Avropa Şurası Parlament Assembleyasına
Avenue del’Europe, 67075 Strasburq, Cedex, Fransa
Bakı, Strasburq
27 yanvar 2014
Hörmətli Assembleya Üzvləri,
BİRGƏ QHT BƏYANATI: Azərbaycanın Avropa Şurası Nazirlər Komitəsinə sədrliyi
ərəfəsində AŞPA ölkədə insan hüquqlarının müdafiəsinin təmin olunması üçün
tədbirlər görməlidir
İnsan Hüquqlarının və Əsas Azadlıqların Müdafiəsi haqqında Konvensiya (bundan
sonra “Konvensiya”), onun Protokolları, 222 saylı Rəy (2000), Azərbaycanın Avropa
Şurasına üzvlük üçün müraciəti və bütün müvafiq Avropa Şurası tövsiyələri və
qətnamələrini nəzərə alaraq, biz Azərbaycanda insan hüquqlarının kəskin pisləşməsi
ilə bağlı bu xüsusi müraciəti Sizə göndəririk.
2013-cü il avqust tarixli hesabatında Avropa Şurasının İnsan Hüquqları üzrə Komissarı
Nils Muznieks hökuməti ifadə, birləşmə və toplaşma azadlıqlarını adekvat şəkildə
qorumadığına görə sərt tənqid edib.
Siyasi motivli həbslər davamlı bir problem olaraq qalır. Hal-hazırda yerli hüquq
müdafiəçiləri doqquzu jurnalist, ikisi hüquq müdafiəçisi və üçü sosial media fəalı
olmaqla onlarla siyasi məhbusun olduğunu qeyd edirlər. Amnesty International
təşkilatı hesab edir ki, ölkədə ən azı 19 vicdan məhbusu var və onların çoxu
hakimiyyətə qarşı mediada sərt çıxış etdiyinə görə həbs olunub.
2013-cü il iyunun 13-də Avropa Parlamenti İlqar Məmmədovun həbsi də daxil olmaqla
Azərbaycanda siyasətçilərin, jurnalistlərin və fəalların təhdid və təqib olunmasının
bütün formalarını pisləyən qətnamə qəbul edib. Respublikacı Alternativ hərəkatının
lideri, Avropa Şurasının Bakı Siyasi Biliklər Məktəbinin direktoru İlqar
Məmmədov talançılıqdan tutmuş kütləvi iğtişaşların təşkilinə qədər müxtəlif
maddələrlə ittiham olunaraq 2013-cün ilin fevralından bəri qanunsuz olaraq həbsdə
saxlanılır.
Eyni qətnamə həmçinin Azərbaycanı müstəqil seçki monitorinq təşkilatı olan
“Seçkilərin Monitorinqi və Demokratiyanın Tədrisi Mərkəzi”ni dövlət qeydiyyatına
almağa çağırıb. Bunun qarşılığında isə hakimiyyət təşkilatın lideri, tanınmış seçki
monitoru Anar Məmmədlini həbs edib. Təşkilat son seçkiləri monitorinq edərək Seçki
Günündə kütləvi saxtalaşdırma, seçkiqabağı dövrdə isə fundamental azadlıqların
pozulması hallarını qeydə alıb.
Bununla yanaşı, ifadə, birləşmə və toplaşma azadlığı hüquqlarına tətbiq olunan
məhdudlaşdırmalar Azərbaycanda vətəndaş cəmiyyəti və siyasi fəalların işinə böyük
maneələr yaradır. 2013-cü ilin martında prezident Əliyev QHT-lərin fəaliyyətini,
onların idarə olunması və maliyyə məsələlərini sərt şəkildə tənzimləyən, onların
fəaliyyətini kəskin məhdudlaşdırmaqla yanaşı, hökumətə fəaliyyətini bəyənmədiyi
QHT-lərə təzyiq etmək və ya onları texniki səbəblərə görə bağlamaq imkanı verən
reqressiv qanun layihəsini imzaladı. 17 dekabrda QHT qanununa edilmiş və
Azərbaycan vətəndaş cəmiyyətinin daha da boğulmasına xidmət edən yeni
dəyişikliklər QHT-lər üçün qeydiyyatla bağlı əlavə əngəllər yaradıb və maliyyə
tələblərini daha da sərtləşdirib.
“Azərbaycan tərəfindən öhdəliklərin yerinə yetirilməsi” adlı son hesabatında AŞPA
Monitorinq Komitəsi qeyd edir ki, “korrupsiya və mütəşəkkil cinayətkarlıqla mübarizə
üzrə qanunverici bazanın yaradılmasında irəliləyiş əldə olunub.” *1+ Buna baxmayaraq,
Azərbaycan “Çirkli pulların yuyulması və terrorizmin maliyyələşdirilməsi haqqında”
yenilənmiş Avropa Şurası Konvensiyasını (CETS No. 198) və “Rəsmi sənədlərə
çatımlılıq haqqında Avropa Şurası Konvensiyası”nı (CETS No.205) hələ də
imzalamayıb.
Bununla yanaşı, 2012-ci ildə informasiya əldə etmək hüququ, hüquqi şəxslərin dövlət
qeydiyyatı və kommersiya sirri haqqında qanunlara edilmiş əlavə və dəyişikliklər
informasiya azadlığı üzərinə məhdudiyyətləri artıraraq şəffaflıq və hüquqi şəxslərin
fəaliyyətinə ictimai nəzarət prinsiplərini pozur. Yeni dəyişikliklərə görə müəyyən
olunmuş cəza jurnalistlərin korrupsiya hallarını araşdırmasını daha da çətinləşdirir.
Biz, Avropa Şurasını bu cür əməllərin risk altına aldığı fundamental hüquqların həqiqi
müdafiəçisi hesab edirik. Buraya azadlıq və toxunulmazlıq (maddə 5), ədalətli
məhkəmə araşdırması (maddə 6), şəxsi həyata və ailə həyatına hörmət hüquqlarının
(maddə 8), fikir, vicdan və din azadlığının (maddə 9), fikri ifadə etmək azadlığının
(maddə 10), yığıncaqlar və birləşmək azadlığının (maddə 11) və səmərəli hüquqi
müdafiə vasitələri (maddə 13) hüququnun müdafiəsi daxildir.
Bu müraciətlə, Sizi növbəti sessiyadan istifadə etməklə 1272 (2002), 1305 (2002),1358
(2004), 1359 (2004), 1398 (2004),1456 (2005), 1457 (2005), 1480 (2006),1545 (2007),1614
(2008), 1750 (2010), 1917 (2013) saylı qətnamələrə uyğun olaraq Azərbaycanda insan
hüquqları durumunun yaxşılaşdırılmasını israrla tələb etməyə çağırırıq.
Sizdən, xüsusilə, siyasi motivli ittihamlarla həbs olunmuş şəxslərin azad edilməsi,
Avropa İnsan Hüquqları Məhkəməsinin qərarlarının dərhal və tam yerinə yetirilməsi,
diffamasiyaya görə cinayət məsuliyyətinin ləğv olunması öhdəliyinə uyğun olaraq bu
sahədə yeni qanunun qəbul olunması və ifadə, birləşmə və toplaşma azadlıqları ilə
bağlı
Azərbaycanın
Avropa
Şurası
qarşısındakı
öhdəliklərinə
zidd
olan
məhdudlaşdırıcı qanunların ləğvi tələblərinin Azərbaycana qarşı irəli sürülməsini xahiş
edirik.
Müraciətimizə diqqət yetirdiyiniz üçün öncədən Sizə öz təşəkkürümüzü bildiririk.
Avropa Şurası Əsasnaməsi və AŞPA Prosedur Qaydalarının Sizə verdiyi
səlahiyyətlərdən istifadə etməyiniz bizim bəzi həssas demokratik dəyərlərimizin və
vətəndaş hüquqlarımızın müdafiəsi üçün çox vacib və əhəmiyyətli ola bilər.
İmza edənlər:
1.
Aytəkin İmranova, İslam Demokratiya və İnsan Hüquqları Mərkəzi
2.
Bəşir Süleymanlı, “Seçkilərin Monitorinq və Demokratiyanın Tədrisi Mərkəzi”
İB
3.
Elçin Abdullayev, “Demokratik Təsisatlar və İnsan Hüquqları” İB
4.
Emin Hüseynov, “Reportyorların Azadlıq və Təhlükəsizlik İnstitutu” İB
5.
Əsabəli Mustafayev, Demokratiya və İnsan Hüquqları Resurs Mərkəzi
6.
Ənnağı Hacıbəyli, Azərbaycan Hüquqşünaslar Assosiasiyası
7.
Fuad Həsənov, “Demokratiya Monitoru” İB
8.
Gülnarə Axundova, hüquq
müdafiəçisi
9.
Hafiz Həsənov, “Hüquq və İnkişaf” İB
10.
İlqar Hüseynli, “Sosial Strateji Tədqiqatlar və Analitik Araşdırmalar” İB
11.
İntiqam Əliyev, “Hüquq Maarifçiliyi Cəmiyyəti” İB
12.
İdrak Abbasov, “Extremal Jurnalistika İnstitutu” İB
13.
İradə Cavadova, İnsan Hüquqları üzrə Maarifləndirmə İB
14.
Qubad İbadoğlu, “İqtisadi Tədqiqatlar Mərkəzi” İB
15.
Lətafət Məlikova, Regional İnsan Haqları və Maarifləndirmə İB
16.
Leyla Əliyeva, “Milli və beynəlxalq Araşdırmalar Mərkəzi” İB
17.
Leyla Yunus, “Sülh və Demokratiya İnstitutu” İB
18.
Mirvari Qəhrəmanlı, “Neftçilərin Hüquqlarının Müdafiəsi Mərkəzi” İB
19.
Məlahət Nəsibova, Demokratiyaya Dəstək və İnsan Hüquqları Resurs Mərkəzi
20.
Mirəli Hüseynov, “Demokratiyanı Öyrənmə” İB
21.
Nəsrulla Nurullayev, “Ahıl Ziyalılara Qayğı Cəmiyyəti” İB
22.
Nəsimi Məmmədli, Yayımların Monitorinq Mərkəzi
23.
Novella Cəfərova, Dilarə Əliyeva adına Qadın Hüquqları Müdafiə Komitəsi
24.
Rafiq Təhməzov, “Bərabər İmkanlar Mərkəzi” İB
25.
Rəsul Cəfərov, “
Hüquqi Müdafiə və Maarifləndirmə Cəmiyyəti" İB
26.
Rəşid Hacılı, Media Hüququ İnstitutu
27.
Rövşən Kəbirli, “Həbsxana İslahatları-Azərbaycan” İB
28.
Rövşən Hacıyev, Demokratik Jurnalistika Məktəbi
29.
Samir Kazımlı, “Siyasi Azadlıqları Müdafiə Alyansı”
30.
Şəkərxanım Əliyeva, “Gender bərabərliyi” İB
31.
Vüqar Həsənli, “Demokratik Təşəbbüslər və Sosial İnkişaf” İB
32.
Yaşar Ağazadə, “
Azərbaycan İnsan Hüquq və Azadlıqlarının Müdafiəsi
Komitəsi”
33.
Zöhrab İsmayıl, Azad İqtisadiyyata Yardım İB