Бядии редактор



Yüklə 1,01 Mb.
səhifə3/7
tarix21.10.2017
ölçüsü1,01 Mb.
#6303
1   2   3   4   5   6   7

PEYĞƏMBƏRİN NƏZƏRİNDƏ

ƏHLİ-BEYTİN MÖVQEYİ VƏ ONLAR

HAQQINDA OLAN BƏNZƏTMƏLƏRİ

Peyğəmbər (s) Əhli-beyti Nuhun gəmisinə oxşatmışdır.

Əba Zərr buyurur: Mən özüm Peyğəmbərdən (s) eşitdim. O həzrət buyururdu: «Mənim Əhli-beytim eynilə Nuhun gəmisinə bənzəyir. Gəmiyə minən nicat tapacaq, ondan uzaqlaşan isə məhv olacaqdır.»

Bu hədis «Səhih Müslim»- də «Səhih Buxari»- də və «Kənzül-Ümmal»- da nəql olunub.

Bir hədisdə Əbu Hüreyrə deyir: Peyğəmbər (s) buyurdu: «Biz nicat gəmisiyik. Bu gəmiyə minən nicat tapar. Bu nicat gəmisindən uzaqlaşan isə təhlükəyə düşüb həlak olar. Allah məhzərində bir hacəti olan insan (istəyi olan insan) biz əhli-beyti vasitə edib öz istəyini Allahdan istəsin.» («Fəraidus-simtəyn» kitabı, cild 1, səh: 37.)

«Bəşarətül-Müstəfa»da nəql olunur ki, Əli (ə) Kumeylə belə buyurdu: Ya Kumeyl, Ramazan ayının on beşinci günü Peyğəmbər (s) mənbərə çıxıb üzünü mənə tutaraq dedi: «Əli və Əlidən olan pak-pakizə oğlanlar məndən, mən də onlardanam. O uşaqlar yer üzündə hamıdan pakdırlar, onlar nicat qapısı və nicat gəmisidirlər. Bu gəmiyə minən və bu qapıdan daxil olanlar nicat taparlar, uzaq düşənlər isə həlak olarlar. Ondan sonra Həzrət buyurdu: Nicat tapanlar Cənnətdə olarlar. Əks təqdirdə isə oda düşərlər.»

Peyğəmbər (s) Əhli-beyti Beytül-müqəddəsin hittə qapısına bənzədir.

O qapıdan daxil olanlar bağışlanacaq, daxil olmayanlar isə bağışlanmayacaq.

Bu hədis «Əs-Səvaiqul muhriqə» kitabının 152-ci səhifəsində gəlib ki,. Peyğəmbər buyurur: «Mənim Əhli-beytim sizin aranızda sanki, hittə qapısıdır. Allah Bəni-İsrailə buyurdu ki, əgər hittə qapısından daxil olsanız, sizi bağışlayaram. Mənim də ümmətimdən hər kəs islama Əhli-beytimin tərəfindən daxil olsa, onu bağışlayaram. Allaha yaxınlaşmaq istəyən bu qapıdan keçsin.»

Yenə Peyğəmbər (s) buyurur: «Məndən sonra imamlar 12 nəfərdir. Onların doqquzu Hüseynin (ə) nəslindəndir. Doqquzuncusu «Qaim» adlanacaq.» («Kifayətul-əsər» kitabı, səh: 38; «Əl-mənaqibu ibni Şəhri-aşub», cild 1, səh: 295.)

Səhabələrdən olan Əbu Səid Xidri deyir: Bir gün Peyğəmbər (s) gəlib namaza başladı. Biz də onunla namaz qıldıq. Zöhr namazını qıldıqdan sonra möhtərəm Peyğəmbər (s) üzünü bizə tərəf tutub kəramətlə buyurdu: «Ey mənim səhabələrim mənim Əhli-beytim sizin aranızda Nuhun gəmisi kimdir və eləcə də Bəni-İsraildəki hittə qapısı kimidir. Məndən sonra onların ətəyindən yapışın. Onlar mənim zürriyyəmdən olan raşidi (hidayətçi) imamlardır Əgər belə etsənisz, siz yolunuzu heç vaxt azmayacaqsınız». Bir nəfər Peyğəmbərdən soruşdu: Ya rəsulullah! Səndən sonra imamların sayı neçə nəfər olacaqdır? «Onlar mənim Əhli-beytimdən olan on iki nəfərdir»-deyə cavab verdi. («Kənzul-ummal» kitabı, cild 434, hədis: 4429.)

Digər bir hədisdə Peyğəmbər (s) Əhli-beyti Kəbəyə bənzədərək buyurur: «Ya Əli siz (Əhli beytin) misalı Allah evinin (Kəbənin) misalı kimidir (Siz Kəbə kimisiniz). Sizə məhəbbət bəsləmək Məscidül-hərama daxil olmaq kimidir. Sizi sevib məhəbbət bəsləyənlər və sizi özünə ağa hesab bilənlər (Kəbəyə daxil olub amanda qalan kimi) əzabdan xilas olmuş olarlar. Amma sizə qarşı kin bəsləyib, ədavət edənləri Allah oda atacaqdır. Ya Əli, imkan və qüdrəti olan kəsə Allah həcci vacib etmişdir. O, xəstə və imkanı olmayanların üzrünü qəbul edər. Amma sənin məhəbbətinlə bağlı Allah nə fəqirdən, nə xəstədən, nə sağlamdan, nə kordan, nədə ki, gözlüdən üzr qəbul etməyəcək.»

