42
- İra, məni hövsələdən çıxarma! Bunun kimin işi olduğunu
həmən mənə söyləyəcəksən! Yoxsa, səni də bitirərəm! - Vaqif
İradəni hədələdi.
Həmin gün söhbət ancaq mübahisə ilə bitdi. Vaqif əvvəlcə
İradəni təhdid etdi, amma qız onun qarşısından qaçmadı, onu
tutarlı faktlarıyla özünə tabe etməyə məcbur etdi. Artıq
biznesmen İranın arxasında kiminsə dayandığını anladı və
bundan sonra onunla danışığında səsinin tonunu alçatdı. İra
söhbəti həmin gün qəsdən yarımçıq saxladı və gedərkən
Vaqifə sabaha kimi vaxtının olduğunu xatırlatdı.
Ertəsi gün səhər tezdən Aslan hövlnak İradəni yanına
çağırdı və ondan Vaqif Məmmədovla aralarında nə baş
verdiyini öyrənmək istədi. İra heç nə olmamış kimi, özünü çox
təmkinli apararaq, bu işin yalnız ona aid olduğunu bildirdi. Baş
redaktor da əvvəlcə İradəni hədələmək istədi, ancaq o, qızın
əlində Aslan barədə də tutarlı dəlil-sübutun olduğunu biləndən
sonra yumşalıb, quzuya döndü və xanım jurnalistlə daha
mehriban, daha ehtiyatla davranmağı qərara aldı. İradə baş
redaktorun nəzərinə çatdırdı ki, əgər o, Vaqifin işinə hər hansı
vasitə ilə müdaxilə etməyə cəhd göstərməyə çalışarsa, o
zaman İra onunla Vaqif arasındakı danışığı da lazım olan
yerlərə çatdıracaq. Bunu eşitcək, Aslanın bənizi qaçdı, nitqi
tutuldu, gözlərindən yalvarış dolu baxışlar sezildi, yazıq
görkəm aldı...
Axşamtərəfi Vaqif zəng vurub, İra ilə görüşmək istədiyini
bildirdi. Bu görüşdə o, videodiskə görə İradə ilə bazarlıq
etməyə məcbur oldu və xanım jurnalistdən diskin qiymətini
soruşdu. İra ona əlli min dollar oxudu. Vaqif isə məbləğin çox
olduğunu bildirdi. Sonra İra bəyan etdi ki, əgər bu disk lazım
olan yerə çatarsa, o zaman o, heç yüz min dollarla da canını
qurtara bilməz. Ən sonda Vaqif videodiskə 20 min dollar
verməyə razı oldu və tərəflər anlaşdı.
Ertəsi gün İra surəti çıxarılmış üç videodiski də gətirib,
Vaqifə təqdim etdi və müqabilində ondan iyirmi min dollar aldı.
43
İradə pulu alan kimi, Raziyəyə zəng vuraraq onu evlərinə
dəvət etdi. Raziyə İragilə gəldi. İra gülərək “əməliyyat”ın uğurla
nəticələndiyini sevinclə rəfiqəsinə söylədi.
- Raziyə, al bu da sənin payın, - deyə İra Raziyənin qarşısına
on min dollar qoydu.
- İra, bilirsən
ki,
mən bu pulları götürə bilmərəm. Bunlar haram
pul hesab olunur. - Raziyə pulu götürməkdən imtina etdi.
- Sən nə danışırsan, Raziyə? Nə halal, nə haram? Bu pulu
qazanmaqda zəhmətimiz olub; buna görə planlar qurmuşuq,
gecələr yatmayıb fikirləşmişik, qorxu, həyəcan keçirmişik,
özümüzü hətta, alçatmışıq da. Bəs bütün bunlar səncə iş,
zəhmət hesab olunmur?!
- İra, mənə haram pul lazım deyil. Mən övladıma heç
zaman haram tikə yedirtmərəm. Haram şeylərin
fəsadları çox ağır olur. Oxuduqlarımdan bilirəm ki,
haram mal qazanan şəxsin həcci və ümrəsi Allah
dərgahında qəbul deyil. Məhəmməd Peyğəmbər (s)
buyurur ki, “haram yeyərək ibadət etmək, qumun və ya
başqa sözlə desək, suyun üzərində bina tikməyə
bənzəyir.” Allahın Peyğəmbəri (s) daha sonra buyurur: “Bir
tikə haramdan imtina etmək, Allaha iki min rikət müstəhəbb
namaz qılmaqdan daha xoş gəlir.” Belə bir rəvayət də
olunur ki, Musa peyğəmbər ağlayaraq, Allaha dua edib
yalvaran bir şəxsi gördü. Allah tərəfindən Musaya
xəbər gəldi ki, o nə qədər dua etsə də, onun duası
qəbul olmayacaq. Çünki onun qarnında, belində və
evində haram vardır.” Daha sonra Allahın Rəsulu (s)
buyurur: “Duasının qəbul olmasını istəyən şəxs
yeməyini və qazancını haramdan təmizləməlidir.”
İra, yəni bunları sənə deməkdə məqsədim haram
yeməyin nə qədər böyük günah olduğunu bildirməkdir.
Mən bu pulu hec vaxt götürə bilmərəm, - deyə Raziyə
qəti etirazını bildirdi.
44
- A-a-a-z, nə deyirsən? İndiki zamanda bir insan məxluqi
mənə göstər ki, halal yolla pul qazanmış olsun? Vallah, billah
sənin başın xarab olub. Sənin zənn etdiyin o Allah adamları
da, Hacılar da halal pul qazana bilmirlər. İndi halalla haram bir-
birinə elə qarışıb ki, kimsə onu ayıra bilməz. Sən mənə inan,
bacım.
- Xeyr, İra. Son dəfə deyirəm, mən bu pulu götürməyəcəyəm,
daha üz vurma! - Raziyə rəfiqəsilə aralarındakı mübahisəyə
nöqtə qoydu.
- Yaxşı, onda özün bil. Allah sənin qəlbinə görə versin! Tanrı
yolunu daim açıq eləsin! Allah səni heç zaman kimsəyə
möhtac etməsin! Elə isə sənin barəndə başqa bir şey
düşünmüşəm. Raziyə, əvvəlcə günü bu gün hər ikimiz ərizə
yazıb işdən çıxaq. Sonra səni bir Allah adamı ilə tanış
edəcəyəm. O, insan əsl sən düşündüyün adamlardandır. O da
sənin kimi, namaz qılıb, oruc tutur, həm də zəngin adamdır;
istər mənəvi cəhətdən, istərsə də maddi cəhətdən. Onunla
tanış olandan sonra mənə haqq qazandıracaqsan və hələ bir
mənə çox sağ ol da deyəcəksən ki, səni belə bir adamla tanış
etdim. O, səni yaxından tanıyandan sonra, istənilən köməkliyi
sənə edəcək. - İra gülümsəyərək Raziyəni qucaqladı.
Ertəsi gün onların hər ikisi işdən çıxmaları barədə ərizələrini
yazıb, baş redaktora təqdim etdilər. Baş redaktor onlardan
xahiş etdi ki, işdən çıxmasınlar. Amma...
İradənin tanış etdiyi adamın ayağı Raziyəyə düşərli oldu. Bu
tanışlıq Raziyənin gələcək həyatını büs-bütün dəyişdi. Raziyə
həmin xeyirxah insanın köməyi ilə orta məktəbdə dil-ədəbiyyat
müəllimi kimi işə girdi. Bundan sonra Raziyə maddi cəhətdən
çəkinlik çəkmədi. Onun köməyi vasitəsilə Raziyənin Həcc
ziyarəti də gerçəkləşdi. İndi ona, “Hacı Raziyə xanım” deyə
müraciət edirlər. O bu müraciətdən çox məmnun qalır. Uzun
illərdən bəri qəlbindəki gizli saxladığı arzusuna qovuşmuşdu
Hacı Raziyə xanım.
Dostları ilə paylaş: |