Böyük Ermənistan
yanvar 2018-ci il № 5-8 (9191)
Yüklə 486,67 Kb. Pdf görüntüsü
|
- Bu səhifədəki naviqasiya:
- Azərbaycan Dövlət Dəniz Akademiyasının Təlim Tədris Mərkəzində ilk dəfə olaraq yerli təlimatçı və
- Ermənistan prezidenti Serj Sarkis- yan istər ölkədə, istərsə də beynəlxalq aləmdə nüfuzunu tamamilə itirdiyini
- Rabil Kətanov taP layihəsi üzrə işlərin 65 faizi tamamlanıb Avropa Komissiyası Polşa barə- sində cərimə prosedurunu müzakirə
- İstər Budapeşt olsun, istərsə Buxarest və ya Varşava – hər üçündə ümumi cəhət ondan ibarətdir ki, bu dövlətlə
- Vüqar Seyidov deyəsən avroPa dağılır “ermənistana Prezident lazım deyil”
26 yanvar 2018-ci il № 5-8 (9191) 4 www.seanews.az “Azərbaycan Xəzər Dəniz Gəmiçiliyi” QSC-nin Azərbaycan Dövlət Dəniz Akademiyasının Təlim Tədris Mərkəzində ilk dəfə olaraq yerli təlimatçı və müəllimlərlə “Təlimatçılar üçün hazırlıq”, “Trenajor təlimatçıları və qiymətləndi- ricilərin hazırlığı”, “Dəniz- çilərin bilik və bacarığının yoxlanmasına və qiymətlən- dirilməsinə dair hazırlıq” kursları keçirilib. Kursun dinləyiciləri arasın- da Qazaxıstanın Ş.Yesenov adı- na Texnologiya və Mühəndislik Xəzər Dövlət Universitetinin əməkdaşları da olub. Əvvəllər Təlim Tədris Mərkəzində belə kursları yalnız xarici ölkələrdən dəvət olunmuş mütəxəssislər aparıblar. Kursları müvəffəqiyyətlə bitirən dinləyicilərə müvafiq sertifikatlar təqdim edilib. Dinləyicilər yüksək key- fiyyətli təlimə görə Təlim Təd- ris Mərkəzinin və Azərbaycan Respublikasının Nəqliyyat, Ra- bitə və Yüksək Texnologiyalar Nazirliyi yanında Dövlət Də- niz Agentliyinin əməkdaşlarına minnətdarlıqlarını bildiriblər.
Zavodda gəminin sualtı və suüstü hissələrinin təmizlən- məsi və üçqat boya ilə rəng- lənməsi həyata keçirilir. Eyni zamanda hər iki baş mühərrik, dizel generatorlar, 6 nasos tə- mir olunur. “Berkarar” gəmisinin boru və elektrik sistemlərində də tə- mir işləri görülür. Xatırladaq ki, “Azərbay- can Xəzər Dəniz Gəmiçiliyi” QSC-nin “Zığ” Gəmi Təmiri və Tikintisi Zavodunun əsas fəaliyyət istiqaməti “AXDG” QSC-yə və başqa təşkilatla- ra məxsus gəmiləri və texniki avadanlıqları təmir etməkdən və onlar üçün sifarişlər əsasın- da müxtəlif növ ehtiyat hissələ- ri, texniki vasitələr hazırlamaq- dan ibarətdir.
Əməliyyatlar zamanı ətraf mühitə zərərin vurulmaması üçün mövcud imkanlar daxilin- də zəruri qabaqlayıcı tədbirlər görülür.
2017-ci ildə Cəmiyyətin həm sahil, həm də dəniz ob- yektlərində formalaşan 141333 ton çirkab məişət-təsərrü- fat suyu, 4501,4 ton neftli döşəməaltı su, 90,474 ton yağlı əski, 54,111 ton sintetik propi- len buraz kəndir qalığı, 0,92 ton istifadə müddəti bitmiş kimyə- vi tərkibli məmulat bağlanmış müqavilələr əsasında səriştəli mütəxəssislərə və texniki re- surslara malik sertifikasiyalı qurumlara təhvil verilməklə ərazilərimizdən kənarlaşdırılıb. Həmçinin, 126 ədəd ya- rarsız akkumulyator, 594 ədəd avtomobil şini, 75,811 ton rezin tullantısı, 213 ədəd yanacaq, 663 ədəd yağ və 343 ədəd hava süzgəcləri, 1,083 ton toner-kat- ric, 344,98 ton keramik qırıntı, 64,99 ton işlənmiş boya qabı və boya tullantıları, 485,24 ton taxta tullantı, 60 ton tibbi tul- lantı, 169,702 ton şüşə qırığı, 226,825 ton sellüloz tullantısı, 223,618 ton tekstil parça qalığı, 335,324 ton polimer əsaslı və plastmas tullantı, 820,106 ton qida qalığı aidiyyəti üzrə təhvil verilib.
Qeyd edilən dövrdə Dəniz- kənarı Milli Park və Cəmiyyə- tin sahil fəaliyyət akvatoriyaları səthindən 0,19 ton neft-su qarı- şığı, habelə 38,48 ton müxtəlif ölçülü əşyalar yığılıb təhvil ve- rilib.
Anadolu Agentliyi xəbər verir ki, bu barədə TAP-ın kommunikasiya rəhbəri Lisa Givert deyib. O bildirib ki, yanva- rın ortasına boru kəməri marşrutu üzrə Yunanıstanda 518 kilometr ərazi təmiz- lənib, 473 kilometr boru xətt boyunca düzülüb, 457 kilometr boru qaynaqla- nıb, 362 kilometr boru torpağa basdırı- lıb və 265 kilometr sahə əvvəlki vəziy- yətinə gətirilib. Albaniyada isə boru kəməri marş- rutu boyunca 168 kilometr ərazi təmiz- lənib, 163 kilometr boru xətt boyunca düzülüb, 157 kilometr borunun qaynağı tamamlanıb. Həmçinin bu ölkədə 133 kilometr boru torpağa basdırılıb və mar- şrut üzrə 116 kilometr sahə əvvəlki və- ziyyətinə gətirilib. “TAP-ın keçdiyi 3 ölkədə işçilər 61,5 milyon kilometr yol qət edib və 22,5 milyon nəfər-saat iş görülüb”, - deyə L.Givert əlavə edib. Qeyd edək ki, TAP Avropa İttifaqı üçün prioritet enerji layihələrindən olan “Cənub Qaz Dəhlizi”nin bir seqmentini təşkil edir. Boru kəmərinin təməli keçən il mayın 17-də Yunanıstanın Saloniki şəhərində qoyulub. Layihənin ümumi dəyəri 4,5 milyard avro olacaq. Buraya 2009-cu ildən bəri davam edən dizayn və mühəndislik işləri də daxil edilib. “Şahdəniz” konsorsiumu ilk qaz satışını 2018-ci ilin sonunda Türkiyəyə və Gür- cüstana həyata keçirəcək. Avropaya ilk qazın verilməsi isə bundan təxminən 1 il sonra 2020-ci ilin əvvəllərində plan- laşdırılır. TAP boru kəmərinin ötürücülük qa- biliyyəti ildə 10 milyard kubmetr olan ilkin layihəsi üzrə biri Yunanıstanın şərqində - Kipoidə, digəri isə Albani- yanın qərbində - Fierdə olmaqla ümu- milikdə iki kompressor stansiyasının tikintisi qrafikə uyğun davam etdirilir. Kompressor stansiyaları ilə yanaşı, həmçinin Albaniyanın şərqində Bilisht regionuna yaxın ərazidə bir ölçmə stan- siyasının inşası aparılır. Kompressor və ölçmə stansiyalarının tikintisi təxminən iki il müddətində başa çatdırılacaq. Bun- dan sonra isə ilkin istismara hazırlıq və tam istismara verilmə üzrə yoxlamalar keçiriləcək. TAP qaz boru kəməri üçün lazım olan turbo kompressorlar “Sie- mens” şirkəti tərəfindən istehsal edilib. Boru kəmərinin dəniz hissəsi isə 2018- 2019-cu illərdə inşa ediləcək. Xəzər dənizinin Azərbaycan sekto- rundakı “Şahdəniz-2” yatağından hasil olunacaq qazı Türkiyəyə və bu ölkədən də Avropaya daşıyacaq 3 min 500 kilo- metr uzunluğundakı “Cənub Qaz Dəh- lizi”nin tərkib hissəsi olan TAP layihə- si Cənubi Qafqaz Boru Kəmərinin və TANAP-ın davamı olub, “Şahdəniz-2”- dən hasil olunacaq qazın Yunanıstan və Albaniya vasitəsilə, Adriatik dənizindən keçməklə İtaliyanın cənubuna, oradan da Qərbi Avropaya nəqlini nəzərdə tutur. TAP boru kəməri TANAP ilə birləşəcək və Yunanıstanın Türkiyə ilə sərhəddə yerləşən Kipoi ərazisindən başlayacaq. Buradan TAP boru kəməri Yunanıstan və Albaniya ərazisini qət edərək şərq- dən qərbə Adriatik dənizi sahillərinə doğru istiqamətlənəcək və İtaliyanın Puqlia bölgəsində sahilə çıxacaq. Boru kəməri burada “Snam Rete Gas” şirkə- tinin istismar etdiyi İtaliyanın qaz nəq- liyyatı şəbəkəsinə birləşəcək. Bu layihə Azərbaycan qazının İtaliya, Almaniya, Fransa, Böyük Britaniya, İsveçrə və Avstriya kimi böyük Avropa bazarlarına çatdırılması üçün böyük imkanlar yara- dır. TAP-ın ilkin ötürücülük qabiliyyəti ildə 10 milyard kubmetr olacaq və bu həcmin gələcəkdə 20 milyard kubmetrə- dək artırılması nəzərdə tutulub. Boru kəmərinin uzunluğu 878 kilo- metr (Yunanıstan–550 kilometr, Alba- niya–215 kilometr, Adriatik dənizi–105 kilometr, İtaliya–8 kilometr), diametri isə 48 düymdür (sualtı hissə-37 düym). Boru kəmərinin ən aşağı hissəsi dəniz səviyyəsindən təxminən 820 metr dərin- likdə, ən yüksək hissəsi Albaniya dağla- rında 1800 metr hündürlükdən keçəcək. 2020-ci ilədək layihə üzrə Azərbaycan şirkətlərinin xərclərinin 1,2 milyard dol- lar olması gözlənilir. TAP-ın səhmdarları belədir: BP (20 faiz), SOCAR (20 faiz), “Snam S.p.A.” (20 faiz), “Fluxys” (19 faiz), “Enagás” (16 faiz) və “Axpo” (5 faiz).
Parlament tipli respublikanın prezi- dent tipli respublikadan əsas fərqi onda- dır ki, burada hakimiyyət bölgüsü zama- nı baş nazirə daha çox səlahiyyət çatır. Odur ki, Sarkisyan bundan səmərəli istifadə etməyə çalışır. Ermənistan ic- timaiyyətinin etirazlarına baxmayaraq Sarkisyan ələ baxan prezident axtarır. Ermənistanda cərəyan edən proses- lərlə bağlı “Armtimes” saytında məqalə ilə çıxış edən Lilit Avakyan yarızarafat yarıgerçək yazır ki, Ermənistana, ümu- miyyətlə, prezident lazım deyil. Prezi- dentlik institutu onsuz da güc-bəla ilə doldurulan Ermənistan büdcəsinə əlavə yükdür. Sarkisyanın prezident olduğu dövrdə prezidentin lazımsız vəzifə ol- duğu bütün çılpaqlığı ilə özünü göstərdi. Müəllif qeyd edir ki, taleyüklü məsələlərin həlli zamanı prezident ya ölkədə olmayıb, ya da susub. 2013-cü ilin iyununda ölkədə nəqliyyat xidmət- lərinin qiyməti 50 faiz artdı və onsuz da ağır sosial vəziyyətdə olan əhalinin du- rumu daha da pisləşdi. Bütün xalq ümi- dini prezidentə bağladı ki, bəlkə o, nə isə bir iş görər və qiymətlər 50 yox, heç olmasa 25 faiz artar. Lakin Sarkisyan heç nə olmamış kimi istirahətə yollandı. 2015-ci ilin yanvarında Gümrüdə yerləşən 102 saylı Rusiya hərbi bazası- nın hərbi qulluqçusu Valeri Permyakov Avetisovlar ailəsinin bütün üzvlərini güllələdi. Bütün xalq ayağa qalxdı, po- lislə əhali arasında qarşıdurma yarandı, bir çoxları həbs olundu. Xalqın yeganə tələbi bu idi ki, cani Ermənistanda mü- hakimə olunsun. Lakin yenə də prezi- dent S.Sarkisyandan səs çıxmadı. Pre- zident nəinki başsağlığı vermədi, heç cinayəti qınamadı da, sanki belə hadisə baş verməyib. 2016-cı ilin iyun ayında silahlılar Yerevandakı polis şöbəsinə hücum edib oranı tutanda da dövlət başçısından səs çıxmadı. Bütün dünya Yerevanda baş verən silahli insidentdən danışdı, amma ölkə prezidenti bir kəlmə də olsun danışmadı. Həmin vaxt ictima- iyyəti baş vermiş silahlı hadisədən daha çox prezidentin susması maraqlandırır- dı. İnsanlar bir-birilərinə sual verirdilər: Görəsən prezident niyə susur? 2016-cı ilin aprel ayında da pre- zident susdu. Həmin vaxt Azərbaycan ordusu Lələtəpəni və Cocuq Mərcan- lını azad etdi və erməni hərbçiləri gö- rünməmiş itkiyə məruz qaldı. Yenə də bütün dünya cəbhə xəttində baş verən hadisələrdən danışdı. Lakin prezident və silahlı qüvvələrin ali baş komandanı aprel döyüşlərinə münasibət bildirmədi. Çünki S.Sarkisyanın deməyə sözü yox idi. Məhz onun apardığı siyasət nəticə- sində Ermənistan bu günə düşüb. Müəllif bir çox belə faktları sadala- yaraq qeyd edir ki, belə prezidentdənsə, heç olmaması daha yaxşıdır. Prezident olanda nə edirdisə, baş nazir olanda da onu edəcək. Bunun xalqa dəxli yoxdur. Rabil Kətanov taP layihəsi üzrə işlərin 65 faizi tamamlanıb Avropa Komissiyası Polşa barə- sində cərimə prosedurunu müzakirə edir. Rumıniyada on minlərlə nü- mayişçi hüquqi dövlət prinsiplərinin saxtalaşdırılmasına qarşı etiraz edir. İstər Budapeşt olsun, istərsə Buxarest və ya Varşava – hər üçündə ümumi cəhət ondan ibarətdir ki, bu dövlətlə- rin hökumətləri məhkəmə təsisatları üzərində nəzarət etməyə və hakimiy- yət bölgüsü prinsipini pozmağa cəhd göstərirlər. Avropa Komissiyasının fikrincə, “də- mir pərdə” götürüləndən təxminən 30 il sonra Şərqi Avropa ölkələrində demokra- tiya prinsipləri “təhlükə qarşısındadır”. “Alman dalğası” yazır ki, Polşa, Ma- carıstan və Rumıniya hökumətləri tərəfin- dən bu ölkələrdə məhkəmə hakimiyyətinə birbaşa nəzarət etmək cəhdləri qismən uğurlu olub, lakin məhkəmə təsisatları- nın müstəqilliyinin pozulması hakimiyyət bölgüsü prinsipini və dövlətdə qüvvələrin tarazlığını təhlükə altına alır. Rumıniyada hakimiyyət orqanları korrupsiya ilə bağlı işlərin təhqiqatının qarşısını almaq imkanı əldə etmək üçün prokurorluğun səlahiyyətlərini məhdud- laşdırmağa çalışırlar. Polşada məhkəmə islahatı ədliyyə nazirliyinə öz mülahizə- sinə əsasən məhkəmələrin sədrlərini və- zifəyə təyin etmək və vəzifədən azad et- mək səlahiyyəti verilməsini nəzərdə tutur. Macarıstanda 2011-ci ildə yeni Konstitu- siya qəbul ediləndən sonra Konstitusiya Məhkəməsinin səlahiyyətləri xeyli məh- dudlaşdırılıb, hakimlərin və prokurorların pensiya yaşının azaldılması isə “namüna- sib” dövlət qulluqçularından yaxa qurtar- mağa imkan verib. Şərqi və Cənub-Şərqi Avropa ölkələ- rində qaçqınlarla bərabər milli azlıqların nümayəndələrinin də vəziyyəti gərginlə- şib. Macarıstan hökuməti mütəmadi ola- raq piar-aksiyalar keçirir, miqrant müsəl- manların zərəri barədə təbliğat apararaq ksenofob və islamofob ifadələrin köməyi ilə öz reytinqini artırmağa çalışır. Ən iri etnik azlıq olan qaraçılar regi- onun bütün dövlətlərində ayrı-seçkiliyə məruz qalırlar. Keçmiş Yuqoslaviyada müharibənin nəticələrini ən çox hiss edən bu dövlət parçalanandan sonra onun ye- rində yaranmış ölkələrdəki etnik azlıq- ların nümayəndələri olub. Xorvatiyada və Kosovodakı serblər kimi, Serbiyadakı albanlar və bosniyalı müsəlmanlar da öz- lərinə qarşı düşmənçilik münasibəti ilə üz- ləşirlər. Macarıstan başqa ölkələrdə yaşa- yan həmvətənlərinin mənafelərini həddən artıq müdafiə etdiyinə görə Rumıniya və Slovakiya ilə daim münaqişə vəziyyətin- dədir.
Almaniyalı ekspert Martin Xok öz bloqunda yazır: “Bütün Avropa ölkələrin- də yüksəliş hiss edən populist partiyalar getdikcə tez-tez hökumətə daxil olurlar - yaxın vaxtlarda Avstriyada olduğu kimi. Lakin Şərqi Avropa bloku ölkələrinin əsas xüsusiyyəti hökumət partiyalarının çox güclü, dövlət institutlarının isə hədsiz zəif olmasıdır. İş yerlərinin və rəhbər vəzifələ- rin bölgüsü çox vaxt ixtisas səviyyəsindən və təcrübədən deyil, partiya mənsubiyyə- tindən asılıdır. Demokratik dəyərlərə sa- diqlik bəzi dövlət liderləri üçün praktiki olaraq nominal məsələdir: həqiqətdə bu liderlərin bəziləri az qala bolşeviklər kimi hakimiyyəti mütləqləşdirməyə can atır- lar”. Brüssel isə Budapeşt və Varşava tərə- findən Aİ prinsiplərinin daim pozulması- na incidilmiş və qayğılı, lakin işi başdan aşan məktəb müəllimi kimi baxır. O, gah hiddətlənmiş şəkildə xəbərdarlıq edir, gah da cərimə prosedurları tətbiq etməyə baş- layır, lakin illərlə davam edən bu prose- durlar çox səmərəsiz olur. Görünür, Avropada mürəkkəb dövr başlanır və o hələ ümumi yanaşmalar və prinsiplər hazırlamalıdır. Lakin Aİ üzvlə- ri arasında yaranmış fikir ayrılıqlarından göründüyü kimi, bu məsələ heç də asan olmayacaq.
Yüklə 486,67 Kb. Dostları ilə paylaş:
|