Başqa bir hədisində Peyğəmbər (s) Əhli-beytini göyün üzündəki ulduzlara bənzədir. «Göyün üzündə olan ulduzlar yerdə yaşayan insanlara yol göstərib hidayət etdiyi kimi, mənim Əhli-beytim də yolunu azmışları hidayət edər».

İbni Abbas nəql edir ki, Peyğəmbər (s) buyurdu: «Göy ulduzları insanlarını yollarını azmasınlarından amanda saxladığı kimi mənim əhli beytimdə ümmətimi ixtilafa düşməkdən amanda saxlayır. Ərəblərdən onlara qarşı çıxıb ixtilaf yaratdıqları zaman İblisin dəstəsinə çevrilərlər.» Bu hədis də «Səhihi Müslüm» və «Səhihi Buxari» -dəndir.

Başqa bir hədisdə Səlman, Əba Zərr, Miqdad və Əli (ə) nəql edirlər: «Həzrət buyurdu ki, mənim Əhli-beytim ümmətimin içində səmanın ulduzları kimidir.» Beləki, göydə bir ulduz batdıqda digər ulduz onun yerini tutur. Bunlar da belədir, biri dünyasını dəyişdikdə, digəri onun yerində oturur. Onlar hidayət edən imamlardır. Özləri isə hidayət olunmuşlardır. Bunlara qarşı olan kinin onlara heç bir ziyanı yoxdur. Əksinə burada ziyana, kin bəsləyənlərin özləri düşər.»

«Onlar yer üzərində Allahın höccəti və Allah tərəfindən şahiddirlər. Əhli-beytə itaət edən sanki, Allaha itaət etmişdir. Onlara itaət etməyənlər isə sanki, Allaha itaətsizlik göstərmişlər. Onlar həmişə Quranla, Quranda onlarladır. Qiyamətə qədər onlar bir-birindən ayrılmayacaqlar. Onların əvvəli qardaşım Əli (ə), sonra oğlum Həsən (ə), sonra isə oğlum Hüseyn (ə)- dır. Qalan doqquzu isə Hüseyn (ə) -ın nəslindən olan imamlardır».

Peyğəmbər (s) onları bədəndə olan başa və başda olan iki gözə bənzədib.

Peyğəmbər (s) buyurub: «Ey mənim ümmətim! Baş insan bədənində və eləcə də iki göz başda mühüm üzvlər olduğu kimi, mənim Əhli-beytimi öz aranızda baş və başda olan iki göz kimidir qərar verin. Belə ki, başsız bədən hərəkət edə bilmədiyi kimi, gözsüz başda öz hərəkət istiqamətini tapa bilməz.» («Kifayətul-əsər», səh: 111).

Həzrət burada demək istəyir ki, mən sizə bildirdim ki, mənim Əhli-beytim Nuhun gəmisi kimi, Beytül-müqəddəsin hittə qapısı, göyün ulduzları və başda olan iki göz kimidir. Bir söz də əlavə edim ki, Əhli-beyti olduğu kimi tanımağa çalışan və tanıyanın əməlinin dəyəri çox böyükdür. Allah kimə Əhli-beyti tanıyıb, onların vilayətini başa düşmək neməti veribsə, demək, Allah xeyrin hamısını ona əta etmişdir.

Bu hədisi Miqdad nəql edir. Peyğəmbər (s) buyurdu: «Peyğəmbərin Əhli-beytini tanıyan oddan bəraət qazanıb. Onların məhəbbətini ürəyinə salanlar sirat körpüsünə vəsiqə qazanar. Əhli-beytin vilayətini qəbul edənlər əzabdan xilas olar.»

İnsanlar dərk etməlidir ki, niyə görə məhərrəm ayı yığılıb İmam Hüseynə (s) əza saxlayarlar.

Hüseyn İbn Əli (ə) Əhli-beytdən biridir. Hüseyn (ə) Peyğəmbərin (s) qucağının zinətidir, Hüseyn (ə) Peyğəmbərlə (s) birgə Mədinənin mənbərdə oturandır, Hüseyn Peyğəmbər (s) namaz qılarkən onun çiyinlərində oturan balasıdır.

Ummü Sələmə deyir: «Mən Hüseyni Peyğəmbərin (s) çiyinlərindən götürmək istəyərkən onun acığı gələrdi və deyərdi ki, dəymə, qoy özü nə vaxt istəsə, onda düşsün.»

Hüseyn o kəsdir ki, Peyğəmbər (s) onun dodaqlarından öpə-öpə ağlayırdı. Soruşanda ki, ya Peyğəmbər, niyə ağlayırsan? Deyirdi ki, gördüyüm günlərə ağlayıram.


ÖLÜMƏ QƏDƏR VƏ ÖLÜMDƏN

SONRA MÖVCUD OLAN HƏYAT

MƏRHƏLƏLƏRİ

İnsan həyatını bir neçə mərhələyə bölmək olar.



Birinci mərhələ: Zərr aləmidir Hədislər bu aləmi bizə belə izah edir: «Bu aləm insanların ruhlarının yaşadığı aləmdir. İnsanların ruhları orada bir-birini görür. İnsanların ruhları sonra gəlib cisimlərlə tərkib tapır və insan bir mövcud halında, Allahın yaratdığı məxluq kimi dünyada yaşayır.

İkinci mərhələ: Ananın bətnidir. İnsanlar bir müddət orada yaşadıqdan sonra üçüncü aləmə daxil olurlar.

Üçüncü mərhələ: Dünyadır. İndi biz bu aləmdə yaşayırıq. Şübhəsiz ki, bu aləmdən də köçüb başqa aləmə səfər edəcəyik. Hər bir insan qarşıda müxtəlif mərhələdən keçəcək. Onu gələcəkdə çox çətin vəziyyətlər gözləyir. O hadisələri görməyə, o halları keçirməyə, o mərhələlərə daxil olmağa insan özünü hazır etməlidir. Bunlara hazır olanlar böyük nailiyyətlərə çatacaq. Hazır olmayanlara isə həyatda çox böyük zərbələr dəyəcək. Bizim, gələcəkdə üzləşdiyiz aləmlər, yeddi əsas mərhələdən ibarətdir. Bunlar ölüm, qəbir, nüşur, mizan, hesab və kitabdan ibarətdir.

Birinci: Ölümdür.

İnsan istədi-istəmədi və gözləmədiyi halda onu haqlayan mərhələ ölüm mərhələsidir. Bu barədə «Ənkəbut» surəsinin 56-cı ayəsində buyurulur: «Bütün insanlar ölümü dadacaq, sonra isə bizə tərəf qayıdacaqlar.»

«Nisa» surəsinin 78-ci ayədə buyurulur: «Harada olsanız, ölüm sizi haqlayacaq. Baxmayaraq ki, möhkəm və alınmaz qalalarda yaşıyasınız.»

«Ali-İmran» surəsinin 145-ci ayədə buyrulur: «Heç bir insan Allahın icazəsi olmadan ölə bilməz. İnsanların yaşaması üçün müəyyən vaxt təyin olunub ki, o təyin olunan vaxta qədər onlar dünyada qalacaqlar».

Digər ayədə buyurulur: «Cihadda iştirak etməyən münafiqlər müharibədə şəhid olanları (məzəmmət) edərək «biz onlara dedik getməyin. Onlar isə bizim sözümüzə baxmayıb gedib müharibədə iştirak edərək öldürüldülər»- deyirdilər. Ya Peyğəmbər! onlara de ki, siz düz deyirsinizsə, ölümü özünüzdən uzaqlaşdırın. Siz ölümdən qaça bilməyəcəksiniz. Ölüm sizi tapacaq».

«Cümə» surəsi, 10-cu ayə: «Siz qaçıb, uzaqlaşdığınız ölümlə nəhayət ki, görüşəksiniz. Sonra isə Allaha tərfəf qayıdacaq və etdiyiniz əməlləri sizə xəbər verəcəklər».

Əli (ə) buyurur: «Siz ölənlərin nələr gördüklərini görsəydiniz qorxudan özünüzü yığışdırıb haqqı dinləyib itaət edərdiniz. Amma heyiflər olsun ki, onların gördükləri sizlərə qaranlıqdır. Lakim yaxın gələcəkdə bu pərdə sizin gözünüzdən götürüləcəkdir.»

İslam Peyğəmbəri (s) buyurur: «Əgər heyvanlar sizin ölüm haqda bildiyinizi bilsəydilər istifadə etmək üçün onlardan yağ əldə edə bilməzdiniz.» Bir gün olacaq ki, günəş çıxdığı yerindən batacaq. Bu gün insanların qarşısında olan ən çətin anlarından və keçəcəyi ən ağır mərhələlərindən biridir.



İkinci: Qəbir və bərzəxdir.

İnsan öldükdən sonra qoyulduğu yer qəbir, öləndən sonra yaşadığı həyat isə bərzəxdir.

«Möminun» surəsinin 100-cü ayəsində duyrulur: «Onlar qarşıda Qiyamətə qədər bir müddət Bərzəx aləmində yaşayacaqlar».

Peyğəmbər (s) buyurur: «Axirətdə olan mənzillərin əvvəlincisi qəbirdir. Orada nicat tapanlar üçün sonrakı mənzillər rahat olacaq.»

Buyurulur: Ruh bədəndən ayrılanda insana üç nida gəlir: Ey adəm övladı hanı o güclü bədənin? İndi gör necə zəifləmisən. Hanı o yalan danışan dilin? İndi gör necə susmusan. Hanı o yoldaşların ki, səni bu vəhşətin içində tək qoyublar?

Kəfənə bürünərkən yenə üç xitab gələr: Ey adəm övladı, çox uzaq səfərə gedirsən, amma özünlə heç nə aparmırsan. Öz evindən çıxırsan. Həmişə evdən çıxarkən yenə qayıdardın. Amma bu dəfə bir daha qayıtmayacaqsan. İndi qorxulu və qaranlıq bir evə gedirsən.

Tabutun içinə qoyub apararkən də üç xitab yetişər: Ey adəm övladı, əgər yaxşı əməllərin çoxdursa, onda xoş halına.

Meyit namazı qılınmağa başlanarkən deyirlər: Ey Adəm övladı, indi elə bir vaxtdır ki, bütün əməllərini görəcəksən.

İnsanı qəbirə qoyanda da üç xitab gələr: Ey adəm övladı yer üzündə gəzərkən gülə-gülə gəzirdin, yerin altına daxil olarkən bəs niyə ağlayırsan? Yer üzərində çox şad gəzirdin, indi qəmginsən. Yer üzündə danışa-danışa gəzirdin, söhbət edirdin, indi isə sakit olmusan.

Onu dəfn etdikdən sonra hamı dağılışıb gedər. Allah özü ona belə xitab edər: Ey Mənim bəndəm gördün ki, hamı getdi və indi burada tək qaldın. Səni bu qaranlıq torpağın içində qoyub getdilər. Onlara görə (onların ucbatından) Mənə günah edirdin? Onlara görə yalan danışırdın? Günah qalmırdı, haram qalmırdı, qarışdırırdın bir-birinə. Mən bu gün sənə rəhm edəcəyəm, elə bir rəhm edəcəyəm ki, bütün insanlar təəccüb edəcək. Ana balasını nə qədər sevirsə, ondan da çoxdur mənim sənə olan məhəbbətim. Sən mənə günah edirdin onlara görə. Amma, mən səni bağışlayıram səni istəyirəm, səni sevirəm.

Həzrət Əli (ə) qəbristanlığa daxil olur. Hamı görur ki, Əli ölülərlə danışır.

Ravi deyir ki, gördüm Əli (ə) səsləndi:

-Ey mömin kişi və qadınlar salam olsun sizə. Cavab gəldi:

-Əleykəssəlam ya Əmirəl-Möminin!

Həzrət buyurdu ki, əvvəl mən sizə öz xəbərlərimdən danışım, yoxsa siz mənə orada olan xəbələrdən danışırsınız?

Cavab gəldi ki, ya Əmirəl-Möminin, sən öz xəbərlərindən danış.

Əli (ə) buyurdu:

-Həyat yoldaşlarınız sizdən sonra ailə həyatı qurdular. Mallarınızı vərəsələrə payladılar, böldülər, yedilər. Övladlarınız isə yetimlər sırasına qoşuldular. Düşmənləriniz də gəlib evlərinizdə oturdular. Bu bizim xəbərlər idi. İndi də siz öz xəbərlərinizi deyin!

Biri cavabında həzrətə dedi:

-Ya Əmirəl-möminin, burada bizə bükülən kəfənlər parçalandı; dərilərimiz parçalandı, çürüdü; gözlərimizin bəbəyi üzümüzdən axıb torpağa töküldü; beynimiz çirk olub ağzımızdan, burnumuzdan, qulaqlarımızdan töküldü. Amma bura nə göndərmişdiksə, gəlib gördük ki, hamısını saxlayıblar. Namazlarımız, oruclarımız, ibadətlərimiz, Quranımız, təqvamız, yaxşı və pis olan bütün əməllərimizi saxlayıblar. Onların hamısını gəlib gördük. Günahlarımızı görüb başa düşdük ki, ziyan etmişik. Biz əməllərimizdən asılıyıq. İndi Allahın rəhmətindən başqa heç nəyə ümüdümüz yoxdur.



Üçüncü: Nəşrdir (dirilmək).

Yəni dünyanın axırında Allahın əmri ilə iki dəfə sur çalınacaq. Buna Suri-İsrafil deyilir.

1-ci dəfə çalınanda bütün dirilər öləcək.

2-ci dəfə çalındıqda isə hamı diriləcək və qiyamət başlayacaq.

Bu hadisəni Quran «Zumər» surəsinin 68-ci ayəsində belə buyrur: «Sur çalınarkən yerdə və göydə olan bütün canlılar Allahın izni ilə öləcək. İkinci dəfə sur çalındıqda isə onlara dirilmək haqqında nida gələcək və onlar hamısı dirilib hesabın çəkilməsini gözləyəcəklər ».

«Yasin» surəsinin 51-ci ayəsində buyrulur: «İkinci dəfə sur çalındıqda bütün insanlar qəbirdən durub dəstə-dəstə Allaha tərəf-məhşər səhnəsinə gedib orada hazır olacaqlar. Çəyirtkələr səpələndikləri kimi, onlar da pərakəndə düşəcəklər. Sonra isə gedib hesabat verəcəklər.»

«Əbəsə» surəsinin 33-cü ayəsindən 42-ci ayəsinə kimi olan fasilədə buyurulur: «Sur çalındığı gün elə bir gün olacaq ki, qardaş-qardaşını tanımayacaq. Bala atadan və anadan ayrılacaq. İnsan öz yoldaşından ayrılacaq, ata, ana, öz balasını atıb, qaçacaq. Hərə öz hayında olacaq. Bəzi üzlər şad olacaq, güləcək. Bəzi üzlər isə qəm-qüssədə qalacaq. Onlar fasid və kafir insanlardır.»

«Həcc» surəsinin 1-ci və 2-ci ayələrində buyurulur: «Ey insanlar, Allahdan qorxun. Qiyamət gününün zəlzələsi çox böyükdür. Bilirsiniz anaya balası nə qədər əzizdir? Qucağına alıb boyunu oxşaya-oxşaya, başını sığallayaraq ona süd verir. Dünyanın bütün cah-cəlalını ona versən də balasının bir barmağını belə verməz. Ana üçün övladdan şirin heç nə yoxdur. Öz canının şirəsini balasına yedirir. Qiyamət günü elə bir gündür ki, hətta həmin analar belə öz körpələrini atıb qaçacaq, öz haylarında olacaqlar. Əgər bir qadın hamilə olsa, uşağını salıb öz işinin dalınca qaçacaq. Bütün insanları gic, məst halında görəcəksiniz. Onlar məst deyillər bəlkə Allahın əzabı şiddətlidir.»

«Müzzəmmil» surəsinin 17-ci ayəsində buyurulur: «Qiyamət elə bir gündür ki, qiyamətin səhnəsini gördükdə uşaqlar qocalacaqlar, qəm-qüssədən və qorxudan başları ağaracaq».

Əli (ə) özünün «Nəhcül-Bəlağə» kitabının 156-cı xütbəsində buyurur: «Ey Allahın bəndələri əməllərin üstünün bir-bir açılıb məhkəmə başlanacağı o gündən qorxun. Onda iztirab çoxalacaq. Fikirdən uşaqlar qocalacaq.» Məhşər belə gündür.


PEYĞƏMBƏR (S) HƏDİSLƏRİNDƏ

ƏHLİ-BEYT SEVGİSİ

Peyğəmbər (s) buyurur: «Əhli-beyt İslamın əsasıdır. Ya Əli islam sanki, çılpaq bir vücuddur. Onun libası təqvadır. İslamın zinəti isə müsəlmanın həyasıdır. İslamı bir çadıra bənzətsək, çadırın əsası dirək olduğu kimi, islamın da əsası, dirəyi vərədir(təqvadır). Vərə günahla qarşılaşarkən onunla insan arasında maneə olan bir haldır. Mənə və mənim Əhli-beytimə məhəbbət bəsləmək bunların əsasını təşkil edir.»

Bu hədis «Kənzul-ummal»- ın 13-cü cildinin 645-ci səhifəsi, hədis nömrə: 37631-də. Həmçinin 12-ci cildinin 105-ci səhifəsində qeyd olunmuşdur.

Peyğəmbər (s) buyurub: «Əhli-beyti sevən san ki, Allahı sevir. Mən adəm övladlarının hamısının ağasıyam. Ya Əli (ə), sən və səndən sonrakı imamlar məndən sonra ümmətimin ağalarısınız. Məni sevən Allahı sevir. Ürəyində mənə qarşı kin-küdurəti olanlar Allaha qarşı kin-küdurət bəsləyirlər. Bizi sevən Allahı sevir, bizimlə düşmənçilik edən Allahla düşmənçilik edir. Kim bizə itaət edirsə sanki Allaha itaət edir və hər kim bizə qarşı üsyan edirsə o, Allaha qarşı üsyan etmişdir.» («Bəşarətül-Müstəfa» səh: 151.)

Peyğəmbər (s) buyurur: «Əhli-beyti sevmək Peyğəmbəri (s) sevmək, Peyğəmbəri (s) sevmək Əhli-beyti sevmək kimidir. İkisi də eyni dərəcədədir».

İbni Abbas: Peyğəmbərdən (s) eşitdim ki, buyurdu: «Sizə verilən nemətlərə görə sevinin. Məni Allaha görə, Əhli-beyti də mənə görə Sevin».

Bu hədis «Mustədrəkus-səhihəyn» kitabının, cild 3, səh: 163, hədis nömrə 4716-da, «Sunəni Tirmizinin», cild 5, səh: 622, hədis nömrə: 3789-da. Həmçinin «Əs-səvaiqul-muhriqə» kitabının 230-cu səhifəsində qeyd olunmuşdur.

Zeyd ibn Ərqəm deyir: Mən Peyğəmbərin (s) yanında idim. Gördüm ki, Fatimə (s) evindən çıxıb Peyğəmbərin (s) evinə daxil olmaq istəyir. Həsənlə (ə) Hüseyn (ə)-da onunla idilər. Əli (ə) isə onların arxasınca gəlirdi..Peyğəmbər (s) onları görcək buyurdu: «Bunları sevən sanki, məni sevir və mənə məhəbbət bəsləyir. Onlara qarşı kin-küdurət və ədavət bəsləyən, sanki mənə qarşı ədavət və kin-küdurət bəsləyir.»

Peyğəmbər (s) buyurur: «Əhli-beytə qarşıı olan məhəbbətin özü Ən fəzilətli ibadətlərdən biridir.»

Quran təfsirçilərindən biri olan İbni Məsud deyır. Peyğəmbər (s) buyurdu: «Ali-Mühəmmədə (ə) qarşı ürəyində bir gün məhəbbət yaradan insanın bu məhəbbəti bir ilin ibadətindən üstündür. Bu halda dünyasını dəyişən insan isə Cənnətə daxil olar.» («Yənabiul- məvəddə» kitabı, cild 3, səh: 191).

Əba Zərr nəql edir: «Peyğəmbər (s) mənim özümə vəsiyyət edib dedi ki, ya Əba Zərr ibadət 3 dərəcədir: Brincisi insanın Allahı tanımasıdır; ikincisi mənə iman gətirmək; üçüncüsü mənim Əhli-beytimi qəbul edib ürəyində onlara məhəbbət bəsləməkdir. Əhli-beytin məhəbbəti tövhidin şərtidir.»

Cabir ibni Əbdillah Ənsari: «Bir nəfər ərəb Peyğəmbərin yanına gəldi. Mən də orada oturmuşdum. Ərəb soruşdu:

-Ya Rəsuallah, Cənnətin qiyməti təyin olunubmu? Həzrət buyurdu:

-Bəli, cənnətin qiyməti «La ilahə illəllah»-dır. Hər kəs onu tam ixlasla deyərsə cənnəti əldə edər. Ərəb soruşdu:

-Ya Rəsulallah, bəs bunun ixlası necədir? Onu mənə başa sal. Həzrət buyurdu:

-«La ilahə illəllah»-ın ixlası və şərti budur ki, mənim Allah tərəfindən gətirdiklərimə əməl edilsin və Əhli-beytimə məhəbbət bəslənilsin. Ərəb yenə soruşdu:

-Ya Rəsulallah, sənin Əhli-beytinə olan məhəbbət də «la ilahə iləllah»-ın şərtlərindəndir? Həzrət buyurdu:

-Bəli, bəli, elə ən böyük şərti budur.

«Bəşarətül-Müstəfa»-nın 269-cu, «Uyunul-Əxbari Riza»-nın 2-ci cildinin 135-ci səhifələrində buyrulur: «Əhli-beytin məhəbəti imanın əlamətidir. Hər hansı bir ürəkdə imanın olduğunu bilmək istəsən, bil ki, onun əlaməti Əhli-beytin məhəbbətidir».

Əbdürrəhman İbni Əbu Leyla nəql edir: Atam mənə dedi ki, Peyğəmbər (s) buyurur: «Məni özündən çox sevən mömindir. Quranda var ki, Peyğəmbər (s) möminlər üçün möminlərin özlərindən onlara yaxın, şərəfli və əfzəldir. İman gətirməyən insanın əməli qəbul deyil. İmanın şərti budur ki, mən müsəlmana özündən ona yaxın olmalı və mənim ailəmi öz ailəsindən çox istəməlidir. İman mənim Əhli-beytimin məhəbbəti ilə tamamlanır.»

Ummu Sələmə deyir: Mən şəxsən özüm Peyğəmbərdən (s) eşitdim ki, o Həzrət (s) buyururdu.

عن أمّ سلمة: سمعتُ رسول الله يقول لعليٍّ: لا يبغضك مومن و لا يحبّك منافق.

«Elə bir mömin tapmazsan ki, onun ürəyində Əliyə qarşı kin-küdurəti olsun. Sonra əlavə etdi. Elə bir münafiq tapa bilməzsən ki, onun ürəyində Əliyə məhəbbəti olsun.» («Musnəd ibn Hənbəl», cild 10, səh: 176, hədis nömrə 26569; «Sunən Tirmizi», cild 5, səh: 635, hədis nömrə 3717.)

Başqa hədisdə buyurur: «Bütün insanlar qiyamət günü hazır olacaq. Onlardan soruşulacaq: Bu qədər ömrü nə etdin? Sənə verdiyimiz sağlam bədəni harada sərf etdin? Malını haradan qazanmışdın, harada sərf etdin? Əhli-beytin məhəbbəti haqqında soruşulacaq». («Mənaqibu Xarəzmi», səh: 77, hədis nömrə 59. Həmçinin «Mocəmul-əusət», cild 2, səh: 348, hədis nömrə 2191.)

Peyğəmbər (s) buyurur: «Öz övladlarınızı mənim, Əhli-beytimin, birdə Quran məhəbbəti ilə tərbiyə edin. Üç xisləti uşaqlıqdan onların ürəyinə salın: Birincisi Peyğəmbərin (s) məhəbbəti; ikincisi Əhli-beytin məhəbbəti; üçüncüsü isə Quran qiraətinin məhəbbətidir.» («Səvaiqul- muhriqə», səh: 172; «Fəraidus-simtəyn», cild 2, səh: 304.və sair...) Siz övladlarınızı bu məhəbbətlə tərbiyə edin. Bütün müsəlmanlar hamısı islam bayrağı, Əhli-beyt və Quran bayrağının altında əl-ələ verib qardaş olsalar, Quran onların qardaşlıq əqdini öz ayələrində bəyan edir.

İmam Hüseyn (ə) Əhli-beyt içində parlaq bir ulduzdur. İmam Hüseyn (ə) -ın məhərrəmində müsəlmanlar əza saxlayırlar. Çünki islam tarixində belə bir hadisə baş verdi. Müsəlmanlar yanlış təbliğat nəticəsində öz peyğəmbərlərinin balasını öldürdülər və buna görə şadlıq keçirdilər.

Aşura günü oruc tutmaq məkruhdur. Çünki, Müaviyə oğlu Yəzid İmam Hüseyn (ə)-ı öldürdükdən sonra dedilər: Allah bizə müvəffəqiyyət verdi və biz düşmənimizi aradan götürdük. Bunun şükrünü yerinə yetirmək üçün gəlin, oruc tutaq.

Hansı amillər camaat arasında belə ixtilafın yaranmasına səbəb oldu? Kimlər bu ixtilafı yaratdı? Onlar müsəlmanlara çox böyük zülm etdilər.

Əhli-beyt eşqi ilə, İmam Hüseyn (ə) eşqi ilə hərəkət edənlər həm bu dünyanı tapır, burada əziz yaşaya bilir, həm də axirətin izzəti onlarladır. Bu isə Əhli-beytin məhəbbətinə görədir.

Peyğəmbər (s) İmam Hüseyn (ə)-ın özü barəsində, Kərbəla haqqında, onu ziyarət, onun türbətindən o qədər söhbət edib ki, bunlar hamısı bizim hədis kitablarımızda öz əksini tapıb. Amma təəssüflər olsun ki, müsəlmanlar arasında mövcud olan ixtilaf ucbatından onlar belə bir məsələdən qəflətdə qalırlar.

İnsan bu dünyaya gəlməzdən öncə bu dünyaya gəlməsi haqqında razılıq vermişdir. Orada insandan iltizam alınıb ki, ora- dünyaya gedərkən Allaha itaət etsin. Ondan soruşulanda ki, itaət edəcəksən və etməlisən, razısanmı? Bütün insanlar «bəli» deyə cavab veriblər. Quran buyurur: «Onlar söz verib gəldilər bura». İnsan əhd edib ki, burada şeytana itaət etməyəcək.

Peyğəmbər (s) buyurur: «Əli İbn Əbi Talibin vilayətini qəbul edəcəyinə insan özü söz verib, sonra isə bu dünyaya gəlib.»

İndi ki, bu dünyaya gəlmişik, artıq qayıda bilmərik, qayıtmağa yolumuz yoxdur. İnsan peşiman da olsa qayıda bilməz. Bu yeddi mərhələ istər-istəməz onu gözləyir. İnsan iki məkandan birinə daxil olacaq, ya Cənnətə, ya da Cəhənnəmə. Hər iki məkandan birinə bu yeddi mərhələni keçdikdən sonra daxil olacaq.

Əgər əməllərinlə cənnətə gedib çıxmaq istəyirsənsə, bunun yalnız bir yolu var ki, o da übudiyyətdir. Yəni Allah qarşısında baş əymək. Allaha itaət etmək haqqında necə söz vermişiksə, elə də əməl etməliyik. Allaha eşq bağlamağın və onu sevməyin əlaməti var.

Quran «Ali-İmran» surəsinin 31-ci ayəsində buyurur: «Ey Allahın rəsulu Sən onlara de! Əgər siz Allahı sevirsinizsə onda Məndən (Peyğəmbərdən) itaət edin ki, Allahda sizi sevsin; Sizin günahlarınızdan keçib bağışlasın. Allah bağışlayan və mehribandır.»

Peyğəmbər (s) bizə iki şey tapşırıb. Quran və Əhli-beyt. Əhli-beyt sizə Quranı təfsir edəcək, siz də əməl edəcəksiniz. Ayələrin qaranlıq hissələrini siz özünüz aça bilməzsiniz. Bunları onlar sizə açıb başa salacaqlar. Sizə həm qanun və proqramm, həm də rəhbər təyin edirəm. Siz bu yolla getməlisiniz. Onları bir-birindən ayırmamalısınız. Onlar ayrılıqda heç biri qəbul edilmir və heç biri ayrılıqda İslam deyil.

İslam Peyğəmbəri (s) buyurur: «Əgər Allaha itaət, Qurana əməl edir və bunlarla yanaşı Əhli-beytə məhəbbət bəsləyirsənizsə, qarşıda sizi gözləyən mərhələ də bunlar sizin üçün mənfəətli olacaq. Heç bir narahatçılıq sizi qorxutmasın. Mənə və Əhli-beytimə qarşı olan məhəbbət yeddi yerdə sizə mənfəət verəcək (gərəkli olaraq fayda verəcək) Onlar (mərhələlər) çox qorxulu olan keçidlərdir. Həmin məhəbbətin xeyrini öləndə qəbirdə diriləndə (qiyamət günü diriləndə), namələr paylananda, məhkəmədə, tərəzi qurulanda və Siratı keçərkən görəcəksiniz.

«Fəcr» surəsinin, 28-29-30-cu ayələrində buyurulur: «Ey arxayın, ruhu asayişdə olan nəfs (insan və ruh), Allaha tərəf qayıt. Halbuki sən Allahdan razısan, Allah da səndən razıdır. Mənim bəndələrimin içinə, mənim behiştimə daxil ol!»

Bir nəfər İmam Sadiq (ə) dan soruşur:

-Ağa Əzrail möminin canını alarkən o narahat olacaqmı? Həzrət buyurdu:

-Xeyr. Əzrail onun canını almağa gələrkən mömin əvvəl qorxur. Əzrail ona deyir ki, məndən qorxma. And olsun Allaha ki, bu gün mən sənə anadan və atadan mehriban olacağam. Narahat olma, aç gözlərini, bu Peyğəmbər (s), bu Əli (ə) bu İmam Həsən (ə), bu da İmam Hüseyn (ə) -dır. Dörd məsumu ona göstərərək deyər ki, bax, bunlar sənin dostlarındır. Səni qarşılamağa gəliblər. Sonra həmin möminə belə bir nida gələr. «Ey azad, asayişdə olan mömin, Əhli-beyti görəndən sonra ruhu dincələn mömin, indi onlara qoşulub Allaha tərəf qayıt! Çünki, sən onların vilayətinə razı olmuşdun. Allah da sənə razı olmuşdu. Mənim bəndələrimin arasına və onlarla birlikdə mənim cənnətimə daxil ol!» Mömin bunları eşitdikdən sonra heç bir dəqiqə də olsun belə bu dünyada yaşamaq istəmir. Onun ruhu onlara qovuşmaq üçün tələsir.

Vilayəti yer üzündə insan üçün Allah imtahan qərar verib.

Hədisdə buyurulur: «Dünyadan gülə-gülə getmək istəyən adam İmam Rzanı (ə) ürəkdən çox istəməlidir. Siratdan keçərkəq Əhli-beyt məhəbbəti gəlib sizi tapacaq.»

Haris adlı bir nəfər nəql edir ki, günorta vaxtı idi, otura bilmədiyimi görüb Əli (ə)-ın yanına gəldim. Həzrət mənə baxıb dedi:

-Haris günün bu istisində sən nə yaxşı bura gəldin.

Dedim ki, ağa, məhəbbətim coşdu və sən yadıma düşdün. Gəldim ki, səni görüb qayıdım. Həzrət dedi:

-Haris əgər bu məhəbbətin səmimi qəlblə olsa, bu bir neçə yerdə sənin dərdinə dəyəcək ki, onların biri də sirat körpüsüdür.

«Saffat» surəsinin 23 -cü ayəsində buyurulur: «Qiyamətdə insanlar gələrkən, deyəcəklər ki, onları saxlayın, onlardan sual olunacaq».

Hakim Həskani deyir: Peyğəmbər (s) buyurur: «Mənimlə Əli (ə) ikimiz sirat körpüsündə dayanacağıq. İnsanlar oradan keçərkən onları saxlayıb sual verəcəyik. Əlinin (ə) vilayəti haqqında soruşacağıq. Əgər Əlinin (ə) vilayətində olsa, keçəcək, olmasa, oradan cəhənnəmə göndəriləcəklər. 23-cü ayənin mənası budur. («Şəvahidut-tənzil», cild 2, səh: 107.)

Ənəs İbni Malik deyir ki, mən özüm Peyğəmbərdən (s) eşitdim ki, buyurur: «Qiyamət günü biz adı sirat olan, cəhənnəmin üzərindən keçən körpünün üzərində dayanacağıq. İcazəsi olanlar keçəcək». Onun nə olduğu soruşulduqda buyurdu: Bu, Əlinin (ə) vilayəti vəsiqəsidir.»

Peyğəmbər (s) Salmana buyurur: «Ya Salman, kim qızım Fatiməni sevir və ona məhəbbət bəsləyirsə, bu məhəbbət 100 yerdə onun dadına çatacaq ki, onlardan biri də mizandır.»

Yenə həzrət buyurur: «Şəban ayı kim mənə çoxlu salavat desə, bu salavat mizanda onun dərdinə dəyəcək. Salavatlar əməli yüngül olanların tərəzisinə qoyulduqda tərəzi ağırlaşacaq.»

Əhli-beyt özü Cənnətdir. Bəzi hədislər deyir ki, cənnət nədir, onlar cənnətdən də üstündür.

Allah bir neçə yerdə fəxr edir. Biri möminlər gecələr durub namaz qılıb, namazdan sonra zikr edib, yorulub yuxuya gedikləri zaman. Digəri kərbəlada imam Hüseyn (ə)-ın üzünü isti qumlar üzərinə qoyub Allaha müraciət etdiyi məqamdır. Başqa bir yer Fatimeyi Zəhranın (s) rüküsüdür. Xanım Allah qarşısında 100 dəfə rükuya getməkdən doymur. Allah göyün hicabını çəkib mələklərə deyir: Baxın, deyirdiniz, yaratma! Mən bu bağı, bu bitkiləri, bu çəməni o gülə görə yaratmışam. Allah Fatiməyə baxıb fəxr edir.

Əli (ə) Peyğəmbərin (s) yerində yatarkən Allah yenə fəxr etmişdi. Cavanlığında Allaha səcdə edib itaət edən gəncə baxıb Allah fəxr edir. Günah qarşısına çıxarkən Allaha günah etmir. Yenə Allah mələklərə baxıb deyir: baxın, o günah edə bilərdi, amma mənə görə etmir. Allah bu yerdə də fəxr edir.

«Bağban bir gülə görə bağa su verir, alaqlar da ona görə su içir».

Allah mələklərə buyurur: Mən həmin bu insanlara Cənətdən də yuxarı bir məqam verəcəyəm. Peyğəmbər (s) və Ali Peyğəmbərin (ə) camalının ziyarətini onlara bəxş edəcəyəm. Mən öz camalımı Peyğəmbər (s) və Ali Peyğəmbərin (ə) simasında onlara göstərəcəyəm.

Peyğəmbər (s) meraca gedərkən Allah ona nəsihət verdi: Ya Rəsulallah iki, əməl var ki, onu edənlərə qiyamət günü Mən ona nəzər edəcəyəm. Peyğəmbər (s) soruşdu ki, ilahi sən onları kimə verəcəksən?

Allah: Qarnını haramdan, dilini yalandan qoruyanlara.


Yüklə 1,01 Mb.

Dostları ilə paylaş:
1   2   3   4   5   6   7




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə