Bozor iqtisodiyotida narxning regulyatorlik V



Yüklə 1,03 Mb.
səhifə5/8
tarix31.12.2021
ölçüsü1,03 Mb.
#81612
1   2   3   4   5   6   7   8
Muhammadali Ismoliov

ASOSIY QISM




  1. 3.Atmosferaning ifloslanishi va uning salbiy oqibatlari

Kishilar va barcha tirik mavjudot havo bilan nafas oladi. Kishi nafas organlari bir sutkada 20 m havo o‘tkazadi. Demak, atmosfera planetamiz xayoti uchun g‘oyat zarurdir. Biroq u borgan sari insonning xo‘jalik faoliyati bilan bog‘lik holda vujudga kelgan karbonat angidrid, oltingugurt oksidi, azot, uglevodorod, mayda qattiq zarrachalar va radiaktiv moddalar bilan ifloslanib bormoqda. Bu ifloslanish quyosh radiatsiya balansiga ta’sir etib, er shari haroratining o‘zgarishiga olib kelmokda. Atmosferaning shunday ifloslanishi davom etaversa, 2100 yil ga kelib karbonat angidridning miqdori 3 marta ortishi ham mum­kin. Olimlarning fikrlariga qaraganda, issikxona gazlari miqdorining ko‘payishi okibatida dunyo miqyosida havo harorati kutariladi va iqlim modellari bo‘yicha keyingi yuz yil ichida harorat 1,0 dan 3,5 °S gacha ko‘tarilishi mumkin.

Er shari haroratining o‘zgarishi esa, o‘z navbatida er sharidagi organik hayotga salbiy ta’sir etadi. Keyingi yillarda sanoatning rivojlanishi va har xil yokilgi bilan ishlaydigan zavod, fabrika va mashinalarning ko‘payishi natijasida atmosferaga ko‘plab zararli gazlar aerozollar, tutun, kurum, ko‘llar chikarilmokda va ko‘plab kislorod sarf bo‘lmoqda.

Kislorod ishlab beruvchi o‘rmonlar va o‘tloqlar maydoni esa borgan sari qisqarib bormoqda. Bularning hammasi, o‘z navbatida atmosfera tarkibidagi kislorodning kamayib, karbonat angidrid va boshqa zarar­li gazlar miqdorining ortib borishiga olib kelmoqda.

Noqulay meteorologik sharoitlar natijasida atmosferada chiqindi gazlar konsentratsiyasi oshib borib, qalin toksik tumanlar hosil bo‘lishiga sabab bo‘lmoqda. Toksik moddalarning to‘planishi hisobiga og‘ir xastaliklardan nobud bo‘lish hollari kuzatilmoqda. Havoni ifloslantiruvchilar umumiy toliqishni, ish faoliyatini kamaytirishni, yo‘tal, bosh aylanishi, ovoz bo‘g‘ilishi, o‘pka va ko‘zning turli kasalliklarini, organizmning umumiy zaharlanishini, organizm kasalliklarga qarshi kurashish qobiliyatining susayishini keltirib chiqaradi. Yirik shaharlar havosida sanoat tashlamalari, avtomobillardan chiqadigan gazlar: qurum, kul, tutun, changlar o‘ziga xos quyosh spektrining ultrabinafsha qismi atmosferaning qo‘yi qatlamlariga etib kelishini qiyinlashtiradi. Masalan, Ultrabinafsha nurlarning etishmovchiligi bolalarda raxit va avitaminoz kasalliklari rivojlanishiga sabab bo‘lmoqda. Kimyoviy moddalarning inson organizmiga mutagen, konserogen, allergen, aterosklerotik, embriotoksik va hatto jinsiy mutatsiya ta’sirlari aniqlangan. Pestitsidlar muntazam me’yordan 3-4 va 9 marta ko‘p qo‘llanilgan hududlarda yurak-tomir tizimining kasallanish darajasi 1,2 va 2,2 marta oshganligi ma’lum. O‘simliklarni himoya qilishda qo‘llaniladigan kimyoviy vositalar bilan jigar va siydik yo‘llari kasalliklarini kelib chiqishi o‘rtasida uzviy bog‘liqlik mavjud. Kelajakda pestitsidlarni ishlatish natijasida bolalarning nobud bo‘lishi, aholi o‘rtasida bronxit, bronxial astma, avitaminoz va boshqa kasalliklarni keskin ortib borishi bashorat qilinmoqda. Bronxit, bronxial astma, o‘pka, yurak-tomir kasalliklarining kelib chiqish sababi ko‘p hollarda atmosfera havosining ifloslanishidandir.

