31
BP Azərbaycanda Davamlı inkişaf haqqında hesabat 2015
Cəmiyyət
keçirilməli olan potensial sosial investisiya layihələrini
müəyyən etdi.
2015-ci ildə bu qiymətləndirmə zamanı aşkara çıxmış
ehtiyacları ödəyən bir sıra icma inkişafı təşəbbüslərini
həyata keçirdik.
Məktəbəqədər yaşlı uşaqlar üçün kompüter
əsaslı təhsil layihəsi
Boru kəmərlərinin keçdiyi rayonlarda uşaq
bağçalarını işlənmiş kompüterlərlə təchiz etmək
barədə 2014-cü ilin noyabrında PCs4KIDS Fondu
ilə anlaşma memorandumu imzaladıq. Bu layihənin
başlıca məqsədi dərs zamanı əyləncəli kompüter
proqramlarından istifadə etməklə məktəbəqədər
yaşlı uşaqlara fəal dinləmə və yaradıcı düşüncə
qabiliyyətləri kimi idrak bacarıqlarını inkişaf etdirmək
imkanı yaratmaqdır. 2015-ci ildə Qaradağ, Hacıqabul,
Kürdəmir və Ucar rayonlarında 11 icmaya 101
kompüter payladıq.
Səhiyyə üzrə maarifləndirmə sessiyaları
2015-ci ilin noyabr ayında Hacıqabul, Kürdəmir və
Ucar rayonlarında layihənin təsirinə məruz qalmış
11 icmada 300-ə yaxın insan üçün vərəm barədə
icmanın maarifləndirilməsi sessiyası keçirdik. Bu
sessiyalar Azərbaycan Elmi-Tədqiqat Ağ Ciyər
Xəstəlikləri İnstitutunun iki həkimi tərəfindən aparıldı.
Sessiyalar zamanı vərəm, onun simptomları, müalicə
üsulları və profilaktika tədbirləri barədə məlumat
verildi.
Səngəçal və Ümid icmalarında İT-nin əsasları
kursu
2015-ci ilin dekabrında Qaradağ rayonunun Ümid
və Səngəçal icmalarının üzvləri üçün onlara gəlir
yaratmaq və məşğulluq imkanlarını artırmaq
şəraiti yaradan qeyri-kənd təsərrüfatı səriştələri
verən layihəyə başladıq. CİSCO tərəfindən
sertifikatlaşdırılan İnformasiya Texnologiyalarının
(İT) əsaslarına dair kurs Azərbaycan dilində keçirilir
və İT sahəsindəki ilkin səviyyəli işlər üçün mühüm
kompüter və karyera bacarıqlarını əhatə edir. 2016-cı
ilin mart ayında 50 nəfər icma üzvü üç aylıq kursu
bitirərək dəyərli səriştələr və praktiki təcrübə
qazandılar. Bu kursda noutbuk və portativ cihazlar,
simsiz əlaqə, təhlükəsizlik, texniki təhlükəsizlik və
ünsiyyət bacarıqları kimi mövzular əhatə olunurdu.
Goranboy icmalarında sosial infrastrukturun
yaxşılaşdırılması
2015-ci ildə Goranboy rayonunun layihənin
təsirinə məruz qalmış icmalarında infrastrukturun
yaxşılaşdırılması ilə bağlı üç layihəyə başladıq:
Qazanbulaq kəndində su sisteminin yenilənməsi;
İrəvanlı kəndində ibtidai məktəbin təmiri və istilik
sisteminin yenilənməsi layihələri.
Avropa Yenidənqurma və İnkişaf Bankı ilə
regional mikromaliyyə proqramı
2006-cı ildə imzalanmış çərçivə sazişinə əsasən,
BP və tərəfdaşları Azərbaycanda və Gürcüstanda
Avropa Yenidənqurma və İnkişaf Bankı (AYİB)
vasitəsilə kredit kimi istifadə etmək və özəl
sektorun inkişafına texniki dəstək vermək
məqsədilə 6 milyon dollar ayırdı.
AYİB tərəfindən idarə olunan və onun yerli
tərəfdaşı Bank Respublika tərəfindən həyata
keçirilən hazırkı mikromaliyyə layihəsi çərçivəsində
BP və tərəfdaşları 1 milyon dollar vəsait ayırıb.
Bu layihənin məqsədi BTC/CQBK boyunca
mikro, kiçik və orta sahibkarlar, yerli fermerlər və
müəssisələr üçün əlçatan və şəffaf mikromaliyyə
imkanları yaratmaqdır ki, onlar öz rəqabətliliyini
artıra bilsinlər. Hədəf ərazilərə Tovuz, Şəmkir,
Goranboy və Yevlax rayonları daxildir.
2015-ci ildə Şəmkir, Goranboy və Yevlax
rayonlarında ümumi məbləği 250 000 dollar olan
40 kredit verildi. Kreditlərin 20-si kənd təsərrüfatı,
dördü xidmət və 16-sı ticarət fəaliyyətləri üçün
istifadə ediləcək.
Biznes fəaliyyəti və insan haqları
BMT-nin İşgüzar Fəaliyyət və İnsan Hüquqlarına
dair Rəhbər Prinsipləri bizneslərin insan haqları
ilə bağlı daşıdığı bir sıra spesifik məsuliyyətləri
təsbit edir. Bu Rəhbər Prinsiplərə uyğun olaraq
biznesin rolu insan haqlarına hörmətlə yanaşmaq,
qüvvədə olan bütün qanunlara riayət etmək
və işgüzar fəaliyyətin səbəb ola biləcəyi və ya
təsir göstərə biləcəyi hər hansı insan haqlarının
pozulması hallarının, məsələn, fərdlər və icmalar
üçün şikayətlərə baxılması üzrə işlək mexanizmlər
vasitəsilə aradan qaldırılmasıdır.
BP riskə əsaslanan metoddan istifadə etməklə
proseslərimizi Rəhbər Prinsiplərə uyğunlaşdırmaq
istiqamətində işləyir. BP-nin insan hüquqları ilə
bağlı öhdəliklərini müəyyən edən İnsan Hüquqları
siyasətimizi Rəhbər Prinsiplərin müvafiq bölmələrinə
riayət etməklə və biznes fəaliyyətlərimizə istiqamət
verən proseslərə və siyasətlərə tətbiq etməklə
həyata keçiririk. İnsan hüquqları prinsipləri artıq
BP-nin bir çox mövcud daxili qaydalarının, xüsusilə
də davranış kodeksi, dəyərləri və əməliyyatlarla
bağlı bir çox tələblərinin əsasını təşkil edir. 2015-ci
ildə işəgötürmə, işçilərin rifahı, torpaq üzərində
hüquqların əldə olunması və gəlir mənbələri, eləcə
də təsirə məruz qalmış icmalarda digər aidiyyəti
məsələləri əhatə edən sahələrdə insan hüquqları ilə
bağlı potensial təsirləri müəyyənləşdirməyə və onları
həll etməyə davam etdik.
Biz hasilat sənayesində əməliyyatların
təhlükəsizliyini təmin etmək üçün normativ baza
BP-nin dəstəklədiyi layihədə əyləncəli kompüter
proqramlarından istifadə edilməklə
məktəbəqədər yaşlı uşaqlara idrak bacarıqlarını
inkişaf etdirmələri üçün imkan yaradılır.
müəyyənləşdirən Təhlükəsizlik və İnsan Haqları
haqqında Könüllülük Prinsiplərini qəbul etmişik.
Azərbaycanda əməliyyatlarımızın qorunmasına
cəlb olunmuş bütün təhlükəsizlik heyətinə
öz işlərinin insan haqları ilə bağlı mümkün
təsirlərini başa düşmələrini təmin etmək üçün
Könüllülük Prinsiplərinə dair təlimlərə dəstək
verməyə davam etdik.
Azərbaycanda BP-nin və podratçılarımızın
təhlükəsizlik sahəsində çalışan işçi heyəti BP-nin
qlobal könüllülük prinsipləri üzrə məsləhətçisinin
2015-ci ilin may ayında apardığı Könüllülük
Prinsiplərinə dair təkmilləşdirmə təlimində
iştirak etdi.
Biz əməliyyatlarımızın mühafizəsini təmin etmək
üçün dövlət qurumu olan Neft və Qaz Boru
Kəmərlərinin Təhlükəsizliyi İdarəsi (NQBKTİ)
ilə əməkdaşlıq edirik. 76 şəhadətnaməli təlimçi
əməkdaşın çalışdığı NQBKTİ öz işçi heyətinə
Könüllülük Prinsipləri üzrə təlimlər verir. 2015-ci
ildə BP-nin iş sahələrində işləyən ümumilikdə 39
nəfər işə yeni götürülmüş işçi, dövlət orqanının
350 təhlükəsizlik əməkdaşı və təhlükəsizlik
xidməti göstərən özəl podratçının 90 işçisi
könüllülük prinsipləri üzrə təlimini başa vurdu.
Boru kəmərləri boyunca təsirə məruz qalmış
icmalara və fərdlərə normadankənar güc tətbiqi və
insan hüquqlarının pozulması halları barədə birbaşa
BP-ni və dövlət təhlükəsizlik təminatçısını birgə
araşdırma aparmaq üçün məlumatlandırmağa
imkan verən qaynar xətt yaratmışıq. 2015-ci ildə bu
xətt vasitəsilə təhlükəsizlik və ya insan haqları ilə
bağlı hər hansı hadisənin baş verməsinə dair heç
bir məlumat daxil olmayıb.