Camal Zeynaloğlu
Yüklə 1,18 Mb.
|
21
- Bəli, yazı hazırdır. Buyurun, baxın, - deyə Raziyə istehsalat sahəsində çalışan bir müdirdən hazırladığı müsahibəni baş redaktora uzatdı. Baş redaktor yazıya gözucu baxıb soruşdu: - Bəs müdir sizə başqa bir şey vermədi? - Başqa nə verəsiydi ki, Aslan müəllim? - Raziyə təəccüblə gözlərini döydü. - Necə nə verəsiydi?! Bundan əlavə, müdir sizə bir məktub da verməliydi.- Aslan müəllim sifətini bozartdı. - Mən müsahibəni götürəndən sonra müdir mənə nəsə verməyə çalışdı, ancaq mən buna imkan vermədim. - Siz bacarmadığınız işi, İra xanım bacardı. Eybi yoxdur, hələ yenisiniz, tezliklə siz də belə şeylərə alışacaqsınız. - Baş redaktor kresloya yayxındı. - Siz mənim tövsiyələrimə əməl etsəniz, bu sahədə siz də böyük uğurlar qazanarsınız. Çünki sizin ağlınız, fərasətiniz, gözəlliyiniz, diqqəti ilk anda cəlb etməyiniz, xoş təbəssümünüz imkan verir ki, siz İra xanımdan daha qabağa gedəsiniz. - Mən ancaq mənə aid olan işi görməyi xoşlayıram, Aslan müəllim. Digər işlər mənlik deyil. - Raziyə də söz altında qalmadı və baş redaktora anlatdı ki, o, çörəyi qulağına yemir. - Digər işlər deyəndə, nəyi nəzərdə tutursunuz, Raziyə xanım? - Aslan müəllim işçisini gözaltı süzdü və qımışaraq soruşdu. - Yəni, İra xanımın gördüyü işləri nəzərdə tuturam. - Raziyə bu dəfə çəkinmədən hədəfə sərrast “atəş” açdı. - İra çox zirək qızdır, başqalarının bacarmadığı müşkül işləri o, həll edir. Redaksiyadakı oğlanların heç birisi İranın yerişini yeriyə bilməz. Bir sözlə, İranı dəyirmanın boğazına ölü atsan, oradan diri çıxar. Onu hara göndərirəmsə, heç zaman əliboş geri qayıtmayıb. Əsl işçi belə olar. - Baş redaktor Raziyə xanıma bununla sanki yanmışlıq verdi. - Aslan müəllim, yazıya baxmayacaqsınız? - Raziyə pörtmüş və əsəbi halda soruşdu.
22
- Siz gedə bilərsiniz. Yazını oxuyandan sonra özüm sizi çağıracağam. – Baş redaktor sanki bu “cansıxıcı” xanımdan tez qurtulmaq istədi. O, Raziyənin sifətinin haldan-hala düşməyindən anladı ki, söhbəti bir az da davam etdirsə, burada nəsə xoşagəlməz anlar yaşana bilər. Raziyə bir söz demədən, sakitcə baş redaktorun otağını tərk etdi. O, dəhlizə çıxanda İranın bir oğlanla xosunlaşdığını gördü. İra da Raziyəni görən kimi, oğlandan aralanıb ona yaxınlaşdı və gülərək dedi: - Raziyə xanım, yeni işiniz xeyirli olsun. Eşitdim ki, bizim redaksiyada işləyəcəksiniz. Bu lap yaxşı oldu. Mən inanıram ki, bizimki bir-birimizlə tutacaq. - Çox sağ olun, İra. Hardan bilir... - A-a-a, adımı da bilirsiniz. Gördünmü?.. - Hardan bilirsiniz ki, bizimki biri-birimizlə tutacaq? Ancaq mən elə düşünmürəm. Biz fərqli dünyanın adamlarıyıq, İra xanım. - Raziyə ilk söhbətdən İranı sancdı. - Mən tez inciyən xanımlardan deyiləm. Beləliyimə baxma, Raziyə, mən yaxşı rəfiqə, etibarlı və sədaqətli dost, yoldaş üçün canımdan keçməyə hazır olan qadınlardanam. Təki məni qəlbən başa düşən insan olsun. – İra sifətinə ciddi görkəm verdi. Bu zaman baş redaktorun katibəsi qapını açıb dəhlizdə bizi görcək dedi: - İra, mən də telefonla səhərdən səni axtarıram. Tez ol, Aslan müəllim səni çağırır. - Nə oldu, bu kişiyə belə? Elə indicə onun yanından çıxmışam ki. Deyəsən, mənimçün darıxıb a... Raziyə, bir yerə getmirsiniz ki?
- Xeyr, xeyr, buralardayam, otaqda olacağam. - Yaxşı, mən bu dəqiqə şefin yanına girib, çıxıram. Sizinlə daha yaxından tanış olmaq istəyirəm. Otaqda ol, indi gəlirəm, - deyə İra baş redaktorun yanına tələsdi. 23
Çox keçmədi ki, İradə baş redaktorun yanından çıxıb, Raziyəni görmək üçün kompüter otağına girdi. Raziyə nəsə yazırdı. - Raziyə, gəl aşağı, çayxanaya düşək. Orada rahatca söhbət edərik. Narahat olma, çaylar məndəndir, - deyə İradə ərkyana Raziyənin qolundan tutub, ayağa qaldırdı. Raziyə də İranın sözünü yerə salmadı. Onlar birlikdə pilləkənlərlə çayxanaya düşərkən üç dəfə ayrı-ayrı oğlanlar İranı saxlayıb, bir neçə dəqiqəliyinə onunla nə barədəsə söhbət etdilər. İradənin bu hərəkəti Raziyəyə heç də xoş gəlmədi. İradə bunu Raziyənin narazı baxışlarından dərhal anladı və gülərək dedi: - Bağışla, Raziyə. Görürsən də oğlanlar imkan vermirlər. Bunların hamısı belədir. Görüm bunların... Amma kişilərin nəsli kəsilsə, bəs biz qadınlar onlarsız nə edərik? – İra bərkdən qəhqəhə çəkib
güldü. - Bilmirəm, bu nəşriyyatın havasındandır, yoxsa nədəndir, buraya ilk dəfə qədəm qoyan hər bir qadınla kişilər həmən maraqlanmağa başlayırlar. Bax, gördünmü, məni saxlayıb söhbətə tutanların hər üçü səninlə maraqlanırdı. Kimdir, nəçidir, subaydır, evlidir, boşanıbdır, daha nələr, nələr... Bax, Raziyə budur sənə deyirəm. Onların heç birinə fikir vermə. İlk günlər sənin zəhləni tökənlər çox olacaq. Onlarla mülayim davrandın yanacaqsan, səndən əl çəkməyəcəklər. Yox əgər... - İra, mən uşaq deyiləm ki, bu cür məsləhətlərə ehtiyacım olsun. Sən bu barədə narahat olma, onların öhdəsindən necə gəlməyi bilirəm. - Raziyə İranı arxayın saldı. Çayxanada İra ilə Raziyə lap küncdəki boş stolda əyləşdilər. İra çay sifariş verdi və sonra üzünü Raziyəyə tutub soruşdu: - Raziyə, nahar da edəkmi? - Xeyr, xeyr. Mən ac deyiləm. Əgər istəyirsənsə, sən nahar edə bilərsən - Raziyə dedi. - Xeyr, mən də toxam, sənə görə deyirdim. - İradə çay sifarişiylə kifayətləndi. Yüklə 1,18 Mb. Dostları ilə paylaş:
|