Atmosfera havosining chiqindilar bilan ifloslanishi XX asrdan e’tiboran tez sur’atlar bilan borganligi qayd etilgan. Katta shaharlarda atmosfera havosi tarkibidagi chang miqdorining har xil bo‘lishi shaharlar ozodaligiga, ko‘kalamzorlashtirilganligiga, sanoat korxonalarining katta-kichikligiga hamda ularni shahar hududida joylashganligiga bog‘liq. Havoning changli yoki tumanli bo‘lishi va ularning quyosh radiatsiyasiga ta’siri shahar muhitini o‘zgartirib yuboradi, havo harakatini sekinlashtiradi, uning nisbiy namligini kamaytirishi ham mumkin. SHaharni quyuq tuman bosishi ham xavflidir, chunki tuman tomchilari tarkibidagi zaharli moddalar inson organizmiga kirgach, salbiy ta’sir ko‘rsatadi. Jumladan, nafas yo‘llarining shilliq qavatlarini yallig‘lantirib, turli kasalliklarni keltirib chiqaradi. SHunday tumanli kunlarda bemorlarning ahvoli keskin yomonlashadi. Masalan, surunkali bronxit, emfizema, tumov kasalliklariga duchor bo‘lgan bemorlar o‘zlarini yomon his qiladilar. Atmosfera havosidagi chang zarrachalari inson organizimiga noxush ta’sir qiladi. CHanglarning asorati ular tarkibidagi kimyoviy moddalarning biologik faolligiga, tabiatiga, fizik jihatiga bog‘liq bo‘ladi. Masalan, havodagi chang tarkibida qo‘rg‘oshin, margimush, marganets, kadmiy, ftor aerozollari organizmga tushib, surunkali kasalliklarni paydo qiladi. Jumladan, kamqonlik, flyuroz, poliartrit, polinevrit kabi kasalliklar kelib chiqadi. Ayniqsa, radioaktivlik xususiyatiga ega bo‘lgan changlar o‘ta xavfliligi bilan ajralib turadi. Radioaktiv changlar naqadar xavfli ekanligini CHernobil fojiasi va Semipalatinsk poligoni asoratlari misolida ko‘rish mumkin.

Zaharli bo‘lmagan yirik diametrli chang zarrachalari ko‘z va burunning shilliq qavatlariga tushib, ularni jarohatlaydi, yalliglanish jarayoni burunda, tomoqda, kekirdakda va bronx naylarida kuzatiladi. Bunday hollar o‘tkir va surunkali rinit, laringit, faringit, traxeit, bronxit yoki traxeobronxit, laringotraxit kabi kasalliklarni keltirib chiqaradi. Nafas yo‘llari orqali o‘pkaga kvars changlari tushsa pnevmokonioz kasalligini, elektr stansiyalardan chiqadigan qurumlar tarkibida 14,9-19,7% atrofida kremniy qo‘sh oksidi moddasining bo‘lishi esa slikoz kasalligini keltirib chiqaradi.

