməsinə səbəb olmuşdur. Ancaq nə ədəbi, nə də etnik anlamda bu eyniləşdirmənin heç bir dəlili tapılmamışdır (Veenhof K. R.,1982, s 147-160; Esma Öz, 2005, s. 40).

Şumer və Akkad mənbələrindən götürülmüş bu məlumatlar Şimali Messopatamiyanın, başqa sözlə, Şərqi Anadolu ərazisinin suvarların ilkin Ata yurdu olduğundan, sonralar bu ərazinin huri tayfalarının əlinə keçməsindən və suvarların bir müddət hurilərlə iç-içə yaşadıqlarından xəbər verməkdədir. Çuvaşların məhz həmin suvarların xələfləri olduğunun ən bariz sübutlarından biri də çuvaş türklərinin miflərində qoru­nub saxlanmış Ön Asiya tanrılarının adlarıdır ki, bu barədə ta­nınmış çuvaş etnoqrafı Dmitri Madurov «Çuvaşların ənənəvi de­korotiv sənəti və bayramları» adlı monoqrafiyasında (Мадуров, 2004, s. 4-5) məlumat verməkdədir. Alimin yazdığına görə, çu­vaşların mədəniyyətində qədim əkinçi xalqların tanrılarının iz­ləri görünməkdədir. Məsələn;

Tura // Tora (çuv.) – Tora (qədim Misir), Tara (hind).

Amatura (Messopatamiya) – Ama Tura (çuv.) – tanrıların anası.

Si Duru (Messopatamiyada tanrıların sahibəsi) – Si Turri (çuv. tanrıların üzərində olan).

Turtur (Mes. Tanrı Dumuzinin anası) – Tur Tur (çuv. Tan­rılar tanrısı).

Ereşkiqal (Mes. Ölüm dünyasının sahibi) – Esrel (çuv. Ölüm tanrısı).

Tiamat (Mes. Yeraltı dünyanın şər ruhlarından biri) – Xəya­mat (çuv. Yeraltı dünyanın şər ruhlarından biri).

Apsu (Mes. Yeraltı şirinsulu okean) – Ap su (çuv. Şirin su).

Soxmet (Misir, yandırıcı günəş və müharibə tanrıçası, tanrı Ptaxın qızı) – Sexmet (çuv. Müharibə tanrıçası. Çuvaş mifolo­giyasında Messopatamiya ikonoqrafiyasına uyğun olaraq, aslan bədənli, qız başlı varlıq kimi təsvir edilir) (Мадуров, 2004, s. 4).

Bu uyğunluq sistem təşkil etdiyindən onu qətiyyən təsadüf saymaq mümkün deyil. Üstəlik də qədim mixi yazılar çuvaş türklərinin əcdadları hesab edilən suvarların Ön Asiyada, daha dəqiq desək, Messopatamiyada, yəni İkiçayarasında yaşamış ol­duq­larından soraq verir.

Maraqlıdır ki, bu gün çuvaşlar arasında yayğın olan şəxs adlarının bir qismi qafqazdilli huri adlarını təkrarlayan teomorf adlardır. Məsələn;

Savuşka (çuv.) – Şavuşka (Hurrilərin məhsuldarlıq və qələbə ilahəsi);

Tilə (çuv.) – Tilla (Hurilərin şimşək tanrısı Tessobanın dana şəklində təsvir edilən oğlu);

Urey (çuv.) – Urey (Misir-huri qoruyucu ruhu. İlan kimi təsvir edilir);

Şamakka (çuv.) – Şemike (Hurilərdə günəş tanrısı) və s (Мадуров, 2004, s. 4).

Beləliklə, çuvaş türklərinin əcdaları hesab edilən suvarların mixi yazılarda haqlarında söz açılan subarlar olduğu anlaşılır və onların ata yurdunun Şərqi Anadolu olduğu anlaşılır.

Arxeoloji tədqiqatlar suvar və bulqarların orta İdil (Volqa) sahillərində VIII əsrdə peyda olduqlarını göstərir. Çox güman ki, bu köçə İslam fütuhatları səbəb olmuşdu (Казаков Е., 1982, s. 390). A. Novoseltsevin də fikrincə, köç VIII əsrdə baş vermişdir (Новосельцев А. П., 1990, s. 75). P. Qolden hesab edir ki, İdil Bulqar dövlətinin formalaşması VIII əsrin II yarısından IX əsrin sonları, X əsrin əvvəllərinə qədər sürən bir dövrdə baş vermişdir (Golden Peter B., 2013, s. 50). Belə hesab edilir ki, bulqarlar həmin ərazidə çoxluqda olmamışlar. Məsələn, Tankeyev qəbirstanlığının materiallarına istinad edən S. Qasımova yazır ki, Volqa Bulqariyasının əhalisinin əsas etnik kütləsi bulqar deyil, başqa mənşəli türk tayfaları və yerli fin uqor xalqlarından – mari, udmurt və komi-permyakların əcdadları təşkil etmişdi. Alimin fikrincə, tatarlara qədərki dövrdə «Volqa Bulqariyasının (Bulqar dövlətinin – B. T) mədəniyyətinin formalaşmasında gəlmə bulqar tayfalarının rolunun böyük olub-olmamasını Böyük Tərxan və ona yaxın olan qəbirstanlıqların materiallarının X-XIII əsrlərə aid Volqa Bulqariyasının abidələri ilə müqayisəsi göstərə bilər» (Qasımova S. Ə., 2014, s. 65).

