41
PLANERDƏN
REAKTIV TƏYYARƏYƏ QƏDƏR
anlamına gəlmir“, - dəfələrlə bunu deyirdi. Çox sakit keçməli
olan ilk tanışlıq uçuşundan öncə təlimatçı mənə hər şeyi çox
gözəl təsvir edirdi: “Sənə pilotajın bütün fiqurlarını - həm
ikili immelman
28
, həm 90 dərəcəli virajları
29
, şaquli və üfüqi
səkkizləri, yüksəliş və enmə zamanı dövrələri göstərəcəyəm“.
Bunlara qulaq asarkən uçuşa həvəsim getdikcə azalırdı. Hətta
bacara bilməyəcəyimdən qorxmağa başlayırdım. Pis yatırdım –
yuxuda uçuşda məni gözləyən fiqurları yaşayarkən sıxılırdım.
Səhər hava limanında uçuşa hazırlaşırdım. Çiyinlərimə iki
paraşüt götürüb, təyyarə tərəfə getdim. Yaxında baş leytenant
Bulandanı görüb salamlaşdım: “Sənə buterbrod və ya təmiz
oksigenli maska taxmaq lazımdır“, – gülümsəyərək dedi.
Təlimatçım gəldi. Hərbi qaydalara əsasən uçuşa hazır olduğumu
bildirdim. Tapşırığın məzmununu xüsusi təmtəraqla söylədim.
Təlimatçım mənə qulaq asdı, reaksiyasını üzündə böyük gün
eynəyi olduğuna görə görmədim. Sonda cavab verdi: “Bu gün
əsas variantı yerinə yetirəcəyik. Hava dəyişkəndir, qanadların
altında isə əlavə yanacaq bakları asılıb. Onlarla çox yüklənməni
edə bilmərik“. Xilas edilmişdim. Motoru işə saldım, əvvəl
guruldamağa başladı, sonra isə səsi sakit fitə keçdi. Zolaqların
başlanğıcına qədər ikidən çox və yarım kilometr məsafəni
fırlanası oldum. Bu müddətdə beton yerdə uçuş zolağından
çıxmamaq üçün çox əlləşdim. İkinci kabinədən təlimatçı məni
öyrədir və elə hey deyinirdi: çox böyük dövrələr, çox böyük
sürət, əyləclərdən həddindən artıq qızğın istifadə edirəm, indi
bizi yandıracağam və ya şinləri qopardacağam. Zolaqdan əvvəl
müvafiq komandaları start mövqeyinə qədər yerinə yetirdim.
Qan-tər içindəydim, məni isə qarşıda reaktiv təyyarə ilə qırx
dəqiqəlik uçuş gözləyirdi. Zolaqlarda sürəti maksimuma qədər
artırdım. “Başla“ komandasını eşitdim. Əyləci buraxdım.
Təyyarə hərəkət etdi. Nəzərim zolağın sonunda idi. Cihazlara
baxdım, lakin heç nə demədim. Önə baxdım. Ayaqlarımla
istiqaməti saxlamağa çalışırdım. Təyyarə başgicəlləndirici
sürətlə gedirdi. “Ön təkərləri qaldır“, – eşitdim. Bu, sürətimizin
160 km/saat həddini aşması demək idi. Dəstəyi astaca özümə
tərəf çəkdim, maska yuxarıya qalxdı. Tək idarə etmədiyimi
hiss etdim. Təyyarə artıq yellənmirdi, bir neçə dəqiqədən sonra
isə gövdənin taqqıltısı sakitləşmişdi. Havada idim. Spidometrə
28
İmmelman – yüksək pilotaj fiquru.
29
Viraj – təyyarənin
yan verərək dönməsi
42
IKINCI HISSƏ
baxdım, 320-ni göstərirdi. Kəskin surətdə yüksəlirdik. Gövdəni
çəkmək istədim, lakin bloklamanın dəstəyi ilişdi. Əlimdən
gələni edirdim. Sonda alındı. Lyuku
30
da çəkdim. Alnımda əlavə
tər damcıları peyda oldu. Yüksələrək hava limanının ətrafında
dövrə vurdum. Qabaqda fırlanan propeller yox idi, mühərrikin
uğultusu eşidilmirdi, yalnız turbinin fiti və korpusa dəyən havanın
səsi gəlirdi. Tezliklə Qura Pulavska rayonunda pilotaj sahəsinə
gəlib çatdıq. Altı min metr hündürlüyündə təlimatçım mənə bir
neçə sadə fiquru göstərdi. “Təkrarla!“ - əmr verdi. Sükanı qətiyyətlə
tutub və gələcək qırıcı pilotuna yaraşan tərzdə, təyyarəni cəld daha
çox spiralı xatırladan viraja daxil edib, bir sıçrayışla həmin manevri
bitirdim. “Sıçrayış etmə, - eşitdim – bu sənin üçün at arabası deyil,
səlis uçmalısan“. Təkrarladım, daha yaxşı alındı.
Təlimatçım əla metodist və pilot imiş. Bir müddət sonra
tamamilə mənə etibar etməyə başladı. Artıq lazımi dərəcədə “sükanı
yaxşı saxlayırdım“, xüsusən cüt şəkildə, yəni təlimatçımla birgə iki
təyyarədə yanbayan qanadların arasında bir neçə metr məsafəni rahat
uça bilirdim. Bir dəfə poliqonda bort silahından atəş açdıq. Ciddi
surətdə onun təyyarəsindən geridə qalmağım diqqətini cəlb etdi. “15
metrdən uzaq olmamalısan“, – yekunlaşdırdı. Cüt enirdik, rəhbərimə
yaxın uçurdum. Enmədən sonra dayana bilmirdim. Zolağın yarısında
“Əyləclər işləmir“ sözlərini eşitdim. Artıq taqətdən düşmüşdüm,
zolağın sonu yaxınlaşırdı. Təlimatçım hava limanının ot olan hissəsinə
çıxıb, eninə şumlanmış torpağın üstünə yıxıldı və orada batıb qaldı.
Yavaşca o tərəfə sürüb təyyarəni arxadan saxladım. “Mən palçığa
düşmüşəm, – dedi, – sən haradasan?“ “Burdayam“, – cavab verdim.
Çöndü və burnunun altında donquldandı. Sonra mənim bu zarafatıma
gülürdük.
1963-cü ilin yay fəslini əsrin yayı adlandırırdılar. Dözülməz istilər
var idi. Təyyarənin alüminium örtüyünə əl vurmaq belə olmurdu.
Temperaturu azaltmaq üçün təyyarələrin üstünü sulayırdılar. Bu,
yalnız bir müddət kömək edirdi. Yerdə bağlı kabinədə oturarkən,
özümüzü saunadakı kimi hiss edirdik. İsti günlərdə bəzən göstərişlərə
əks olaraq, starta qədər kabinəni yaxşı bağlamır və oksigen maskasını
taxmırdım. O zaman dəbilqələrdə uçmaq əmri də verilmişdi. Bu,
kabinənin içinə güclə yerləşən və ətrafın müşahidə olunmasını
çətinləşdirən eksperimental məhsul idi. Çox vaxt bu əmrə də məhəl
qoymurdum – nəticə: “Sabaha qədər 150 dəfə - dəbilqə və maskada
uçacağam - cümləsini yazacaqsan“. Bu əmri Məktəbin hava atışı
30
Lyuk – hərbi təyyarənin bortunda
top lüləsi üçün deşik