Beynəlxalq valyuta münasibətləri



Yüklə 23,34 Kb.
tarix05.04.2018
ölçüsü23,34 Kb.
#35888

Beynəlxalq valyuta münasibətləri
Beynəlxalq iqtisadi münasibətlərin ən dinamik formalarından biri,pulun dünya təsırrüfatçılıq sistemində istifadəsi ilə əlaqədar meydana çıxan və iqtisadi münasibətlərin xüsusi forması olan beynəlxalq valyuta münasibətləridir. Əksər təsərrüfatçılıq fəaliyyətlərinin nəticələrinin mübadiləsi və onların beynəlxalq hesablaşması pul formasında həyata keçirilir.Ona görə də beynəlxalq münasibətlərdə bir ölkənin pul vahidi digər ölkənin pul vahidi ilə qarşı-qarşıya dayanır.Ölkə daxilində milli pul vahidi həmin həmin ölkənin pul nişanı kimi fəaliyət göstərir.Müxtəlif səbəblərdən (xarici ticarət, kapital ixracı və s.)milli pul vahidi ölkə sərhədlərindən kənara çıxdıqda ,o yeni keyfiyyət kəsb edir –valyuta kimi çıxış edir.Baxmayaraq ki, valyuta münasibətləri beynəlxalq ticarərin və kapitalın beynəlxalq hərəktinən inkişafından yaranmışdır,bu münasibətlər müvafiq müstəqiliyə malik olub, qloballaşan iqtisadiyyat şəraitində daha da genişlənir.Valyuta münasibətlərinin təkrar istehsal prosesinə təsiri günü-gündən artmaqdadır.Bunun başlıca səbəbi təsərüfatçılıq həyatının getdiğcə daha çox beynəlmilləlləşməsi,dünyanın müxtəlif reğionlarında inteqrasiya proseslərinin güclənməsi,milli təkrar istehsal prosesinə xarici amillərin təsirinin kifayət qədər güclənməsi,dünyada valyuta ticarətinin həcminin nəhəng həcmlərdə baş verməsi,yeni maliyyə vasitələrinin yaranması və dünyada sürətlə yayılmasıdır.Valyt münasibətlərinin mühüm tərkib hissəsini valyuta məzənnəsi təşkil edir.Milli valyutalar bir-birlərinə müxtəlif nisbətlərdə bərabər tutulur.Qanunvericilik yolu ilə və yaxud da bazardakı tələb və təklifdən asılı olaraq,iki müqayisə olunan valyuta arasında qərarlaşan nisbət valyuta məzənnəsi adlanır.Valyuta məzənəsi bir milli pul vahidinin qiymətin digər ölkənin pul vahidində ifadə olunmasıdır.Milli pul vahidinin məzənnəsi hər hansı bir ölkənin valyutası və yaxid da bir neçə ölkənin pul vahidləri(valyuta səbəti) vasitəsi ilə ifadə olun bilinər.Valyuta məzənnəsinin formalaşması ilk baxışda çox sadə ifadsə olunsa da ,mahiyyət etibarı ilə o,özündə müqayisə olunan ölkələrdəki ittisadiyatda gedən prosesləri özündə əks etdirir.Onun əsasını milli valyutanın alıcılıq qabiliyyəti, əmtəə və xidmətlərə,investitsiyalara qiymətlərin ümumi səviyyəsi təşkil edir.Eyni zamanda onun konkret kəmiyyəti inflyasiyanın tempindən,faiz səviyyələrindəki fərqlərdən və tədiyyə balansının vəziyyətindən asılıdır.Valyuta məzənəsinə təsir göstərən amillərdən ,valyuta bazarına milli bankın müdaxiləsini(valyuta intervensiyasını) və vlyuta möhtəkirlərinin (spekulyantların)fəaliyyətini də nəzərə almaq lazımdır.Ayrı-ayrı dövrlərdə gah milli valyutaya ,gah da xarici valyutaya ehtibar artdığından belə hallar valyuta məzınnəsinin formalaşmasına öz təsirini göstərir.

Nominal və real valyuta məzənnəsini fərqləndirmək lazımdır.Nominal valyuta məzənnəsi,milli valyutanın hər hansı ölkənin valyutasına və yaxud da əksinə, dəyişdirilərkən olan konkret qiymətidir.Hər gün mətbuatda nəşr olunan qiymətlər nominal valyuta məzənnəsidir.

Real valyuta məzənnsəi isə iki ölkədə qiymətlərin səviyyəsi nisbətlərini nominal valyuta məzənnəsinə vurmaqla hesablanır.Real valyuta məzənnəsini ,həmçinin həmin ölkənin ticarət tərafdaşı olan ölkələrdə qiymətlərin orta səviyyəsi bazasında da hesasblamaq olar.Bu zaman real valyuta məzənnəsi idxal mallarına nisbətən milli əmtələrin rəqabət qabiliyyətliliyi göstəricisi kimi çıxış edəcəkdir.

