5
22 oktyabr 2017-ci il, bazar
Bakıda üç gün davam edən “Azərbaycan – Türkiyə
münasibətləri” II Beynəlxalq elmi konfransı işini uğurla bitirdi.
Amma ölkələrimiz arasındakı tarixi təməllərə söykənən əlaqələrin
dünyada analoqu olmayan müttəfiqlik və qardaşlıq səviyyəsinə
yüksəlməsi kimi həqiqətlərdən qaynaqlanan bu elmi məclis
Azərbaycan– Türkiyə münasibətlərinə yeni bir səhifə də yazdı.
Konfransın açılış mərasimində
təşkilatçılardan biri olan Türkiyənin
Kastamonu Universitetinin rektoru,
professor Seyid Aydının çıxışının gu-
rultulu alqışlarla qarşılanması təkcə
bir türk qardaşımıza olan sevginin
yox, həm də xalqlarımızın qardaş-
lığının səmimi və ürəkdən gələn
təzahürü idi. Azərbaycan Dövlət
Pedaqoji Universitetinin rektoru,
professor Cəfər Cəfərovun “qonağı-
mız Seyid Aydın Azərbaycan əsilli
qardaşımızdır” təqdimatı isə salonu
titrədən alqışları bir az da artırdı.
Bir gün sonra isə qardaş
Türkiyənin gənc, amma kifayət qədər
modern təhsil ocaqlarından birinin–
Kastamonu Universitetinin rektoru,
professor Seyid Aydınla həmsöhbət
olduq. Cəfər müəllimin qəzetimiz
haqqında yığcam təqdimatından
sonra müsahibimiz suallarımızı
məmunluqla cavablandırdı. Rek-
tordan, ilk olaraq, rəhbəri olduğu ali
məktəbin necə yaranması barədə
danışmasını xahiş etdik.
– Türkiyənin şimalında, Qara
dəniz bölgəsində yerləşən, zənğin
tarixi və gözəl təbiəti olan Kosto-
monu vilayətində yerləşən univer-
sitetimizin qurulmasından üzun bir
vaxt keçməyib. 2006-cı ilin martında
həyata vəsiqə aldıq. 3 fakültə, 2
kollec, 1 texniki məktəblə fəaliyyətə
başladığımız ötən 11 ildə böyük
uğurlarla Türkiyənin təhsil sisteminə
fəal qoşulmuşuq. İndi yolumuzu
13 fakültə, 2 institut, 3 kollec və
14 peşə məktəbi ilə uğurla davam
etdirməkdəyik.
Fakültələr mərkəzdə yerləşən
2 universitet şəhərciyində yerləşir,
1 şəhərciyimiz isə tikilməkdədir.
Burada tibb fakültəmiz yerləşəcək.
İlk qəbul edilən tələbələrimiz indi
Ankarada təhsil almaqdadırlar.Yaxın
2 ildə universitet xəstəxanamızı da
quracaq, tələbələrimizi Kastamonuya
gətirəcəyik. Baytarlıq fakültəmiz də
təşkil olunmaq ərəfəsindədir.
Vilayətin 13 rayonunda 14 peşə
ixtisası verən texniki məktəblərimiz
yerləşir. 3 kollecimiz isə mərkəzi
şəhərciyimizdədir. Bədən tərbiyəsi
və idman kollecinin məzunları
həyata vəsiqə almışlar. Təyyarəçilik
kollecimizin sınaq laboratoriyası
və təyyarəmiz hazırdır, 2018-də
fəaliyyətə başlayacaq. Xarici dillər
kolleci yardımçı bir təhsil ocağıdır.
– Universitetin müəllim- tələbə
heyəti necə formalaşıb?
– Tədris 755 nəfərdən ibarət
professor-müəllim heyətini əhatə edir.
