1
2 BP AGT-nin region üzrə
prezidentinin giriş sözü
Rəşid Cavanşir 2011-ci ildə həyata keçirdiyimiz
müxtəlif fəaliyyətlərin əsas məqamları barədə
düşüncələrini bölüşür
Bu hesabat barədə
“BP Azərbaycanda Davamlı inkişaf haqqında hesabat 2011” bizim
2011-ci təqvim ili ərzində nail olduğumuz istehsalat göstəricilərimizi,
ətraf mühitin mühafizəsi ilə bağlı gördüyümüz işləri və Azərbaycandakı
fəaliyyətlərimizin digər sahələrini əhatə edir. Bu hesabat bizim davamlı
inkişaf haqqında doqquzuncu hesabatımızdır və əvvəlki hesabatlar
haqqında aldığımız rəyləri özündə əks etdirir.
3 BP-nin Azərbaycanda fəaliyyəti
Strategiyamız; BP Azərbaycan – ilk baxışda; BP-nin
Azərbaycan-Gürcüstan-Türkiyə regionu üzrə rəhbər
qrupu; tarixi ekskurs; nailiyyətlər və çətinliklər;
əməliyyatlarımız
29 Əməyin təhlükəsizliyi
Diqqəti təhlükəsiz, etibarlı və qaydalara uyğun
əməliyyatlara yönəldir, gördüyümüz hər işdə əməyin
təhlükəsizliyi və əməliyyat risklərinin idarə edilməsini
əsas götürürük
35 Ətraf mühit
Yeni layihələrin kəşfiyyat və işlənməsindən başlamış
hasilat mərhələsinədək ətraf mühitin mühafizəsi üzrə
fəaliyyətlərimizin idarə edilməsi
17 Biz necə işləyirik
İdarəetmə sistemləri; təhlükəsizlik və insan haqları;
əməkdaşlarımız; qaydalara riayət və etik normalar;
maraqlı tərəflərlə dialoq və görüşlər
43 Cəmiyyət
Səmərəli idarəçilik; sahibkarlığın inkişafı; icmalarla iş
və təhsil təşəbbüsləri
52 Beşillik icra göstəriciləri
Hasilat, əməyin təhlükəsizliyi, ətraf mühit və sosial
xərcləri əhatə edən əsas icra göstəricilərimiz
53 MHŞT üzrə beşillik hesabat
məlumatları
BP Azərbaycanda gəlirlərin şəffaflığı sahəsində
təşəbbüsləri dəstəkləyir və biz bu nəşrdə öz fərdi
hesabat məlumatlarımızı açıqlamağa davam edirik
55 Hesabat prosesi, rəy və təkliflər
Məqsədimiz fəaliyyətlərimiz barədə tam və şəffaf
hesabat vermək, əvvəlki hesabatlar barədə maraqlı
tərəflərin rəy və təkliflərinə cavab verməkdir
BP-nin Azərbaycanda həyata keçirdiyi
davamlı inkişaf fəaliyyətlərinə dair
məlumat, açıqlama və bəyanatların
faktlara və izahlara əsaslandığı barədə BP
rəhbərliyində əminlik yaratmaq məqsədi
ilə biz BP-nin Azərbaycanda 2011-ci il
üçün hazırladığı Davamlı inkişaf haqqında
hesabatı yoxlamışıq. Gördüyümüz işlərin
əhatə dairəsi və gəldiyimiz nəticələrlə
səhifə 54-də tanış olmaq olar.
“Ernst & Young” şirkəti
Yoxlama prosesinə giriş sözü
2
BP Azərbaycanda Davamlı inkişaf haqqında hesabat 2011
BP-nin Azərbaycan-Gürcüstan-Türkiyə
üzrə prezidentinin giriş sözü
Azərbaycan BP-nin dənizdə neft və qaz hasil
etdiyi mühüm regionlardan biridir. Başqa
yerlərdə olduğu kimi biz əməliyyatlarımızın
təhlükəsiz, davamlı və etibarlı aparılmasını
təmin etmək üçün var gücümüzlə işləyirik.
Bu gün deyə bilərik ki, Azərbaycanda BP
inteqrasiya olunmuş, təhlükəsiz və etibarlı bir
biznesi aparmağın müsbət nümunəsini təmsil
edir. Son 20 il ərzində sınaqdan çıxmış uğurlu
icra göstəricilərinə nail olmuşuq, regiondakı
hökumətlər, şirkətlər və digər maraqlı
tərəflərlə sıx əməkdaşlıq yaratmışıq.
Bununla belə, əməyin təhlükəsizliyi
standartlarımızı təkmilləşdirmək və risklərin
qiymətləndirilməsini fəaliyyətlərimizin ana
xəttinə çevirməklə öz işimizi daim daha da
yaxşılaşdırmağa can atırıq. İşgüzar fəaliyyətdə
düzgünlük və etik dəyərlərimiz, əməliyyat
göstəricilərimizlə yanaşı, hər zaman bizim
üçün ən mühüm prioritetlərdir.
Əməliyyatların təhlükəsizliyini
maksimallaşdırmaq istiqamətində
işləyirik
2011-ci ildə BP qrupunun əməliyyatların
idarə olunması sistemi (ƏİES) adlanan yeni
idarəetmə standartına uyğun işləmişik.
Məqsədimiz ƏİES-in icra göstəricilərini
təkmilləşdirilmə dövrəsini işimizə və biznesin
planlaşdırılması proseslərimizə tətbiq etmək
olub.
2011-ci il üzrə göstəricilərimiz yaxşı irəliləyişə
nail olduğumuzu əks etdirir. İl ərzində
rekord sayda platformada dövri təmirləri –
əsaslı təmir-təftiş və ya layihə işlərini
tamamlamaq üçün istismar olunan obyektlərin
dayandırılmasını təhlükəsiz şəkildə və iş
qrafikinə uyğun icra etdik. Biz Azərbaycan
Respublikası Dövlət Neft Şirkəti, İxrac Neft və
Qaz Boru Kəmərlərinin Təhlükəsizliyi İdarəsi
və Fövqəladə Hallar Nazirliyinin iştirakı ilə
fövqəladə vəziyyət üzrə böyük bir təlim-məşqi
uğurla planlaşdıraraq həyata keçirdik.
Əməliyyatlar üzrə nailiyyətlərimiz
Əsas fəaliyyətimiz baxımından 2011-ci il
xüsusilə iki mühüm hadisə – 1997-ci ildə
istismar əməliyyatları başlayandan bəri
Azəri-Çıraq-Dərinsulu Günəşli yatağından
neft hasilatının 1,9 milyard bareli keçməsi və
2006-cı ildən bəri Şahdənizdən qaz hasilatının
1 trilyon standart kubfuta (təxminən 30 milyard
standart kubmetrə) çatması ilə əlamətdar oldu.
Bundan əlavə, tərəfdaşlarımızla
birlikdə Azərbaycandakı əməliyyat və
layihə xərclərimiz ümumilikdə il üzrə 1,2
milyard dollardan artıq oldu – bu, 2010-cu
illə müqayisədə 17% artım deməkdir. Yerli
təchizatçılar vasitəsilə ölkə daxilindəki davamlı
əməliyyat xərclərimiz də eyni faizlə artaraq
təxminən 947 milyon dollara çatdı.
Paralel olaraq, beş il davam edən gərgin
iş və intensiv danışıqlardan sonra oktyabr
ayında Türkiyədə Şahdəniz qazının satışı və
tranziti barədə sazişlər, eləcə də Türkiyə ilə
Azərbaycan arasında yeni hökumətlərarası
sazişi müşayiət etmək üçün “BOTAŞ”la
texniki əməkdaşlıq barədə saziş imzaladıq. Bu
sazişlər planlaşdırılmış Şahdəniz Mərhələ 2
layihəsinin inkişafını dəstəkləyəcək və bizə bu
təşəbbüsü irəli aparmaq imkanı verəcək.
İl ərzində daha iki yenilik uğurlu
gələcəyə nikbin nəzərlərlə baxmaq imkanı
verib. “BOTAŞ”la Bakı-Tbilisi-Ceyhan boru
kəməri ilə bağlı bir sıra sazişləri tamamladıq.
Bu, ötən illərdən qalmış bütün məsələləri
həll edir və gələcəkdə davamlı, uğurlu
əməkdaşlıq üçün zəmin yaradır. Bundan başqa,
dənizdə yerləşən Şəfəq-Asiman perspektiv
strukturunun birgə geoloji kəşfiyyatı və
işlənməsi haqqında hasilatın pay bölgüsü
sazişi Milli Məclis tərəfindən ratifikasiya
olundu.
Yerli istedad, şəffaflıq və qarşılıqlı
munasibətlər biznesimizin
əsasını təşkil edir
Yüksək səviyyəli milli işçi qüvvəsi yetişdirmək
və əməkdaşlarımızı inkişaf etdirmək bizim
üçün ən yüksək biznes prioritetləri sırasında
qalmaqdadır. 2011-ci ilin sonunda Azərbaycan-
Gürcüstan-Türkiyə regionunda işləyən
ixtisaslı əməkdaşlarımızın hər on nəfərindən
demək olar ki, doqquzu yerli vətəndaşlar
idi, Azərbaycanda yüksək vəzifə tutan yerli
işçilərimizin sayı isə 149-a çatdı. Bu göstərici
son bir il ərzində 14%, son beş il ərzində isə
üçqat artım deməkdir.
BP 1992-ci ildə Bakıda ilk ofisini açdığı
vaxtdan bəri şirkət xüsusilə icmaların
inkişafına dəstək verməklə və təhsil
imkanlarının genişləndirilməsinə kömək
etməklə Azərbaycanın həyatında yaxından
iştirak edir. Bu, 2011-ci ildə də davam
etdi, Qafqaz Universitetində hələ 2009-cu
ildə bizim dəstəyimizlə qurulmuş kimya
mühəndisliyi bölməsi şirkətin vəsaiti hesabına
tam təchiz edilmiş beş müasir laboratoriya
açdı. Bu, əlinizdəki nəşrdə əks olunmuş
nailiyyətlərimizdən sadəcə biridir.
Azərbaycanda fəaliyyətimizin 20 illiyini
qeyd edərkən, həm də qərara aldıq ki, Milli
Olimpiya Komitəsi və Milli Paralimpiya
Komitəsinin rəsmi tərəfdaşı kimi ölkənin milli
komandalarını və bir qrup seçilmiş idmançını
London 2012 Oyunlarında dəstəkləyək.
Bu, şəffaflıq və hesabatlılıq öhdəliyimizə
sədaqətimizin nümunəsi olan davamlı inkişaf
haqqında hesabatların doqquzuncusudur.
Ümidvaram ki, bu nəşr sizə keçən il
gördüyümüz işlər barədə hərtərəfli məlumat
verəcək. Göstərdiyiniz marağa görə təşəkkür
edir, rəy və təkliflərinizi gözləyirik.
Rəşid Cavanşir
BP-nin Azərbaycan-Gürcüstan-Türkiyə regionu
üzrə prezidenti
7 avqust 2012