Bolalar sporti asoslari

Bazi sport turlarida mashg’ulot va musobaqa tayyorgarlik davrining boshlang’ich muddati

Sport turi	Mashg’ulot boshlanish vaqti (yosh)	Tayyorgarlik boshlang’ichi (yosh)
Yengil atletika	11-12	12-13
Sport gimnastikasi	8-9 (yigitlar) 7-8 (qizlar)	10 9-10
Suzish	7-9	10-11
Basketbol	10-11	11-12
Futbol	10-11	12-13
Kurash	10-12	13-14
Voleybol	10-12	12-13
Tennis	9-10	11-12

Boshlang’ich sport ixtisoslashuvi bosqichida bolalar va o’smirlarga musobaqada ishtirok etishga ruxsat beriladi. Sport turiga bog’liq ravishda ixtisoslashuv boshidan boshlab, birinchi musobaqada ishtirok etish davri 1 yildan 3 yilgacha bo’ladi. Sport va badiiy gimnastika, yengil atletikaning tezkorlik va kuchlari, akrobatika, basketbol kabi sport turlarida ixtisoslashgan mashg’ulotlardan so’ng 1-1,5 yildan keyin ishtirok etishga ruxsat beriladi. Suzish, suvga sakrashlarda esa – 2-2,5 yildan so’ng. 22-jadvalda sportning bir qator turlarida ixtisoslashgan mashg’ulotni va musobaqa davrini boshlanishining namunali muddatlari keltirilgan.

Sport tayyorgarligi va musobaqalar jarayonida bitta pasport yoshi doirasida jismoniy rivojlanish ko’rsatkichlarining ahamiyatli darajada o’zgaruvchanligini hisobga olish lozim. Bitta yoshdagi bolalarda tana o’lchovlari, proportsiya, jinsiy rivojlanishda ham ahamiyatli farqlar kuzatiladi, bu esa shug’ullanayotganlarning muvofiq faoliyatining biomexanik va funktsional xususiyatlarini shartlab beradi. Maktab yoshidagi bolalarni o’qitish va tarbiyalash jarayonida ularning rivoji geteroxronligini hisobga olgan holda differentsiyalangan yondashuv zarurdir.