© “Hökumətin qərar qəbulu prosesində vətəndaş cəmiyyətinin
əlilliyi olan şəxslərin hüquqlarının təşviqatçısı kimi iştirakı” layihəsi
İnklüziv Qərar Qəbulu üzrə IDEAS Vasitələr Toplusu
19
Mahiyyətcə fərdiləşdirmənin sosial qayğı sektorunda iştirak edən hər bir kəsə nəzərə çarpan
faydası var.
Fərdiləşdirmənin uğurlu olmasının əsas dəlili onun yerli səhiyyə xidməti, mənzillə təminat
dəstəyi, məişət və buna bənzər digər işləri yerinə yetirə bilmələri üçün kömək kimi ictimai
xidmətlərdən istifadə etməklə əlilliyi olan şəxslərin həyatını nə dərəcədə yaxşılaşdırmasıdır.
Fərdiləşdirmə hökumətin xüsusi siyasətinə çevriləndən sonra ən böyük dəyişikliklərdən biri
sosial qayğı peşəkarları, yerli hökumətin böyüklər üçün sosial qayğı heyəti və sosial işçilər
qarışıq ictimai xidmətlərdə çalışan mütəxəssislərlə bağlı baş verib. Qayğının idarə edilməsinin
əsas funksiyaları - xidmət istifadəçilərinin qiymətləndirilməsi, qayğı planının tərtib edilməsi
və ehtiyacları ödəmək üçün xidmətlərin alınması - bütün bunlar şəxsi büdcələr vasitəsilə
transformasiya edilir. Beyinlərdə və münasibətlərdə də dəyişiklik baş verib, belə ki, əlilliyi
olan şəxslər üçün qərarları başqaları deyil, onlar özləri qəbul edirlər.
İnklüziv qərar qəbulu haqqında
İnklüziv qərar qəbulu nədir?
Əlilliyi olan şəxslərin yaşadığı təcrübələr siyasət formalaşdırılması və xidmətlərin
planlaşdırılması işində çox lazımlıdır, ancaq onlar öz həyatlarına birbaşa təsir edən məsələlər
barədə qərar qəbulu prosesindən kənarlaşdırılıblar.
Əlilliyi olan Şəxslərin Hüquqlarına dair BMT Konvensiyasının 4-cü maddəsinə əsasən,
əlilliyi olan şəxslər özlərinin təmsilçi təşkilatları vasitəsilə onlarla əlaqəli siyasət, qanun və
xidmətlərin formalaşdırılması və həyata keçirilməsinin bütün mərhələlərində məsləhətlərini
verməli və fəal iştirak etməlidirlər.
3
İnklüziv qərar qəbulu planlaşdırma, problemin həlli və qərar qəbulu üzrə əməkdaşlığa
fəlsəfi və praktik yanaşmadır. O, qərarın birbaşa təsir etdiyi şəxslərin və qərarların icrasına
cavabdeh kəslərin fəal iştirakını təmin edir.
İnklüziv qərar qəbulu əliliyin sosial modeli ilə uzlaşır ki, həmin modeldə deyilir:
• insanlar cəmiyyətin onların iştirakı, cəlb olunması və bərabərliyi üçün qoyduğu
maneələrlə əlil (qabiliyyətsiz) edilir.
• sağlamlıq məhdudiyyətləri həyatın normal bir parçasıdır; diskriminasiya, ayrı-seçkilik
isə yox
• professionallar «əl altında» (hazır) olmalı, «başda» olmamalıdır- əlilliyi olan şəxslər
başqalarının təcrübəsindən yararlanmalı, ancaq onlar tərəfindən nəzarətə
alınmamalıdır
• «bizim üçün bizsiz heç nə» - əlilliyi olan şəxslər onlara aid qərar və fəaliyyətlərdə
iştirak etməlidir
• əlilliyi olan şəxslərin bərabərlik, ləyaqət və müstəqillik hüququ var
3
http://apps.who.int/gb/ebwha/pdf_files/WHA67/A67_16-en.pdf?ua=1
İnklüziv Qərar Qəbulu üzrə IDEAS Vasitələr Toplusu
© “Hökumətin qərar qəbulu prosesində vətəndaş cəmiyyətinin
əlilliyi olan şəxslərin hüquqlarının təşviqatçısı kimi iştirakı” layihəsi
20
Əlilliyi olan şəxslər üçün bərabərliyin təşviqində inklüziv qərar qəbulu regional və milli
səviyyədə bir çox ölkədə əsas amil kimi ortaya gəlir. Bu, əlilliyi olan şəxslərin hüquqlarını
və iştirakını həyata keçirmək üçün yaradılmış siyasət və xidmətlərə kömək olunması
nəzərdə tutulanların birbaşa təcrübəsindən yararlanmaqla təmin edilir. Bu, həmçinin əlilliyi
olan insanları öz həyatlarının fəal sahibi kimi göstərməklə cəmiyyətdə onlardan gözləntilər
yaradır, əlilliyi olan şəxsləri özlərinə və cəmiyyətə fayda verməyə həvəsləndirir.
İnklüziv qərar qəbulu nə üçün həlledicidir
Əlilliyi olan şəxslərin üzləşdiyi
maneələrin çoxu onların öz həyatlarına təsir edən siyasət
və xidmətlərin işlənib hazırlanmasında iştirakının olmaması üzündən hələ də qalmaqdadır.
Bu maneələri aşmaq bütün cəmiyyətin xeyrinədir, çünki əlilliyi olan şəxslərin proseslərdən
kənarda qalması nəinki onlara, hətta onların ailələrinə də təsir edir və onların potensialının
bütöv icmanın xeyrinə gerçəkləşməsinin qarşısını alır.
IDEAS layihəsində iştirak edənlər əlilliyi olan şəxslərin və onların təşkilatlarının milli və
regional səviyyədə qərar qəbulu prosesində iştirakını artırmaq üçün prioritet fəaliyyətləri
müəyyən ediblər:
• təhsil hüququ: təhsil sisteminin bütün səviyyələrində inklüziv təhsilin həyata
keçirilməsini təmin etmək
• sosial müdafiə hüququ (sosial müavinətlərin əsas təminatı)
• məlumatdan istifadə imkanı (məlumata əlçatımlılıq, çıxış): görmə məhdudiyyətləri olan
insanlar üçün kompüter proqramlarının təminatı
• Konvensiyanın 9-cu maddəsinin (İstifadə imkanı, əlçatımlılıq) həyata keçirilməsini təmin etmək
• əlilliyi olan şəxslərin və onların təşkilatlarının mərkəzi və yerli hökumət orqanlarında
onlara aid siyasətin/qanunvericiliyin işlənib hazırlanması prosesində məsləhətçi və
müşahidəçi kimi təmsil olunması
• əlilliyi olan şəxslər üçün iş və məşğulluq şəraiti yaratmaq
• əlilliyi olan şəxslər üçün müstəqil yaşayış və dəstəyi təmin etmək
Əlilliyi olan şəxslərin və onların maraqlarını təşviq edən təşkilatların qərar qəbulu prosesində
iştirakı inkluziv, bərabər və məsuliyyətli cəmiyyətin formalaşmasına töhfə verəcək.
İnklüziv qərar qəbulunun faydaları
İnklüziv qərar qəbulunun nəinki əlilliyi olan şəxslərin özlərinə, eləcə də siyasət, xidmət,
proqram və layihələrin effektivliyinə fayda gətirməsi barədə dəlillər artmaqdadır.
Ona görə ki:
• xərclərə qənaət olunur
• əlilliyi olan şəxslərin xidmətlərdən istifadə etmə ehtimalı daha çox olur
• daha faydalı məlumat əldə edilir
• işçi heyəti daha ixtisaslı olur
• əlilliyi olan şəxslər daha bacarıqlı və inamlı olurlar
• siyasət və xidmətlərə sahiblik hissi daha da çoxalır, xüsusilə də əlilliyi olan şəxslər arasında
• “təcrübəli ekspertlər”in fəal iştirakına görə siyasət və xidmətlər daha effektli alınır.