BiSMİllahir-rəhmanir-rəHİM
Yüklə 1,27 Mb.
|
|
“Allahın Rəsulu” yazılan zaman Təkidlə imtina eylədi ondan: – Səni Rəsul kimi bilsəydik əgər Niyə vuruşurduq indiyə qədər? Peyğəmbər əliyə verdi tapşırıq “Rəsul” kəlməsini poz getsin artıq. Həzrəti əlinin əli gəlməyir “Rəsul” kəlməsini poza bilməyir. Həzrət öz əliylə bu sözü pozar Mühəmməd əbdüllah oğlu yazdırar. Qərarın şərtləri yazılan zaman On il müharibə oldu qadağan. Bu il ziyarəti etdilər yasaq Lakin bu gələn il mümkün olacaq. Həcc mərasimin keçirmək üçün Zəvvarlar qalacaq cəmisi üç gün. Ziyarətə gələn hər bir müsəlman Məkkəyə girəcək silah almadan.” Bir neçə əlavə şərtlər yazıldı Hər iki tərəfdən möhür basıldı. Bu şərtlər çox ağır olsa da ancaq Peyğəmbər bunlarla razılaşaraq. Buna “fəthi mübin” adını verir Uzaqgörənliyin aşkar göstərir. Sonralar burada yazılanların Xeyrinə olacaq müsəlmanların. Başların qırxdırıb kəsdilər qurban. Həzrət Mədinəyə getdiyi zaman Yolda nazil oldu “Fəth” surəsi Onlara vəd etdi zəfər müjdəsi. Gedib Mədinəyə çatdılar artıq Müsəlmanlar içrə yox narahatlıq. Sülh müqaviləsi olmuş bərqərar İslam ordusunu tanıyırdılar. Qərar qəbul etdi Peyğəmbər qəti Hər yerə yaymalı islamiyyəti. Elçilər göndərdi dərhal İrana Bizansa Misirə Həbəşistana. Böyük dövlətlərə namə göndərir Onları islama o dəvət edir. Gümüşdən düzəlmiş möhürü vardı “Mühəmmədən Rəsulüllah” yazardı. İran hökmdarı məkubu almış Allahın adıyla görür yazılmış. Sonra da öz adın Rəsuli–əkrəm Xosrovun adından yazdırmış əqdəm. Bunu təhqir sayıb Xosrov bağırmış Elçini qovaraq məktubu cırmış. Bəzi hökmdarlar oldular xoşhal Məktubuna cavab yazdılar dərhal. Bir qismi islama eylədi səcdə Misirin hakimi gələrək vəcdə Həzrətə göndərdi iki cariyə Bunlardan birini adı Mariyə. Bu qızlar haqqında bir az sonradan Söhbət açılacaq bir yaxşı zaman. Xeybər Mədinədən bir qədər kənar Şimal yol üstündə tutmuşdur qərar. Ərazisi münbit səfalı yerdir Əsas əhalisi yəhudilərdir. Əksəri burada sakin olanlar Bir vaxt Mədinədən qovulmuş onlar. Hicrətin altıncı ilinin sonu Həzrəti Peyğəmbər eşidir bunu. Xeybərdə yaşayan yəhudilərlə İslam düşmənləri vermiş əl–ələ. Qətəfanlılarla bağlayır saziş İslamı boğmağa ayağa qalxmış. Yerli ərəbləri qaldırıb yığar Mədinəyə hücum hazırlayırlar. Rəsuli–əkrəmin əsas məqsədi Sülh yoluyla bunu yatırmaq idi. Odur ki Xeybərə elçilər gedir Görür yəhudilər lovğalıq edir. Mədinədən sürgün olanlar hamı Din kimi tanımır əsla islamı. Heç bir müqavilə bağlamayaraq Elçilərə deyir gəlmisiz nahaq. Müsəlmanlar ilə edir ədavət Elçilərdən bunu eşidir Həzrət. Mədinədən yürüş etdiyi zaman Həzrəti Peyğəmbər eləyir elan: – “Qarşıdakı hərbin əsas əmalı Qənimətdən qəti söz olmamalı Düşmən hərəkətə keçməzdən qabaq Onların Xeybərdə qarşısın alaq.” Min altı yüz nəfər üç günə qədər Xeybərə yetişdi cihad edənlər. Həzrəti Peyğəmbər sülh təklif edir Yəhudilər bunun əksinə gedir. Təcrübələrinə əsaslanaraq Hazır vəziyyətdə əllərdə yaraq Pəhləvanlarına güvənirdilər. Çəkinmədən hərbə qərar verdilər. Peyğəmbər əmr etdi başlandı savaş Müsəlmanlar keçdi hücuma birbaş. Xeybərdə yerləşən yeddi qaladan İkisini təslim etdilər asan. Naim qalasında çətinləşdi iş Əvvəl əbu Bəkr hücuma keçmiş. Qaladan atılan ox atəşləri Onu məcbur etdi qayıtsın geri. İkinci gün ömər döyüşə girdi Nə qədər ardıcıl hücum edirdi Onun da üzünə tale gülmədi Heç cəhdlə qalanı ala bilmədi. Peyğəmbər bu zaman: – Sabah ələmi Elə bir kişiyə verəcəyəm ki Mütləq qələbəylə geri dönəcək Çünki o Allahın dostudu kercək. Səhər tez ələmi əliyə verir Xeyir–dua ilə onu göndərir. Hücuma başlayır Həzrəti əli İldırımtək kəsir doğrayır əli. Bir ara əlinin döyüş zamanı Əlindən çıxaraq düşür qalxanı. Daha da qızışır Allahın şiri Əlinə keçən tək qapının biri Yerindən qopardıb qaldırır bunu Qalxan əvəzinə işlədir onu. Naim qalasını tez alıb əli Kamus qalasına gedir irəli. Onun qarşısına çıxır bu zaman Qalanı qoruyan güclü pəhləvan. Adı Mərhab özü əslən yəhudi Yetmiş cəngavərə bərabər idi. Meydana girdilər onlar təkbətək Mərhab özün bir an tərifləyərək Şəninə yazılmış şerlər dedi O ki var özünü tərif eylədi: – Mən sınaqdan çıxmış bir pəhləvanam Vurub öldürməyə doğmuşdur anam! – Mənim də adlarım Murtuza Heydər Qarşıma çıxanlar iki bölünər! Bir əlində qılınc birində qalxan Üz–üzə gəldilər iki pəhləvan. Çox gedən şiddətli mübarizədə Mərhab ancaq oldu müdafiədə. Əli son zərbəni endirdi ona İkiyə bölünüb düşdü bir yana. Allahın sevimli qüvvət sahibi Xeybərdə ad aldı “Xeybər Fatehi”. Başqa qalalar da alındı bir–bir Müsəlmanlar nə var ələ keçirdir. Düşmənlərdə artıq qalmamışdı hal Yəhudilər təslim oldular dərhal. Onların haqqında görüldü tədbir Gəlirləri “Beytülmal”a verilir. Xeybərin sülhündən sonra Peyğəmbər Orada istəyir qalsın bir qədər. Yəhudilər verir ona ziyafət Süfrəyə qoyarlar zəhərlənmiş ət Bir tikə götürüb ağzına salmış Xörəyin tamından şübhəli qalmış Tikəni az müddət çeynəyən zaman Ağzından çıxarıb atır udmadan. Yanındakılardan Bəşir udantək Oradaca ölür zəhərlənərək. Xörəyi bişirən Zeynəb bu zaman Təqsirin boynuna alır qorxmadan: – Sınamaqdan ötrü etmişəm dedi Əgər hökmdarsa ölməli idi. Bunu bilirdim ki əsil Peyğəmbər Hiss edib yeməkdən imtina edər. Onun günahından keçsə də Həzrət Qız canın qurtara bilməyir fəqət Ölən döyüşçünün qohumlarından Onu öldürürlər artıq bu zaman. Ordu Mədinəyə zəfərlə döndü Fərəh hissi ilə qəlblər döyündü. Sonuncu dəstəylə Cəfəri–Təyyar Həbəş ölkəsindən qayıtmışdılar. Peyğəmbər Cəfərin üzün öpərkən: - Hansına daha çox sevinim görən, Bilmirəm Xeybərin fəth işinə Ya da ki Cəfərin bu gəlişinə. Xeybərin fəthindən sonra bu ara Qadağan edilir müsəlmanlara. Vəhşi heyvanların ya qatır eşşək Caynaqlı quşların ətini yemək. Hamiləlik dövrü