Böyük Azərbaycan yolçusu
Yüklə 7,76 Kb. Pdf görüntüsü
|
- Bu səhifədəki naviqasiya:
- Böyük Azərbaycan yolçusu
Böyük Azərbaycan yolçusu 23 bürüb – büküb körpənin oyanmaqda olan hisslərinə, formalaşmaqda olan ruhuna yeridirlər. Belə arzularla övladında Məhəmməd Peyğəmbərin (s. a. s.) dəyərini görmək arzusunda olanlar ona peyğəmbərimizin adını, övladını Şərq- Qərb problemini həll edəcək qəhrəman kimi görmək istəyən valideyn ona Səlahəddin adını və s. hər bir valideyn övladlarına gələcək arzularına uyğun adlar verirlər. Bu adlar vasitəsi ilə körpəni mənəvi, ideoloji cəhətdən gələcəyə yönəldirlər. Adlar hər bir insanın, bütövlükdə millətin tərbiyəsində, gələcəyə hazırlanması və istiqamətlənməsində mühüm əhəmiyyət kəsb edir. Xalqımızın ada verdiyi yüksək dəyərin nəticəsidir ki, adla bağlı dualar, alqışlar və qarğışlar yaratmışdır. Dəyərli adamlara dua edəndə dəyərlər “adı ilə yaşasın”. Adla tərbiyə çox da asan iş, missiya deyil. Hər hansı adı şöhrətləndirmiş, məşhurlaşdırmış əxlaqi dəyərləri, adət-ənənələri yaşatması arzu olunan şəxsin genetik imkanı bu adı şöhrətləndirmiş şəxsiyyətin genetik imkanına uyğun olmalı, şəxs ilkin mikromühitini (ailəsini) dərk etməklə onda adı vasitəsi ilə yaşadılmaq istənilən ideyaya sədaqət görməlidir. Belə olduqda fərd adda arzu olunan dəyərlərin, ideyanın daşıyıcısına, yaşadıcısına çevrilə bilər. Əks təqdirdə... Valideynlər tərəfindən adlar şüurlu, mahiyyəti dərk edilərək seçilib və ondakı ideyanı canlandıraraq övladın ruhuna yeridilməsi üsulları dərk edilmiş olduqda uğurlu nəticələr alınır. Övladlarına ad verəndə onun mahiyyətini dərk edən və bu üsulla arzularını reallaşdırmaq istəyən valideynlər əksərən xoşbəxt ailə, övladlar isə dəyərli, Vətənə və Millətə baş ucalığı gətirən şəxsiyyətlər kimi yetişir. Elə bu səbəbdən də biz hər birimiz valideynlərimizin yaratdıqları əsərləri, onları təcəssüm etdiririk. Çox az övlad valideynlərindən cüzi fərqə malik olur. Bu fərq də adətən təhsillə bağlı intellektdə özünü göstərir. Xarakter və əxlaqi dəyərlər etibarı ilə övladlar əsasən valideynlərin təkrarı olur. Böyük Azərbaycan yolçusu 24 İxtisasım, yaşım və həyat təcrübəm ilk tanışlıqda insanların şəxsiyyətini, xarakterini müəyyən etməyə, jest və mimikasının, təbəssüm və gülüşünün, hiss və həyəcanının təbii, ürəkdən gələn, riya və ya artistizm olduğunu az da olsa fərqləndirməyə imkan verir. 2010-cu ildə Turizm İnstitutunda dərs deməyə dəvət almışdım. Dekanlardan köhnə kişi - Nəsir Nəsirlinin kabinetində onunla söhbət edirdim. Bir nəfər bəstəboy, sarışın oğlan qapını döyüb, içəri girdi. Söhbətimizi kəsdiyi üçün üzr istəyib, Nəsir müəllimə bir neçə məlumat verib, yerinə yetirəcəyi bəzi işlər haqqında məsləhət aldı. Onun davranışının diqqətimi cəlb etdiyini hiss edən Nəsir müəllim, o gedəndən sonra dedi: “Müəllim adına layiq müəllimdir!” Nəsir müəllimin sözləri onun haqqında marağımı daha da artırdı. Yaşı qırxı keçmiş bu şəxsin sifətində bir körpə təbəssümü, hisslərində bir uşaq səmimiyyəti var idi. Bu keyfiyyətlər adətən yüksək əxlaqi idellar yaşadan ad, sağlam, ciddi ailə tərbiyəsi ilə mümkün olur. Nəsir müəllimdən adını soruşdum. Adı, Bünyamindir – dedi. Qəlbimdə Allaha dua etdim ki, bu adamda gördüyüm, məni ruhən rahatlandıran hisslərim, fikirlərim düz çıxsın, yanlış olmasın. Hərdənbir də olsa “müəllim adına layiq müəllimə”, kişi görünüşü, davranışı daxildən gələn, hiylə olmayan kişiyə rast gələ bilim. Onunla institutun həyətində və dəhlizində rastlaşanda, mehribanlıqla salam verib, bir-birimizin əlini sıxırdıq. Xalqımızın xarakter keyfiyyətlərindən olan bu cür salamlaşma artıq unudulmaq üzrədir. Bir-birini yaxından tanımayan iki şəxsin bu cür görüşü, sanki qəlbin hökmü idi. Könüldən-könülə istəklər görünürdü. Bu salamlaşmadan hər ikimiz razı qalırdıq. Görüşlərimizdə onun təmiz hisslər, sağlam, xeyirxah ruha malik olduğuna qəlbimdə ardıcıl inam yaranırdı. İlk kafedra iclasında çıxışı zamanı onun haqqında düşüncələrimdə yanılmadığıma sevindim. Ona tərəddüdsüz Vətən və Millət Böyük Azərbaycan yolçusu 25 haqqında sağlam, xeyirxah, elə göründüyü kimi də olan bir kişi olduğuna məndə qənaət hasil oldu. Təmaslarımızda, qarşılıqlı münasibətlərimizdə mən birmənalı inandım ki, danışdığı zaman onun yanaqlarında tez-tez sayrışan ilğımlar müasir insanın artistizmi, dondan-dona girməsi deyil, bir türk kişisinin geni, türk xanımının halal südü ilə qidalanmış, Bün – yamin etiqadından, inamından doğan bir nurdur. Tanışlığımızdan az sonra imkan tapan kimi ikilikdə çay süfrəsi arxasında söhbətə can atırıq. Söhbəti hansı mövzudan başlasaq da, tezliklə Vətən, Millət, Elçibəy mövzusuna keçir və uzanır. Arzu etmədiyimiz qonaqlar peyda olmasa, nə qədər uzanar, deyə bilmərəm. Bünyamin Elçibəydən sonra Vətən və Millət sözlərinə, dediklərinə, səmimiyyətinə birmənalı inandığım çox az adamlardan biridir. Bünyaminlə söhbətləşəndə mən həmişə ruhən gəncləşir, hətta uşaqlaşıram. Odur ki, onun 50 yaşını qeyd etməsi xəbəri mənim üçün gözlənilməz oldu, məni silkələdi. Bu xəbər mənə deyir ki, sən onu daha çox sevməli, əzizləməli və dəyərləndirməlisən. Çünki zəmanəmizdə belə adamların sayı gün-gündən azalır, tapılması çətinləşir. Bünyamin, bütün varlığımla sənə can sağlığı və ailə səadəti arzulayıram. Vətən, Millət və Elçibəy ideyalarının çin olmasını diləyirəm. Adınla yaş! Dərin hörmətlə Böyük Azərbaycan yolçusu 26 QƏMBƏR MƏHƏRRƏM OĞLU CƏFƏROV ADBTİA-nın dekan müavini, pedaqogika üzrə fəlsəfə doktoru, dosent, əməkdar məşqçi, beynəlxalq dərəcəli hakim ENİŞLİ-YOXUŞLU ÖMÜR YOLU Mən Bünyamin müəllimi 1981- ci ildə tələbəlik dövründə tanıdım. İxtisasları güləş və boks olan 74108 qrupun nümayəndəsi kimi qrup tələbələrindən olan Bünyaminin gülər üzü, şux əhvali-ruhiyyəsi, uşaqlıq çılğınlığı ilk baxışdan məndə xoş təəssürat yaratdı. Onun uşaqlıq çılğınlığını həmin vaxt onda görürdüm ki, hələ orta məktəbi təzəcə bitirən, həyat məktəbi sayılan hərbi qulluğu görməyən, bığ yeri belə hələ tərləməyən, yumrusifət, bəstəboy bu oğlan müəllimlərə cavabını özünün bildiyi həddən çox suallar verir, bir çox hallarda isə aldığı cavabla razılaşmayaraq ciddi mübahisə və müzakirəyə girişirdi. Amma bütün bunlara baxmayaraq onunla isti münasibətlərimiz yarandı. Onun atasının vəfat etdiyini, çətin tələbəlik həyatı keçirdiyini hiss edərək kirayədə qaldığı evə getməyimi planlaşdırdım və onun dəvəti ilə bunu həyata keçirdim. Onunla ikilikdə 4-5 saat səmimi söhbət apardıq. Birlikdə şəkil Yüklə 7,76 Kb. Dostları ilə paylaş:
|