İdarə və təşkilati işlərdə çalışanla-
rın sayı isə 400 nəfərə qədərdir. 30
min tələbəmiz var. Onlardan 2200
nəfəri xarici ölkələrdən təhsil almağa
gələnlərdir. Onlardan 330 nəfəri iki
institumuzda magistr və doktor, qa-
lanları isə universitetimizin müxtəlif
fakültələrində bakalavr təhsili alır.
– Texniki baza, təchizat
məsələləri necədir?
– Bir az əvvəl dediyim kimi,
şəhər mərkəzində iki kampusumuz
var, fakültələrimiz burada yerləşir. 14
texniki təhsil verən məktəbimizdən
biri Kastamonu şəhərində yerləşir,
qalanları ətraf rayonlardadır. Bütün
fakültələrin elmi-tədqiqat laboratori-
yaları var. Bir araşdırma mərkəzimiz
isə Kastamonudan kənarda da araş-
dırma xidmətləri aparır.
Universitetin sosial məkanlar
deyilən obyektləri müəllimlərin,
işçilərin xidmətindədir. Qara dəniz
sahilindəki Dide rayonunda 1,
mərkəzdə isə 2 otelimiz var. Bu
otellər tədris bazası olmaqla yanaşı,
qonaqlarımıza da xidmət göstərir,
Qara dəniz sahilində yerləşən
otelimiz həm də turistləri qəbul
edir. Turizm fakültəsinin tələbələri
bu otellərdə çalışırlar. Başqa bir
korpusumuz da var ki, burada turizm
fakültəsi tələbələri yemək, aşxana
xidmətlərini öyrənirlər. Bunlar tədrisə
əyani yardım edir.
Kənardan gələn tələbələrimiz
yataqxanalarda yerləşdirilir. 2700
nəfərlik müasir tipli tələbə yataqxana-
mız da var ki, Türkiyə tələbə yurtlar
qurumuna kirayəyə verilib. Universi-
tet şəhərciyində bazar da tikmişik, bu
tələbələrimizin alış-verişini asanlaş-
dırır.
Çox zəngin mərkəzi kitabxa-
namız var. Kitabxanada gözdən
əlillər üçün səsli kitabxana sistemi
yaratmışıq. Bu ölkədəki ilklərdəndir.
Türkiyənin bir sıra universitetlərindən
və dövlət təşkilatlarından üzvlərimiz
var. Kənardan, o cümlədən qardaş
Azərbaycandan da sifariş olarsa,
səsli kitabxana sistemimizi təşkil edə
bilərik və bunun üçün hec bir ödəniş
istəmirik.
Dörd idman qurğumuz var. Biri
ancaq tələbələrimiz, digəri universitet
heyəti üçündür, ikisi isə hər kəsə
açıqdır. Stadionlarımızdan biri UEFA
standartındadır. Yeni bir idman komp-
leksimiz də tikilməkdədir ki, burada
üzgüçülükdən tutmuş idmanın ən
müxtəlif növləri ilə məşğul olmaq
üçün hər cür şərait yaradılacaq. 13
rayonda yerləşən şəhərciklərimizin də
bütün sosial təchizatları var.
– Necə deyərlər, böyük bir təhsil
“imperiyası” yaratmısınız ki... Az
bir vaxtda bunlara necə nail olmu-
sunuz?
– Təbii ki, dövlətin əvəzsiz
qayğısı sayəsində. Bizim borcumuz
isə işlərimizi düzgün qurmaq, dürüst
çalışmaq və etımadı doğrultmaq olub.
Türkiyədə dövlətin təhsilə diqqəti
o qədər böyükdür ki, məhz bunun
sayəsində indi ölkəmizin hər bir
vilayətində universitet var. İstan-
bul, Ankara, İzmir kimi şəhərlərin
isə 6-7 ali təhsil məktəbi var. Bu
universitetlər ən müasir təchizat
sistemi ilə dünya səviyyəli təhsil
vermək imkanındadır. Sizin dediyiniz
kimi, yaxşı mənada, ölkənin hər bir
universiteti bir “imperiya”dır.
