Биринҹи фәсил



Yüklə 1,82 Mb.
səhifə8/33
tarix20.10.2017
ölçüsü1,82 Mb.
#5741
1   ...   4   5   6   7   8   9   10   11   ...   33

QƏRBDƏ AİLƏ QURULUŞU


Avropa və Amerikada ailə quruluşu yanlış sütunlar üzərində həyata keçirilir. Qərbin ailə quruluşunu yamsılamaq olduqca yersiz və özünü bədbəxtlik quyusuna atmaq deməkdir. Onların izdivacdan məqsədi pak və müqəddəs deyil. Orada qadın və kişinin izdivacının səbəbi, yalnız və yalnız şəhvətin doydurulmasıdır. Orada ləyaqətli qadın və kişi çox azdır. Elə buna görə də, günah və fəsad Avropa və Amerikanın üzündən bahar yağışı kimi axır.

Qərbdə çox vaxt qadın və kişi fəsad dövrünü, qanunsuz əlaqələri keçirdikdən sonra bir-birləri ilə ailə qururlar. Öz südəmər övladlarını doğurduqdan sonra uşaq evinə tapşırır, sonra isə ana məhəbbəti, ata səmimiyyəti dadmadan geri alırlar. Onu hər bir fəsad süfrəsi başında əyləşdirirlər. Zahirən tərbiyə alsın, bir neçə terminlə tanış olsun deyə, məktəbə göndərirlər. 18 yaşında isə onu azad buraxır, cəmiyyətin, mühitin ümidinə qoyurlar.

Onlar övladlarına tərbiyə verdikdə də yalnız centlmenlik, maddiyyat toplamaq əxlaqı öyrədirlər. Övladın daxili aləmi ilə heç bir işləri yoxdur. Onlar dəyərli, cəmiyyətə lazım olan bir insan tərbiyə etməkdə acizdirlər.

Məgər görmürsünüz ki, onlar dövlət qurduqda cəmiyyət fəsad və zəifləri istismar etmə mənbəyinə çevrilir.

Qərbin ev, məktəb və universitetlərinin mə᾽zunlarının törətdikləri cinayətlərin əvəzi qiyamət gününə qədər ödəniləsi deyil. Onların bə᾽zən özlərini ədəbli, əxlaqlı, insani keyfiyyətlərə malik insanlar kimi davranmaları hələ yağlı tikə əldə etmədikləri üçündür. Onların bu növ davranışları aşağıdakı hekayəni xatırladır:

Bir kişi dostuna deyir: «Mən pişikləri tərbiyə edib ədəbləndirmişəm. Belə ki, süfrə başında müxtəlif yeməklər olduğu bir halda, onlar qonaqlar işıqda əyləşib rahat yemək yesinlər deyə, əllərində şam tuturlar». Dostu ona deyir: «Pişiyin bu tərbiyəsinə güvənib, ona bel bağlamaq olmaz. Sən məni evinə də᾽vət et, bunu sübuta yetirim». Dostu onu evinə də᾽vət edir. Qonaq pişiyin süfrə başında dayanıb yeməklərə gözünün ucu ilə belə baxmayaraq, evin işıqlanması və qonaqların rahat yeməsi üçün şam tutduğunu müşahidə edir. İşin qızğın yerində özü ilə gətirdiyi siçanı çıxarıb, süfrəyə qoyur. Siçanın qaçmaq istədiyini görən pişik şamı bir tərəfə atıb, onu tutmaq üçün yırtıcı bir şir kimi süfrəyə atılır. Süfrənin gözəl düzümünü, eləcə də qonaqların kefini pozur.

Bəli, Avropanın, qərbin verdiyi tərbiyə bu tip tərbiyədir. Özlərinə lazım olan yağlı tikəni tapmayınca, çox aram və ədəblidirlər. Lakin gözləri zəif millətlərin neftinə, qızılına və digər mə᾽dənlərinə düşdükdə, onların haqqına təcavüz etmək üçün tərbiyə çırağını kənara atıb, yırtıcı heyvan kimi zəif millətlərin bütün mə᾽nəvi və maddi heysiyyətlərinə hücum edir və maddi məqsədlər üçün günahsızların qanı üzərindən keçirlər.

Qərb millətlərində mövcud olan fəsad, haram istəklərin qələbəsi, qətl, qarət və sair bu kimi qeyri-insani keyfiyyətlər yanlış ailə quruluşunun məhsuludur.

Avropa və Amerika evləri Allah-təalanın ibadət məkanı olsaydı, bu zaman həmin evlər cəmiyyətə ilahi əxlaqla zinətlənmiş, yüksək məramlı, şərəfli insanlar bəxş edərdi. Lakin onların evləri belə xüsusiyyətlərə malik olmadıqları üçün məhsulları da acı və dadsız olur. Belə bir uyğunsuz quruluş heç bir şəxsə örnək ola bilməz. Şübhəsiz ki, onları özünə örnək edən şəxslər onlardan da pis günə düşəcəklər!

DÖRDÜNCÜ FƏSİL

İSLAM VƏ BƏŞƏR TARİXİNDƏ QADININ YERİ

AZĞIN İNSANIN QADIN HAQQINDA YANLIŞ TƏSƏVVÜRÜ


Təkəbbürlə yaşayan, Haqq tə᾽limlərindən uzaq düşən millətlər dünya və insana aid məsələlərdə yanlış təsəvvürlərə malikdirlər. Onlar bir çox vaxtlar varlıq aləmi, məxluqat haqqında həqiqətdən uzaq fikirlər yürütmüşlər. Bununla da, özlərinə və başqalarına böyük bir zülm etmiş və tarix səhifələrinə alçaqlıq, rəzillik, səviyyəsizlik yazmışlar.

Belə yanlış yürüdülən fikirlərdən biri də qadın haqqındadır. Onlar qadın haqqında həqiqətə uyğun olmayan, qeyri-insani fikirlər yürütmüşlər.

İstər qərbdə, istərsə də şərqdə yazılan kitabları mütaliə etdikdə belə bir nəticə əldə etdim ki, haqqdan uzaq düşmüş, həvayi-nəfsə qərq olmuş millətlər (qərbdə və ya şərqdə) qadın haqqında aşağıdakı on səhv və qeyri-məntiqi fikirləri yürütmüşlər:

1. Tam zəif bir məxluqdur. Buna əsasən də, bütün sahələrdə sorğu-sualsız kişiyə tabe olmalı və ailədə belə, heç bir müdaxilə haqqına malik olmamalıdır.

2. Şeytani ruha malik bir məxluqdur. Buna görə də, bütünlüklə insaniyyət hüdudlarından xaricdir. Əgər ona dəyər verməli olsaq, onun yeri insanla heyvan arasındadır. Bu səbəbdən heç bir qiyməti yoxdur və onun üçün heç bir şəxsiyyət təsəvvür etmək olmaz.

3. Əlində olan heç bir əşyaya malikiyyəti yoxdur. O, yalnız kişi məsləhət bildiyi zaman malikiyyət qazana bilər. Bu da hər şey haqqında ola bilməz.

4. Heç bir irs ala bilməz. O özü irs qalan əşyalardandır. Atası və ya əri vəfat etdikdən sonra irs olaraq digərlərinə qalır.

5. İbadət, bəndəlik, mə᾽nəviyyat sahəsinə daxil olmaq onun haqqı deyil. Çünki onun etdiyi ibadətin (özü kimi) heç bir dəyəri, qarşılığı, savabı yoxdur. Çünki o, ağıl baxımından çox zəif və həvəsə uyan bir varlıqdır.

6. Hüquqi baxımdan atasına və oğluna nisbət verilmək ləyaqətinə malik deyil. Onların arasındakı əlaqə yalnız qandır. Anası, atası və qardaşı ilə yalnız qandaş (damarlarında eyni qan olan) olduğu deyilə bilər, nəinki, övlad və ana.

7. Ailə qurduqda onun övladları atasının nəvəsi deyildirlər. Qayınata və övladlar arasındakı yadlıq şübhəsizdir. Qohumluq yalnız oğlan övladı tərəfindəndir.

8. Onunla kişi arasında ölüm məsələsində köklü fərqlər var. Kişi ölümdən sonra da yaşayır, qadın isə ölümlə məhv olub gedir.

9. Qadın əşyadır. Buna görə də, kişi öz malı ilə istədiyi kimi davrana bildiyi kimi, qadınla da bu şəkildə davrana bilər. Onu borc və kirayə verər, bağışlayar, satar, qovar və hətta öldürə də bilər.

10. Şəhvət alətidir. Yalnız kişinin ləzzət, zövq alması üçün yaradılıb. Kişi ondan bəhrələnərkən, heç bir qayda-qanun tanımır.

Bu onuncu nəzəriyyədə Haqdan uzaq düşmüş Amerika və Avropa daha çox ifrata varmışlar. Qərbin əksər hissəsində qadın heyvani və şəhvani müəssisələrin daha çox müştəri cəlb etmək və saysız-hesabsız pul qazanmaları üçün kino, televiziya, video, saysız-hesabsız jurnal və qəzet materiallarına çevrilmişdir.



Yüklə 1,82 Mb.

Dostları ilə paylaş:
1   ...   4   5   6   7   8   9   10   11   ...   33




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə