Bp azərbaycanda Davamlı inkişaf haqqında hesabat 2015
Yüklə 5,37 Mb. Pdf görüntüsü
|
- Bu səhifədəki naviqasiya:
- Qazma şlamları
- Çirkab suları
- Hasil edilmiş lay suyu
- Əməliyyatlar zamanı suya atılmış qazma şlamları
25 BP Azərbaycanda Davamlı inkişaf haqqında hesabat 2015 Ətraf mühit
Biz əməliyyatlarımızda tullantıların əmələ gəlməsini aradan qaldırmaq, onları azaltmaq və təkrar istifadə etmək məqsədilə tullantıların idarə edilməsində bütün layihə dövrünü əhatə edən yanaşma qəbul etmişik. Tullantıların idarə olunması “BP Azərbaycan” şirkətinin 2015-ci ildəki fəaliyyətində ümumilikdə 100000 tona yaxın təhlükəli və təhlükəsiz tullantı əmələ gəlib. Təhlükəli tullantıların həcminin dörd dəfə azalması podratçı tərəfindən qurudakı lay suyunun utilizasiyasının dayandırılması və qazma məhlulları tullantılarının əhəmiyyətli şəkildə azalması nəticəsində baş verdi. 2015-ci ildə həm təhlükəli tullantıların (44031 ton), həm də təhlükəsiz tullantıların (10036 ton) 54%-i təkrar emal və ya istifadə olunub. Kağız, taxta, plastik materiallar və neftli su təkrar emal etdiyimiz əsas tullantılardır. Qazma şlamlarının 48553 tonu Sərəncədəki təhlükəli tullantıların idarə edilməsi obyektində emal edilib. Nəticədə qazma məhlulunun əsasını təşkil edən 8818 ton həcmində maye karbohidrogen regenerasiya edilib ki, bunun da 3705 tonu qazma məhlulu hazırlamaq üçün təkrar istifadə olunub, 1738 tonu isə neft ixrac boru kəmərlərinə vurulub. Sərəncədəki təhlükəli tullantıların idarə edilməsi obyektində illər boyunca yığılmış təhlükəli tullantıları oradan aparmaq üçün səylərimizi davam etdirdik. İl ərzində 100000 tondan çox tullantı yeni təsdiq edilmiş utilizasiya yolları sayəsində sahədən kənarda utilizasiya edildi. Qazma şlamları 2015-ci ildə qazma şlamlarının idarə edilməsində böyük dəyişikliklər oldu. AÇG yatağında yenidən laya vurma quyularına şlamların vurulmasını iki dəfədən çox artıraraq 20000 tondan yuxarıya çatdırdıq. Şlamların dənizdən quruya daşınması 72% artaraq 53875 tona çatdırıldı; bu həcm Sərəncədəki təhlükəli tullantıların idarə edilməsi obyektinə gətirildi. Bunun nəticəsində dənizə icazə verilən atqı yarıbayarı azalaraq 16970 tona endi. Xüsusi tələblərə cavab verən dənizə atqı Çıraq platformasından sintetik əsaslı qazma məhlulu (SiQM), eləcə də bütün digər platformalardan və səyyar qazma qurğularından su əsaslı qazma məhlulu (SuQM) üçün nəzərdə tutulub.
2015-ci ildə çirkab sularının təmizlənməsi qurğusunun işləməməsi hallarını daha da azaltdıq (2014-cü ildə 12, 2015-də 4) ki, bunun nəticəsində təmizlənməmiş çirkab sularının dənizə atqısı azaldı. Qurğunun dayandırılması səbəbindən təmizlənməmiş çirkab su atqısının həcmi əhəmiyyətli şəkildə azalaraq 2014-cü ildəki 204 m3-dən 16 m3-ə endi. Biz müntəzəm olaraq çirkab sularının təmizlənməsi qurğusunun fəaliyyətini və təmizlənmiş suyun keyfiyyətinin monitorinqini və analizini aparırıq. Əksər dəniz platformalarında bağırsaq çöpü bakteriyaları üzrə nəticələr müəyyən edilmiş normanı keçib. Şahdəniz platformasında asılı bərk hissəciklərin ümumi miqdarı və oksigenə bioloji tələbat normadan artıq olub. Monitorinqlərin keçirilməsi tezliyini artırmışıq və səbəblərin təhlili davam edir. Səngəçal terminalında təmizlənmiş çirkab sularının monitorinqinin nəticələri yanvar-may aylarında və noyabr ayında tələb olunan bəzi parametrlərə uyğun olmayıb və sonradan həll olunub. İxrac boru kəmərləri boyunca biotəmizləmə nohurlarında bağırsaq çöpü parametrlərinin yüksəlməsi ilə bağlı problem 2015-ci ildə davam etdi. Nohurların ərazisi boyunca suyun keyfiyyətinin qiymətləndirilməsini davam etdirdik.
Bizim əməliyyatlarımız, misal üçün gəmiləri və ya boru kəmərlərini yoxlamaq üçün istifadə edilən sudan yaranan, ya da suyun soyudulması nəticəsində meydana gələn tullantı suların mühüm həcmlərini idarə edir. Biz həmçinin, karbohidrogenlərin hasilatı zamanı suyun üzünə çıxan hasil edilmiş lay suyunu da idarə edirik. AÇG yatağında lay suyunun həcmi artmaqda davam etdi və əksəriyyəti quruya nəql edildi. Dənizə lay suyu atqılarının həcmi il ərzində 72% azalaraq 22506 tona düşdü. Buna bir sıra sızan klapanların təmir edilməsi sayəsində nail olduq. Səngəçal terminalında təmizləndikdən və separasiya edildikdən sonra təxminən 4800800 ton lay suyu yenidən laya vurulmaq üçün dənizə qaytarıldı. AÇG-də hasil edilmiş lay suyunun ümumilikdə 5539006 tonu və ya 99,6%-i yenidən laya vuruldu. Qalan 3500 ton isə sınaq təmizlənmə üçün üçüncü tərəflərə aid iki təmizləyici qurğuya göndərildi. 2015-ci ilin sonunda Dərinsulu Günəşli platforması dənizdə hasil edilmiş lay suyunun separasiyasına başladı və Şərqi Azəri platformasından bir il sonra bu texnologiyadan istifadə edən ikinci platforma oldu. Bu texnologiya sahilə göndərilən neftin tərkibindəki suyun kəmiyyətini azaltmağa səbəb oldu. 2015-ci ildə ümumilikdə Şərqi Azəri platformasında 666089 ton, Dərinsulu Günəşli platformasında isə 94810 ton lay suyu separasiya edildi.
Şahdəniz yatağından hasil edilmiş lay suyu həcmləri AÇG-də olduğundan xeyli azdır. 2015-ci ildə 28512 ton separasiya edilərək Səngəçal terminalındakı xüsusi saxlama nohurlarına vuruldu ki, bu da 2014-cü il ilə müqayisədə 8% azdır.
(ton)
Yataq / qurğu SuQM-li qazma şlamları SiQM-li qazma şlamları Cəmi Çıraq-1
0 2 752,8
2 752,8 Mərkəzi Azəri 1114,9 0
Qərbi Azəri 228,9
0 228,9
Şərqi Azəri 217,5
0 217,5
Dərinsulu Günəşli və Qərbi Çıraq 0 0 0 Şahdəniz
284 0 284 “Dədə Qorqud” qazma qurğusu 0 0 0 “İstiqlal” qazma qurğusu 12 371,4 0 12 371,4 “Heydər Əliyev” qazma qurğusu 0 0 0 Cəmi 14,216.7 2,752.8 16,969.5 İşçilər BP-nin Qabaqcıl Mayelər Obyektinin nəzarət otağında iş prosesini yaxından izləyirlər.
Yüklə 5,37 Mb. Dostları ilə paylaş:
|