Valyuta məzənnəsinin beynəlxalq iqtisadi münasibətlərə təsiri çox böyükdür:

-valyuta məzənnsəi əsasında hər hansı əmtəəyə milli istehsal xərclərini dünya qiymətləri ilə müqayisə etmək mümkün olur ki, bunun da nəticəsində xarici iqtisadi fəaliyyəti və onun yekunlarını proqnozlaşdırmaq, və təsərrüfatçılıq fəaliyyətində perspektivli istiqamətləri müəyənləşdirmək mümkün olur;

-ölkənin iqtisadi vəziyyətinə bilavasitə təsir göstərir ki,bu da özünü birbaşa tədiyyə balansında əks etdirir;

-ölkələr arasında dünya ümumi məhsulunun yenidən bölüşdürülməsinə təsir göstərir.

Məhz buna görə də müəyyən dövrlərdə dünya ölkələri arasında iqtisadi mənafelər toqquşur və konfliktlər yaranır ki,bunların da aradan qaldırılması və yumşaldılması üçün dövlət və dövlətlərarası səviyyələrdə müvafiq razılaşmalrın ,qərarların olması zəruridir.



Bir ölkənin milli valyutasının digər ölkəninkinə dəyişdirilməsi inkişaf etməmiş formada son bir neçə yüz il ərzində baş vermişdir.Lakin müasir dünya iqtisadiyyatında valyutaların dəyişdirilməsi valyuta bazarlarında həyata keçirilir ki,bu bazarlara da mötəkirlərin təsiri az deyildir.Sabit valyuta alınıb satılması münasibətləri qərarlaşandan və hüquqi cəhətdən müfafiq əsasa malik olduqdan sonra tarixən əvvəlcə milli sonra isə beynəlxalq valyuta sisteminin formalaşması baş verdi.Ona görə də valyuta sistemini iki tərəfdən nəzərdən keçirmək olar:birincisi,o, obyektiv reallıq olub, ölkələr arasında iqtisadi əlaqələrin dərinləşməsi nəticəsində yaranır,ikincisi,bu obyektiv reallıq dərk olunaraq hüquqi normalarda və beynəlxalq razılaşmalarda əks olunur.Məhz bu mənada məqsədyönlü fəaliyyət kimi valyuta sisteminin yaradılmasından danışmaq olar.Beləliklə, valyuta sistemini valyutanın fəaliyyəti və onun təşkilinin formaları ilə əlaqədar iqtisasdi münasibətlər toplusu kimi müəyyənləşdirmək olar.İstər milli ,istərsə də dünya valyuta sistemi bir-birindən asılı və qarşılıqlı təsirdə olan bir sıra elementlərdən ibarətdir.Bunun əsasında : milli valyuta sistemində-milli valyuta, dünya valyuta sistemində isə-beynəlxalq hesablaşmalarda ödəniş vasitəsi və ehtiyat valyuta funksiyasını yerinə yetirən ehtiyat valyutalar və həmçinin beynəlxalq hesab valyuta vahidləri təşkil edir.Hər hansı sistemi xarakterizə edətkən valyutanın dönərliliyi səviyyəsi,yəni xarici valyutaya dəyişməyin sərbəstlilik dərəcəsi mühüm əhəmiyyət kəsb edir.Buna görə də valyuta dönərliliyinin müxtəlif səviyyələrini xarakterizə edən sərbəst dönər valyuta, natamam dönər valyuta və qapalı-valyuta meyarlarından istifadə edilir.Dönərlilik səviyyəsi valyutanın xarici valyutaya dəyişdirilməsinnə tətbiq olunan və yaxud da tətbiq olunmayan məhdudiyyətlər,onu tənzimləyən reqlamentləşdirici tədbirlər sisteminin mövcudluğundan, valyuta əməliyyatlarının növləri və sübyektlərinə tətbiq olunan hüquqi və kəmiyyət məhdudiyyətlərinin mövcudluğu ilə müəyyən olunur.Hazırki dövrdə ancaq bir sıra sənayecə inkişaf etmiş ölkələrin valyutaları tam sərbəst dönərliliyə malikdir,qalan ölkələrin əksəriyyətində valyuta əməliyatlarına bu və ya digər məhdudlaşdırıcı tədbirlər mövcuddur.Valyuta sisteminin fəaliyyət göstərməsində mühüm əhəmiyyət kəsb edən məsələlərdən biri də valyuta məzənnəsi rejimidir.İki əks valyuta məzənnəsi rejimi mövcuddur ki,onların da əsasında müxtəlif variantlarda valyuta məzənnəsi rejimi formalaşdırmaq mümkün olur:qeyd olunmuş valyuta məzənnəsi rejimi və üzən valyuta məzənnəsi rejimi.Qeyd olunmuş valyuta məzənnəsi rejimində ölkənin milli valyutasının məzənnəsi qanunvericilik yolu ilə müəyyənləşdirilir və əsasən çox cüzi kənarlaşmalara (müəyyən dəhliz daxilində) yol verilir.Sərbəst üzən valyuta məzənnəsi rejimində isə valyuta məzənnəsi bazardakı milli valyutaya olan tələb və təklif əsasında müəyyənləşir və özündə iqtisadiyyatda baş verən bütün dəyişiklikləri əks etdirir.Qeyd edildiyi kimi bu rejimlərin müxtəlif kombinasiyasında valyuta məzənnəsinin yeni rejimləri əldə olunur.Valyuta sistemi özündə həmçinin valyuta bazarlartının rejimlərini və qızıl bazarlarını birləşdirir.