Atmosferadagi zararli qo‘shimchalar quyoshning ultrabinafsha nurlarini tutib qoladi. Yirik shaharlarda quyoshning to‘g‘ri nurlanishini sekinlashtiradi. Atmosfera havosini ifloslanishi uning elektrik hossalarini, ion tarkibi o‘zgarishiga olib keladi. Amerika Qo‘shma SHtatlarining bir qator shtatlarida o‘tkazilgan kuzatish natijalari shuni ko‘rsatadiki, barcha tadqiqot o‘tkazilgan shaharlarda yashovchi bolalar o‘rtasida havosi ancha toza bo‘lgan tumanlarda yashovchi bolalardagiga nisbatan o‘pka kasalligi ko‘p kuzatiladi. Bu hol inson organizmiga oltingugurt gazi va sulfatlarning zararli ta’siri bilan izohlanadi. Barcha mamlakatlarda o‘pka emfizemasi bilan og‘riganlar soni oshib bormoqda, allergik kasalliklar o‘smoqda. Buning asosiy sababi sanoat korxonalaridan chiqqan tashlamalardir. Dunyo bo‘yicha insonlarning 10 foizi allergenlar ta’siriga uchragan. Rak - o‘tgan asrning kasalligidir. Bu ham atmosfera havosida katta miqdorda konserogen, mutagen va terotogen moddalarning mavjudligi bilan bog‘liq. Polisiklik aromatik uglevodorodlar (PAU) ham katta xavf tug‘diradi. Atmosfera havosini konserogen uglevodorodlar bilan ifloslanishi va sanoat korxonalari, transport, shaharsozlikni rivojlanishi o‘rtasida uzviy bog‘liqlik mavjud. Havosi toza qishloq joylarida rak kasalligi bilan kasallanish shaharlardagidan, ayniqsa, katta shaharlaridagidan ancha past. O‘pka raki bilan kasallanish ehtimoli, ayniqsa, chekuvchi shaharliklarda chekmaydigan qishloq aholisiga qaraganda 10 marta yuqori.

Atmosfera havosining ifloslanishi hayvonlarni, qush va hasharotlarni nobud bo‘lishiga sababchi bo‘ladi. Ishlab chiqarish korxonalaridan tashlanadigan ftoridlar ta’sirida bir qator mamlakatlarda asalarilar, qo‘ylar, yirik shoxli hayvonlar va uy parrandalarining yoppasiga qirilib ketganligi hisobga olingan.

Havo tarkibida ftor konsentratsiyasining yuqoriligi inson va hayvonlar tishlarining tez to‘kilib ketishiga sabab bo‘lib, ularning ovqat hazm qilish organlari va umurtqa suyaklarining kasallanishiga olib keladi. SHuningdek, o‘lgan hayvonlarni so‘yib ichki a’zolari o‘rganilganda, ko‘pincha nafas olish yo‘llarining shikastlanishi kuzatilgan. CHorva hayvonlarining nasl berish va mahsuldorligini pasayib ketishiga, hasharotlar, jumladan, asalarilar kamayishiga, suv havzalarida baliqlarning nobud bo‘lishiga ham havoning Ftor birikmalari bilan ifloslanishi sabab bo‘lishi mumkin. Veterinariya xizmati xodimlari ma’lumotlariga ko‘ra, qo‘y va yirik shoxli hayvonlar alyuminiy zavodlaridan chiqadigan ftoritdan zaharlanadi. Ular havo orqali tuproq va o‘tloqlarga tushadi. Bunday yaylovlarda boqilgan hayvonlar ftorli kaxeksiya bilan kasallanadi.

1980-yillarning boshlarida qo‘shni Tojikistonda alyuminiy zavodi ishga tushirilishi bilan O‘zbekistonning Surxondaryo viloyatiga qarashli ko‘pgina tumanlarida ekologik jihatdan tang ahvol vujudga keldi. Zavod atmosferaga ko‘p miqdorda ftorli vodorod, uglerod oksidi, oltingugurt gazi, azot oksidlarini chiqarib tashlagan. Vodiyning yuqori qismida Tojikistonning O‘zbekiston bilan chegarasida joylashgan zavodning chiqindilari tog‘dan vodiy tomonga esadigan shamol bilan birga Respublikaning chegaradosh bo‘lgan Surxondaryo viloyatining Sariosiyo, Uzun, Denov, Oltinsoy tumanlari hududiga tarqalgan. Ftorli vodorodning chorva mollari va poliz ekinlariga salbiy ta’siri oshib borgan. Zikr etilgan hududlarning ba’zi xo‘jaliklarida pomidor, karam, bodring va uzum kabi sabzavot va mevalar hosildorligi kamayishi, ipak qurtidan pilla etishtirishning pasayishi kuzatilgan. Anor va xurmolar sifatiga jiddiy ta’sir ko‘rsatgan, aholi salomatligi yomonlashgan. SHveysariyada ham ana shunday zavod atrofida boqilgan mahalliy aholi chorva mollarining to‘rtdan uch qismi 9 yil mobaynida nobud bo‘lganligi ma’lum. Fransiya va Italiyaning bir qator tumanlarida atmosferaning doimiy dimiqishi natijasida tut bargi tarkibida ftor miqdorining me’yordan 20 marta ortib ketganligi aniqlangan. Bunday barglar bilan boqilgan ipak qurtlarini esa ipak hosil qiladigan elimsimon moddalar ishlab chiqaradigan a’zolarining ishdan chiqishi kuzatilgan. Sanoat chiqindilari tarkibida ftoritlar va arsenitlar bo‘lishi asalarilarning ko‘p qirilib ketishiga sabab bo‘ladi. Yirik shoxli qora mollarning mishyak bilan zaharlanishi oqibatida ular badanida yaralar ko‘payadi. Dunyoning aksariyat mamlakatlarida atmosfera havosini oltingugurt gazlari, mishyak va simob bilan zararlanishi natijasida yovvoyi hayvonlar, jumladan, jayronlar, kiyiklar, quyonlar, fazan va boshqa parrandalar nobud bo‘lganligi to‘g‘risida ko‘plab ma’lumotlar mavjud.

O‘simliklar uchun havoni ifloslantiruvchi oltingugurt, ftor birikmalari, uglerod oksidi, xlor va uglevodorodlar o‘ta zararlidir. Ular qishloq xo‘jaligi va o‘rmonlarga, bog‘lar va parklarga katta zarar etkazadi. Fotosintez jarayonini buzadi, o‘simliklarning o‘sishi va rivojlanishini sekinlashtiradi va oxir- oqibatda ular quriydi. Juda oz miqdordagi oltingugurt angidridi ham o‘simliklarga ta’sir ko‘rsatishi aniqlangan. Donli o‘simliklardan arpa va suli, poliz ekinlaridan karam, ko‘katlar, rediska bunday gazlarga eng sezgir hisoblanadilar. Atmosfera ifloslanishi oqibatida kartoshka, qand lavlagisi, pomidor, no‘xat, tamaki, eryong‘oq, soya, lyuserna, uzum; apelsin kabi ekinlarning hosildorligi kamayadi. Ko‘plab meva navlari havoni ortiqcha gazlanganligidan barglari kichrayadi, erta kunda barglarini tashlab yuboradi. Moddalar almashinuvining buzilishi hisobiga keyingi yillarda ularning o‘sishi va hosil qilishi sekinlashadi, sifati buziladi. Atmosfera havosini ifloslantiruvchi moddalarning tirik organizmlarga va o‘simliklarga ta’siririi o‘rgangan ilmiy tadqiqot muassasalarining ma’lumotlari shundan guvohlik beradiki, rangli metallurgiya korxonalari joylashgan hududlar atrofida etishtirilgan bug‘doyning hosildorligi 40-45 %ga, tarkibidagi oqsil esa 25-35%ga kamayadi, kraxmal, esa, aksincha oshadi. Bunday korxonalar joylashgan hududning 25-50 km radiusdagi er maydonlarida etishtirilgan poliz ekinlari va kartoshka tarkibida S vitamini miqdori keskin kamayadi. Havoga oltingugurt, ftor va mishyakli tashlamalar chiqaradigan sanoat korxonalari atrofida joylashgan o‘rmonlar sezilarli darajada shikastlanadi, manbaga yaqin joylardagi daraxtlar quriydi.

Barglari chang va qurumlardan suvda yuvilgan daraxtlarda kechadigan fotosintez jarayoni ancha yuqori(4,155-4,372 g/m3) bo‘ladi. Barglari yuvilmagan daraxtlarda kechadigan fotosintez 3,022-3,245 g/m3 ni tashkil qiladi yoki taxminan 25% ga kamayadi. Ifloslantiruvchi manbadan 350 metr uzoqlikda joylashgan daraxtlarning har bir kvadrat metr barglari yuzasi 95-129 milligrammgacha chang va qurumlarni tutib qoladi va vaqt o‘tishi bilan yomg‘ir natijasida yuviladi. Barglarga chang yig‘ilishi o‘simliklarning turiga bog‘liq va rivojlanish davri davomida o‘zgarib turadi. Qayin daraxti eng ko‘p chang tutib qolish xususiyatiga ega. Uning barglari yuzasi bir sutka davomida 0,85-0,99 g/m3 changni (oq akatsiya esa 0,57-0,6 g/m3) tutib qoladi.

Har yili O‘zbekiston hududida joylashgan manbalardan havoga 4 million tonnaga yaqin zararli moddalar qo‘shilmoqda. Ularning yarmi uglerod oksidiga, 15 foizi uglevodorodlarga, 14 foizi oltingugurt qo‘sh oksidiga, 9 foizi azot oksidiga, 8 foizi qattiq moddalarga va 4 foizga yaqini o‘ziga xos o‘tkir zaharli moddalarga to‘g‘ri keladi. Arid iqlimli mintaqada joylashgan O‘zbekiston Respublikasida tez-tez chang bo‘ronlarini qo‘zg‘atib turuvchi, atmosferani chang-to‘zonga bulg‘atuvchi Qoraqum va Qizilqum sahrolaridek yirik tabiiy manbalar mavjud. So‘nggi 30-40 yil mobaynida Orol dengizining qurib borishi tufayli uning qurigan tubidan chang va tuz ko‘chadigan yana bir manba paydo bo‘ldi.

O‘zbekiston Respublikasining Olmaliq, Ohangaron, Andijon, Buxoro, Qo‘qon, Navoiy, Samarqand, Farg‘ona va CHirchiq kabi sanoatlashgan shaharlarida ftoridlar, qo‘rg‘oshin, benz(a)pirin, oltingugurt qo‘sh oksidi, uglerod va azot oksidlari, xlor va ftorli vodorodlar, azot qo‘sh oksidi, ammiak va chang miqdori ruxsat etilgan chegaraviy miqdor (RECHM)dan yuqoriligicha qolmoqda. O‘simliklar uchun bunday gazlar, ayniqsa, S02 va chang yanada zararlidir. Havodagi S02 ni o‘simliklar uchun toksiklik darajasi insonlar uchun ko‘zda tutilgan me’yordan(0,5 mg/m3) 25 marta yuqori.

Havo gaz tarkibining o‘zgarishi gigienik nuqtai-nazardan xavfli hisoblanadi.Havoda qandaydir noxush hid sezilsa va u nafas yo‘llari orqali organizmga ko‘proq kirib qolsa, albatta kasallik sodir bo‘ladi. SHunday gazlar ham borki, ular o‘ta zaharli bo‘lishiga qaramay, sira hidi bo‘lmaydi. Jumladan, is gazini inson seza olmaydi. Ko‘pincha shahar havosiga sanoat korxonalari juda ko‘p turli xususiyatli hidsiz va hidli gaz aralashmalar chiqarib tashlashi mumkin. Katta industrial shaharlarga kirib kelinganda havo tarkibi, uning musaffoligi buzilganligini sezish mumkin. Masalan, Olmaliq, CHirchiq, Navoiy va boshqa shaharlar havosining tarkibida o‘n va undan ziyod gazlar mavjud. Ular sanoat korxonalaridan, avtotransport vositalaridan ajralib chiqadigan zararli gazlardir. Havo tarkibidagi zararli gazlar to‘g‘ridan-to‘g‘ri nafas yo‘llariga kirib, o‘pkaning alveolalariga va qonga o‘tadi, yoxud shilliq qavatidagi namliklar bilan birikib, uni yallig‘lashi mumkin. O‘zbekistonda olib borilgan ilmiy-tadqiqot ishlari natijalari shuni tasdiqlaydiki, zaharli gazlar ko‘pincha yoshi o‘tgan kishilarga, shuningdek, yosh bolalarga ancha keskin ta’sir etadi, ularda kasalliklar xiyla og‘ir kechadi. Ma’lumotlar shahar aholisi o‘rtasida nafas yo‘llari kasalliklarining tarqalishi bilan atmosfera havosining ifloslanishi orasida uzviy bog‘liqlik mavjudligini ko‘rsatadi. Sanoat korxonalari joylashgan shaharlar aholisi o‘rtasida turli kasalliklar ko‘plab uchraydi. SHuni ham aytish kerakki, shahar havosi tarkibida zaharli moddalar kam bo‘lsada, lekin surunkali ravishda mavjudligi turli xastaliklar kelib chiqishiga olib keladi.

SHahar havosining ifloslanishida sanoat korxonalariga nisbatan avtomashinalarning hissasi ko‘proqdir.

Havodan ifloslanishlarning 70-80 % avtomashinalarga to‘g‘ri keladi. (Raxmatullaev A, Xusainov X.1998). Novikov YU.V., Beknazarovning (1983) yozishicha, avtomobillar havoga 200 dan ortiq turli aerozol zarrachalarini chiqaradi. Har bir avtomobilga bir yilda 200 kg (asosan benzin) va 300.000 kg havo sarflanadi. Ana shu yokilg‘idan bitta avtomobil havoga bir yilga 700 kg uglerod oksidi, 230 kg yonmagan uglevodlar, 30 kg azot oksidi va 2-5 kg qattiq modda chiqaradi. Samarqand shahrida 100 mingdan ortiq mashinalar mavjud. Demak, har 4 Samarqandlikka bittadan ortiq mashina to‘g‘ri keladi (Raxmatullaev A. va boshqalar. 1998). Avtomobillar ko‘p yuradigan katta ko‘chalar atrofida uglerod oksidining mikdori ruxsat etilgan me’yor (REM) dan 2-3 marta, azot oksi­di 2-2,5 marta ortiqda ko‘zatilgan. SHaharda Rudakiy, Gagarin, Oxunboboev, Universitet xiyoboni, A.Ikromov, A.Temur, SH.Rashidov, V.Abdullaev ko‘chalarida gazlar bilan ifloslanish juda kuchli. SHahar axolisini turli gazlar bilan ifloslanish darajasi bo‘yicha birinchi o‘rinda superfosfat ishlab chikaruvchi kimyo zavodi atroflari, ikkinchi o‘rinda Temiryul vokzali, uchinchi o‘rinda Universitet xiyoboni va to‘rtinchi o‘rinda Registon avtobus bekati, beshinchi o‘rinda Dahbet ko‘chasidagi chorrahalar turadi.

Atmosferada atom va vodorod bombalarining portlatilishidan ajralib chiqqan radiaktiv moddalar miqdori ham ko‘payib bormokda.

Havo ifloslanishining yana bir turi shovqindir. Ortiqcha shovqin- suron kishilar sog‘lig‘iga, ayniqsa, asabga, kayfiyatga ta’sir etadi.

Xullas, atmosfera havosining zararli gazlar, qurum, tumanlar bilan ifloslanishi o‘z navbatida mazkur hududda yashovchi kishilar organizmiga asoratli ta’sir ko‘rsatmasdan qolmaydi. O‘zbekiston Respublikasi gidrometeorologiya markazi bergan ma’lumotlarga qaraganda, Olmaliq va Farg‘ona, shuningdek, Navoiy va Qo‘qon shaharlari havosining zararli moddalar bilan ifloslanishi bo‘yicha eng iflos havoli shaharlar guruhiga kiradi. O‘zbekistonda turg‘un manbalardan havoga tashlanadigan chiqindilar 1.3 mln. tonnaga etdi. Jumladan, sulfat angidridi 535.8 ming, uglevodorod 427 ming, azot oksidi 94.1 ming, qattiq zarrachalar 317.4 ming tonnani tashkil etadi. Ana shu zararli moddalar asoratidan O‘zbekiston shaharlarida umumiy kasalliklar 1.5 barobarga, bronxial astma esa 20 foizga ortgan.





Yüklə 1,03 Mb.

Dostları ilə paylaş:
1   2   3   4   5   6   7   8




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə