FİNİŞ – GERİYƏ
SAYIM BAŞLADI
27
aprel tarixidir, artıq dörd saatdır ki, Pyotrla “Soyuz
TDK/2S” simulyatorundayıq. Fasilələrdə göyərtədə
olan mətbəxə gedirik. İştahamız pisdir, buna görə də zəifləmişik.
Skafandr tərdən bədənimizə yapışır. Gözlənilmədən məşqçi təli-
min bitməsi haqqında məlumat verdi. Pis şeylərin olacağını hiss
edirik. Bizi tələsdirirlər. Dərhal qonşuluqda yerləşən didaktik bi-
naya getməliyik. Tələsik yuyunduq, formaları yolda düymələyir-
dik. İstirahət otağına çatdıq, orada isə çexlərlə vidalaşma mərasi-
mi keçirilirdi. Özünəməxsus zarafatcıllıqla general Leonov əlində
şampan qədəhi yoldaş Remek və Pelçak üçün sağlıq deyirdi. Otaq
ağzına qədər dolu idi. Gələn qonaqlar arasında kosmonavtlar Vo-
lınov, Qubarev, Qlazkov, Zudov, Lazarev, Xryunov, Nikolayev,
Popoviç və kosmonavtlar şöbəsindən rusiyalı namizədlər var idi.
Kuba, Bolqarıstan, Monqolustan, Macarıstan və Rumıniyadan
yeni namizədlər də var idi. Toplananların simasından bunun on-
ların ilk sağlığı olmadığı oxunurdu. Gərgin məşqdən sonra sağlı-
ğın məzmunu deyil, soyuq şampanın dadı yadda qalır. Volodya
Remek təşəkkür edərək sağlıq dedi, şampan mənim və digər kos-
monavtların sağlıqları üçün kifayət idi.
Çexlər fəxr hissi ilə aldıqları hədiyyələri göstərirdilər – sovet
kosmonavtlarından üzərində yazı olan gözəl ov tüfəngləri.
Gözlənilmədən Leonov bildirdi: “Mirek, Pyotr – düz iki aydan
sonra, yəni 27 iyunda siz uçursunuz”. Mat qaldım və çox sevin-
dim. Növbəti sağlıq bizə həsr edilmişdi. Şampan daha gözəl da-
dırdı. Həmin günü artıq məşq etmədik.
Planlaşdırılan uçuş haqqında məlumat həyat yoldaşımı sevin-
dirmədi. Neçə vaxtdır ki, özünü pis hiss edirdi. Həkimlər diaqnoz
qoya bilməmişdilər. Daha sonra ürək deyil, öd daşları və stresin
ağrılara səbəb olmasını öyrəndik. Leonov məhz bu səbəb barədə
çoxdan düşünürdü. Onun gözəl həyat yoldaşı Svetlana Miliya
kömək etmək istəyirdi. Leonovlar ailəsi bizi qonaq çağırırdılar,
meşədə “kabab” təşkil edirdilər, eyni hərəkəti Lilya – Klimukun
həyat yoldaşı da edirdi. Onların yardımı ən yaxşı dərman idi.