Beynəlxalq hesablaşmalar
Beynəlxalq hesablaşmalar anlayışı .Mili valyuta hər şeydən öncə, xarici valyutaya ölkənin xaricdə fiziki və hüquqi şəxslər qarşısında yaranan öhdəliklərinin yerinə yetirmək,borclarını ödəmək üçün dəyişdirilir.Digər tərəfdən də xarici hüquqi və fiziqi şəxslərin ölkəyə olan barclarını ödəyərkən ölkəyə xarici valyuta daxil olur.Valyuta öhdəlikləri və pula tələb,müxtəlif ölkələrdə yerləşən ,müxtəlif dövlət, hüquqi və fiziki şəxslərin arasındakı iqtisadi,siyasi,mədəni,elmi-texniki münasibətləri əsasında yaranır.Beynəlxalq hesablaşmalar qeyd olunan öhdəliklər və pula tələbin ödənilməsinin tənzimlənməsi və təşkilini özündə əks etdirir.Beynəlxalq hesablaşmalar,beynəlxalq ictimayyət və əksər ölkələr tərfindən qəbul edilmiş şərtlər,normalar, və qaydalar əsasında müxtəlif xarici ölkələrlə bankların hər gün yerinə yetirdikləri hesablaşmalrdan ibarətdir.Beynəlxalq hesablaşmalar sferasında bankların fəaliyyəti dövlət tənzimləməsi obyektidir.

Beynəlxalq hesablaşmalar əsasən banklar tərəfindən müxtəlif ölkələrin kredit təşkilatları arasında müxbir(danışıqlar) münasibətlərinin qurulması yolu ilə nəğdsiz həyata keçirilir.Bu məqsədlə banklar öz aralarında hesabların açılması haqqında (nostro- bu bankın digər bankda,loro- digər bankın bu bankda hesabının açılması) qarşılıqlı müxbir razılaşmaları bağlayırlar.Bu razılaşmalarda hesablaşmaların aparılması qaydası və komissyon ödəmələr və vəsaitlər xərcləndikcə müxbir hesbaların doldurulması metodları öz əksini tapır. Banklar həmçinin hesablaşmaları özlərinin beynəlxalq filialları vasitəsi ilə də həyata keçirə bilirlər.

Xarici ticarət müqaviləsinin şərtlərindən ,milli və xarici valyutanın dönərliliyi səviyyəsindən asılı olaraq beynəlxalq hesablaşmaların müxtəlif formaları tətbiq olunur.Dünya təcrübəsində əsasən, inkasso, akkreditiv, bank köçürmələri,avans hesabları,açıq hesablar üzrə hesablaşmalar, və həmçinin, veksel və çeklərlə hesablaşma forma və metodlarından istifadə edir.Qeyd etmək lazımdır ki,beynəlxalq hesablaşma nisbətən ümumi anlayış olub hesablaşma vasitələrini və beynəlxalq hesablaşma üsüllarını özündə birləşdirir.

Ödəmə üsullarına aiddir: avans ödəmələri,akkreditiv,inkasso,açıq hesablar üzrə ödənişlər,əmtəənin yola salınması ilə həyata keçirilən ödənişlər.

Hesablaşma vasitələrinə isə aiddir:çek,veksel,bank məsrəfləri, köçürmələr (poçt,teleqraf,teleks ödəniş köçürmələri)

Qeyd edildi ki, beynəlxalq hesablaşmalar dünya təcrübəsindən əldə olunmuş qaydalar və razılaşmalar əsasında aparılır. Beləki akkreditiv sənədləşmədən istifadə edilərək aparılan hesablaşmalar ilk dəfə Beynəlxalq Ticarət palatasının Bena konkresində(1933 il)qəbul edilmişdir və vaxtaşırı müvafiq dəqiqləşmələr həyata keçirilir,sonuncu düzəlişlər isə 1993-cü ildə edilmişdir.İnkasso formasında hesablaşmaların reqlamentləşdiriliməsi isə ilk dəfə Beynəlxalq ticarət palatası tərəfindən 1936-cı ildə həyata keçirilmiş,sonuncu dəyişikliklər isə 1978-ci il də olmuşdur.



Hesablaşma forması bir sıra amillərdən asılı olaraq seçilir ki,burada həlledici tərəflərin maraqlarıdır.Bu maraqlar çox vaxt uyğun gəlmir,beləki ixraccı çalışır ki əmtəə və xidmətlərin dəyəri lap qısa müddətə ödənilsin,idxalçı isə bu müddəti uzatmağa cəhd edir.Ona görə də hesablaşma formasının seçilməsi onlar arasında kompromisin olmasıdır,bu zaman hər iki tərəfin tələbləri maksimum nəzərə alınır.
Yüklə 23,34 Kb.

Dostları ilə paylaş:




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə