Biz özgənin yaratdığı dünyada yaşayırıq
Yüklə 360,3 Kb. Pdf görüntüsü
|
39 qırıq yadına düşür, yaddaş yavaş-yavaş bərpa olunur. Hardasa, nə vaxtsa görmüsən, bunu dəqiq bilirsən, amma tam xatırlamırsan. Yada salmaq üçün düşünməlisən. Fransızlar buna dejavü deyir – nə vaxtsa, hardasa görmüsən! Sanki realda yox, illüziya dünyasındasan, iştirakçı yox, müşahidə- çisən. Doğmalıqda özünü yad duyursan... Dünəndən gəlmişəm. Axşam internetə girə bilmədim. Yuxu məni tez apardı. Görünür, Sizinlə canlı yazışmaq üçün yenidən uzaqlara getmək lazımdı. Soruşmayacam necəsiniz, təxmin edirəm. Bura qayıtmanıza üzüldüm. Xarici ölkələrin yaşayış tərzinə öyrəşənlər geri qayıdanda bir müddət əziyyət çəkirlər. Hətta depressiya keçi- rənlər olur. Neçə adam tanıyıram uzun müddət Avropa ölkələrində işləyiblər, elə Amerikada oxuyub qayıdan bir qohumumu götürək, burda özlərinə yer tapa bilmədilər, yenə qayıdıb getdilər. Yaşam qaydaları, şərtləri fərqlidir. Mənə gəlincə, xaricdə çox olsam da, okeanın o tayına keçməmişəm. Böyük həvəslə gedərdim. Amma hara getsəm də yenə qayıdardım. Bakıdan kənarda yaşamağı təsəvvürümə gətirə bilmirəm. Mənə bura xoşdu. Belə baxıram, elə siz də burasız yaşaya bilmirsiniz. Duyğusal adamlar 40 üçün qürbətdə həyat faciədir. Odur ki, vətənə xoş gəldiniz! Rəssam: Neçə gündü şəbəkədə yox idiniz, açığı, lap darıxmağa başladım. Bir vaxt edin görüşək. Qadın: Deyirlər təsadüf zərurətdən doğur, dostluq dostluğa zərurətdən yaranır. İnşallah, hər ikimiz yeni yaranan tanışlıq, sonralar isə dostluqdan mənəvi qida alıb, zövqlə onu qoruya biləcəyik. Mütləq görüşərik, indi başım çox qarışıqdır. İşlədiyim yerdə ixtisar gedir, mənim də ixtisara düşmək ehtimalım var. Ona görə özümə yeni iş arayıram. Bu işləri tamamlayan kimi sizinlə mütləq bir fincan qəhvə içəcəm. Görüşərik, sağlıq olsa. Rəssam: Səhv eləmirəmsə, bu, Bakıda ilk canlı yazışmamızdı... İş məsələsi deyəsən, həqi- qətən böyük problemə çevrilir. Yeni yaranacaq hansısa telekanalda aparıcı müsabiqəsində rast oldum Sizə, bəlkə də köhnə idi. Nə yerdədi orada işlər? Qadın: Sözün düzü, iş problem deyil, özünə və bacarığına güvənənlər üçün. Mən də onlara aid edirəm özümü... Aparıcı müsabiqəsi. Bu, çoxdan olub, unutdum belə… Sizi heç xatırlamadım. Siz də jüridə idiniz? 41 Rəssam: Google-da adınızı, soyadınızı yazın. Görəcəksiniz özünüzü. Bunu orada oxudum. Qadın: Təşəkkür edirəm verdiyiniz məlumata görə. Əslində mənimlə bu qədər maraqlanmağı- nıza təəccübləndim. Rəssam: Niyə təəccübləndiniz ki? Qadın: Nə bilim, vallah! Bir az qəribə gəldi. Sıradan bir tanışlıq üçün normal saymadım. Ən azından məndən öyrəndiklərinizlə kifayətlənmə- yib internetdə də axtarmısınız. Rəssam: Xüsusi axtarış olmayıb. Qətiyyən! Sadəcə, elə-belə yazdım, çıxdı. Qadın: İstənilən halda şad oldum. Təşəkkür! Rəssam: Narahat olmayın, xahiş edirəm. İznsiz başqasının şəxsi həyatına müdaxilə etmə- rəm. İndiki internet zəmanəsində heç nə gizli qalmır. Bunu pis şey hesab etsəydim, ən azından Sizə yazmazdım. Şəxsiyyətinə müstəsna hörmət etdiyim, dostum Rəssam! Sizin hərəkətinizdə zərrə də olsun yanlışlıq duymadım, əksinə, bəyəndim ki, həmsöhbətinizi tanımağa çalışırsınız. Bu da sizin səmimiyyətinizdən xəbər verir. Bu gün ciddi bir görüşdəydim. İstəyirik islam ölkələri rəssamlarının beynəlxalq sərgisini keçi- rək. Neft Şirkətiylə sponsorluq məsələsini müza- 42 kirə edirdik. Deyəsən, onları o qədər də maraq- landıra bilmədim. Sərginin tək müsəlman ölkələriylə məhdudlaşmasını istəmirlər. Mən isə hesab edirəm ki, Bakını islam dünyasının mədə- niyyət mərkəzinə çevirə bilərik. Yüz il əvvəlki neft bumu inkişafa təkan verdiyi kimi indi də regionun inkişaf eləmiş cəmiyyətini qura bilərik. Bunun üçün həm kapital var, həm də istedadlı adamlarımız. Təəssüf ki, idarə edənlərimizin buna qabiliyyəti çatmır. Dəqiq cavabı bir-iki günə bilinər. Sizin iş məsələniz nə yerdədi? Nəyi tədqiq edirsiniz indi? Sizə bol uğurlar diləyirəm. Bir də hər işdə bir xeyir var. Allah-taala buyurub ki, yalnız mən bilirəm sizin xeyir bildiyiniz işdə nə qədər zərər və tam əksinə, zərər bildiyinizdə nə qədər xeyir var… Mənim işimsə hələ əvvəlki vəziyyətdədir. Güman edirəm, ixtisara düşmərəm. Müdirin qırımından duyuram... Tədqiqat sahələrimizsə müxtəlif profillidir. Sosial məsələlər, bazar araşdırmaları aparırıq istənilən mövzuda. Rəssam: Təəssüf ki, gündüzlər yazışmağa Sizin belə çox vaxtınız olmur. Elə öyrəşmişəm ki, Sizi burada görməyəndə darıxıram. Qadın: Təşəkkür edirəm. Mənə də sizinlə söhbət xoşdu. 43 Rəssam: İndi vaxtınız var? Burada əsas şəkli necə dəyişmək olar? Mənə izah edə bilərsiniz? Qadın: Daxil olun “Fotoqrafiya” bölməsinə, oradan istədiyiniz şəkli seçib, “Əsas” sözünün üstünə tıklayın, o qədər… Baxdım. İşiniz çox maraqlıdır. Mənə belə gəldi. Siz tək rəssam deyil, həm də təşkilatçısınız. Konfranslar, sərgilər təşkil edirsiniz. Şəkillərinizə baxdım, dünyanın dörd bir tərəfində olmusunuz. Yazılarınız da maraqlıdır. Rəssam: Jurnallar üçün yazdığım vaxtlar da olub. İndi də hərdən yazıram. Amma son vaxtlar əlim qələmə yatmır. Bu fotoreportajlar da yaza- caqlarımın onda biridi. Onu da dostların təkidi ilə yazdım. ...Burada şəkli dəyişmək asan imiş ki… Alındı, sağ olun. Rəssam olsanız da, burada daha çox fotoqrafı xatırladırsınız. Bir rəsminiz də yoxdur, amma əvəzində maraqlı fotolarınız var. Rəsmlərinizi oğurlayarlar deyə qoymursuz internetə? Onları gizlədirsiniz, deyəsən... Bəs hansı rəssamları sevirsiniz? Sizə bu sənəti sevdirən kimlərdi? Fotoaparatla çəkilənlər xarici dünyanın əksidi, hobbimdi, hamıya açıqdı. Fırça, kətan, palitra, rənglərdən doğan tablolar isə iç məsələdi. Onun üzə çıxması uzun prosesdi. Elə rəsmlər var ki, çəkilib bitsə də, günlərlə üzü divara çevrili qalır. Yüklə 360,3 Kb. Dostları ilə paylaş:
|