qurtaranadək Əsir qadınlarla yaxınlıq etmək. Qızılı gümüşü alıb satanlar Qiymətinə uyğun satmalı onlar. Hicrətdən keçirdi artıq yeddi il Bu ağır illəri kim etsə təhlil Belə nəticəyə gələcək onda Onlar yaşadılar çətin zamanda. Bir yandan bütpərəst qureyşilər də O biri tərəfdən yəhudilər də Düşmən kəsildilər islamiyyətə Birləşib əl atdı hər xəyanətə. Münafiq tərəf də düşəndə fürsət Gizlində əlaltı edir rəzalət. İslam onlar üçün oldu dərdi–sər Həzrətə qəsd etmək istəmişdilər. Yeddi il döyüşlər vermədi ara Bu sınaq dövriydi müsəlmanlara Dinləri uğrunda möhkəm durdular Hər üç cəbhə ilə vuruşurdular. Xeybər davasında yəhudiləri İslamın ordusu oturtdu geri. Tovhid dini artıq irşad edirdi Bağlanmış sazişdən bir il gedirdi. Müsəlmanlar üçün gəldi bir zaman Həzrəti Peyğəmbər eylədi bəyan: – Qüdrətli Rəbbimiz yol açsa əgər Bu ay ziyarətə getməlidirlər. Müsəlmanlar çoxdan gözləyirdilər Onlara ruh verdi belə bir xəbər. Allahın Rəsulu buyurur bunu Mühacirlərəsə şadlıq oldu bu. Onlar Mədinəyə hicrət edəndən Böyük bir arzuyla yaşayır ikən Allahın əmriylə gəldi həmin gün Açıldı illərlə bağlanmış düyün. Doğma yurdlarına gedəcək onlar Kəbəni ziyarət edəcək onlar Məkkəyi–mükərrəm qibləgah yeri Orada qalmışdır istədikləri. Ürəklərdə sevinc hamı bəxtiyar Qurbanlıq götürüb hazırlaşdılar. Sübh namazından sonra duraraq Zilqədə ayında zöhrdən qabaq İki min zəvvarlar düzəldi yola. Məkkəyə çatmağa az qalmış ola Kəbəni görən tək dillərdə “Təkbir“ “Ləbbeyk əllahummə Ləbbeyk” yüksəlir. Qureyş gələnləri gördü uzaqdan Hamısı şəhərdən çıxdı bu zaman. Ətraf təpələrdə qurdular çadır Gələn zəvvarlara uzaqdan baxır. Kəsva dəvəsindən düşür Peyğəmbər Onun arxasınca ziyarətçilər Hamı birnəfərtək Kəbəyə girdi Təvaf əməlini sona yetirdi. Səfanı Mərvəni səy edib bir an Ehramdan çıxmağa kəsdilər qurban. Günorta əzanın verərkən Bilal Camaat namazı qılındı dərhal. İlk dəfə Məkkədə verildi əzan Məkkənin göyləri titrədi bu an. Müsəlmanlar üç gün qaldı Məkkədə O günlərdə bayram edir Məkkə də. Zəvvarlar içində bir canlanma var Qohumların gedib yoxlayır onlar. Malına mülkünə hamı baş çəkir Ədəb nəzakətlə hərəkət edir. Hamısı tər–təmiz alır dəstəmaz Namazın qılaraq edir raz–niyaz. Onlar bir–birinə necə mehriban Məkkəlilər görüb oldular heyran. Əmin–amanlıqla keçir ibadət Şad bir çöhrə ilə danışır Həzrət. Dediyi sözlərin mənası dərin. Qəlbini fəth etdi məkkəlilərin. Valid oğlu Xalid fikrə gedərək Həzrətə edilən hörməti görcək: – Ağlı öz başında olarsa hər kəs Mühəmmədə “kahin” “cadukün” deməz. Deyərək qəlbində sevgi oyandı Müsəlman olmağa arzu yarandı. Şərtin müddətinə görə hacılar Məkkədən üç gündən sonra çıxdılar. Xalid Mədinəyə yola düşərkən Əmr ibni Asa rast gəldi birdən. Peyğəmbərə qəddar bir düşmən olan Hara getdiyini soruşdu ondan. Xalid cavabında:– Ya əmr deyir: – Mühəmməd vallah Haqq Peyğəmbəridir. Artıq vuruşmaqda görmürəm məna Gedirəm ki beyət eyləyəm ona. Əmr dedi: – Mən də bu fikirdəyəm. Sənə bu işində oluram həmdəm. Xalid əməlindən olmuş peşiman Ühüd döyüşündə vuruşan zaman Atlı dəstəsinə başçılıq etmiş Arxanı yararaq hücuma keçmiş. Onun sayəsində qureyşililər Ühüd döyüşündə qazandı zəfər. Əmr də Misirin fatehi kimi Şöhrət qazanmışdı bir dahi kimi. Mədinəyə gəlib çatdığı anlar Peyğəmbərə belə buyurdu onlar: – İslamiyyətə biz gətirdik pənah Müsəlman oluruq ya Rəsulüllah. Günahımız varsa bağışla bizi Ağ edək qaralmış üzlərimizi. Dünən Peyğəmbərə düşmən deyənlər Bu gün oldu ona boyun əyənlər. Bunlar ki islamı qəbul etdilər İslamın şöhrəti artdı sərasər Bir il əvvəl xəbər vermişdi Həzrət “Fəthi mübin” oldu əsl həqiqət. Səkkizinci ili hicrətin oldu Peyğəmbər göndərdi şimala ordu. Tarixçilər bunu belə şərh edir Bu hücuma iki səbəb göstərir. Hicrətin altıncı ilində Həzrət Ətrafı islama edəndə dəvət. Busra hakiminə o zaman hələ Məktub göndərmişdi bir elçi ilə. Məktubu alantək Harisi Həssan Elçini etmişdi qanına qəltan. İkinci səbəbin belə deyirlər Bir neçə elçini yenə Peyğəmbər Göndərir islama dəvət eyləsin Mutə şəhərində olan canişin Məktubu cıraraq vəhşilik edir Gələn elçiləri qətlə yetirir. Odur ki Həzrəti Rəsuli–Xuda Vəzifə bölgüsü edir orduda. Üç min əsgər olan orduya Zeydi Başçı təyin edib bayrağı verdi. Sonra əsgərlərə etdi nəsihət Ehtiyatlı olun tapşırdı Həzrət: – Qadın uşaqları öldürmək olmaz Evləri yandırmaq hünər sayılmaz Ağacları kəsib tələf etməyin Təxribat yolunu tutub getməyin. İslamın ordusu hərəkət edir Qeysərin valisi bunu eşidir Bütün qüvvəsini bir yerə yığır Rum əsgərlərin də Qeysər toplayır. Yüz min nəfərlik bir qüvvətli ordu Üç min nəfər ilə üz–üzə durdu. Sayca üstün olan xristianlar Müsəlmanlar ilə hərbə başlayar İslamın ordusu gəldi heyrətə Rast gəlməmişdilər belə qüvvətə. Geriyə dönmək də deyildi mümkün Döyüşə girməyi tutdular üstün. Dillərində böyük Tanrının adı Mutədə bir gərgin döyüş başladı. Hərbi təchizatda mükəmməl olan Düşmənlər hücuma keçir qorxmadan. Ələmdar Zeydi ilk şəhid edirlər Bayrağı tez ondan alaraq Cəfər Düşmən üzərinə hücuma keçir Qılıncı şimşək tək doğrayır biçir. Onun dörd tərəfdən yolun kəsdilər Kafirlər hər iki qolun kəsdilər. Ələmə sarılıb yerə düşərkən Bayrağı əbdullah qaldırdı yerdən. Onu da tezliklə etdilər həlak Faciə baş verdi daha hövlnak. Hərə bir tərəfə qaçır bu zaman Xalid ibni Valid dərhal durmadan Dağılan ordunu qaytardı geri Bir yerə topladı tez əsgərləri Onlara ruh verib qaydaya saldı Özü də bayrağı əlinə aldı. Əsgərlik dühasın göstərdi bu an Vuruşur düşməni saya almadan. Öndəki qüvvəni arxaya çəkir Arxa qüvvələri önə keçirir. Düşmənlər özlərin itirdi birdən Yeni qüvvə gəlib elə bilərkən Xalid hücum əmrin verdi bu zaman Geri çəkildilər qorxularından. Xalid bu məqamda taparaq fürsət Əsgərlərin geri çəkir nəhayət. İslamın ordusun o xilas edir Düşmənlər də qorxub təqib etməyir. Nə qalib nə də ki məğlub olmadan Onlar Mədinəyə gəlir bu zaman. Vuruş məharətin Həzrət eşitdi Xalidin adını “Seyfullah” etdi. Döyüşdə qolların itirmiş Cəfər Bunu belə izah etdi Peyğəmbər: – İki qollarına əvəz olaraq Cənnətə girməyə verildi qanad. O mələklər ilə uçur bərabər Cəfərə Cəfəri–Təyyar dedilər. Uzun sürən döyüş aparılmadan Bizanslılar bundan razı düşdülər Tez qurtarmasına sevinmişdilər. Xalidin ağıllı hərb dühası Bir növ yaratmışdı zəfər havası. Mütə döyüşündən sonra Qətəfan Nəcit Süleym Eşcə Fəzarə Zübyan Sair qəbilələr oldu müsəlman Onların sayları artır durmadan. Mutə döyüşünü qureyşililər Məğlubiyyət kimi qəbul etdilər. Bizans ordusunun bilsə də sayın Bu haqda söz–söhbət yayır arxayın. Guya zəif düşüb islam ordusu Onlara cəsarət ümid verdi bu. Bağlanmış sazişi saya almadan Qureyş Bəni–Bəkir birləşib bu an Onlar bir–birinin tərəfdarıtək Qəflətən Xuzaəyə hücum edərək Hüdeybiyyədəki müqavilənin Əsas şərtlərindən pozdular birin. Müsəlmanlar ilə müttəfiq olan Xuzaədən qırx nəfər gəlir bu zaman Həzrətə olanı deyirlər nə var: – Bəni–Bəkir bizi qırıb çatdılar Hərəmi–şərifə girib sığındıq Orada da qanlar tökdülər artıq Sənə verdikləri sözdən döndülər Bizdən namaz üstə öldü nə qədər. Gəlmişik sən bizə imdad edəsən Qurtaraq Qureyşin fəlakətindən. Bundan mütəəssir olub Peyğəmbər Qureyş başçısına göndərir xəbər. Ölənlərin vermək diyəsin ya da Müqavilə gücün itirir onda. Qureyş vəziyyəti düşünüb dərin Vaxtın uzatmaqçün müqavilənin Əbu Süfyan gedir danışıqlara Kiminlə görüşüb əl atır hara Bir yaxşı nəticə olmadı mümkün Artıq müqavilə itirdi hökmün. Süfyan gecikmişdi mədinəlilər Olan hadisədən tutmuşdu xəbər. Məkkənin rəisi qayıdır geri Bu narahat edir qureyşiləri. Onlar bilirdilər bir gün gələcək Mühəmməd Məkkəyə hücum edəcək. Səkkizinci ilin ramazan ayı On min nəfər oldu əsgərin sayı Ordu hərəkətə tam hazır ikən Məqsədin qoşuna hiss etdirmədən Əshabi–Kiramə bildirdi Həzrət Gizlin saxlanmalı bizim hərəkət. Qureyşilər bundan tutsalar xəbər Müqəddəs yerdə qan tökülə bilər. Məkkənin fəth etmək zamanı gəldi Ordu hərəkətə hazır düzəldi. Mədinədən çıxan əsgərlər səf–səf Yol alıb getdilər Məkkəyə tərəf. Yer–göy toz dumana bürünür bu dəm Ordunun başında Rəsuli–əkrəm Gəldilər Məkkəyə yaxın bir yerə Peyğəmbər dalmışdır düşüncələrə,. Qureyşin haqqında fikir edirdi Qətiyyən qan tökmək istəməyirdi. Öz–özünə deyir: – Nə olaydı kaş Bizim aramızda olmaya savaş. Əmisi Abbası o görür bu dəm Öz ailəsi də yanında bahəm Müsəlman olmağı qərara almış Mədinəyə hicrət yolunu salmış Əmi qardaşoğlu durdu yan–yana Həzrəti Peyğəmbər söylədi ona: – Sonuncusu mənəm Peyğəmbərlərin Sən də sonuncusu mühacirlərin. Dünən tərk etdiyi Məkkəni bu gün Orduya qoşuldu fəth etmək üçün. İslamın ordusun görəndə Abbas Qureyşin halına acıdı bir az. Qureyş müşriklərə aldanıb əgər Silaha əl atsa yanıb tökülər. Zülmət pərdəsini çəkdiyi anda Gəlib dayandılar Mərrizəhranda. Həzrəti Peyğəmbər tapşırdı dərhal Hər əsgər yandırsın bir böyük tonqal Ordunun sayını əgər görsələr Bütpərəstlər sülhə o zaman gələr Sülhə məcbur etmək məqsədi ilə Tonqal yandırtdırdı o bilə–bilə. Ən ali məqsədi qan tökməyərək Məkkəni dinc yolla yalnız fəth etmək. Tonqallar yanırdı on mindən artıq Qureyşin içində var narahatlıq. Gecənin zülmətin alovlar yarır Məkkə əhalisin sülhə çağırır. Əbu Süfyan ilə bir neçə nəfər Gizlicə ətrafı seyr edirdilər. Abbas da ətrafı gəzişən zaman Süfyanı tanıdı danışığından. Biri digərinə deyir:– Bu qədər Nə alov görmüşəm nə də ki əsgər. Bunların görəsən nədir məqsədi? Abbas yaxın gəlib fərəhlə dedi: – Səhər açılantək islam ordusu Məkkəyə girəcək daha doğrusu. – Çarəsi bəs nədir? – Soruşdu Süfyan. Əlindən tutaraq Abbas bu zaman Həzrətin yanına gətirir onu. Ömər görən kimi əbu Süfyanı Rəsuli–əkrəmin yanına girmiş: – Cəza verilməli ona deyirmiş. Abbas qəti buna verməyir imkan Peyğəmbər soruşur: – Ey əbu Süfyan Allahın varlığın tanıyaraq sən Peyğəmbərliyimi təsdiq edirsən? Süfyan əməlindən olmuş peşiman Şəhadət kəlməsin eylədi bəyan. Hamısı sevindi bunu görənlər Ucaldı sədası “Allahu əkbər”. Bununla Məkkə fəth edilmiş demək Abbas Peyğəmbərdən xahiş edərək: – İftixarı sevən adamdı Süfyan Ona bir lütf et Həzrət bu zaman: – Kim əbu Süfyanın evinə girsə Yaxud öz evində vaxtın keçirsə Məscidül–hərəmə kim gedib çıxar Hər üçündə onlar toxunmazdılar. Məkkəyə dönərək tez əbu Süfyan Müsəlman olduğun deyir bu zaman. Məkkəlilər təslim oldular artıq Məkkənin üstündən getdi qaranlıq. İslamın nuruna bələndi hər yan Bütpərəstlər dönüb oldu müsəlman. Həyəcan içində yaşayır şəhər Əsgərlərsə əmr gözləyirdilər Ordunu cəm edib Rəsuli–əkrəm Belə bir göstəriş o verir bu dəm: – Hücumlara məruz qalmadıqca siz Qətiyyən döyüşə girməyəsiniz. Sizə istəyimi bildirirəm mən Məkkəyə girməli qan tökülmədən. Bu idi Həzrətin böyük arzusu. Şəhərə girəndə islam ordusu Evlərinə girir bəzi adamlar Bəzisi məscidə girib sığınar. Şəhərə dörd qoldan girərkən ordu Cəmisi bir yerdə toqquşma oldu. Xalidin girdiyi cənub səmtindən Bütpərəstlər hücum edir qəflətən İki müsəlmanı etdilər şəhid Bunun cavabını verəndə Xalid Onlardan on üçün qətlə yetirmiş Başçıları qaçıb izin itirmiş. Həzrəti Peyğəmbər məmnundu indi Yüksək bir təpədən Məkkəyə endi. Gözünə Məkkənin alt tərəfindən Qılınc parıltısı birdən dəyərkən Bundan mütəəssif olub Peyğəmbər: – Sizə dönə–dönə demədim məgər Məkkəyə girəndə tökülməsin qan? Xaliddən ətraflı öyrənən zaman: – Bu hökmü ilahi imiş söylədi Bəlkə də bu belə lazımmış dedi Peyğəmbər əvvəlcə Kəbəyə girdi Təvaf əməlini tamam bitirdi. Xalqın qarşısında orada məşhur Fateh xütbəsini irad buyurur: – “Allahdan başqa heç bir tanrı yoxdur Şəriki də yoxdur yalnız tək odur. Allah öz vədinə əməl edərək Bu sadiq quluna eylədi kömək. Allah nəzərində ən şərəfliniz Mömin olanlardır yəqin bilin siz”. Həzrət Tovhid dinin eyləyir elan Bütün davaları edir qadağan: – “Ey Qureyş xalqı mal–dövlətlə siz Əsl–nəcabətlə öyünməyiniz. Bir sinfin özünü başqa sinifdən Üstün tutmamalı bildirirəm mən. Allahın quludur bütün insanlar Hamısı Adəmdən yaranmış onlar. Adəmi torpaqdan yaratmış Allah Hər şeyi biləndir hər şeydən agah. Qurani–kərimə kim salsa nəzər Bütün insanları bərabər görər. Tanrının önündə hamı bərabər Nə ərəb olmayan nə də ərəblər Qeyri millətlərdən üstün sayılmaz İslamda irq nəsəb rəng fərqi olmaz. Gördüyü işlərlə insan yüksəlir Qiyməti əmələ görə verilir. Allah nəzərində ən yaxşı insan Sayılır xeyirli iş görən zaman”. Peyğəmbər xütbəsin dedi bu qədər Sonra bəyan etdi: – Ey qureyşilər Bu gün sizi yoxdur qınamaq daha Bağışladım sizi böyük Allaha. Gedin sərbəstsiniz hamınız dedi Sanki qəlblərini o fəth eylədi. Onları əfv etdi Rəsuli–Xuda. Əgər o keçmişin salsaydı yada Əziyyət verdilər ona bir ara Nələr etmədilər müsəlmanlara Məğrur başlarını yerə dikənlər Kəsdilər günahsız başlar nə qədər. Bədr döyüşündə çalsaydı zəfər Hamını sonadək məhv edərdilər. “Xəndək davası”nda nə etmədilər Xəndəyi atlanıb keçsəydi əgər Mədinəni tamam dağıdardılar Çünki onlar qatı zülmkardılar. Həzrəti Peyğəmbər belə etmədi Onların getdiyi yolla getmədi Kim onun yerində olsaydı əgər Şəhəri dağıdıb alt–üst eyləyər. Bir damla qan yerə düşməsin deyə Girmək istəyirdi ulu Məkkəyə. Tarixdə döyüşlər olmuş nə qədər Həzrəttək olmamış heç bir fatehlər. O öz mərhəmətin etdi nümayiş Sanki böyüklüyün göstərə bilmiş. Peyğəmbər nitqini qurtaran zaman Kəbənin açarın alır Təlhadan. Qapını açaraq girdi içəri Gördü buradakı cansız bütləri Divarlarda vardı rəngli yazılar Həzrətin əmrilə pozuldu nə var. Divarda mələklər rəsmi çəkilmiş Gözəl qadın kimi təsvir edilmiş. Həzrət sildirərək bu çəkilmişi: – Mələklərdə yoxdur nə qadın kişi. Sonra da bütləri yerə atdılar Üç yüz altmışını qırıb çatdılar. Ühüddə vuruşma çatarkən sona O gün bayram idi əbu Süfyana. Ühüd təpəsinə çıxıb vüqarla Peyğəmbərə qarşı o iftixarla “Yüksəl şanlı Hübel” coşub bağırmış Hübel zibilliyə etdi sıçrayış. Bütün müsəlmanlar başda Peyğəmbər Kəbəni bütlərdən təmizlədilər: – “Haqq gəldi batilsə oldu pərişan”. Peyğəmbər ayətdən dedi bu zaman Bütləri etdilər xak ilə yeksan Artıq “Yüksəl Hübel” yoxdur qışqıran. “Lat və Üzza haqqı” deyən yox daha Bir ibadət vardır o da Allaha. Yanıqlı səsilə Bilal bu zaman Kəbənin üstündən başlayır əzan Hər yerə yayılır “Allahu əkbər” Sədası ucalır göylərə qədər. İman tellərini coşdurur Bilal Bu səsi eşidən möminlər dərhal Hamısı namaza düzülür səf–səf Üzləri Həcərül–əsvədə tərəf Yüklə 1,27 Mb. Dostları ilə paylaş:
|