– Türkiyənin və dünyanın təhsil
sistemində yerinizi necə görürsü-
nüz?
– Əlbəttə, dünyanın eləcə
də Türkiyənin təhsil sistemində
önəmli bir üniversitet olmaq va-
cib şərtlərdəndir – on bir illik
fəaliyyətimizdə bunları qazana bilmi-
şik. Mühəndislik sahəsində onluqda
2-ci, atom enerjisinin tədqiqatlarında
3-cü yerdə göstərilirik. Yeri
gəlmişkən, Türk Atom Enerjisi
Qurumu dünyada birincidir. Fizi-
ka sahəsində universitetimiz ilk
onluqda– 6-cı yerdədir. Meşəçilik
sənayesi ixtisasının tədrisində yenə
də dünya nəhəgləri ilə bir sıradayıq.
Balıqçılıq və su vəsaitləri sahəsində
Canaqqala 18 Mart Universiteti ilə ilk
yerlərdəyik. Umumiyyətlə, 23 sahədə
aparılan dəyərləndirmələrin 6-sında
ilk onluqda yer almaqdayıq.
Elmi çalışmalarımızı uğurla
davam etdirməkdəyik. Bu sırada sim-
pozium və konfranslar da önəmlidir.
Türk dünyasının öyrənilməsi daha
böyük önəm daşıyır. Bu, həm də
universitetimizin bir türk dünya-
sı universiteti olması üçün atılan
addımlardandır. Bir rektor kimi,
universitetimizin adının “Kastamonu
Türküstan Universiteti” adlandırılma-
sı arzusundayam. Universitetimizin
önündə 16 türk dövlətinin bayraqları
dalğalanır. Türküstan Universiteti ol-
maq arzumuzun həyata vəsiqə alması
üçün türk dünyası ilə əlaqələrimizi
genişləndirməkdə konfrans və simpo-
ziumların dəyəri çoxdur.
Haşiyə: Söhbətimizin bu
yerində Milli Məclisin deputa-
tı Cavanşir Feyziyevin “Türk
Dövlətlər Birliyi” kitabından söz
düşdü. Dilçi alimimiz, ADPU rek-
torunun müşaviri Vilayət Əliyev
də söhbətə qoşularaq, kitabın türk
dünyası üçün fundamental bir
nəşr olduğunu qeyd etdi. Cavanşir
müəllim səfərdə olduğundan Seyid
Aydını onunla görüşdürə bilməsək
də, kitabını qonağımıza catdırdıq.
– Çağdaş dünyada təhsil həm də
yaxşı biznesdir...
– Bu məsələ dünyada belədir,
bizdə də elə özəl universitetlər var ki,
təhsildən qazanc əldə edir. Belə mo-
dern universitet yaratmaq, ora ünlü
alimləri gətirmək üçün vəsait lazım-
dır. Amma biz bir dövlət universite-
tiyik, türk vətəndaşları heç bir vəsait
ödəmədən burada təhsil alırlar. Digər
ölkələrdən gələn tələbələrimizin
ödədikləri təhsil haqları isə olduqca
kiçik məbləğdir. Bunlar da qanuni
ödənişlərdir, bizim büdcəyə elə bir
təsiri də yoxdur. Hətta bu ödənişlər
qanuni olduğu üçün alınır, yoxsa ona
heç bir ehtiyacımız yoxdur. Hətta
universitetimizdə təhsil haqlarının
ödənilməsində elə rəqəmlər var ki,
bunlar bir cib xərcliyi qədərdir: deyək
ki, 100 lirə, sizin pulla 50 manat.
Dövlətin bir ənənəsi var: yetış-
miş beyinlərlə inkişaf edə bilərik.
Ona görə də dövlət vətandaşına
təhsil verməyi ümdə vəzifələrindən
hesab edir. Bizdə “Dövlət baba”
deyimi var ki, bu, dövlətin hər
kəsə sahib durmaq, atalıq etmək
anlamındadır. Bunun müqabilində
də vətəndaşlarımızın dövlətimizə,
bayrağımıza, torpağımıza bağlılığı
möhkəm, sevgisi hüdudsuzdur.
– Nə vaxtdan rektorsunuz?
– 2011-ci ildə rektor seçildim.
Türkiyənin qanunlarına görə, bir
şəxsə bir universitetdə “dörd, üstəgəl
dörd” olmaqla iki dönəm seçkiyə
qatılaraq rektor olmaq səlahiyyətləri
verilir. İkinci dönəmdə də rektor
seçildim. Məramımız universiteti-
mizi türk dünyasına xidmət edən
və seçilən beynəlxalq bir təhsil
müəssisəsinə çevirməkdir.
– Xatırladım ki, konfransda 2
azərbaycanlı əməkdaşınızın– Namiq
və Vüsalə Musalıların məruzələri də
maraqla qarşılandı...
– Dünyanın 44 ölkəsindən
tələbələrimiz var. Xarici tələbə
və alimlərimizin sırasında 200
nəfərə qədər azərbaycanlı da var.
Azərbaycanlılar, əsasən bakalavr
təhsilindədirlər, magistr və dokto-
rant olanlar da var. Qarışıq döyüş
sənəti olan “Mai-tai” oyunlarında
təmsilçilərimiz iki azərbaycanlı
tələbəmizdir: Əbülfəz Mehdisoy və
Eldar Əlizadə. Onlar dəfələrlə Avropa
və dünya çempionu olmuşlar.
Hətta Əbülfəz üç dəfə dünya
çempionu oldu. İndi təhsilini başa
vurmaqdadır, universitetimizdə
müəllim saxlamaq istəyindəyik.
– Professor Cəfər Cəfərov
sizi konfrans iştirakçılarına
“Azərbaycan əsilli” rektor kimi
təqdim etdi. Mümkünsə, bu “sirri”
də açıqlayın.
– Əslimiz Göycə mahalının
Göl kəndindəndir. Bolşevik-daşnak
zülmündən qaçan babalarım Türkiyə
Amasiyasına köç etmişlər. Mən
də Amasiyada doğulmuşam. Bir
vaxtlar Rusiyanı titrədən Şeyx Şamil
hərəkatının ideya rəhbəri olmuş,
Türkiyəyə gedəndən sonra sulta-
nın belə yüksək dəyər verdiyi, türk
dünyasının fəxr etdiyi Hacı İsma-
yıl Şirvani kimi Azərbaycan əsilli
nəhəng İslam xadiminin Amasiyadakı
məscid-türbəsi ətrafında böyümüşəm.
Babalarımın Azərbaycan sevgisinin,
yürd, Vətən həsrətinin nə olduğunu
uşaqlıq illərimdə duya bilmişəm.
Mənə hərdən deyirlər ki, danışığım
azərbaycanlıların ləhcəsinə çox
bənzəyir. Təsdiq edirəm: belədir. Bu,
bizim canımızda, qanımızdadır.
– Sovetlər dönəmində
Azərbaycanın Türkiyədə ilk və son
səfiri olmuş İbrahim Əbilov Anka-
raya gedərkən Kastamonuda dayan-
mışdı. Türkiyənin o dönəmki “Açıq
söz” qəzetinin baş redaktoru İsmayıl
Həbib “Qardaş ölkənin səfiri” adlı
baş məqaləsində yazmışdı: “Əziz
qonağımız ... birbaşa qardaş bir
hökumətin səfiridir”.
– İsmail Həbibin dedikləri
dünənin həqiqətləri olmaqla, bu
gün də bizimlədir. Kastamonu
20-ci illərdə istiqlal hərbimizin
önəmli mərkəzlərindən olmuşdu.
İşğal görməmiş, istiqlal hərbimizin
tarixində ən çox şəhid verən
vilayətlərdən biri idi. O dönəmlər
biz İslam dünyasından, eləcə də
Azərbaycandan böyük dəstək gördük.
Kastamonu bu dəstəyin mərkəzləşdiyi
bir şəhər oldu. O zaman istiqlal şairi
Akif Ərsoy da burada olmuşdur.
Təbii ki, Azərbaycanın ilk səfirinin də
yolüstü 40 nəfərə yaxın bir heyətlə
burada bir gün qonaq olmasının
önəmli səbəblərindən biri bu ola
bilər.
Digər tərəfdən, Türkiyənin hər
yerində Azərbaycana münasibətin
kökündə daha böyük ideallar dayan-
mışdır. Bakı səfirimiz Erkan Özoralın
söylədiyi bir fikir qəlbimi riqqətə
gətirdi: Qarabağ təkcə Azərbaycanın
yox, həm də Türkiyənin qanayan
yarasıdır. Hörmətli səfirimizin bu
müqəddəs kəlamı hər bir Türkiyə
vətəndaşının deyə biləcəyi ifadədir.
Türkiyədə Azərbaycan deyəndə
adamların necə bir duyğularla
zənginləşdiyini görməmək müm-
kün deyil, o qəqiqə Azərbaycan
kəlməsinin önünə bir “can” sözü də
artırılır.
Dünyanın heç bir millətində,
xalqında bu boyda sevgi və etiramı
görmək mümkün deyil. Eləcə də
azərbaycanlıların Türkiyə sevgisi
ölçüyə gəlməyən qədər böyükdür.
Dövlətlərimiz də, xalqlarımıza
güvənərək, bütün münasibətlərdə bu
qardaşlığın daha da inkişafında qar-
şılıqlı səylərini əsirgəməməkdədirlər.
– Qəzetimizin oxucularına sözü-
nüz, diləyiniz?
– Öncə, qonaqpərvərliyə görə
minnətdarlığımı bildirərdim. Birgə
keçirdiyimiz konfransın təkcə
universitetlərarası yox, həm də
tarixi, dili və adət-ənənələri bir
olan xalqlarımızın, strateji tərəfdaş
olan dövlətlərimizin də tarixində
əhəmiyyətli yeri olacağına inanıram.
Əminəm ki, birgə tədbirlərin
keçirilməsi biz bir-birimizə daha
yaxından tanıdacaq, ortaq tariximi-
zin öyrənilməsində əhəmiyyətli rol
oynayacaq.
Türk dünyasının dəyərli lideri
olmuş Heydər Əliyevin hər iki ölkədə
atalar sözu kimi işlədilən “Bir millət,
iki dövlət” kəlamını rəhbər tutaraq
yaşamaqdayıq. Bu işdə əvəzsiz
xidmətləri və ənənəsi olan “Xalq
qəzeti”nə və digər media qurumlarına
bir millətin iki dövlətinin maraqlarını
qorumağı, qəzetinizin oxucularına isə
daha xoş günlər arzulayıram.
Namiq ƏHMƏDOV,
“Xalq qəzeti”
“Bütün türk dünyasının elm
məbədi olmaq arzusundayıq”
Müsahibimiz Türkiyənin Kastamonu Universitetinin rektoru, professor Seyid Aydındır
Suraxanıda növbəti ağacəkmə aksiyası keçirilib
Son illər ölkəmizdə Azərbaycan
Respublikasının Prezidenti İlham Əliyevin rəhbərliyi
altında ekoloji tarazlığın qorunması istiqamətində ciddi
işlər aparılır. Bu işlərin bariz nümunələrindən biri kimi
Suraxanıda ağac əkməklə ekoloji balansın bərpasına,
təbii mühitin qorunmasına kömək etmək, atmosferi
oksigenlə zənginləşdirmək, insanların diqqətini
yaşıllıqların qorunmasına yönəltmək istiqamətində
rayon icra hakimiyyətinin (RİH) təşkilatçılığı ilə silsilə
ağacəkmə kampaniyalarını, iməciliklərin keçirilməsini
göstərmək olar.
RİH-in təşkilatçılığı ilə
növbəti kütləvi ağacəkmə ak-
siyası oktyabrın 21-də rayonun
Əmircan qəsəbəsində, Balandin
küçəsinin ətrafında keçirilib.
Ağacəkmə aksiyasında RİH-
in başçısı İlqar Abbasov, RİH-in
başçısı aparatının əməkdaşları,
qəsəbə inzibati ərazi dairəsi
üzrə nümayəndəliklərin,
bələdiyyələrin, sənaye
müəssisələrinin, rayon Mənzil-
Kommunal Təsərrüfatı Birliyinin
işçiləri və sakinlər iştirak ediblər.
Ağacəkmə aksiyalarının
keçirilməsində məqsəd yaşıllıq
zolaqlarının genişləndirilməsi,
rayonun ekoloji tarazlığının
bərpa olunması, insanlar
arasında təbiətə qayğı hissinin
təbliğ edilməsidir. Dünən 200
nəfərin iştirak etdiyi iməcilikdə
də yolun kənarlarında müva-
fiq təmizləmə işləri aparılıb,
abadlıq işləri görülüb, mövcud
yaşıllığa qulluq edilib və əraziyə
200-dən artıq ağac əkilib.
Davamlı şəkildə həyata
keçirilən ağacəkmə aksiyaları
nəticəsində Suraxanı rayonu-
nun ərazisi getdikcə abadlaşır,
yaşıllıqlarla zənginləşir, ekoloji
mühit sağlamlaşır, habelə torpaq
qatı münbitləşir.
Hazırda Suraxanı rayo-
nunda yaşayış massivlərinin
abadlaşdırılması, həyət və
məhəllələrin ümumi istifadə
üçün yararlı vəziyyətə salınması
istiqamətində tədbirlər davam
etdirilir, iməciliklər keçirilir,
qanunsuz konstruksiyalar yığış-
dırılır, zəbt olunan sahələrdən
zibillər daşınır, antisanitar
vəziyyət aradan qaldırılır.
Mövsümün sonuna qədər
rayonda ağacəkmə aksiyalarının
davamlı keçirilməsi nəzərdə
tutulub.
V. BAYRAMOV,
“Xalq qəzeti”
Professor Əsədulla Cəfərovun oxuculara təqdim olunan
“Qarabağın paleolit düşərgələri” adlı əsəri Azıx, Tağlar və Şuşa
paleolit düşərgələrində aparılmış kompleks arxeoloji tədqiqatlar zamanı
tapılmış arxeoloji, paleontoloji və paleoantropoloji qalıqların elmin son
nailiyyətləri əsasında tədqiqinə həsr olunub. Tədqiqatlar zamanı Qarabağ
ərazisində qeydə alınmış Quruçay, Qədim aşel, Orta aşel, Son aşel,
Mustye və Üst paleolit mədəniyyətlərinin xarakterik xüsusiyyətləri, ulu
sakinlərin əmək alətləri hazırlamaları, ovçuluq, yığıcılıq, ibtidai tikililərin
yaranması, odun kəşfi, neandertal tipli insanların inkişaf edərək homo
sapiens (müasir insan) tipli insanlara çevrilməsi kimi məsələlər kitabda
geniş şərh olunub.
Əsər 2016-cı ilin aprel ayında Qara-
bağ torpaqlarını azad edərkən şəhid olmuş
qəhrəman Azərbaycan əsgərlərinin əziz
xatirəsinə həsr olunmuşdur.
Əsərin I fəsli “Paleolit dövrü
abidələrinin öyrənilmə tarixi” adlanır.
Burada müəllif 1953-cü ildən başlamış
2010-cu illərə qədər Azərbaycan Res-
publikası ərazisində aparılmış arxeoloji
axtarış işləri zamanı qeydə alınmış paleolit
düşərgələri haqqında geniş məlumat verilib.
Məlum olduğu kimi, Azərbaycan ərazisində
daş dövrü düşərgələrini müəyyən etmək
məqsədilə ilk dəfə 1956-cı ildə AMEA-nın
Tarix muzeyində Məmmədəli Hüseynovun
rəhbərliyi altında paleolit arxeoloji ekspe-
disiyası təşkil olunmuşdur. 1960-cı ilin
tədqiqatları zamanı Məmmədəli Hüseyno-
vun rəhbərliyi altında Qarabağ ərazisində
Quruçay və Köndələnçay sahillərində
Azıx və Tağlar paleolit düşərgələri qeydə
alınmışdır.
2001-ci ildən başlayaraq, Azıx paleolit
düşərgəsində tədqiqatlar beynəlxalq xarak-
ter almışdır. Azərbaycan, Rusiya, Fransa,
İtaliya, İspaniya və Gürcüstan alimləri
beynəlxalq İNTAS-2000 adlı proqram ha-
zırlamış və 2001-2005-ci illərdə onun elmi
tədqiqi ilə məşğul olmuşlar.
Beləliklə, 1953-2007-ci illərdə
Azərbaycan ərazisində paleolit dövrü üzrə
aparılan arxeoloji tədqiqat işləri nəticəsində
həmin düşərgələrdən əldə olunmuş
maddi mədəniyyət nümunələri əsasında
Azərbaycan ərazisində ibtidai insanların
yaşaması, bu ərazinin ən qədim sivilizasi-
ya mərkəzlərindən biri olması kompleks
tədqiqatlarla sübuta yetirilmişdir.
Əsərin II fəslində göstərildiyi kimi,
ibtidai insanların həyatında təbii -coğrafi
şəraitin çox mühüm əhəmiyyəti olmuşdur.
Alimlər müəyyən etmişlər ki, ibtidai insan-
ların və ibtidai icma cəmiyyətinin forma-
laşması və ayrı-ayrı inkişaf mərhələləri
təbii coğrafi şəraitin dəyişməsi ilə yanaşı və
qarşılıqlı əlaqədə getmişdir. Başqa sözlə,
təbii coğrafi şərait harada əlverişli olmuş-
sa, ibtidai insanlar da həmin ərazilərdə
məskunlaşmağa başlamışlar.
Əsərin III fəsli paleolit düşərgələrinin
stratiqrafiyasına, IV fəsli isə ovçuluq, yığı-
cılıq və heyvanat aləminə həsr olunmuşdur.
Xatırladaq ki, Azıx paleolit düşərgəsində
arxeoloji qazıntılar zamanı yalnız III, V və
VI mədəni təbəqələrdən 500 mindən artıq
ovlanmış heyvan sümükləri aşkar olunmuş-
dur.
Xatırladaq ki, düşərgənin fauna
qalıqlarının əksəriyyəti olduqca çapılıb
doğranmış vəziyyətdə olduğundan onların
əksəriyyətinin hansı heyvan növünə aid
olmasını təyin etmək mümkün olmamışdır.
Əsərin V fəsli Quruçay arxeolo-
ji mədəniyyəti və onun texniki-tipoloji
xüsusiyyətlərinə həsr olunmuşdur. Məlum
olduğu kimi, Quruçay vadisi ibtidai insanla-
rın məskunlaşmaları üçün zəruri olan bütün
təbii nemətlərə malikdir. İbtidai insanlar
bu vadidə məskunlaşaraq çay daşlarından
əmək alətləri hazırlamış, özlərinin iqtisadi
tələbatlarını ödəmək üçün ovçuluq və yığı-
cılıqla məşğul olmuşlar.
Azıx mağara düşərgəsinin VII-X
təbəqələrindən tapılmış daş məmulatlarının
texniki-tipoloji xüsusiyyətləri, kobud çapma
alətlərinin hazırlanma cəhətləri və dünyanın
heç bir paleolit abidələrindən belə alətlər
qeydə alınmadığı üçün düşərgənin ən aşağı
təbəqələrindən tapılmış maddi mədəniyyət
qalıqlarına Quruçay arxeoloji mədəniyyəti
adı verilmişdir. Avropa alimləri ilə birlikdə
aparılmış elmi tədqiqatlar nəticəsində Qu-
ruçay arxeoloji mədəniyyətinin ilkin olaraq
güman edildiyindən daha qədim 2-2,5 mil-
yon il bundan əvvələ aid olduğu müəyyən
edilib. Beləliklə də, Azərbaycan ərazisində
ibtidai icma quruluşunun ilkin mərhələsinin
Quruçay arxeoloji mədəniyyəti dövründən
başlaması arxeoloji mənbələr əsasında
sübuta yetirilmişdir. Onu da xatırla-
daq ki, Qafqaz və Yaxın Şərqin paleolit
düşərgələrində aparılan arxeoloji qazıntılar
zamanı hələlik Quruçay mədəniyyətini
təkrar edən əmək alətləri qeydə alınmamış-
dır.
Əsərdə Azıxın V mədəni təbəqəsindən
tapılmış azıxantrop barədə də əhatəli
məlumata rast gəlmək mümkündür.
Bəhs olunan əsərin VI fəsli paleolit
dövrü insanların mənəvi aləminə, VII fəsli
isə Azıx paleolit düşərgəsinin dünya arxeo-
logiyasında yerinə həsr olunub.
“Qarabağın paleolit düşərgələri”
kitabının VIII fəsli “Qarabağ arxeoloji və
tarixi mənbələrdə” adlanır. Burada Qara-
bağın 2,5 milyon il bundan əvvəl başlamış
tarixinin XX əsrin sonlarına qədər olan əsas
mərhələləri şərh olunmuşdur. Müəllif əsərin
nəticə hissəsində haqlı olaraq qeyd edir ki,
son 50 ildə Azərbaycan alimlərinin Qarabağ
ərazisində apardıqları arxeoloji, etnoqrafik,
epiqrafik, paleocoğrafi, paleontoloji və pale-
oantropoloji tədqiqatlar ən qədim zaman-
lardan – yəni Quruçay mədəniyyətindən
başlayaraq ulu əcdadlarımızın bu torpaq-
larda yaşadığını, zəngin maddi və mənəvi
mədəniyyət yaratdığını elmi əsaslarla
sübuta yetirmiş və tarixi saxtalaşdırmağa
cəhd edən erməni alimlərinin iddialarının
tamamilə əsassız olduğunu göstərə bilmiş-
dir.
Qafar CƏBİYEV,
AMEA Arxeologiya və
Etnoqrafiya İnstitutunun baş elmi işçisi,
tarix elmləri doktoru
Yeni nəşrlər
“Qarabağın paleolit düşərgələri”
Azərbaycan meyvə-tərəvəz ixracını 64 faiz artırıb
Azərbaycan meyvə-tərəvəz ixracını
artıb.
"APA-Economics" Dövlət Gömrük
Komitəsinin açıqladığı statistikaya istinadən
xəbər verir ki, 2017-ci ilin yanvar-sentyabr ayları
ərzində ölkədən statistik dəyəri 306 milyon 509,96
min dollar olan 314 min 316,56 ton meyvə-
tərəvəz ixrac edilib. Bu, ötən ilin analoji dövrü ilə
müqayisədə 132 min 879,77 ton və ya 63,75 faiz
çoxdur.
Məbləğ baxımından isə illik artım 89 milyon
881,5 min dollar və ya 41,49 faiz olub.
Qeyd edək ki, 2016-cı ilin yanvar-sentyabr
ayları ərzində Azərbaycandan xaricə 216 mil-
yon 628,46 dollar dəyərində 208 min 436,79 ton
meyvə-tərəvəz ixrac edilib.