Azərbaycan – Türkiyə münasibətləri II beynəlxalq elmi konfransının materialları
438
yetirsək, sosial evlər layihəsi həyata keçirilən ölkələrdə sakinlər növbəyə yazılırlar, sonra isə müqavilə
bağlanır. Bəzən bu mənzillər üçün mənzilin mərtəbəsi, sahəsi, qiymətinə görə fərqli növbələr də olur.
24 dekabr 2016-cı ildə Azərbaycan Respublikasının Prezidenti yanında Mənzil İnşaatı Dövlət Agentliyinin
birinci layihəsi olan Yasamal Yaşayış Kompleksində inşa ediləcək ilk doqquzmərtəbəli binanın və məktəb
binasının təməlqoyma mərasimi keçirilib. Agentliyin ilk layihəsi olan bu Kompleks xarici dairəvi avtomobil
yolunun kənarında yerləşir. Kompleksin ümumi sahəsi 11,6 hektar olacaq. Bu ərazinin seçilməsində rahat
yaşayış üçün bir neçə mühüm məqam nəzərə alınıb. Belə ki, ərazi şəhərin ekoloji cəhətdən təmiz və əlverişli
hissəsində yerləşir. Ərazinin yaxınlığında 5 hektara yaxın yaşıllıq zonasının olması isə onun ekoloji durumunu
daha da yaxşılaşdırır. Prezident İlham Əliyev Yasamal Yaşayış Kompleksində inşa olunacaq ilk
doqquzmərtəbəli binanın təməlini qoyub. Yaradılacaq bu ilk şəhərcik 29 çoxmənzilli yaşayış binasından ibarət
olacaq.
Bu məqsədlə “Elektron hökumət” portalında “Güzəştli mənzil” elektron sistemi yaradılacaq. Bu sistem
vətəndaşlara virtual “şəxsi kabinet” yaratmaq yolu ilə qeydiyyatdan keçmək və gələcəkdə növbəlilik
prinsipinə əsasən müvafiq xidmətlərdən faydalanaraq mənzil əldə etməyə əlverişli şərait yaradacaq. Sistem
2017-ci il mayın 1-dən etibarən fəaliyyətə başlayacaq. Kompleksdə mənzillərlə yanaşı, bir sıra sosial obyektlər
də tikiləcək. Onların arasında 240 yerlik uşaq bağçası və 960 şagird yerlik orta təhsil məktəbi də var. Ərazidə
müvafiq sosial infrastrukturun yaradılması, həmçinin ictimai iaşə, məişət və digər xidmət obyektləri üçün
qeyri-yaşayış sahələrinin də istifadəyə verilməsi nəzərdə tutulur ki, bu da yeni iş yerlərinin açılmasına imkan
verir. Əksər mütəxəssislər isə hesab edir ki, gənc ailələrin mənzil probleminin çözümü üçün məqbul sayılan
xarici təcrübələrdən istifadə olunmalıdır. Bu təcrübələrin tətbiqi ümumiyyətlə, daha çox insana ev sahibi
olmaq imkanı qazandırır. Məsələn, Türkiyədə gerçəkləşdirilən TOKİ (Toplu Bina İdarəsi Nazirliyi) layihəsi
çərçivəsində çox ucuz mənzillər inşa edilir və uzun müddətli faizsiz kreditə verilir. 2023-cü ilə kimi Türkiyədə 1
milyona yaxın belə mənzil inşa ediləcək. Adətən 25-30 ilə kreditə verilən bu mənzillərdə aylıq ödəniş 70-100
dollar təşkil edir. Ödəniş başa çatdıqdan sonra isə ev xüsusi mülkiyyətə keçir. Artıq Türkiyədə gənc ailələrə
520 mindən çox mənzil təqdim olunub. Qeyd edək ki, Türkiyədə Baş nazirin dəstəyi ilə dövlətə məxsus Toplu
Evlər İdarəsi tərəfindən gənc ailələrə ilkin ödənişsiz, faiz dərəcəsi olmadan 25 illik mənzillər təqdim olunur.
Artıq Türkiyədə gənc ailələrə 520 mindən çox mənzil təqdim olunub. Onu da bildirək ki, TOKİ Türkiyə Baş
Nazirliyinə tabedir.Digər qonşumuz Rusiyada isə dövlət üzvlərinin yaşı 35-i keçməyən yeni ailələrə mənzil
almaq üçün birbaşa maliyyə yardımı edir. Uşağı olmayan gənc ailə üçün 42 kvadrat metr mənzil nəzərdə
tutulur və dövlət həmin mənzilin qiymətinin 30 faizini ödəyir. Ailədə uşaq olduqda isə maliyyə yardımı 35
faizə qalxır. Ailə üzvlərinin sayı 2-dən yuxarı olanda adambaşına 18 kvadratmetr mənzil nəzərdə tutulur və
qiymət hesablanması tikinti şirkətinin smetası əsasında həyata keçirilir. Tikinti üçün ərazini dövlət təmin
etdiyindən mənzillər ucuz başa gəlir. Gənc ailələr qalan məbləği 3-7%-lik ipoteka krediti kimi də rəsmiləşdirə
bilərlər.Ukraynada da üzvlərinin yaşı 30-a qədər olan gənc ailələr üçün xüsusi ucuz evlr tikilir. 2013-cü ilin
birinci yarısında bu ölkədə 2500-ə yaxın gənc ailə mənzillə təmin edilib. Gənc ailələrdən ilkin ödəniş tələb
edilmir və kredit illik 3%-lə 30 il müddətinə ipoteka kimi rəsmiləşdirilir. Kreditlər tənha vətəndaşlara, gənc və
natamam ailələrə verilir. Burada güzəşt sistemi də var. Əgər ailədə 1 uşaq varsa, o, faizlərdən azad edilir. 2
uşağı olan ailələr əsas məbləğin 25%-dən qurtulmaq imkanı yaradılır. 3 və daha artıq uşağın olması ailəyə
kreditin 50%-dən azad olmağa imkan verir. Bundan əvvəl isə ölkəmizdə gənclər üçün ilkin ödənişsiz və 0,5%
dərəcəli ipoteka kreditləri veriləcəyi bildirildi. Lakin sonradan bu məsələ unudldu. İndi isə belə məlumatlar
dolaşır ki, Azərbaycanda gənclər üçün mənzil kooperativlərinin yaradılması layihəsi hazırlanır. Məlumata
görə, gənclər üçün mənzillərin tikilməsi layihəsi Türkiyənin təcrübəsindən istifadə olunaraq hazırlanır.
Layihəyə əsasən, çoxmənzilli binalar dövlət hesabına tikilərək gənclərə ilkin ödənişsiz, faiz dərəcəsi olmadan,
bir növ kirayə verilir. Lakin müəyyən müddət keçdikdən sonra həmin mənzillər şəxsin mülkiyyətinə keçir.
Layihənin məqsədi aşağı və orta gəlirli vətəndaşların mənzil şəraitinin yaxşılaşdırılmasından ibarətdir.
Ekspertlər prosesin tezləşməsini vacib sayırlar. Çünki indiki ipoteka şərtləri qeyd olunduuğ kimi daha çox
insanın mənzil sahibi olmasına imkan vermir.
Türkiyə modelində vəsait büdcədən ayrılır. Mənzillərin inşası ilə bağlı xüsusi agentlik fəaliyyət göstərir.
Büdcədən ayrılan vəsait tender vasitəsilə şirkətlərə verilir, şirkətlər həmin vəsaitlə bələdiyyə torpağında
mənzillər inşa edir və aztəminatlı ailələrə verir. Sosial evlərin mahiyyəti ondan ibarətdir ki, dövlət
büdcəsindən ayrılan vəsait öz xərcinə uyğun olaraq inşa edilən binalarda vətəndaşlara təqdim olunur.