Tədqiqatçı tamamilə haqlıdır. Bulqarlar, eləcə də suvar və xəzərlər sözügedən ərazilərə köç etməmişdən öncə həmin ərazilərdə adlarını bilmədiyimiz digər türk soy və boyları, başqa sözlə, R1a və R1b haploqruplarının daşıyıcıları minillər idi ki, yaşamaqda idilər və bunun çoxsaylı arxeoloji sübutları var. Söhbət Xvalınsk (e.ə. V-IV minilliklər), Çuxur (e.ə. IV-II minilliklər) və Kərtmə (e.ə. XVI-XII əsrlər) mədəniyyətlərindən gedir.

Türklərin ulu babalarının, yəni R1b və R1a Y-xromosomlarının daşıyıcılarının eneolit dövründə Avropada qurduqları ilk mədəniyyət kimi hələlik e.ə. V-IV minilliklərə aid Xavalınsk mədəniyyətini gözdən keçirmək daha doğru olar. Hərçənd ki, bir sıra mütəxəssislər bu mədəniyyəti Samara mədəniyyətinin davamı və varisi sayırlar (Клейн Л. С., 2007, с. 94-95). Onların fikrincə, kurqanın prototipi hesab ediləcək dəfn adəti məhz Samara mədəniyyəti dövründə peyda olub.

Xvalınsk kurqanlarından çıxan skeletlərdən götürülən DNT nümunələrinin analizləri çox maraqlı nəticələr vermişdir. Aparılan genetik tədqiqatlar nəticəsində burada da eynən Çatal-Höyükdə olduğu kimi R1b və R1a Y-xromosomlarının dominantlıq təşkil etdiyi məlum olmuşdur. Eyni zamanda Q1a Y-xromosomuna da rast gəlinmişdir ki (İain Mathieson, et al., 2015), bu da türklərin Anadolu (R1b) və Güney Azərbaycandan (R1a) Avropaya köçündən əvvəl həmin ərazidə yaşamış əhalinin kimlər olduğunu anlamağa yardım edir.

Türklərin R1b Y-xromosomlarının daşıyıcısı olan hissəsinin, yəni protooğuzların Avropada qurduqları daha bir möhtəşəm mədəniyyət e.ə. 3600-2300-cü illəri əhatə edən, başqa sözlə, son eneolit – ilk tunc dövrlərinə aid olan Çuxur mədəniyyətidir. Bu mədəniyyəti Xavalınsk mədəniyyətininin davamı və birbaşa varisi hesab edirlər. Belə hesab etmək üçün ən əsas arqument hər iki mədəniyyətin eyni coğrafi ərazidə (Cənubi Uraldan Dnesyr çayına və şimali Qafqaza qədər uzanan ərazilərdə) peyda olması, ölülərin kurqanlarda arxası üstə basdırılması, onların üzərinə oxra səpilməsi və R1b haploqrupunun dominant olmasıdır. L. Kleyn 1975-ci ildə bu mədəniyyətin qərb qanadını ayrıca qrup kimi gözdən keçirməyi daha məqsədəuyğun saymış (Клейн Л. С.,  1975, c. 297-304), daha sonra onun bu fikrini digər arxeoloqlar da qəbul etmiş və Cuxur mədəniyyətinin qərb qanadını «Bucaq mədəniyyəti» adlandırmağa başlamışlar (Иванова С. В., 2012, c. 18-47).

Çuxur mədəniyyətinin daşıyıcılarının DNT analizləri də onların Şimala Cənubdan, Ön Asiyadan köçdüklərini söyləməyə əsas verir. Son illərdə aparılmış tədqiqatlar nəticəsində onlarda H, H15b1, U5, T2, T1, T1a1, U4, K, W, N1a, J, U2, X, R0a1 mitoxondrial (ana xətti) haploqruplarını üzə çıxarmışdır. Lakin bizi maraqlandıran təkcə ata xətti, yəni mitoxondrial haploqruplar yox, həm də ata xətti, başqa sözlə qadınlarda olmayan, atadan oğula keçən Y-xromosomlardır. Rostov vilayətindəki Ulan IV məzarlığından tapılmış 11 skeletin DNT analizləri onların hamısında R1a haploqrupunu aşkar etmişdir. Onlardan 8-inin R1a12a2, 1-inin R1ba2 M269, bir nəfərinin R1b1a2a-L23 və bir nəfərinin də R1b1a-P297 haplotipinə sahib olduğu məlum olmuşdur (Haak W. et al., 2015; Morten E. Allentoft, et al., 2015; İain Mathieson, et al., 2017).

Elmi ədəbiyyatda «Kərtmə mədəniyyəti» adı ilə tanınan mədəniyyət son tunc dövrünə, daha dəqiq desək, e.ə. XVIII–XII əsrlərə aid edilir. Bu fikirlə razılaşmayaraq, onun e.ə. XVI-XII əsrləri əhatə etdiyini söyləyənlər də var (Mallory J. P., Adams Q., 1997). Şərq Avropanın çöl və çöl-meşə zonalarında, əsasən Ural və Dnepr çayları arasında ortaya çıxdığı hesab edilən (Срубная культура, 1990) Kərtmə mədəniyyətinin bəzi abidələrinə Şimali Qafqaz və Qərbi Sibirdə də rast gəlinmişdir. Bu mədəniyyəti kəşf və elmi ədəbiyyata daxil edən V. Qorodtsov olmuş (Городцов В. А., 1905, c. 174-341), sonralar onun fikirlərinə N. Merpert və Y. Çernıx tərəfindən bəzi korrektələr edilmişdir (Мерперт Н. Я., 1968; Черных Е. Н., 1970). Sonuncular Kərtmə mədəniyyətin daxilində bir-birindən bəzi xüsusiyyətlərinə görə fərqlənən iki lokal mədəniyyəti – Pokrovsk və Brejnovsk-Mayevsk mədəniyyətlərini ayırmışlar (Отрощенко В. В., 1994, c. 150-153).

Kərtmə mədəniyyəti kurqanlarındakı skeletlərdən götürülmüş DNT nümunələrinin analizi Kərtmə mədəniyyətini quranlarla «Sintaştlı»ların eyni genləri daşıdığını ortaya qoymuşdur. Belə ki, analizlər «Kərtməli»lərin də eynən «Sintaştlı»lar kimi  R1a1a1b2a2a-Z2123 haploqrupunun daşıyıcıları olduğunu üzə çıxarmışdır.



Məlumat üçün bildirək ki, 3900-3200 il bundan əvvəl yaşadıqları radiokarbon üsulu ilə müəyyənləşdirilmiş 6 skeletdən əldə edilmiş DNT nümunələrinin analizləri nəticəsində onların R1a (R1a1, R1a1a, R1a1a1b2, R1a1a1b2a2a-Z2123) Y-xromosomuna sahib olduqları müəyyə edilmişdir. Daha 14 skeletdən alınan nümunələr nəticəsində «Kərtməli»lərin ana xatti ilə U5a1 (2 nəfər), U5a1f2, U5a2a1, K1b2a, I1a1, T1a1, T2b4, J21a2a, H2b, H3g (iki nəfər), H5b, H6a1a mitoxondrial haploqruplarına aid olduqları məlum olub (İain Mathieson et al., 2015).

Beləliklə, İdil bölgəsində bulqarlardan öncə də türklərin yaşamış olduğu arxeoloji və genetik tədqiqatların nəticələri ilə təsdiqlənir. Yazılı mənbələrdən həmin dövrdə eyni ərazilərdə yaşamış digər türk soy və boylarının adı da məlumdur. Məsələn, İbn Fədlan və İbn Xordadbeh İdil (Volqa) və Yayık (Ural) çayları arasında məskun olan oğuz və peçeneqlərdən bəhs etmişlər (Материалы по.., 1939, s. 144-145). İbn Rüşt və Gərdizi isə qonşuluqda yaşayan burtaslardan bəhs edərək bulqarların burtas torpaqlarına təşkil etdiyi yürüşlərdən və aldıqları burtas əsirlərdən söz açmaqdadırlar (Ибн-Даста, 1869, s. 24).

S. Qasımova yazır ki, Böyük Tərxan və Kaybel qəbirstanlıqları tatarlara qədərki dövrdə, demək olar ki, İdil Bulqa dövlətinin ərazisinin mərkəzi hissəsində yerləşirdi. «Lakin, çox maraqlıdır ki, nə birinci, nə də ikinci qəbirstanlığın yanında onlara sinxron olan mərkəzlər yoxdur. Böyük Tərxan tipli qablar bu abidələrin heç birində aşkar edilməmişdir. Böyük Tərxan qəbirstanlığını əhatə edən rayonlarda bu dövrə aid məskənlərin olmamasını onların öyrənilməsi ilə izah etmək çətin olardı. Bir qrup alimlər bunu onunla izah edirlər ki, bu, erkən bulqar tayfalarının təsərrüfat və məişətinin xarakteri ilə bağlı idi. Erkən bulqar tayfaları müəyyən dərəcədə yarımköçəri maldarlar idi ki, bu da Böyük Tərxan qəbirstanlığının dəfn adəti və dəfn inventarının təhlil olunması ilə təsdiqlənir.

Qəbirstanlığın osteoloji materialları içərisində at və qoyun sümükləri üstünlük təşkil edir. Sürünün belə tərkibi köçəri maldar tayfalar üçün (ən çox yayılmış heyvanlar at və qoyun idi) xarakterikdir. Böyük Tərxanın 358 qəbrində bir dənə də balta tapılmamış və (halbuki köçərilər üçün tipik bir haldır) atın parçalara ayrıldığı vəziyyət müşahidə olunmamışdı. Bu arxeoliji materiallar yazılı mənbələrlə də təsdiqlənir» (Qasımova S. Ə., 2014, s. 65).

Rona-Taşın fikrincə, bulqarlar İdil sahillərinə köçməmişdən öncə Şimali Qafqazı və Kuban sahillərini çoxdan tərk etmiş və həmin ərəfədə artıq Donets və Cənubi Buq çayları arasında məskunlaşmışdılar və xəzərlərə tabe idilər. 737-ci ildə Mərvanın başçılıq etdiyi qoşunların xəzərlərə hücumundan sonra onlar İdil çayı istiqamətində hərəkətə keçdilər (Рона-Таш Андраш, 2011, s. 134). Elə həmin dövrdən də bulqarlar xəzərlərin hakimiyyətindən qismən qurtulmuş oldular və yarımüstəqil şəkildə fəaliyyət göstərməyə başladılar. Xəzərlərə sadəcə bac verilirdi.

Xəzərlərə bac verilməsi Almuş xanın dövründə də davam etmişdir. Onun dövründə hər bulqar evindən bir samur dərisi toplanaraq Xəzər xaqanına göndərilirdi. İbn Fədlanın verdiyi məlumatdan belə aydın olur ki, bulqar xanının oğullarından biri xəzər xaqanının sarayında girov kimi yaşayırdı. Bulqarlar ölkələrini genişləndirərək, slavyanları da özlərindən asılı vəziyyətə salmışdı. Bulqar xanı slavyanların knyazının qızına elçi göndərmiş, rədd cavabı alınca, qızı zorla özünə arvad etmiş, knyazı da özündən asılı vəziyyətə salmışdı. Lakin çox çəkmədi ki, qız öldü və bulqar xanı knyazın ikinci qızını istədi. Knyaz qızını ona verməməmk üçün onu başqa bir türk boyu olan eskillərin (sekellərin) xanına verdi (Ибн-Фадлан, 1956, s. 141).

IX əsrdə bulqarlar öz ərazilərini Kama çayına qədər genişləndirə bildilər (Róna-Tas András, 1996). IX əsrin 60-cı illərində Şimali Qafqazda yaşayan suvarlar da İdil çayı istiqamətində üz tutaraq çay boyu şimala doğru hərəkətə keçdilər və Orta İdilə yetişərək burada məskunlaşdılar. Bu, bulqarların Orta İdildə məskunlaşmasından 1 əsrdən də artıq müddət sonra baş vermişdir. Beləliklə, bulqarlar Orta İdilə VIII əsrin 50-ci illərində, suvarlar isə IX əsrin 60-cı illərində gəlmişdilər. İkincilər çayın sağ sahilinə keşmiş, birincilər isə sol sahildə məskunlaşmışdılar. Onlar qonşu idilər və İdil çayı onların əraziləri arasında sərhədd rolunu oynayırdı (Плетнёва С., 1997, s. 46). Bulqarlar buranın yerli tayfalarını özlərinə tabe etdilər. 965-ci ildə Volqa - Kama çayları ətrafında İdil Bulqar dövlətini yaratdılar. Yeni dövlətin paytaxtı Bulqar şəhəri oldu. Tədricən Bulaqar dövləti suvarların ərazilərini də əhatə etməyə başladı.

Yaşadıqları ərazinin əlverişli coğrafi mövqeyi bulqar və suvarlara İdilin (Volqanın) cənubunda yaşayan xalqlarla bərabər, Cənubi Qafqaz, Mərkəzi Asiya və başqa ölkələrlə ticarət etməyə imkan yaradırdı. Bulqarlar taxıl, xəz dəri, sənətkarlıq məmulatları ixrac edirdilər. Yaxşı inkişaf etmiş Bulqar, Bilyar, Suvar şəhərləri sənətkarlıq və ticarət mərkəzləri hesab edilirdi. Kəndlilərin əksəriyyəti azad torpaq sahibi idi. Burada sənətkarlıq, xüsusilə də dəmirçilik yaxşı inkişaf etmişdi. Sənətkarlar gil, mis, gümüş və qızıldan bəzək əşyaları hazırlayırdılar. Bulqar xanlarının adından pullar kəsilirdi.

Bulqarların təsərrüfat həyatında əsrlər öncələr olduğu kimi yarımköçəri maldarlıq önəmli rol oynamaqda idi. Hələ İordan VI əsr Qara dəniz sahili hun-bulqar soy və bpylarının yaşam tərzini təsvir edərkən yazırdı ki, yayda onlar çöl boyunca səpələnir və mal-qaraları üçün zəruri olan bol sulu və otlu yerlərdə düşərgələr salırdılar (Иордан, 1960, s. 23). Bənzər təsvirlə anonim Suriya salnaməsində də üzləşirik. Orada bildirilir ki, bulqarlar çadırlarda yaşayırlar, keçimlərini maldarlıq, balıqçılıq, və vəhşi heyvanların ovlanması ilə saxlayırlar (Пигулевская Н. В., 1941, s.165). Onların yarımköçəri siması VIII-IX əsrlərdə də dəyişməmişdi. Təsadüfi deyil ki, İbn Fadlan bulqar zadəganlarının yazın gəlişi ilə alaçıqları ilə birlikdə köç yerlərinə yollandıqlarını və uzun müddət çadırlarda yaşadıqlarını bildirməkdədir (Ковалевский А. П., 1956, s. 39).

Bununla belə, bulqarların təsərrüfat həyatının önəmli hissəsini əkinçilk və şəhər sənətkarlığı təşkil edirdi. Belə ki, X-XI əsrlərdə İdil Bulqar dövləti ərazisindəki əsas yaşayış yerləri kimi istehkamı olan böyük şəhərlər, kənd və qəsəbələr çıxış edirdi (Смирнов А. П., 1951, s. 30-31).

S. Qasımova Böyük Tərxan qəbiristanından tapılmış maddi mədəniyyət nümunələrini təhlil edərək yazır ki, buradan əldə edilmiş dulusçuluq keramikasının formaları kifayət qədər yeknə-səkdir: dolça, küpə, parçalar həmişə alçaq gövdəlidir və əksərən aşağı doğru genələn formaya malikdir. «X-XIII əsrlər keramikası üçün forma müxtəlifliyi xarakterikdir, bununla yanaşı müqayisə olunan formalar (dolça, küpə, parçlar) daha dartılmış proporsiyaları ilə Böyük Tərxan məmulatlarından fərqlənir. Dulusçuluq keramikasının bəzədilməsində əsaslı rolu X-XIII əsrlərdə həm qoyulma texnikası, həm də təsvirə görə kifayət qədər müxtəlif olan ornament demək olar ki yoxdur. Bir sıra Böyük Tərxan qablarının altında möhür vardır ki, təsvirə görə bir neçə variasiyalarla yeddi tipə bölünür». Onun sözlərinə görə, X-əsrlərə aid bəzi sikkələr üzərində A hərfinin çevrilmiş formasına bənzər damğalar mövcuddur (Генинг В. Ф., Халиков А. Х., 1964, s. 164-165; Qasımova S. Ə., 2014, s. 66). «Ümumilikdə qeyd etmək lazımdır ki, Böyük Tərxan qəbirstanlığının keramikası çətin ki X-XIII əsr keramikasının inkişafının əsasında durmuş olsun. Burada çox güman ki, Tankeyev qəbirstanlığında təqdim olunmuş keramika müəyyənedici rola malik idi. Tankeyev qəbirstanlı- ğının dulusçuluq keramikası həm ümumi forma, həm də detallarına görə X-XIII əsrlər Volqa Bulqariyasına daha yaxın idi. Qabların rəngində də böyük yaxınlıq müşahidə edilir. Monqol işğalına qədərki dövrdə Volqa Bulqariyası mədəniyyəti üçün xarakterik müxtəlif təyinatlı – silah, əmək alətlərinin hissələrindən tutmuş bəzək və mərasim əşyalarına qədər – sümük məmulatlarının geniş yayılması idi. Böyük Tərxan qəbirstanlığında sümük məmulatlarının sayı çox azdır və onların təyinatı olduqca məhduddur – bu, ox və oxluqların bir hissəsi idi. Sümük məmulatlarından istifadə Tankeyev qəbirstanlığı üçün səciyyəvidir. Metal və başqa materiallardan hazırlanmış bəzək əşyaları X-XIII əsr abidələrində tez-tez rast gəlinir. Belə ki, bu dövr üçün adi tapıntı müxtəlif forma və variantları olan muncuqlar idi. Məlumdur ki, muncuqlar Böyük Tərxan qəbristanlığı üçün xarakterik deyil, halbuki Tankeyev qəbristanlığında onların sayı çoxdur. Böyük Tərxan qəbristanlığının metal-bəzək əşyaları kifayət qədər orijinaldır və X-XIII əsrlər bəzək əşyaları ilə oxşar deyil» (Генинг В. Ф., Халиков А. Х., 1964, s. 168; Qasımova S. Ə., 2014, s. 66).

İdil Bulqar dövlətində metalişləmə və zərgərlik də ən çox inkişaf edən sahələrdən biri idi. «Burada muncuqlu sırğalar daha geniş yayılmışdı, onun sadə formasına Tankeyev qəbirstanlığında rast gəlmək mümkündür. Böyük Tərxan qəbristanlığında olduqca tez-tez rast gəlinən tapıntı mis və bürünc qarmaqlar idi ki paltarda düymə kimi istifadə olunurdu. X-XIII əsrlərin materiallarında belə predmetlər mövcud deyil, bu da onunla izah olunur ki, bu dövrdə qarmaq əvəzinə sümükdən olan yarımşar şəkilli və ya bürünc düymələrdən istifadə olunurdu. Döğrudur ki, Böyük Tərxan qəbristanlığının qəbirlərində bürünc düymələrə də rast gəlinir, lakin onlar adətən kiçik, sarşəkilli formada, ornamentsiz olur, lakin X-XIII əsrlər və Tankeyev qəbristanlığının materiallarında damcı və sarşəkilli formada həndəsi və bitki ornamentli böyük düymələr təşkil edir. X-XIII əsrlər bəzəklərin tərkibinin başqa özəlliyi Tankeyev qəbristanlığı üçün də xarakterik olan müxtəlif asması olan səs salan asmalıqların çox olması idi» (Qasımova S. Ə., 2014, s. 66-67).

Beləliklə, bərəkətli torpaqlarda məskunlaşan bulqarlar oturaq həyat tərzi sürürdülər, əkinçilik (ağ darı, buğda və arpa əkirdilər ), heyvandarlıq, zərgərlik, dəriçilik və kürkçülüklə məşğul olurdular. Dünyanın dörd bir tərəfi ilə ticarət edirdilər. Ticarətlərinin əsasını kürk və dəri məmulatları, müxtəlif növ silahlar, bal və fındıq təşkil edirdi. "Bulqari" adlanan dəri və çəkmələr daha çox məşhur idi.

Bulqar türkləri də İslamdan öncə digər türklər kimi Gök Tenqriyə inanır, onu «Tanqara» adlandırırdılar. Madara qəsəbəsindən tapılmış yazılarda «Tanqra» sözü bulqarların həmin inancından xəbər verir. Bulqarlar Tanqranı maddi deyil, mənəvi-ruhani varlıq hesab edirdilər. Xanların da onun tərəfindən göndərildiyinə inanırdılar. Madara qəsəbəsindən tapılan yazların birində «Tanrı (Tanqara) tərəfindən göndərilən, Tanrıya bənzər Balamir xan» ifadəsi qeyd olunub (Давлетшин Г. М., 1990).

İdil bulqarları oğuz və karluqlarla yanaşı İslam dinini qəbul edən ilk türk xalqlarından biridir. Bulqar xanı xəlifədən İslam dinini öyrədən alimlər göndərməyi xahiş etmişdi. Xəlifə İdil bulqarlarına bir qrup alim göndərmişdi. Onların arasında qiymətli tarixi məlumatları dövrümüzə qədər gəlib çatmış İbn Fədlan adlı ərəb səyyahı və alimi də var idi. İslam dinini qəbul edən bulqarlar öz milli dəyərlərini İslam dəyərləri ilə birləşdirdilər. Onlar İslam mədəniyyətinin yaranmasında böyük rol oynadılar.İbn Fədlan "Səfərnamə" əsərində qeyd edir ki, Bulqar xanı Şelkey oğlu Almuş islami bilgilər əldə etmək üçün xəzər türklərindən Baştonun rəhbərliyi ilə xəlifə əl-Müqtədirə elçi göndərir.(920). 922-ci  ilin mayın 12-də İbn Fədlanın başçılığı ilə Xilafətdən islam alimlər və inşaatçılar Bulqar şəhərinə ayaq basırlar. Saraydakı görüşdə Almış xan xəlifənin şərəfinə 3 dəfə bal şərabı içir.

İbn Fədlan Almuş xanın islama səmimiyyətlə inandığını və onun «Allahım, bulqar xanı Yaltavarı islah et» duasını etdiyini qeyd edir. İslamdan əvvəlki bir sıra adətlər saxlanılsa da, yeni dinin ritualları ciddi şəkildə yerinə yetirilirdi. Hətta sübh namazını vaxtında qılmaq üçün gecələr oyaq qalınırdı. İbn Fədlan bu səyahəti əsnasına bulqarlarla yanaşı oğuzlar, xəzərlər, başqurdlar, slavlar haqqında dəyərli məlumatlar verir. Özünə Cəfər adını götürən Almuş xan 944-cü ildə  oğlu Əhmədi həccə göndərir və eyni zamanda xəlifəyə dəyərli hədiyyələr və bayraq ərmağan edir (Ибн-Фадлан, 1956).

İdil Bulqar dövləti İslamı dövlət dini edən ilk Türk dövlətidir. Almuş xan isə tarixə İslamı qəbul edən ilk Türk hökmdarı kimi düşmüşdür.

Bulqar Xanlığında eltəbər, buyruq, tudun kimi vəzifələr mövcud olub. Almuş xandan sonrakı bulqar başçılar bunlardır : Mikayıl, Talib ibn Əhməd, Mömin ibn Əhməd, Mömin ibn Əl-Həsən (Давлетшин Г. М., 1990).

Belə hesab edilir ki, X əsrin əvvəllərində, yəni İslamın qəbulu ilə Bulqar dövlətində əski patriarxal münasibətlər tədricən aradan qalxmış, şəhərləşmə sahəsində nəzərəçarpacaq inkişaf baş vermiş, ədəbiyyat, elm,memarlıq və incəsənət sahəsində yüksəliş müşahidə edilmişdir. Ölkənin baş şəhəri Bulqar şəhəri idi. «Hüdud əl-Aləm» müəllifinin yazdığına görə, bu şəhər lazım gəldiyində 20 min süvari əsgər verə bilirdi (Бартольд В., 1930). Eyni müəllifin yazdığına görə bu yaşayış məntəqəsinin yaxınlığında başqa bir şəhər – Suvar şəhəri də vardı. İbn Fədlanda isə həmin şəhərin adına rast gəlmirik. Görünür, həmin dövrdə Suvar şəhəri hələ salınmamışdı. Əldə olan məlumatlara görə bu şəhərdə əsasən suvarlar yaşayırdı və çox güman ki, onların da bir qismi islamı qəbul etmişdir.

X əsrin 40-50-ci illərində Bulqar şəhəri hələ kiçik idi və paytaxt rolunu ifa etməklə yanaşı, həm də liman kimi fəaliyyət göstərirdi. Bura qonşu ölkələrdən çox sayda ticarət gəmisi yan alırdı. Xəzər xaqanlığının süqutundan və İdil Bulqar dövlətinin tam müstəqillik əldə etməsindən sonra şəhər sürətlə böyüməyə başladı. Burada çoxlu sayda yük anbarı tikilmişdi ki, bu da ticarətin inkişafına güclü təsir etməkdə idi. Çay quldurlarının basqınından qorumaq üçün limanda hərbi qarnizon və döyüş gəmiləri saxlamaq lazım gəlirdi (Белорыбкин Г. Н., 2003, s. 78 ). Lakin basqınlar təkcə sudan deyil, qurudan da olurdu. Basqınlar daha çox yarıvəhşi talançı rus tayfaları və oğuzlar tərəfindən həyata keçirilirdi. Bu basqınlar zamanı kəndlər yandırılır, kəndlilər qarət edilirdi (Ибн Хаукал Абу-л-Касым, 2009, s. 89–90).

Bulqarların qıpçaqlarla da münasibətləri yaxşı deyildi və bu iki türk boyu arasında tez-tez müharibələr baş verirdi. 1117-ci ildə Bulqar xanı qıpçaqların xanını Aepanı qonaq çağırdı və qonaqlıq zamanı onu və yanındakı bəyləri zəhərlədi. Bu yolla qıpçaq basqınlarının qarşısını almaq mümkün oldu (Полное собрание русских летописей, 2001. Т. 2, s. 285). Lakin çox çəkmədi ki, yenə də ölkəyə rus tayfaları basqın etdi. Qarətçilər çox sayda kəndi və üç şəhəri oda verdilər Yalnız daş hasarları olan Bulqar şəhərinin əhalisi xilas ola bildi (Полное собрание русских летописей, 2001. Т. 1, s. 13).

XII əsrdən etibarən bulqarlar Qızıl Orda dövlətindən asılı vəziyyətə düşdülər. 1172-ci ildə Qızıl Orda xanı Sain xan İdil sahillərində yeni bir şəhərin – Kazan şəhərinin əsasını qoydu. Zamanla bu şəhər İdil bulqarlarının əsas şəhərinə çevrildi (Полное собрание русских летописей, 1910. Т. 19, s. 36).

1202-ci ildə Qərbə doğru irəliləməkdə olan tatar qoşunları qışın bitməsini gözləmək üçün İdil Bulqar dövlətinin sərhədlərində qərargah qurdular (Полное собрание русских летописей, 1910. Т. 20, s. 155). Bulqaların başının tatarlarla dərdə girdiyindən istifadə edən yarıvəhşi rus tayfaları knyaz Svyatoslavın başçılığı ilə bulqar torpaqlarına qarətçi yürüş təşkil edərək Oşel şəhərini oda verdi. 1229-cu ildə tatarlar bulqarların gözətçi dəstələrini Yayık (Ural) çayı sahillərindən sıxışdırmağı bacardılar. Belə olan halda bulqarlar əski düşmənləri olan rus tayfalarına yeni təhlükə qarşısında birlikdə müdafiə olunmaq məqsədi ilə müraciət etdilər və müsbət cavab aldılar. Lakin bu «ittifaq» tatarların irəliləyişinin qarşısını ala bilmək üçün yetərli olmadı (Оллсен Т. Т., 2008, .s. 356).

1231-ci ildə tatarlar Böyük Bulqar şəhərinə yaxınlaşdılar, lakin qış səbəbilə daha çox irəliləmədən şəhər yaxınlarında qərargah qurdular və yazın gəlməsini gözləməyə başladılar (Полное собрание русских летописей, 1963. Т. 28, s. 29), Yazın gəlməsi ilə bir neçə uğursuz hücum cəhdindən sonra isə yönlərini başqa istiqamətə çevirdilər. Beləcə, təhlükə adlamış oldu. Amma bu, çox da uzun sürmədi, belə ki, 1236-cı ildə tatarların əsas qüvvələri Batı xan, Şeybani xan, Tanqut və Sabutayın başçılıq etdiyi qoşunlarla bir araya gələrək Bulqar torpaqlarına daxil oldular (Рашид-ад-дин, 1960, s. 37-38) və öz alınmaz qalası ilə məşhur olan Böyük Bulqar şəhərini fəth etməyi bacardılar. Döyüşlərdə çox sayda bulqar öldürüldü, bir o qədəri də əsir alındı (Джувейни Ала-ад-дин, 1941, s.185).

Bu hadisə dövrümüzədək ulaşmış rus salnamələrinin birində belə təsvir edilir: «(Пришли) безбожники-тотарове, град их сожгоша, плениша всю землю Болгарьскоую, град их Великии взяша и иссекоша вся жены и дети, а инии в полон взяша» (Allahsız tatarlar gəlib Bulqar torpaqlarından od və atəşlə keçdilər, Böyük Bulqar şəhərini oda verdilər, bulqarların arvad və uşaqlarını əsir alıb apardılar).

Bulqarların tatarlara məğlub olmaları və Bulqar şəhərinin tatarların əlinə keçməsi barədə macar keşişi Yulian da məlumat verməkdədir (Аннинский С. А., 1940, s. 83). Əldə olan məlumatlardan belə aydın olur ki, həmin dövrlərdə bulqarlar çox zəifləmişdi və hətta Sabutayın başçılıq etdiyi öncül tatar dəstələrinin təzyiqinə belə davam gətirə bilmək iqtidarında deyildilər (Грумм-Гржимайло Г. Е., 1926, s. 463).

Çox çəkmədi ki, Bulqar şəhəri yenidən quruldu və yenidən bölgənin əsas ticarət və mədəniyyət mərkəzlərindən birinə çevrildi. Batı xan bu şəhəri özünün qərargahına çevirmişdi və onun 1242-1246-cı illərdə həmin şəhərdə yaşadığı məlumdur. Bu isə o deməkdir ki, həmin dövrlərdə sözügedən şəhər Qızıl Orda xanlığının mərkəzi rolunda çıxış edirdi.

Tatarlar iqtisadiyyatlarını daha da inkişaf etdirə bilmək üçün yeni şəhərlərin salınmasında maraqlı idilər. Bu illər ərzində ətrafda daha bir neçə yeni şəhər salındı. Bunlardan biri də Əjdərxan şəhəri idi. Bulqar şəhəri Berkə xanın dövründə (1257-1266) də Saray şəhəri ilə birlikdə Qızıl Orda şəhərinin iki əsas şəhərindən biri idi (Марко Поло, 1997, s. 193).

Beləliklə, 1236-cı ildə böyük ölçüdə təxrib edilən Böyük Bulqar şəhəri tatarlar tərəfindən tezliklə bərpa edildi. Elə bu səbəbdən də hazırda həmin ərazidən tapılmış bütün əski kitabələr Qızıl Orda dövrünə aid edilir (Бартольд В. В., 1968, s. 136).

XIV əsrin II yarısında Qızıl Orda ərazisində xristian tatarlarla müsəlman tatarlar arasında çəkişmələr başlandı. Mərkəzi hökumətin zəifləməsindən istifadə edən xristianlar müsəlmanların hakimiyyətindən qurtarmağa can atır və hər imkanda müsəlmanlara qan uddururdular. Rum ortodoks kilsəsinin firnəsinə uyan xristian əhali cameləri oda verməkdən də çəkinmirdi. Həmin dövrdə əski bir fin-uqor şəhəri olan Moskva xristian tatarların əsas şəhərinə çevrilmişdi. Xristian tatarların əlində olan ərazilər dövrün Avropa mənbələrində «Moskva Tatariyası» və ya «Moskoviya» kimi yad edilsə də, rus tarixşünaslığı tarixi faktları təhrif edərək həmin ərazidə «Rusiya dövləti» və ya «Moskva Rus dövləti» kimi bəhs edir, xristian tatarları da «rus» kimi qələmə verir (Tuncay B., 2016).

1370-ci ildə Bulqar şəhəri xristian tatarların əlinə keçdi. Şəhər və bulqar torpaqları yenidən təxrib edildi. Ölkənin şəhər və kəndləri talan edildi. 1374-cü ildə Bulqar şəhərinin müsəlman əhalisi xristianlara böyük həcmdə bac-xərac verməklə şəhəri yandırılmaqdan xilas edə bildi.

1376-cı ildə xristianlar növbəti dəfə Bulqar ərazisinə hücuma keçdilər. Xristianlarla müsəlmanlar arasında qanlı döyüş oldu. Bulqar xanları Osan və Məhəmmədin başçılığı altındakı müsəlman qoşunlar xristianları geri püskürtməyi bacardı (Полное собрание русских летописей, 2004. Т. 25, s. 192).

Bulqarın müsəlman əhalisinin çilələri 1382-ci ildə son buldu. Həmin il Qızıl Orda xanı Toxtamış xristianlar üzərində qələbə çalaraq üsyankar Moskva Tatariyasını mərkəzi hakimiyyətə tabe etməyi bacardı. Bulqar və Kazan şəhərlərindəki xristian tacirlərin mal və mülkləri, o cümlədən gəmiləri müsadirə edildi. Həmin dövrdə Kazan və Bulqar şəhərlərinin əraziləri o qədər böyümüşdü ki, bu iki şəhər artıq vahid bir meqapolisə çevrilmişdi. Elə bu səbəbdən dövrün salnamələrində artıq «Bulqar» və «Kazan» adları sinonim kimi işlədilir (Полное собрание русских летописей, 2000. Т. 11, s. 71). Tədricən «Kazan» adı «Bulqar» adını sıxışdırdı. Bəzi mütəxəssislər bunu həmin dövrdən etibarən Kazanın Bulqar ölkəsinin paytaxtına çevrilməsi kimi şərh edirlər.

1395-ci ildə xristianlar növbəti dəfə müsəlman şəhərlərinə hücuma keçdilər. Kazan və Bulqar şəhərləri üç ay boyunca xristianlar tərəfindən yağmalandı. Yağmalar 1396-cı ildə son buldu (Полное собрание русских летописей, 1913. Т. 21, s. 417-418).

Bulqar ölkəsinin şəhərləri 1399-cu ildə də yağmalara məruz qalmışdı. Həmin il hücuma məruz qalan şəhərlər arasında Bulqar və Kazanla yanaşı, Jukotin və Keremençuk da var idi (Полное собрание русских летописей, 2001. Т. 6, s. 5-6). Artıq həmin dövrdən etibarən mənbələrdə «Bulqar ölkəsi» ifadəsi tamamilə unudulur və onun əvəzinə «Kazan xanlığı» ifadəsi işlənməyə başlayır. «Tatar» adı isə «Böyük Tatar Xaqanlığının ərazisində yaşayan bütün türk xalqlarının, o cümlədən bulqarların ümumiləşdirici adına çevrilir.



Məlumat üçün bildirək ki, Böyük Tatar Xaqanlığı, eləcə də onun ayrılmaz tərkib hissələri olan Moskva Tatariyası (Moskva xanlığı) və Kazan xanlığı rus tarixşünaslığının iddialarının əksinə olaraq, XVIII əsrin II yarısına qədər mövcudluğunu sürdürmüşdür. XIV-XVIII əsrlərə aid olan, Avropada basılmış bütün xəritələrin hamısında bugünkü Rusiya ərazisinin tamamının «Böyük Tartariya», başqa sözlə, «Böyük Tatarıstan» adlandığını və 1771-ci ilə qədər «Rusiya» adının işlədilmədiyini görürük. Yalnız həmin ildən sonra Rusiya indiki Peterburq və Moskva şəhərləri arasında yerləşən kiçik bir ərazidə peyda olur. Öncəki xəritələrdə isə həmin kiçik ərazi ya Avropanın bir hissəsi kimi göstərirlir, ya da «Avropa Moskoviyası» (Avropa Moskva dövləti) kimi qeyd edilir. Onun şərqində İsə Böyük Tartariyanın (Böyük Tatarıstanın) önəmli hissəsini əhatə edən «Moskva Tartariyası» (Moskva Tatar dövləti) göstərilir.

Aşağıdakı xəritədə Avropanın bir hissəsi kimi göstərilən Avropa Moskoviyası ilə Moskva Tatar dövləti arasında sərhədlərin haradan keçdiyi dəqiq göstərilib. Bu sərhədd 1772-ci ildə Azov dənizindən Don çayının yuxarı axarı böyunca uzanır və daha sonra isə Novqoroddan keçirdi.



Yüklə 499,06 Kb.

Dostları ilə paylaş:
  1   2   3




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə