Biz özgənin yaratdığı dünyada yaşayırıq
Yüklə 360,3 Kb. Pdf görüntüsü
|
21 Çatda canlı söhbətlərini elə dialoq kimi də verdim. Mesaj və məktublarını isə bir-birindən ayırmaq üçün qədim qadın və kişi simvolu olan üçbucaqdan istifadə elədim. Rəssamın yazdıqla- rını üzüyuxarı , Qadınınkıları isə üzüaşağı üçbucaqla işarələdim. Eyni adamın ayrı-ayrı saat və ya günlərdə dalbadal yazdığı mesajları *** işarəsiylə ayırdım. Beləcə, bir kitablıq mətn alındı. Rəssam: “Bir ömür böyük ideallar haqda düşünmək üçün çox azdı. Bizə elə gəlir ki, yüz il, min il, milyon il yaşayacağıq. Təəssüf, bunun belə olmadığını gec anlayırıq, sonuna sayılı günlərimizdən başqa heç nəyimiz qalmayanda”. Salam! Bu sözləriniz xoşuma gəldi, məni tutub saxladı. Dedim, belə düşünən bir xanıma salam verməsəm günah olar. Həm də bayramdı. Bəlkə sonra imkan olmadı, odu ki, bayramınızı indidən təbrik etmək istəyirəm. Az qalıb, tezliklə Bakıya dönürəm. Yaman darıxmışam... Şəkillərdə qayğılı, duşüncəlisiniz. Həyatda da beləsiniz? Qadın: Salam! Təbrikə görə təşəkkür edirəm! Suala gəlincə, həyat insana bir dəfə verilir. Onu elə düşünüb yaşamaq lazımdır ki, sonra keçmişə dönüb baxanda “heç yaşamadım” deməyəsən. Rəssam: Razıyam. Hər günü sanki sonun- cuymuş kimi yaşamaqla həyatı maraqlı etmək 22 mümkündü. Amma reallıqda planlaşdırılan ömür olmur, şans da ciddi şərtdi… Peşənizi bilmək istərdim, əgər etiraz etmirsinizsə, tanış olardıq. Şəkillərinizə baxdıqca, düşünürəm, dizayner ola bilərsiz. Qadın: İncəsənət İnstitutunu bitirmişəm, rejissorluğu, amma marketoloq işləyirəm. Sənətə yer olmayan bazar cəmiyyətinə rejissor lazım deyil. Sizsə, səhv etmirəm, rəssamsınız. Özü də tanınmış rəssam. Rəssam: Elə bir tanınmışlığım olmasa da, düz tapdınız, rəssamam. Belə demək mümkünsə. Amma böyük rəssamları tanıdıqca, onların işlərini öyrəndikcə özümə rəssam deməyə dilim gəlmir… Rejissor da elə bir növ dizaynerdi. O baxımdan çox da yanılmamışam… Bəlkə də Bakı üçün gecdi, amma Nyu-Yorkda səhər indi açılır. Sizi yuxudan eləmirəm ki? …Bu axşam çıxıram. Yeni ili yolda qarşılayacam. İmkan olmayacaq, odu ki, indi təbrik edirəm. Qadın: Çox sağ olun. Sizə uğurlu yollar! Rəssam: Buralıq bir işiniz olsa, yazın, nəsə almaq, ya öyrənmək, imkan daxilində edərəm. Hələ bir iş günüm var. Qadın: Mənim üçün ən önəmlisi insandan aldığım mənəvi qidadır. Sizdən isə canınızın sağlığından muğayat olmanızı rica edəcəm. Rəssam: Sözlərimi “hədiyyə”, "rüşvət" kimi başa düşməyin, sadəcə səmimi görünmək, olmaq 23 istədim. Mənəvi qidaya qalanda, indiki boz dünyada hər adamın belə qidaya ehtiyacı var. Təəssüf ki, bu qidanı insanlardan almaq getdikcə çətinləşir. Qalır kitablar, musiqi, rəsmlər, səyahət, nə bilim, ta nələr.... Qadın: Əstəğfürullah, nə rüşvət? Mən sizin səmimiyyətinizə inanıram, bəlkə də bu üzdən sizinlə yazışıram. Rəssam: Şəklinizi “Luvr”a necə göndərirsiz? Burda belə yazmısınız: “Şəkil Luvra göndərilib”. Mən hələ bu şəbəkədə yazmaqdan başqa bir şey edə bilmirəm. Amma baxıram, hamı nəsə gön- dərir, qrup yaradır. Gərək öyrənəm. Qadın: Mütləq öyrənəcəksiniz! Hamı elə sizin kimi başlayır… Bakıya uzun müddətə dönür- sünüz? Rəssam: Uzun müddətə. Amma hələ Qəraib hövzəsi ölkələrinə gedirəm, Meksikaya, sonra Kubaya. Qadın: Sizə uğurlar arzulayıram. Bakıya yəqin ailənizlə gələcəksiniz... Rəssam: Şəhərin bayram ovqatı necədir? Qadın: Əvvəlki kimi deyil. Nə bilim, bəlkə yaş artdıqca bayram ovqatları da dəyişir... Ailəniz də sizinlə belə səyahət edir? Rəssam: Nə bildiniz ki, ailəliyəm? Qadın: Bilmədim. Elə-belə soruşdum. Cavab verməyə bilərsiniz. 24 Rəssam: İşlə bağlı səfərlərə onları aparmıram. Ümumiyyətlə, tək səyahəti xoşlayıram. Qadın: Burada yaşamaq Sizin üçün çətin olmayacaq? Rəssam: Mən Bakıda yaşayıram, sadəcə işimlə əlaqədar çox səfər edirəm. Son illər rəssamlıqla bağlı bir neçə beynəlxalq təşkilatda təmsil olunduğumdan günüm elə səfərlərdə keçir. Yaradıcılığa da vaxt qalmır heç. İndi Nyu- Yorkdayam, bir neçə gün Mayamidə qalacam. Meksikada, sonra da Kubada olacam. Vətən üçün darıxıram, illah da axşamlar. Amma mənə orada da, elə burada da çətindi. Qarabağsız Azərbay- canın dadı qalmayıb. Bir az pafoslu görünər bəlkə bu sözüm, elə deyil. ...Bir tərəfdən də neyləyəsən, yenə vətəndi. Qadın: “Çox da tərifləmə mənə vətəni...” Elə bilirdim xaricdə yaşayırsınız. Rəssam: Tarkovskinin çox sevdiyim “Nostal- giya” filmində Yankovskinin qəhrəmanı suya batmış uçuq evin içində ona baxan qızcığaza bir pritça danışır. Rejissorsunuz, xatırlayarsınız. Biri üfunətli dərin gölməçədən bir başqasını dartıb çıxarır. Gölməçədən çıxan ona kömək edənə deyir: “Sən neyləyirsən?” “Səni xilas edirəm”. “Axmaq, mən burda yaşayıram”,- deyir xilas olan. O vaxt bu sətiraltı fikir SSRİ üçün deyilmişdi. Onun nümunəsi olmasın. Necəliyinə Yüklə 360,3 Kb. Dostları ilə paylaş:
|