Biz özgənin yaratdığı dünyada yaşayırıq
Yüklə 360,3 Kb. Pdf görüntüsü
|
62 III Bölüm Kədərin göz yaşı Mətnin bu yerindən etibarən hiss olunur ki, əvvəlki kimi səliqəli yazmırlar. Tək hərf səhvləri yox, tez-tez başqa qrammatik səhvlərə də yol verirlər. Çoxdanın tanışı kimi sadə yazı dilinə keçiblər. Asan yazılsın deyə ingilis şriftlərindən istifadə edirlər. Rəssam qrammatik qaydaları qorumağa çalışsa da, Qadın sözləri qısaldır, məsələn, “təşəkkür” əvəzinə “tsk” yazır. “Smaylik”lərdən, başqa simvolik işarələrdən bol istifadə edirlər. Elə bil hiss və duyğularını daha çox sözlərlə yox, işarələrlə demək istəyirlər. Bəzən demək istədikləri sözün yerinə bir lirik musiqi, bir həzin mahnı, bəzən də duyğuların ifadəsi kimi müxtəlif saytlardan maraqlı yazı linkləri göndərirlər. Onları mətnə salmağa lüzum görmədim. Dediyim odu ki, bir-birlərini daha sözsüz, eləcə işarələrlə də anlayır, duyurlar. Arada intim söhbətə keçdilər. Bəlkə çıxartdım o yerlərini sonra. Bəlkə də saxlasam yaxşıdı. Hələ bilmirəm. 63 Elə mən yazıram. Yazmasam, yazmırsan. Bax, 9 gündü heç nə yazmamışam, Səndən də xəbər çıxmır. Ola bilər, zəhləni tökmüşəm, Sən də etika naminə hövsələni basmısan... Çoxdan heç kimlə bu qədər səmimi ünsiyyətdə olmamışam. Bəlkə də bu, özümə nağıl düzəltmək istəyindən gəlir, bilmirəm. İşarə göstərir ki, çatdasan. Cavab verməyə bilərsən. Sadəcə, mən yazım, Sən də oxu! Bilirsən, niyə mitinqləri dağıdan polislərə maska taxdırırlar? Çünki maska insanın tək sifətini örtmür, “gecə qara, cücə qara” prinsipiylə onun ləyaqətinə, şəxsiyyətinə, insafı- na, məsuliyyətinə pərdə çəkir, gizlədir. İçini dəyişdirir, onu qaranlıqlar dünyasının adamına çevirir. “Canavar” filmini xatırla! Cek Nikol- sonun qəhrəmanı gecələr vəhşi canavara, gündüzlər əzab çəkən insana çevrilir. Maskalı polislər maskasızlardan çox qəddarlıq edirlər, mən bunu görmüşəm. Sanki maska tək onların üzünü yox, insanlığını da gizlədir; heç kim görmür, heç kim tanımır. Mənim üçün əsl insan özünü təklikdə də adamlar arasında olduğu kimi aparan insandı. Camaat içinə hamı maskalı çıxır. Səninlə tam açıq oldum. Burada hamı özünü gizlədə bilər, bu iş real həyatdakından daha asandı. Amma məncə, virtual dünya bunun üçün deyil. Bura özünü axtaranların, öz nağılını quranların görüş yeri olmalıdı. Bəlkə də çoxdan 64 axtardığımı tapdığımı zənn edirəm. Elə tapdım da… Səni incitdim. Amma maskasız incitdim. Zəhləni apardımsa, bağışla. Bəzən birinin zövq aldığı iş bir başqasını bezdirir... Bu nağılı bitirimmi??? *** Uşaq vaxtı adam hər şeyi anasıyla, yaxın bildikləriylə bölüşür. Bəlkə ona görə hamıya uşaqlığı doğmadı. Bölüşə bilməyə imkanın olması adamın bir şansdı. Böyüdükcə bölüşə bildiklərini bir-bir itirirsən. Bəzən elə bilirəm Sən də onlardansan, Sənlə hər şeyi bölüşə bilərəm. Qəribədi, adam heç əməlli-başlı tanımadığı birinə necə açıla bilər... Bazar axşamı səni bir yerə dəvət eləmək istəyirəm. Vaxtın varsa, planlaşdırım. Sa-lam! “Nağılı bitirimmi” sualına mənə sev- dirdiyin şairin misrasıyla cavab verirəm: “Bəlkə də hə, bəlkə də yox!” Görürsən, tapıb almışam onun kitabını. Şeiri rusca daha yaxşı duyuram. Amma burdakıları da duydum. Bizim dildə ilk şeir kitabım oldu… Əfsus ki, sənə münasibətimi yanlış yozdun. Az yazmağımın tək səbəbi vaxt qıtlığıdır. Dünyamızın durmadan kobudlaşdığı, kirləndiyi vaxtda saflığını, nəcibliyini itirməyən 65 adamlardansan. Sənə hər zaman şadam! Sənə mütləq məktub yazacam. İndi çıxmalıyam. *** Salam, dostum! İnşallah yaxşısan, ən azından belə olmağını arzulayıram. Bilmirəm sənə necə müraciət edim: “əziz insan” desəm, çox qabağa qaçmış olaram, “yoldaş” desəm, kommuna üzvünə oxşayaram. Odur ki, “dost” deyim, “əziz dost” desəm, daha düz olacaq. Əziz dost, son məktubunla məni məyus etdin. Bilmirəm niyə, amma mənə elə gəldi ki, sənə münasibətimi mənim şıltaqlığım kimi yozursan. Əslində, belə deyil. İnsanları onların düşünmə qabiliyyətinə görə ayırırlar. Mən də belə etdim. Söhbətimizin ilk günündən səndən zövq almışam. Məsələn, qısa müddətdə anlamışam ki, rahib simalı insanın köksündə incə qəlb döyünür. Sən maskalardan danışdın, maskasız olmaz ki! Amma mən səninlə razı deyiləm. Maska insanı vəhşiliklərə vadar etmir, maska insanın nə qədər qəddar ola biləcəyini gizlədir. Deyirlər, göz qəlbin aynasıdır. Bəs niyə maska altından yalnız gözlər görünür? Məncə, həqiqəti çatdırmaq üçün! Əziz dostum! İnsan kərpicə bənzəyir, nə qədər bişsə, bir o qədər möhkəm olur. Bəlkə az ünsiyyətimiz bizi daha da yaxınlaşdırır… Bilmirəm niyə mənimlə münasi- bətini nağıla bənzətdin. Nağıllar xəyal məhsu- Yüklə 360,3 Kb. Dostları ilə paylaş:
|